طيلة ما الكيزان ضد الحريات والديمقراطيات وبـعتبروها كفر وفجور .. لا تجعلوهم يستمتعوا بها .

الحرية لمن يستحقها .

من الملاحظ لبعض الناس من المطبليين والمرتزقة والرماديين
الدفاع المستميت عن سلوك تجار الدين العاملين فيها هم رسل
اليوم !!! يعني اول ما تحاول تعري هولاء الساقطين ينطوا ليك
في حلقك ويقولوا ليك دي حريتهم الشخصية !!! بالرغم من محاربة
هولاء المبتذليين لكل الحريات والديمقراطيات الخاصة والعامة والتي
يعتبروها كفر وفجور وفسوق !! طيب ليه نخليهم هم يستمتعوا بيها ؟

كتب لي احدي الفيسبوكيين هذا الكلام !!!

Quote: Yousif Idris · يعمل لدى ‏في اماكن مختلفة جداً‏ يا عمسيب تحلي بالشجاعة والصدق ولو مرة واحدة انتي حبتي صورة شيخ زفت بصورته المبتذلة ومغطية عورتو بصندوق احمر عليه كتابات، ولم وعيتي مشيتي مسحتيها وجبتي صورة الوالي مع الخواجة، قبل كدا برضو سبيتي الدين في بوست لدكتور محمد حسن لم قنع من البوست حقو وجريتي مسحتي الكتبتي، بالله انتي فرقك شنو من الكيزان ما ياها طينة واحدة نفس الكذب والتهرب لحظة وقوع الخطأ، ودي زلة لن تغفر لك، وبعدين قلتي ما ضد الحريات الشخصية، طيب الزول العجوز المبتذل متصور في ميدان أبو جنزير ما متصور في بيته، مالكم كيف تحكمون، أف لكم ولآلهتكم وما تعبدون ..!! رد · أعجبني

يا ادريس انا ما جبت صورتو جابوها لي لهذا المبتذل . اها انا اخطأت وعالجت خطئي لو في سب دين ولا انزال صور ما لائقة
بالنسبة لي وحذفتها . اها هم البراجعهم شنو من فعائلهم الساقطة واحترموا ربهم قبال الناس ؟ وهنا دا الفرق يا ادريس
البيني وبينهم انا انسانة بتراجع في لحظات الخطأ لكن هم بزيدوا فيهو .. وفي النهاية بقول ليك المفيد ومختصر لا حرية لما
لا يستحقها ولا يؤمن بها طيلة ما الكيزان ضد الحريات والديمقراطيات الخاصة والعامة ومصادرتها هم لا يروا منا ما يجعلهم يستمتعون
بها دا اخر قرار ولا تراجع . ومشكور علي اساءتك لي .