Post: #1
Title: قتلو البصل،،البصل،،خالف كلامي زرعا سمسم،،،غنية وطارت...
Author: عبدالعزيز عثمان
Date: 11-16-2014, 03:50 AM
قتلو البصل،،البصل،،خالف كلامي زرعا سمسم،،،غنية وطارت...
ياخي حكاية عجيبة خلااس..
بعد ماتقرب،،الم فيك زول صيدو ناجع
اضربا اشتته...
اها...
اسمعوا ...
|
Post: #2
Title: Re: قتلو البصل،،البصل،،خالف كلامي زرعا سمسم،،،غنية وطارت...
Author: عبدالعزيز عثمان
Date: 11-16-2014, 04:13 AM
Parent: #1
محمد اخوي حظو كعب..
وراسو قوي..
قتلو يازول انا حظي سمح مع الزراعة..
دحين ازرع بي قسمتي..
زمااان،،الكرتلة طوالي بتقع لي..
حبوبتي بتقول لي حرام،،،اقوم اقسما للجماعة..
مرة ياجماعة،،والله انا لاني قمرتي،،ولا بعرف القمار،،اقنعني التوم ود جدي الحاج نلعب توتو كورة...
انقر ما ضربت..
ابوي الله يرحمو عرف..
انا ذاتي كت درفون،،ما اتكلفت..
لكن تقول شنو..
كدي بحكيلكم،،الحكاية جائطة..
خلوني اميزا في بالي..
|
Post: #3
Title: Re: قتلو البصل،،البصل،،خالف كلامي زرعا سمسم،،،غنية وطارت...
Author: يوسف أبو صالح
Date: 11-16-2014, 04:15 AM
Parent: #1
سلام يا عزو
يا زول الزراعة فى السودان قمارة ولا ودتك فوق اما جابتك تحت التحت
لانو ما فى بنية زراعية من معدات نقل وتخزين وتبريد وتعليب وتجفيف ووووو يعنى يوم الحصاد دا مجبور تبيع كان بى ربح ولا خسارة
|
Post: #4
Title: Re: قتلو البصل،،البصل،،خالف كلامي زرعا سمسم،،،غنية وطارت...
Author: عبدالعزيز عثمان
Date: 11-16-2014, 04:53 AM
Parent: #3
يوسف،،يا صديق..
رايتها حلما،،الف سنبلة مثقلات ثمرا،،وحقل زاهي بما تنبت الارض..
رايتها بشارات وشواهد..
خبرتها منذ طفولتي وشبابي الاول...
اهرب من داخلية مدرسة ابي عشر لالحق بابي كل عصر بالحقل..
وتوالي العشق..
اوصاني بها ابي خيرا
وسندتني حين مكر السوق والماكرين،،حتي عرفت حيلهم،فبعدت عن مغالبهم.
وهانذا في مغرب الارض،غربا
اداور في ارض الخواجات عن ارض ازرعها
وكلي يقين ،،اني قبل ان اتوسد البارده
موعود بغنية اتقاسم خيرها
مع عشيرة واحباب
وماذلك علي الله ببعيد
اها نجي لي موضوعنا
|
Post: #5
Title: Re: قتلو البصل،،البصل،،خالف كلامي زرعا سمسم،،،غنية وطارت...
Author: عبدالعزيز عثمان
Date: 11-16-2014, 07:00 AM
Parent: #4
الزراعة قدح نبي،،ياكل منها كل غاشي وماشي،طير وحيوان..
ثم اذا احسن المرء مواقيتها،حرثها،تحضيرها،عينتها،ورعايتها
فليبشر برزق عظيم...
نحن ياجماعة عندنا مشكلة،قام بي جماعتو....
بصل...كلنا
طماطم...كلنا
كبكبي.كلكنا
سمسم،،،ملايين الافدنة...
والسلعة مطلوبة،غالية ومجزية
ولكن من هو العقل الرشيد المدبر
المخطط الواعي
الذي يتعهد الزرع حتي التسويق
لا احد...
عشان كده ،،،يضيع خير كثير..
ونجي لي موضوعنا...
طبعا الجماعه مشغولين هنا بحرب النجوم
مواضيع ناسنا المساكين ديل مشغولين ماعندهم ليها وكت...
بس وينن ترابلتنا
القرشي سليمان،ابراهيم الشفيع
نشوف معاهم موضوعنا ده.
الدنيا سبت واحد وصقت..
|
Post: #6
Title: Re: قتلو البصل،،البصل،،خالف كلامي زرعا سمسم،،،غنية وطارت...
Author: حسين ديقول
Date: 11-16-2014, 09:17 AM
Parent: #5
سلام أستاذنا
مثلنا بيقول بيع البصل بما حصل
العبارة سمعتها وأنا طفل في سوق السبت بالدامر
فالبصل يا عزيزي يا غناك يا فقرك ما أظن عندو مرحلة وسطى
وأذكر في العام الفائت أشتكى مزارعو نهر النيل من كساد عام
في البصل وترك أغلبه في المزارع لترعى فيه
|
Post: #7
Title: Re: قتلو البصل،،البصل،،خالف كلامي زرعا سمسم،،،غنية وطارت...
Author: عبدالعزيز عثمان
Date: 11-17-2014, 05:01 AM
Parent: #6
حسين ياصديق...
ياخي والله وجعة بلدنا تشق..
لقد رايت بعيني..
وزرعت بيدي هاتين
ارضنا هذي البتول
فانتجت ما لا يضارع في العالم
لقد انتج فدان الذرة في عام ٢٥ جوالا
واما الطماطم والبصل،،فاسكت بس
انتاج مهول
لكن ياساعي وين الراعي...
|
Post: #8
Title: Re: قتلو البصل،،البصل،،خالف كلامي زرعا سمسم،،،غنية وطارت...
Author: ملهم كردفان
Date: 11-17-2014, 05:28 AM
Parent: #7
عزو كيفنك ياصاحب
ودائما متابعه مستحقه
سؤال
صحي في زول ايده خضره وزوول ايدو ناشفه?
البوست بتاع زولكم المقندل حلو تمو لينا بالله
إحترامي
موبايلي ده مرات برص الكلام بمزاجو شئ غريب ياخ !!!
|
Post: #9
Title: Re: قتلو البصل،،البصل،،خالف كلامي زرعا سمسم،،،غنية وطارت...
Author: عبدالحفيظ ابوسن
Date: 11-17-2014, 07:33 AM
Parent: #8
سلام للجميع
شوال البصل اليوم 470 ج
قنطار السمسم بي ورقو 420 ج
يعني شوال السمسم قنطارين
تكلفة السمسم عالية وقنطارو حصل مليون قبل فترة
|
Post: #10
Title: Re: قتلو البصل،،البصل،،خالف كلامي زرعا سمسم،،،غنية وطارت...
Author: cantona_1
Date: 11-17-2014, 08:33 AM
Parent: #9
الأخ عبد العزيز بعد السلام... جيتنا في موضع الألم والأمل
كما تفضلت الزراعة هي قدح النبي. كان والدي عليه الرحمة يقول لي: لو الزراعة ما دخلتنا الجنة تاني مافي طريقة. وكان يقول ازرع بمالك وما تشيل من البنك. مالك بروح والبنك بطاردك وبدخلك السجن.
الزراعة مواقيت ومحاسبة accounting خاصة حساب التكاليف. المفروض المزارع يزرع السلعة القابلة للتخزين وذلك لما ذكرت انه لا توجد سعات تخزينية مناسبة من حيث الكم والكيف في السودان بطوله وعرضه.
زر قناتي في اليوتيوب من فضلك واشترك فيها
https://http://http://www.youtube.com/user/KabbashiSudanwww.youtube.com/user/KabbashiSudan
كبـّاشي الصافي
|
|