انا عايز جزمة ما عربيه كورلا#

هل انتعال الحذاء حق قانوني ودستوري لكل أنسان علي سطح الارض والله دي أعتقادي طبعا أخوك المرة دي ما أزمة عاطيفة وبنات حوا ختيت ليهن القدورم
عندي حذاء قول جزمة يا جزمة ما معكم دا ليه هي بتاعت أخر شكوش خليجي 2014 وجزمتي دي عاشت معي سنوات خدمت وكانت عابرة للشوارع والازقة والميادين
وكل خور وناضلت في ظروف الخريف وجابت معي السودان العاصمة والاقاليم حتي زالنجي مشت وأنتعلتها بكل ثقة لانها في عهدها الاول كانت غالية من أحد البيوت الايطالية
في صناعة الاحذاية وكلفت العبد لله مبلغ محترم من المال في وقتها ولكنها يا شباب بعد عمليات صيانة وتجميل وترقيع أصبحت غير قادرة علي الحركة تماما تتوسل بي ليل نهار
بالاسراع في الدفن أو ممارسة فضيلة الموت الرحيم معها وقررت بشجاعة الفرسان وعنجهية المثقفين وطيبة أهلنا أن تذهب جزمتي الي الاخرة مأسوف عليها وأخلدها في الاسافير
بموكب مهيب وبدات في التفتيش في أوضتي كلها عواليق ورق عامل فيها فاهمان وأنا أكبر جهلول في التاريخ طبعا كان البحث عن جزمة نص عمر تكل المشوار وفي البيت ما عندنا جزامة
اي دولاب صغير من الخشب به أرفف يحفظ الاحذية في بيوت العوائل الكبيرة والله ما عندنا انا ما كضاب الجزم مجدعه في كل مكان زي بيت العزابة وذاتو النوع من الاثاث اللي بجعل
كل شيء خاص بالاستخدام الادمي في محلو بخلي الحياة ما حلوة وكمان محدد في وجودو بالعاصمة عند الجماعة بتاعين الاستلاب الثقافي ديك عرفتوهم
بدات جاد أبحث عن جزمة تخدمني مقابل المشاوير الطويلة والشتاء داخل كمان والزحف في حرارة وكذلك حجار أمدرمان وتضاريس الازقة بتاعت مصادر البهجة والمزاج
وتكون خفيفة تساعد علي الجري من ناس النظام العام ليلا
ولكن بكل أسف وجدت كل الموجدات فارقوا الحياة منذ سنوات وليس هنلك سبيل لاعادتهن للعمل مرة أخري مهام كانت التكلفة أو نوع الجلد أو التعل اي الكعب كعب الجزمة
لا اردي أي ورطة هذه وما كيفية الخروج منها المهم قلت يا ولد نوم والان وأستمتع بنومة عميقة وبعدها أمكن يحصل تغيير نوعي في المواقف أو الواقع والاحوال المهم تنوم شوية لكين النوم
بحل قضية ولا السهر ممكن يجيب جزمة من بيت أزياء كبير قلت كدي أتصل بالاخوان في ديار الغرية ديل ممكن يعملوا حركة أغاثة ذكية ويرسلوا جزم مش جزمة عوينة أم صالح
الظاهر كنت متفاءل شديد وماعارف حقيقة الاوضاع بعد داعش والازمة الاقتصادية العالمية بدات الاتصالات واحد قال لو أشتريت الجزمة منو اللي ح يشيل جزمة من المنامة لافريقيا
التاني والله انا ما شغال لانو في تغيير في الشركة مع نهاية السنة والتالت زوجتي حسي في السودان وان قاعد أسدد ديون رحلة المدام الميمونة للسودان والرابع دا دبلوماسي قال مسافر
لزوج ود أخوي في لندن يا خي جزمة شنو أنت جنيت حسي متصل بي عشان جزمة
يا خي ناس قي قلوبو ما في رحمة أنا حفيان شحدت جزمة يا خي كفاية كدا شحدة وخليك منهم برجعوا معنا هنا بشوفوا العصر والضغط من الكيزان كيف !
لازم من أنتفاضة لحالتك دي يا جماعة أنا عايز جزمة ما عربيه كورلا يا خي دا سخق ذاتو بس أمشي حفيان انا من اليوم
المهم عندنا صندوق في الاسبوع بعشرين جنيه وعدد الاعضاء فيهو عشرين من صحفي ومحامي مغمور والحصيلة زي أربعمية جنيه كدا وأنا كمان عندي خرمجه كدا ما دفعت أسبوعين
والشباب عاملين معي مشاكل طرحت الفكرة وأني محتاج وقاعد كنب وأفقر من ضب في حايطة مستشفي حكومي بالسودان وقريت ليهم كتاب البؤساء من الغلاف للغلاف وجماعتكم بكوا
معي وخلاص الكل موافق بأنو الصرفة الجاية حقتي لكين بعد خصم أربعين جنية حقت الاسبوعين والسيد أمين الصندوق وعد بسرعة تحصيل الصرفة لكين مشاكل أنسان السودان ما بنتهي
وكانت سبب رئيس في أني ما أقبض الصرفة الود مختار محامي طلاقات سرقوا بيتو قعد زي من فقراء العاصمة القومية هو الاحق وجزمة شنو يا أبو الزهراء قوم لف كدا يا خي في جزم مستعمله
في سوق الحرامية أمشي شوف مفاسك الجزمة بخمسين جنيه أو أمشي أي مسجد أسرق جزمة والبس منو العارف أنها مسروقة
بالله ديل أصحاب كم بتاعين منحرفين أعداء للمواطن البسيط يودون أشاعة الفوضي بين أهلي زعلان منهم وقررت تاني ما اتكلم معي أي واحد فيهم سلفة جدا ديل يا خي
وقررت مناشدة مفوضية حقوق الانسان وديوان الزكاة وكتابة طلب وضعتو في أستقبال القصر الجمهوري وكمان رسلت برقية للامين العام للامم المتحدة
أسمعوا يا ناس بالجد أنا عايز جزمة ما عربيه كورلا ولا ح أمشي حافي وعريان عريان ما ممكن عشان قانون النظام العام
حسي بي ما تبقوا أنتو والدنيا والجكس علي
أنا عايز جزمة يا ناس .






تع

مقاسك كم يازهير ولو عندك زول جاي مصر وراجع انا برسل ليك جوز جزم والله أبشر
ألمواصفات شنوبوت ونص بوت واللا عاديه ديه وسابوو اللهي هو نص جزمه

سوداء وبنى غامق وإلا بني فاتح والا شامواه
طلبات،ك يا ابو الزهور

فكرة الجامع ما بطالة يا ابوالزهور
بس تنشن كويس .. النور او سنهوري وانت طالع
وانا بحللها ليك ..



ثم ما عندك مشكلة .. مني ليك واحدة كلارك محترمة بس
لمن اجي السودان ... مافي زول بشيل جزم حاليا :)

هيْ لكن يا أسامة يشيل جزمة زول ماشي يصلي عشان يجري بيها من ناس النظام العام بالليل !

تعيش يا ابو الزهور..
لقد صنعت يومي كما يقول المهمين..
وبعدين اللابس لها شنو...
اكان لابد من ذلك اقع جامع كافوري...
وعليك بجزمة شيخ عصام،،،باااارده وراقية..
انت زول لذيذ ياخ...

الاحباب
ملهم كردفان والاخ أسامة وأحمد شكرا علي التفاعل مع قضيتي العادلة لكي أنال حذاء يليق بمقام عاطل أبدي

المهم يا ملهم التفاصيل في الخاص
شكرا للمرور و المناصرة

يا صديقي عبد العزيز

تحياتي الكيزان ناس مراكيب وشباشب ساي أن ماعايز الا جزمة وكمان مستوردة
لك كل الود

تمام يا ابوالزهور

أمش اسمع كلام لي عبد العزيز وأسامة ديل لحدي ما تقع في جزمة بكري حسن صالح عشان يخمسوك ناس النظام العام والأمن و قوات الدعم السريع والجرائم الموجهة ضد الدولة

البورداب والبوردابيات الاعزاء
لكم كل الشكر علي الاتصال والاهتمام وأشكرالذين أكدوا أنهم شحنوا الحذا ء بالفعل والذي كانوا يسعون في أغاثتي بكم ومن الاحذية والجزم
أني غاية الامتنان لكم جميعا متعكم ربي بالخير والعافية وحقق لكم مبتغاكم أنه سميع مجيب
والشكر موصول لصاحب الحوش الذي جعل ذلك ممكنا في زمن العولمة
*وأخير تم أغلاق البوست في ساعته وتاريخ لتحقيقه الهدف
باي شباب

Quote: يا صديقي عبد العزيز تحياتي الكيزان ناس مراكيب

يا رااااااااااااجل.

مشتاقين يا ابو الزهور.

نشكر الأخوان الذين سبقونا بقضاء حاجة ابو الزهرا.
وكت اصلاً ما عندنا نصيب في الجزمة يا زهير انا علي القمصان.
رسّل المقاس ورقم التلفون في الخاس.

مودتي...