انظر الي حد الفساد الذي وصلت اليه شرطة المرور في السودان .................

ساروري هذة الحادثة التي حصلت لوالد زوجتي بالحارة التانية امدرمان واتمني ان يقوم كل من تعرض لشئ مشابة بتوثيقه ربما ياتي
يوم ترد فية كل الحقوق الي اصحابها ويحاسب هؤلاء المفسدين :-

كان يسير علي طرف الشارع بسيارتة التي كان يقودها ولده وعندما هدا من سرعتة ليتوقف عند المكان الذي يريده اصطدم بة سائق ركشة من الخلف
في حادث بسيط وعادي وانكسر الاستوب الخلفي لسيارتة الكورلا وبعد التوقف والحديث مع صاحب الركشة اتضح ان الركشة ليست لدليها اوراق اوترخيص
او حتي تامين فاخد عمي تلفون صاحب الركشة ورقمها وقام بابلاغ المرور وطبعا طال الوقت ولم تصل الدورية خلال هذة الفترة تجمع عدد من سائقي الركشات
وقامو بعمل حاجز امام منطقة الحادث وحينها تمكن صاحب الركشة من الهروب من مكان الحادث وبعد وصول الدورية واخد بيانات الحادث قامو باخذ بيانات
الركشة وتلفون ورقم اللوحة وطلبو من عمي التواصل معهم بعد يوم او يومين ...المهم بعد ذلك وعندما اتصل مرة اخري بالشرطة قالو لة بالحرف الواحد
ان الحادثة قيدت ضد مجهول وعلية مراجعة التامين لاسترداد قيمة الخسائر وطبعا لايمكن لاي شخص (عمليا) استرداد اي مبلغ من شركة التامين لذلك بدلا من اضاعة
الوقت قام فورا باصلاح السيارة من جيبة الخاص ونسي الموضوع ومرت فترة وبالمصادفة يجد نفس سائق الركشة الذي قال لة ياريتني لو سمعت كلامك ودفعت
ليك حق الاستوب لان ناس الشرطة ديل سكوني جنس سك وهددوني بمصادرة الركشة والسجن بتهمة الهروب واضررت لدفع مبلغ ثلاثة مليون رشوة ليتركوني
بسلام ...

يبدو الامر كشبكة متكاملة ومتناسقة فالمسؤلين من البلاغات يقيدون الحادثة ضد مجهول حتي يتم شبك المتضرر مع شركة التامين --عصفورين بحجر واحد ..
تبدا مجموعة اخري بالاتصال بالمتسبب بالحادث وتهديدة بالسجن والغرامة بتهمة الهروب وتبدا عملية الابتزاز والمطارادات حتي يدفع المتهم (المجهول)
ضريبة الهروب والحادث................واذا افترضنا انة يوجد مراجع او جهة عليا لها الحق في مراجعة بلاغات المرور والتحري من صدقيتها
فهذة ايضا ضمن الشكبة وكذلك مسؤول التامين الذي يفترض منة التاكد من ان الحادث ضد مجهول او محاولة التواصل مع الطرف التاني للحادث لتثبيت المعلومة
هو ايضا اما متاكسل او داخل في نفس المنظومة ...في احتراف اكتر من كدا......

Quote: لان ناس الشرطة ديل سكوني جنس سك وهددوني بمصادرة الركشة والسجن بتهمة الهروب واضررت لدفع مبلغ ثلاثة مليون رشوة ليتركوني

بتاع الركشة كضاب وبس
زر قناتي في اليوتيوب من فضلك واشترك فيها
https://http://http://www.youtube.com/user/KabbashiSudanwww.youtube.com/user/KabbashiSudan

كبـّاشي الصافي

(العوج راي والعديل راي)

Quote: Quote: لان ناس الشرطة ديل سكوني جنس سك وهددوني بمصادرة الركشة والسجن بتهمة الهروب واضررت لدفع مبلغ ثلاثة مليون رشوة ليتركوني

اذا كان بتاع الركشة كضاب كيف تفسر تقيييد الحادث ضد مجهول وصاحب الحادث سلم تلفون صاحب الركشة ورقمها للمرور ...وكيف رد علية صاحب الركشة وقال
لة انا ماعندي قروش هسي اصبر علي بجي ادفع ليك حق الخطر...

Quote: اذا كان بتاع الركشة كضاب كيف تفسر تقيييد الحادث ضد مجهول وصاحب الحادث سلم تلفون صاحب الركشة ورقمها للمرور ...وكيف رد علية صاحب الركشة وقال لة انا ماعندي قروش هسي اصبر علي بجي ادفع ليك حق الخطر...

ممكن يكون بتاع الركشة شاف نفسو أمام الأمر الواقع، وداير يحنن قلب عمك

مش برضو احتمال

أما تعامل ناس المرور فهم ناس يحتاجون لدورات في فن التعامل مع الجمهور.. لأن الجمهور يشتكي من تعاملهم

وحتة الرشوة وما شابهها سمعت بها كثيراً.. لكن أتمنى أن يتم توثيقها

Quote: حتة الرشوة وما شابهها سمعت بها كثيراً.. لكن أتمنى أن يتم توثيقها

الرشوة منتشرة جدا في السودان ومحاولة تجميل الواقع لاتفيد وفعلا توجد مشكلة في التوثيق ..لذلك الهدف من نشر البوست:-
- التوثيق لهذة الحادثة وغيرها ...
- العبرة للاخريين في الحذر عند التعامل مع المرور ومحاولة حل الاشكال وديا .....
- اتوقع من شرفاء الشرطة فتح تحقيق للحادث اذا كانت حريصة علي سمعتها ....بيانات الحادث موجودة

تحية لكل المتداخلين،

أخى العزيز كانتونا،أنا لا أستبعد أن يكون سائق الركشة صادقا.

أنا أرتاد طريق مدنى الخرطوم بصفة اسبوعية ،يمر فى الطريق أيضا بصفة دائما أهلنا من موردى الألبان وهم أصحاب البكاسى، هل تدرى ما هو جواز مرورهم؟جواز مرورهم عبارة عن "باغة" مليئة باللبن يقدمونها لحراس "شرطة المعابر" ، لم يحدثنى أحد بذلك بل رأيت هذا المنظر بعينى أكثر من مرة.

صدقنى كلهم طينة واحدة و لا تستبعد منهم أى تصرف.

......

معظم ناس المرور مرتشين ودى ما داير غلاط

تحيات يا مزمل

Quote: معظم ناس المرور مرتشين ودى ما داير غلاط

قناعتك الشخصية قد تكون ناتجة عن مواقف عايشتها بنفسك أو تواترت عندك أخبارها كالمطر

لكن فرق بين القناعة الشخصية، وبين الأمر الموثق

الأول يحركك أنت فقط، وتظل في نيران المظلومية

أما الثاني فيحرك الناس ويحرج قيادة الشرطة، ويصبح موضوع رأي عام

تحياتي

في فترة رئاسة الفريق محجوب حسن سعد للشرطة..
سعى لاستصدار أمر يمنع تحصيل المخالفات المرورية نقداً
ولكن اللوبي المتمكن الذي يناهض هذا القرار ويتضرر منه كثيراً
عصف به إلى المعاش بسرعة لم تكن متوقعة

السلام عليكم ورحمة الله
فساد الشرطة ما برفعوا لو ضو واى زول سايق عربية تجارية بعرف المعلومة دى

ياصاجب البوست سلاما
..
..
قبل اسبوع او اكثر، كنت راكبا في المقعد الامامي المجاور للسائق، وفي تقاطع الشقلة،
برز شرطيان من جانب الطريق واوقفا الحافلة المليئة بالركاب،
والمتجهة للخرطوم، كان شرطيا المرور يحدقان في لوحة الحافلة بطريقة غير عاديه،
نزل السائق وبعد خمسة دقائق عاد لمقعده وتحرك بالسيارة. سألته ان كان الجماعة ديل قطعوه ايصال؟)،
قال: ان الضابط قد قال انه رآه قبل يومين، لاحظ قبل يومين وكان متوقف بصورة غير صجيجة،
وان الضابط كان يرتدي ثيابا مدنية، وطالبوه بدفع غرامة، لكن السائق رفض وقال للضابط كان يجب ان توقفني عندما رأيتني مخالفا ،
المهم مكنة ناس المرور ماقسمت في السائق الحريف!
فهذا لايمكن ان تسميه غير ابتزاز!!

Quote: في فترة رئاسة الفريق محجوب حسن سعد للشرطة.. سعى لاستصدار أمر يمنع تحصيل المخالفات المرورية نقداً ولكن اللوبي المتمكن الذي يناهض هذا القرار ويتضرر منه كثيراً عصف به إلى المعاش بسرعة لم تكن متوقعة

فعلا ... ..لم اشاهد دولة غير السودان يتم دفع المخالفة كاش للشرطة ...

Quote: نا أرتاد طريق مدنى الخرطوم بصفة اسبوعية ،يمر فى الطريق أيضا بصفة دائما أهلنا من موردى الألبان وهم أصحاب البكاسى، هل تدرى ما هو جواز مرورهم؟جواز مرورهم عبارة عن "باغة" مليئة باللبن يقدمونها لحراس "شرطة المعابر" ، لم يحدثنى أحد بذلك بل رأيت هذا المنظر بعينى أكثر من مرة.

وهذة الحادثة ايضا تحتاج لفتح تحقيق ..اذا كان للشرطة فرع اعلامي واذا اردات ان تحافظ علي سمعتها ......

Quote: قبل اسبوع او اكثر، كنت راكبا في المقعد الامامي المجاور للسائق، وفي تقاطع الشقلة، برز شرطيان من جانب الطريق واوقفا الحافلة المليئة بالركاب، والمتجهة للخرطوم، كان شرطيا المرور يحدقان في لوحة الحافلة بطريقة غير عاديه، نزل السائق وبعد خمسة دقائق عاد لمقعده وتحرك بالسيارة. سألته ان كان الجماعة ديل قطعوه ايصال؟)، قال: ان الضابط قد قال انه رآه قبل يومين، لاحظ قبل يومين وكان متوقف بصورة غير صجيجة، وان الضابط كان يرتدي ثيابا مدنية، وطالبوه بدفع غرامة، لكن السائق رفض وقال للضابط كان يجب ان توقفني عندما رأيتني مخالفا ، المهم مكنة ناس المرور ماقسمت في السائق الحريف! فهذا لايمكن ان تسميه غير ابتزاز!!

اقل شي يمكن ان نفعلة كمواطنين تهمنا مصلحة بلادنا هو التوثيق ..التوثيق وياحبذا يكون باخذ صور او لوحات سيارة المرور للاحتفاظ بها كمرجع مهم ..
انا متاكد ان هناك العشرات من حالات الابتزاز ...احدي الحوادث الغريبة التي لاانساها اني يوما دخلت الي شارع القصر بالاتجاة المعاكس وذلك لاختصار
الاشارة مع شارع البرلمان وكان الوقت متاخر ليلا والشوارع خالية ..المهم وفي ثواني قليلة لحقت بي سيارة لاكروزر مكشوفة بها عدد اربعة او خمسة بالباس
المدني وبعض الاسلحة الخفيفة ..و قالو لي ان هذة مخالفة وعليك دفع غرامة وطبعا من شكل وجوههم عرفت اني ساكون في ورطة كبيرة اذا لم ادفع
ودفعت المبلغ وطبعا لاايصال ولايحزنون ورايت بعيني الضحكات والابتسامات التي تبادلوها بينهم وهم يغادرون بسيارتهم....

*

في انتظار رد من شرطة المرور او من يمثلها علي تهم الفساد .......................................................

انا ما عارف الآن قانون المرور كيف
لكن في إيصالات الغرامة النقدية و الفورية من الخلف مكتوب ما معناهو إنو الإدارة بتقبل تسوية للمخالفة الارتكبتها
و بموجب ذلك تديك الإيصال ده .
قبل خمس سنوات عملت شمطة طويلة عريضة مع ملازم في تقاطع شارع الشنقيطي مع شارع الكوبري جوار مركز صحي عبد المنعم بأمدرمان
و حلفت ما أدفع بحجة إني ما قبلان بالتسوية
رفضت تسليمهم الرخصة و قلت ليهو نمشي محكمة الحركة لأني لم أخالف و هددته بتحريض أصحاب أكتر من عشر لواري كانو موقفنها بألا يدفعوا
و يتمسكو بالذهاب لمحكمة الحركة بحجة عدم قبولهم بالتسوية
ده كان قانون المرور ويا ريت الناس تبدأ في حملة توعية عشان كل واحد يعرف حقو و يتمسك بيهو للآخر

كان في عسكري مشهور الآن بالمعاش بقيف من ناحية الخرطوم عند كوبري النيل الأزرق لما يمسكك يقول ليك أحاكمك أنا و لا الضابط
تديهو الفيها النصيب يسيبك و الغريبة بعد داك يقول ليك أعفي لي ياخ ، ده كان بيتحلل في وكتو و حار حار

Quote: كان في عسكري مشهور الآن بالمعاش بقيف من ناحية الخرطوم عند كوبري النيل الأزرق لما يمسكك يقول ليك أحاكمك أنا و لا الضابط تديهو الفيها النصيب يسيبك و الغريبة بعد داك يقول ليك أعفي لي ياخ ، ده كان بيتحلل في وكتو و حار حار

الاخ كمال ...شكرا للتوثيق وكما تفضلت معرفة قانون المرور امر مهم لكي تتفادي الوقوع في هذة الورطات ...ولكن الملاحظ ان كثير من القوانين لايتم تعريفها للناس
وحتي مقدار الغرامات ...اذكر مرة حكي لي واحد انو داخل شارع غلط وبتاع المرور واقف خلاهو لحد ما دخل الشارع تمام جاهو وقطعو ايصال وطبعا الشارع لاتوجد فيهو
علامة واضحة ولكن بتاع المرور شبكو ليك دا اتجاة واحد من الساعة كم لي الساعة كم كدا وحتي شوف الناس كلها ماشة كدا !!!! فشرطي المرور هنا لايقوم بالتوعية
بقصد ماهو يريد السائق ان يقع في خطا ليدفع الغرامة ...شرطة تحصيل فقط...

في انتظار رد من شرطة المرور او من يمثلها علي تهم الفساد .......................................................