أخيراً تمّ نشر صورة معتوه القصر ... مُرفق الصورة ...

دقيقة بس ...

][/url]

بالله في معتوه اكتر من الزول دا ؟،
تُغتصب النساء في ظل حكومته بالجُملة ويرقُص !!!؟...

ياخ حركتا مشاعرنا
وهيجتا أشجاننا

وأغرورقت اعيننا بالدموع


تحياتي

أُقسم بالله العظيم هذا الرجل معتوه...

يعني إلآ يرطُن سلآح حتان الزول يبقى معتوه ؟...

قال ينقلو القصر الجمهوري، قال !.

بتنقلو إنتو قايلنو عطشقجي ؟...

Quote: ياخ حركتا مشاعرنا وهيجتا أشجاننا وأغرورقت اعيننا بالدموع تحياتي

والله يا حمد أخوي دا مُش معتوه وبس،
معتوه وكمان عبوب.
والله صحي.


حياك الله...

Quote: uliman Raffai · Los Angeles, California معاوية المدير ..........بغض النظر عن رأيك في البشير او نظامو العجيب.....هناك أرواح أزهقت....فاحترمها ياخ.

نسأل الله لهم الرحمة والمغفرة.

دخل الأرواح شنو في الموضوع دا،
واين إنتهكت أنا حُرمتها...

والله يامعاويه لو تغيير (الركب) والبلالي بيعمل كده كلنا بعد ده نمشى نغير (ركب) وبلالي
انت ملاحظ زود العيار بتاع الرقص كيف ؟؟؟
اكيد (الركب) الجديدة ياباني اصلي


تقديري وتحياتى

ود المدير صاحبي \ سلام وشوق .


والله ولا محتاجلك حليفة مصدقنك .. حكومة معتوهة بالجملة

الله يصرفها ويريحنا منها . تسلم يا صاحب .

ولي قدام .

فعلا معتوه وتابعه ابوريالة

Quote: والله يامعاويه لو تغيير (الركب) والبلالي بيعمل كده كلنا بعد ده نمشى نغير (ركب) وبلالي انت ملاحظ زود العيار بتاع الرقص كيف ؟؟؟ اكيد (الركب) الجديدة ياباني اصلي تقديري وتحياتى

سلآمات يا محمد الهادي.

هذا الرجل بلغ من الكِبر عِتيا، وفوق هذا وذاك رئيس بلد وما زال في
ضلآله القديم.
لا يكاد ينتهي عن التصابي وعن التعته !.
نريد رئيس يشرفنا ويشرف دولتنا، ولسنا في حوجة لراقص.


مودتي...

دائماً اسأل نفسي
الرئيس قاعد فى اعلي وظيفة فى البلد ، بالتالي معني بالدرجة الأولي عن أمن و سلامة اي كائن حي يمشي علي الاراضي السودانية
طيب ،،،
هو عارف انه فى موت و بعث و حساب

هو عارف يوم الحساب داك اي زول يقول نفسي نفسي الا سيد الخلق

طيب
الاغتصاب الجماعي الحصل لاهلنا فى تابت مادير يطّلع يقول حاجة ليه؟؟؟؟

وكل قضايا الفساد و القتل الاحتجاز الإجباري ، الاتجار بالبشر و حوادث المرور القاعدة تحصد

فى ارواح البشر بالمجاني،،،،،،

طيب ماشي الحج كل سنة عشان شنو ،

انا أقر انه معتوه و كفي

معاوية المدير الحال و الأحوال ياخي،،،،،

بسم الله الرحمن الرحيم
الاخ المدير لك التحية
والله صدقت ولكن المحيرني انو نحن " المعتوهين " بالجد لانو خلينا " كبير المعاتيه " ان صح التعبير يحكمنا خمس وعشرين سنة . ؟؟؟!!!!!!!

Quote: نريد رئيس يشرفنا ويشرف دولتنا، ولسنا في حوجة لراقص.

أنا جاهز يا ود المدير رايك شنو؟
زر قناتي في اليوتيوب من فضلك واشترك فيها
https://http://http://www.youtube.com/user/KabbashiSudanwww.youtube.com/user/KabbashiSudan

كبـّاشي الصافي

(العوج راي والعديل راي)

Quote: ود المدير صاحبي \ سلام وشوق . والله ولا محتاجلك حليفة مصدقنك .. حكومة معتوهة بالجملة الله يصرفها ويريحنا منها . تسلم يا صاحب . ولي قدام .

بت عمسيب يا صديقة،
والله مشتاقين.

اما آن لهذا الرجل ان يكبر ؟.
رجل تولى امر بلد يعاني مواطنيها من الأمراض والجوع والحروب،
وهو يقف ليوشحوه ثوب ويقدم وصلة رقص طلباً لرغبة الجمهور !!!؟.
والله ياهو العته زاااااتو...

Quote: فعلا معتوه وتابعه ابوريالة

،،،

ونحن في زمن تسلُط المعاتية العاجزين عن كل شئ
الغير مؤهلين عقلياً.

حسبنا الله ونِعّم الوكيل...

Quote: دائماً اسأل نفسي الرئيس قاعد فى اعلي وظيفة فى البلد ، بالتالي معني بالدرجة الأولي عن أمن و سلامة اي كائن حي يمشي علي الاراضي السودانية طيب ،،، هو عارف انه فى موت و بعث و حساب هو عارف يوم الحساب داك اي زول يقول نفسي نفسي الا سيد الخلق طيب الاغتصاب الجماعي الحصل لاهلنا فى تابت مادير يطّلع يقول حاجة ليه؟؟؟؟ وكل قضايا الفساد و القتل الاحتجاز الإجباري ، الاتجار بالبشر و حوادث المرور القاعدة تحصد فى ارواح البشر بالمجاني،،،،،، طيب ماشي الحج كل سنة عشان شنو ، انا أقر انه معتوه و كفي معاوية المدير الحال و الأحوال ياخي،،،،،

تمام يا صلاح،
والحمد لله. إن شاء الله إنت تبقى طيّب.

أرأيت من إتخذ إلآهه هواه يا صلاح ؟.
هاؤلاء ناس عبدوا انفسهم وغرهم الغرور حتي أصبحوا يرون الحق باطل،
والباطل حق. إبتعدوا عن الله وعن الدين فتركهم الله إلي أنفسهم فأصبحوا
منقادين إلي أهواءهم، والمعتوه هو من إتخذ إلآهه هواه وعبد نفسه من دون
الله.
إنهم لا يرون الأشياء كما يراها الإنسان السوي لأنهم ضلوا والعياذ بالله.
نسأل الله لنا ولكم السلآمة...

Quote: بسم الله الرحمن الرحيم الاخ المدير لك التحية والله صدقت ولكن المحيرني انو نحن " المعتوهين " بالجد لانو خلينا " كبير المعاتيه " ان صح التعبير يحكمنا خمس وعشرين سنة . ؟؟؟!!!!!!!

سلآمات صلاح إدريس،
وحبابك ألف.

صدقت يا صلاح، نعم نحتاج لوقفة مع أنفسنا وإخضاعها
لمحاسبة دقيقة.
هنالك خلل في مكانٍ ما...

Quote: أنا جاهز يا ود المدير رايك شنو؟ زر قناتي في اليوتيوب من فضلك واشترك فيها

سلآمات يا خال.

شكراً لك علي الدعوة.
إن شاء الله ازورك واشارك.

مودتي...

Quote: Adil Mohd · يعمل لدى ‏Mobily موبايلي‏ من العنوان انت کاذب ومدلس......فمن منا لا یعرف حال الحکومه والریس بس انت جیت تکحلا شعب زی ده مابحکمو الا ریس زی دا والسلام

سلآمات يا عادل.

أنا يشهد الله لا كاذب ولا مدلس.
رجل قبل ان يثبتوا هويته قالوا عليه معتوه !، أليس هذا هو الكذب بعينه ؟،
ورجل ظلّ طيلة 25 عام كالبهلوان يرقص في الفارغة والمليانة، أليس
هذا هو العته بعينه ؟. إن كان هنالك معتوه في القصر بحق فهو عمر البشير
الذي قلت انت هو أحقّ من يحكم هذا الشعب، ودا رأيك، طبعاً نحترمو
ولا نستطيع نقول عليهو كلآم ما كويس لأنّ صياغته تدخل في معني حديث
المصطفى عليه أفضل الصلآة واتمّ التسليم، كيفما تكونوا يُولى عليكم،

والسلآم...