Post: #1
Title: شئ عجيب البتاع ده لسع شغال ...!
Author: خضر حسين خليل
Date: 11-05-2014, 10:25 PM
يا بكري ازيك ياخ
مداخلاتي لسع حبة في اليوم ولا بقيتها تلاتة حبات
انا لله ياخ
هسي الواحد بمداخلة في اليوم دي يناقش بيها ولا يقرأ بيها ولا يكتب بيها ولا الحاصل شنو
آخر عهدي بالمنبر بكري كان صارف لي مداخلة في اليوم
خايف أرسل المداخلة دي وتاني الا بكرة كان ربنا أمد في الآجال
غايتو مافي حلل نجرب كان ما جينا
أعرفوا الا بعد 24 ساعة
وأقول قولي هذا واستغفر الله لي ولكم
ــــــــــــــــ
معاً من أجل حبة عند اللزوم
* التعديل عشان أقول ليكم ما قدرت أعمل رد للموضوع
كااااااااااااك عاش الفيس بوك حراً مستقلاً ياخ
|
Post: #2
Title: Re: شئ عجيب البتاع ده لسع شغال ...!
Author: ملهم كردفان
Date: 11-05-2014, 10:41 PM
Parent: #1
انا مع زيادة الكوته ليك ياخضر وربك يصلح الحال
|
Post: #3
Title: Re: شئ عجيب البتاع ده لسع شغال ...!
Author: محمد حيدر المشرف
Date: 11-05-2014, 10:42 PM
Parent: #1
اها الحاصل شنو ؟!!
...
ازيك يا صاحبي .. الطريقة الوحيدة المجربة الليامات دي تركب مكنة "سلفي" موديل 2013
تدور ليك, فوق وتحت, زي الما حاصل حاجة..
|
Post: #4
Title: Re: شئ عجيب البتاع ده لسع شغال ...!
Author: معاوية الزبير
Date: 11-05-2014, 11:41 PM
Parent: #3
Quote: * التعديل عشان أقول ليكم ما قدرت أعمل رد للموضوع
كااااااااااااك عاش الفيس بوك حراً مستقلاً ياخ |
يعني عقاب المداخلة الواحدة بسمح ليك بالتعديل ويحرمك من الرد !
طيب اقعد عدّل سااااكت لمّن نضميك يكمل
أو تعال من شباك الفيس على قول ود المشرف
ياخ أقوليك.. انت تلفن لي وأنا أكتب ليك
إن شاء الله العودة طابت ليك
ثم مشتاقين جدا
|
Post: #5
Title: Re: شئ عجيب البتاع ده لسع شغال ...!
Author: فتحي الصديق
Date: 11-06-2014, 05:14 AM
Parent: #4
Quote: الطريقة الوحيدة المجربة الليامات دي تركب مكنة "سلفي" موديل 2013
تدور ليك, فوق وتحت, زي الما حاصل حاجة.. |
-----------------------------------
أضحكتني يا دكتور .أسعدك الله ,
----------------------------------------------------
خضر ازيك يااخ , انتا تعال بس ودق الباب .. لو فتحوا ليك أدخل وخت حاجاتك ,,وورينا بكاناتك التانية وين ,,وأمشي .
|
Post: #6
Title: Re: شئ عجيب البتاع ده لسع شغال ...!
Author: خضر حسين خليل
Date: 11-08-2014, 03:08 AM
Parent: #5
اصدقائي الاعزاء
ملهم كردفان
المشرف
معاوية الزبير
فتحي الصديق
تحياتي وأشواقي الممتده ...... معليش للتأخير يادوب جيت ولميت في البوست وجبتو من سلقط ملقط ..... يبدو لي بكري جادي في ما ذهب اليه ولا أدري الحكمة من ذلك وزي ما بقولو غايتو حكمتو بالغة ...... أحاول أن أكتب وأتفاعل مع عدد مما يطرح هنا بس العين بصيرة والإيد قصره بكري أبوبكر ..... غايتو إنه لمن المدهش لي أن أجد نفسي محكوماً في حتة ضيقة قدر دي في عالم سقطت فيه جدران كبت الحريات جداراً إثر جدار غير جدارانا السوداني الذي نأمل في سقوطه عما قريب .
زمان في عصرٍ قديم كان في ولد مرتاح في حلتنا نوع البلبس بدلة يوم العيد داك فيما نخرينا نحنا سائلة بالبرد وحاجات الفقر
المهم كان عندو كورة بطلع بيها العصريات قريب للمغرب ، فيما كنت انا واولاد حلتنا عندنا كورة شراب بنربطها في عمود
النور ونلعب (سلكت) وما ان يظهر زولنا المرتاح لابساً ملابسه الرياضية وحاملاً كرته (الموزة) بين يديه حتي نجري نحوه
فنقعد نحسو ونحنسو ونحنسو ونقنعه بأن نلعب معه مرددين بصوت اشتراكي انو كرة القدم في الاساس هي لعبة جماعيه
الي ان يرضي الولد ويتنازل عن كبريائه ويلاعبنا .
غير أن المدهش أن الولد الذي كان يلعب كحارس مرمي ما ان يلج هدف مرماه كان يصر علي حمل كرته باكياً نحو منزله
تخيلو هذا الطفل أصحابي ؟
وغايتو
|
Post: #7
Title: Re: شئ عجيب البتاع ده لسع شغال ...!
Author: محمد الشيخ أرباب
Date: 11-08-2014, 06:59 AM
Parent: #6
حمد لله على السلامة يا خضر..
مداخلة واحدة دي لازم تحاول تتعايش معاها ..تعمل ليك بوست وترد فيه على كل البوستات المفتوحة
الكلام ده لازم يتم في نهاية اليوم..هههههههههه
|
|