آسف زوجتي الغالية ... آسف بنتي العزيزة ... آسف أبنائي الاعزاء بان كنت عضوا هنا

يكفي تحملكم لما قرأتم عني هنا
وتاني كان جيت هنا يبقى انا الغلطان في حقكم

Quote: يكفي تحملكم لما قرأتم عني هنا وتاني كان جيت هنا يبقى انا الغلطان في حقكم

غايتو معاك حق يعلم الله في زعلك بس عشان خاطر اصدقاءك وحبايبك خليك وفي كل مكان في الطيب والردئ
وتالت مرة مبروك ربنا يهنيك ويسعدك

ود البوش
ما داير اطيب خاطرك
ولا احنسك
ولكن اقول لك
لم اقرأ لك ما يشينك
ولم اقرأ لك ما يقدح في اخلاقك او سلوكك
بل
عرفتك اخا كريما
وسندا
بل ويشرفني انني عرفتك وتعاملت معك
ف شنو
لا تجعل غضبك يمنعك من التواصل مع اخوان عرفوك واحبوك

خلاص؛ المرة غيرتك ...

ياودالبوش سلام وان فقدناك هنا فقد كسبناك اخ عزيز كريم غالي

Quote: يكفي تحملكم لما قرأتم عني هنا

عادل امام في شاهد ما شافش حاجة قال : لو كل واحد ساكنه فوقيه او تحتيه رقاصة لازم ( يعزّل ) البلد كلها حتبيت في الشارع


_________
مسكاقنا و مبروك العروس

ود ابو سن عن أذنك :-

Quote: ود البوش ما داير اطيب خاطرك ولا احنسك ولكن اقول لك لم اقرأ لك ما يشينك ولم اقرأ لك ما يقدح في اخلاقك او سلوكك بل عرفتك اخا كريما وسندا بل ويشرفني انني عرفتك وتعاملت معك ف شنو لا تجعل غضبك يمنعك من التواصل مع اخوان عرفوك واحبوك

يا ريتك تطيب الخاطر

Quote: خلاص؛ المرة غيرتك ...

بالله صور العقد لسة داونلودينق ... شاكلتنا ومتخارج خلاس؟






... المهم ....

الزول السمح عبد الله ود البوش
انا ما عارفة تفاصيل الحصل شنو.. \ لكن من هسع نقول ليك
اذا انت غادرت المنبر ده .. ترانا كلنا المغادرين.. مش بس مشاركات
لكن حتى ما حنفتح الوب سايت عشان نقرأ اي مواضيع.. والحوش البهناك
حيتقفل بالضبة والمفتاح..
لكن رد فيصل خليل قريب بت مصطفى عجبني شديد.. وحقوا تقراهو بعناية وتدبر
ودمت بألف خير وصحة وعافية

Quote: عادل امام قال لو كل واحد ساكنه تحتيه رقاصة عزّل .........

يا شيخنا
ما انت البوصوه بالصبر
زمان قالوا السفيه شتم الباشا .. والعندو اضنين وضنب معووج داك يهوهو والجمل ماشي ..
والعارف عزو مستريح (مش بتاعة الآيه) .. ونحن المتاسفين لزوجتك الغاليه وبنتك العزيزة
وابنائك الاعزاء لو مسك او مسهم اذي ولكن وجودك هنا صمام امان لنا ولكثير من الاخيار ..
وعطر ورد يضمخ المنبر بالطيب ..

وعندكم اجازة اسبوع علي حساب الصبر الجميل الممتدة حباله من هنا لغاية القيامه ..

عبد الله اخوي
اجبروا انت والمدام والبنيه والشباب خاطر اخوكم الكبير .. الله يرضي عليكم

عمر علي حسن

النجيضة يا ود البوش انا بسلمك ليها صرة في خيط كان رضيت كان ابيت :
حياتك الخاصة ملك لك وحدك وحمايتها مسؤوليتك وحدك (اكتر حاجة ممكن تلقاها هنا التضامن والتنديد) يعني اترك ما للخاص للخاص وما للعام للعام
ما كل الناس ممكن تفهم حاجاتك دي بالصورة الصحيحة
في ناس نفسهم دنية وفي ناس طقش وبجم بيفتكرو انو مفروض يتدخلوا في قراراتك الخاصة
بس بحكم انهم بيكتبو معاك هنا او اتداخلوا معاك في بوست
يا زول امش انبسط مع عروسك الجديدة وشوف حياتك وعيش زي ما انت عايز وربنا يعدل خطوتك
والحياة دروس وما لا يقتلك يقويك

Quote: ههههه شتت اقطع وشك الشين دا ههههه

حقو تقعد كية لعزو ده هههههه

Quote: يا شيخنا ما انت البوصوه بالصبر زمان قالوا السفيه شتم الباشا .. والعندو اضنين وضنب معووج داك يهوهو والجمل ماشي .. والعارف عزو مستريح (مش بتاعة الآيه) .. ونحن المتاسفين لزوجتك الغاليه وبنتك العزيزة وابنائك الاعزاء لو مسك او مسهم اذي ولكن وجودك هنا صمام امان لنا ولكثير من الاخيار .. وعطر ورد يضمخ المنبر بالطيب .. وعندكم اجازة اسبوع علي حساب الصبر الجميل الممتدة حباله من هنا لغاية القيامه .. عبد الله اخوي اجبروا انت والمدام والبنيه والشباب خاطر اخوكم الكبير .. الله يرضي عليكم عمر علي حسن

أخي وصديقي الحبيب عبدالله ود البوش

أنت أكبر من تلتفت لحديث مثل هذا

هذا زمان الفتن والحصيف من أتخذ من سيف خشب حتى لا يندم أنه قتل أخاه
أعجبني رد أخي الحبيب فيسل هليل وأرجو كما كان الرجاء من منى عمسيب أن تتمعن الرد ومعناه جيداً
ولك قول سعادة اللواء عمر حسن أقتبسته
وكلنا نعتذر لأهلك
بس ما تفوت مننا
ومع أني طالبك ضربتين ونص لكن قريب بتصل بيك

هناك من يتكلم بالحق ومن يتكلم بالبآطل ..
ديل هم البشر .. ولو كُنت مُلآم وأنت على حق
لآتستمع لكلآمهم .. لأنك مهمآ قلت وبررت صحة كلامك لن تُصدَّق
تبرئتك لهم عن نفسك : زي نحت الصخر بعود الكبريت ..
مابستمعوا ليك .. !
ولو استمعت ليهم ! فإنت بتسمح لحسآدك بالنهش في لحمك وتكون ضحيه لألسنتهم ..
فـ ليه تستمع ليهم ..؟
مين بسلم من كلام النآس ؟؟
وفي الصحابة مثال..
حتى ولوبلغت مصاف الملائكة فما دمت بشراتوقع الكتير ..
والبعض تلاقيهو في الذّمّ ‘ آفه ..
أخوي العزيز ود البوش ..
إت ما سمعت : لا يرمـــى بالحجــــــــر إلا الشجر المثمــر
يعني زمان ما ما بتجيب الحجار في طرفك وتجدّع شدرة النبق ؟
نحن في المنبر ده بنحترم كبار العقول والناس السمحة زي ما قالت الحبيبة أميرة بت السيد
والسماحة عندنا .. موضوعية وجمال ما يكتب + الخُلق الطيب .. والقلوب النضيفة زي اللبن الحليب.. والنضم الطاعم وسمح
دحين إن شالتك زعلة ما تنسى معزة اخوانك واخواتك هنا .
وبتكون محسوبة عليك
ويبقى عليك المثل : الــ لقى احبابو نسى اصحابو ..
وتاني مبروووك وبخيت .
ذ

ما عهدناك إلا أخ كريم ..
محب للناس ..
وليس هناك مايشينكـ ..
حياتكـ الخاصة تخصكـ ..
وليس لأي أحد كائن من كان ..
أن يتدخل فيها ويكدركـ ..
وتحت أي مسمى أو سبب ..
ابقى ولا تبارح فهنا أخوه ..
يسرهم وجودكـ ..
ويسعدهم حرفكـ ..

يازول هووووووووووووووووي

وانا اليادووووووووبك شفت حلتكم العتامنة
وانا الفرحان عشان عباس ود عمك بيقول لي ياخال
اها ياود البوش ..عباس عندو البنيات
وانا عندي الوليدات

اها عليك الله مش ممكن نبقى أهل
وحالتي دي ماشفتك لليلة ولا سمعت صوتك
بس قريت ليك وقريت لي
وده نص الشوف ونص السمع

يا أخي خليك هنا وبلا ش تفارق
.......
..............
..................

معتصم سليمان - رفاعة ابوسن

إت ما سمعت : لا يرمـــى بالحجــــــــر إلا الشجر المثمــر
يعني زمان ما ما بتجيب الحجار في طرفك وتجدّع شدرة النبق ؟
نحن في المنبر ده بنحترم كبار العقول والناس السمحة زي ما قالت الحبيبة أميرة بت السيد
والسماحة عندنا .. موضوعية وجمال ما يكتب + الخُلق الطيب .. والقلوب النضيفة زي اللبن الحليب.. والنضم الطاعم وسمح
دحين إن شالتك زعلة ما تنسى معزة اخوانك واخواتك هنا .
>>>>>>>>>>...................>>>>>>>>>>>>>>>

الحبيبة الغالية رشا بابكر

بعد النضمي السمح ده والله ما بنقدر نضيف اي شئ جديد .. فقد قلتي وكفيتي
ودمتي بألف خير وصحة وعافية

ها عليك الله مش ممكن نبقى أهل
وحالتي دي ماشفتك لليلة ولا سمعت صوتك
بس قريت ليك وقريت لي
وده نص الشوف ونص السمع
....,,,,,,,,,.........................

الحبيب معتصم سليمان
قولك سمح وانت كمان من الناس السمحين الوصفتهم رشا بابكر..
ويار يت تنضم لينا في حوش بت مصطفى فكلامك السمح ده بنسي الهموم..
والحبيب عبد الله ما حيرفض ليك طلب
ودمت بالف خير وصحة وعافية

Quote: الحبيب معتصم سليمان قولك سمح وانت كمان من الناس السمحين الوصفتهم رشا بابكر.. ويار يت تنضم لينا في حوش بت مصطفى فكلامك السمح ده بنسي الهموم.. والحبيب عبد الله ما حيرفض ليك طلب ودمت بالف خير وصحة وعافية

أميرة وبت السيد

لو قلت ليك من إسمك نصيب بكون ظلمتك
عشان ما إسمك وبس ..كمان إسم أبوك

أميرة وبت سيد

يا أخي أزيك وشكراً ليك جداً وأنت تناديني
بالحبيب في زمن أصبح معظم سماته التجافي
وشكراً ليك جداً وإنتي بتعزميني لبهناك
وشكراً ليك جداً وإنتي بتقلي قلبي وبتقولي
ود البوش ما حايرفض لي طلب

عنداللفة بس :
------------
أها الحوش دربو بي وين يا أميرة