Post: #1
Title: سيد أحمد بلال
Author: Yahya Osman
Date: 11-04-2014, 01:32 PM
في نهاية السبعينات التقيته في اثينا, قواسم مشتركة كثيرة القت بظلال الالفة بيننا كنت احب السؤال وكان يحب النوال فيعطي .( أفمن يمشي مكبا على وجهه اهدي أم من يمشي سويا على صراط مستقيم )يلفتني الي المعني الدقيق البياني في هذه الاية الكريمه .
21 اكتوبر 1979 اردنا ان نحتفل فاخرج لي نصا شعريا مكون من ثلاث لوحات وكان يعرف حبي للمسرح ألم اقل لكم جمعتنا قواسم كثيرة ؟ فكانت بداية فرقة عزة للفنون المسرحية والاستعراضية وقمت بمعالجة النص الشعري فكانت ( الطياني ) كاول عمل مسرحي قدمته الفرقه في اثينا
داير اقيل وداير ـابيت
وداير اشوف امك يا بخيت
لما غطي النيل الترع
وفاض وجوه الوديان طلع
الطريق بيناتنا انقطع
وبدري فاتتني المراكب
ماشه لي اهلي الحبايب
ابدـا من وين والقلب دايرلوا صاحب
الرزق ياتومه فراق
وفري الهم والاشتياق
لامن ارجع
واصحي نص الليل وجاهد
لاني راكع لاني ساجد
ابدا من وين
والقلب دايرلو شاهد
سيد احمد بلال
م تفرقت بنا السبل....
وكما يلتقي الشوق .. شوق الصحاري العطاش بشوق السحاب السخي التقينا مرة اخري في الخرطوم مطلع عام 1986في مكاتب جريدة ومجلة التعاون والتي كنت رئيسا لتحريرها في ذلك الوقت الم اقل لكم كنت احب السؤال وكان يحب النوال فيعطي ... فنشرت له الكثير من كتابته حول المويلح وغيرها من الهموم التي كان يحملها. ثما اعطاني نصا مسرحيا بعنوان باقي الكلام بافواههم وتواعدنا ان نلتقي مع هذا العمل . لكننا مع افول شمس الديمقرطية تفرقنا بيد انا لم نلتقي بعدها ابدا
ولازلت احمل سيد احمد بلال نديا في كل الجوانح
|
Post: #2
Title: Re: سيد أحمد بلال
Author: Yahya Osman
Date: 11-04-2014, 01:35 PM
Parent: #1
صوت قمرية قوقت فوق فريع
كوكوكوكوووك
حامدنو حامدنو يا قمرية حامدنو
الماهية جات منو
ماعندك خبر تاني
ابونا الفاتنا ليهو سنين
غارق في العرق والطين
متين يرجع يطمنا
بخاف لو قمت نص الليل
عشان ولدي الصغير يرضع
بخاف لما الصقت ينزل
واصحا ادخل الشفع
بدورك يا ابو عيالي
تغطي ديونا في الدكان
ويسمع حسك الجيران
وتتونس مع والدي
|
Post: #3
Title: Re: سيد أحمد بلال
Author: Yahya Osman
Date: 11-04-2014, 03:14 PM
Parent: #2
الوقت كان آخر الليل
وكانت الحله مقمته
فوقا صاحي القمر الجميل
والبيوت تحتو مشتته
ذي كتابه على المناديل
ال###### هوا على الدرب
الطياني جا يمشي ويخب
دخلتو البيت صحت المره
العواطف سما ممطره
والكلام عبرات في الحلق
لحظه ما للبيع والشره
قام بخيت بي خشمو سلم
والبنيه بقت تبتسم
شالا بوها في صفحتو
بلي شوقو وفرحتو
وروهو اخبار البلد
بت نعيم اتعرست
وبت نعمت الله الجابت ولد
|
Post: #4
Title: Re: سيد أحمد بلال
Author: abdalla elshaikh
Date: 11-04-2014, 11:54 PM
Parent: #3
Gited Man, we met together at Sudanese Cultural Magazine, where I was working, but we ran on difference directions after Islamic disaster
|
Post: #5
Title: Re: سيد أحمد بلال
Author: عبدالله عثمان
Date: 11-05-2014, 09:04 AM
Parent: #4
Quote:
محمود محمد طه يضع واو العطف بين الإسلام والسلام
سيد أحمد علي بلال
ساحة المعجزات تتشح بالثوب الأبيض
سبع بلحات ووجنتان مغسولتان بندى الفجر
تكفي للذكرى
في تقاطع شارع محمود محمد طه،
بشارع الحرية،
ينتصب ثدي الحقيقة..
حيث تتحول الدماء إلى حليب
ويرضع العائدون من صحراء الروح
حتى الفطام
حاول أن يضع سارية السودان
على خط استواء القلب والعقل
بعد أن وضع واو العطف
بين الإسلام والسلام
لكن الكهنة انعطفوا بواوهم على العنق
حاول الظلام أن يتخلله فلم يستطع
لكن الكهنة مروا بالحرف المقلوب
والحبل المنصوب
عبر البرزخ الذي يفصل الأعلى من الأدنى
ومنذ يناير كانون الثاني عام 1985
غطت ستارة الظلام الكبرى لوح محمود
حتى تكتمل شرافته
ـــــــــــ
الخرطوم يناير 1987
من ديوان "الماء إذا تنفس"
|
http://www.alfikra.org/http://www.alfikra.org/
http://www.alfikra.org/article_page_view_a.php?article_id=52&page_id=23http://www.alfikra.org/article_page_view_a.php?article_id=52&page_id=23
|
Post: #6
Title: Re: سيد أحمد بلال
Author: Yahya Osman
Date: 11-05-2014, 01:02 PM
Parent: #1
الوقت كان آخر الليل
وكانت الحله مقمته
فوقا صاحي القمر الجميل
والبيوت تحتو مشتته
ذي كتابه على المناديل
ال###### هوا على الدرب
الطياني جا يمشي ويخب
دخلتو البيت صحت المره
العواطف سما ممطره
والكلام عبرات في الحلق
لحظه ما للبيع والشره
قام بخيت بي خشمو سلم
والبنيه بقت تبتسم
شالا بوها في صفحتو
بلي شوقو وفرحتو
وروهو اخبار البلد
بت نعيم اتعرست
وبت نعمت الله الجابت ولد
من دقش شال البلد
لا خدارا عندو فيها
لا هو زارع لا حصد
دير يقالد داير يصافح كل يد
في البلاد البشتهيها
والبلاد البشبهنك
كنت فيهن شايل الحزن البجنن
الا كيفن ما عرفت
انو فصل الشوق مزور
وين خدارك وين عيالك
جيت من وين وينو مالك
جيت من وين
من بلادا تلبس العراقي تتهجا العناوين
وجاها من وين
جاها يتسلي ويجامل
وانت مالك وين حدارك
قلبي فيها
دربي فيها
في تقاويها وخدارا
في عواجيزا وصغارا
وجيت اطمن عليها
وداير اطمن عليها
البلاد البشبهنك كنت فيهن
شايل الحزن البجنن
الا كيفن ماعرفت انو فصل الشوق مزور
|
Post: #7
Title: Re: سيد أحمد بلال
Author: Yahya Osman
Date: 11-05-2014, 01:05 PM
Parent: #1
دي حكاية قرية فوق النيل
وشاحا تقيل
ومحصول الفرح فيها بينضح كل ليل
مزحومة سكة الراجعين
وصوت في صوت بتتداخل
بتتناسل
تقول للفضلوا قاعدين فوق
جيناكم
قرية فوق النيل فرحانه
ومالاقية البقول ليها
الطياني انسان
من عيونو تطير عذابات البيوت الاتبنت
فاتوها اهلا
الطياني انسان
وليل المغترب رحلة دموع مجان
وزمنك يا غريب مرهون مقدر
يا سالك دروب الاصدفه والاقدار
الطياني زيك
بس بتختلف النتيجه ويفضل المشوار
بس بتختلف النتيجه ويفضل المشوار
سيد أحمد بلال
الم اقل لكم انه يسكن نديا في دواخلي
يحي عثمان
5
|
|