Post: #1
Title: اخبار انقاذية في غاية الأهمية
Author: عمر الفاروق عبد الله الشيخ
Date: 10-29-2014, 09:07 AM
اخبار انقاذية في غاية الأهمية
الخبر الأولاني: بختكم تخفيف اعباء المعيشة خلال شهرين من الآن
يعني علي بدايات سنة 15 السنة اللي حيترشح فيها البشير لولاية رئاسية جديدة الكلام ده قالوا وزير المالية وفقاً للتصريح التالي
كشف بدر الدين محمود، وزير المالية، عن زيادة كبيرة في الناتج المحلي الإجمالي بنهاية العام الحالي، تصل إلى ضعف المخطط له في موازنة العام 2014، وتوقع أن تنعكس الزيادة على الأداء الاقتصادي الكلي، ما ينتج تحسيناً وتحسنا في مستوى المعيشة وتخفيف العبء على المواطن بزيادة دخل البلاد عموماً،
أعباء المعيشة هي كالتالي:
حق قفة الملاح ، حق المواصلات، حق الإيجار للمؤجرين، حق العلاج والدوا، حق القراية، حق الكهربا والموية، حق الكسوة، حق البنزين للعندو مركبة خاصة ولو مكركبة، حق انبوبة الغاز، حق المجاملات للمناسبات حق الولادة ، حق الطهور، حق الكفن وغيرها من الحقوق.
يا وزير المالية سؤال بالله: كيف سيتم ذلك؟
1. استخدام عصا سحرية 2. الإستلاف من دول غنية ونطلع بالواحد 3. هبات ومعونات وودائع دولارية مليارية 4. الإستعانة بصديق
الخبر التاني: توقع بانخفاض الدولار حتي يحصل "5" جنيهات
توقع رئيس اللجنة الاقتصادية سالم الصافي، أن يوالي الدولار الانخفاض حتى يصل السعر الرسمي إلى«5»جنيهات، وشدد على ضرورة محاربة أسطورة ارتباط جميع السلع بسعر الصرف.
قول يا سيد سالم بانه كلامك ده حينزل ارض الواقع سؤالنا ليك:
1. هل سيحس المواطن العادي في الكرتونات والعشوائيات بذلك؟
2. هل ستنخفض الأسعار تبعاً لذلك ويحس بها المستهلك؟
3. هل تعود للجنيه السوداني بعض من عافيته بعلاجات اخري ويحس بذلك؟
4. وليه الإحساس ب "5" جنيهات بالجديد وما "5" جنيهات بالقديم؟
التقينا بالمواطن علي حسن سلوكة الذي أفاد بالخبر التالي:
اليوم الأربعاء سعر الدولار أمام الجنيه السوداني 9 جنيهات بالكمال والتمام في السوق الموازي سبحان الله بعد فكينة العندنا كلها على حس أخبار نزول الدولار ديك ربنا يعوضنا إن شاء الله شكيتكم على الله .
الخبر التالت: مفوضية الانتخابات : «90» مركزاً للتسجيل للانتخابات بحلايب تباشر العمل ليومين..!!
الخرطوم: المقداد - راوية
أعلنت مفوضية الانتخابات رسمياً بدء أولى مراحل الانتخابات أمس بنشر السجل الانتخابي الأصلي الذي يضم «11» مليوناً و «600» ألف ناخب مسجل، في وقت شددت فيه على أن حلايب وأبيي سودانيتان ومن حق المواطنين فيهما ممارسة حقوقهم الانتخابية كاملة، بينما كشفت عن وجود «90» مركزاً للتسجيل بحلايب باشرت عملها ليومين.
التقينا بالمواطنة : مريم الأخري التي علقت علي الخبر قائلة:
يا جماعة ما تلفحو الكلام ساكت . هنالك حلايب الاخرى . زي مريم الاخرى . وهي موجودة في الفضاء الالكتروني ،
فاصل اعلاني وما حنواصل.
بس خلاص
|
Post: #2
Title: Re: اخبار انقاذية في غاية الأهمية
Author: عمر الفاروق عبد الله الشيخ
Date: 10-29-2014, 10:20 AM
Parent: #1
习近平:忠诚党的事业一心服务群众
人民网:习近平为啥说要理直气壮地讲党的领导地位? 25句话速览决定
|
Post: #3
Title: Re: اخبار انقاذية في غاية الأهمية
Author: dardiri satti
Date: 10-30-2014, 04:31 AM
Parent: #2
| Quote: أن يوالي الدولار الانخفاض حتى يصل السعر الرسمي إلى«5»جنيهات، وشدد على ضرورة محاربة أسطورة ارتباط جميع السلع بسعر الصرف |
حتى يصل السعر الرسمي إلى«5»جنيهات ؟؟؟
لا ما عاوزين !!!
إنتو بتضحكوا علي منو؟؟؟
نحن جنيهنا بيساوي 3 (تلاتة) دولارات !!!!
رجعوا لينا جنيهنا زي ما كان ،
وزحوا مننا بنوككم الإسلامية دي غادي
بلا استهبال معاكم!!!!
!! !!! SHAME
|
Post: #4
Title: Re: اخبار انقاذية في غاية الأهمية
Author: cantona_1
Date: 10-30-2014, 07:09 AM
Parent: #2
Quote:
习近平:忠诚党的事业一心服务群众
人民网:习近平为啥说要理直气壮地讲党的领导地位? 25句话速览决定 |
معقول يا عمر الفاروق الكلام دا حصل .. أشرح للباقين ونخليها سر بيناتنا؟ الصلاة فيها سر وجهر
تحياتي
زر قناتي في اليوتيوب من فضلك واشترك فيها
https://http://http://www.youtube.com/user/KabbashiSudanwww.youtube.com/user/KabbashiSudan
كبـّاشي الصافي
|
Post: #5
Title: Re: اخبار انقاذية في غاية الأهمية
Author: عمر الفاروق عبد الله الشيخ
Date: 10-30-2014, 07:44 AM
Parent: #4
مرحبا بالدرديري وكانتونا
يرجع الجنيه ل 3 دولار وتلت يرجعوا ديل غايتو الا جيل ما حنحضروا يقول يا حجر وراي كوز
كانتونا ما تفك الشفرة بعدين الاخوان ديل يفهموا جاجة
|
|