Post: #1
Title: ياناس الحوش وزوارو،،مشروع مربح ربح جد،،،جاهز ..هدية..
Author: عبدالعزيز عثمان
Date: 10-27-2014, 10:55 AM
ياناس الحوش وزوارو،،مشروع مربح ربح جد،،،جاهز ..هدية..
ياخي قباني حماني النوم..
المستشفي جارتي...
وهي عامرة ياتيها اهلنا من كل بقاع السودان...
تجري بها عمليات كثيرة من بعثة الصينين...
وللظروف التي تعرفونها..
تتقطع بالناس السبل..
ويبحث المرضي عن كوب شاي بحليب..
ياجماعة كدي رايكم شنو...
باختصار عشرات من المرضي رايتهم بعيني..
يحتاجون لكباية لبن...
اطفال فقراء مرضي...
نساء حمل وولادة
رجال ضحايا حوادث...
موضوع بسيط.....
ان نوصل لهؤلاء المساكين...
وجبة كوب حليب
وبيضة جدادة....
المزرعة موجودة
الحظيرة
الاكل
الراعي الحلاب
العامل البقوم بي ده...
سمح المطلوب شنو.....
اتلمو ناس اجيبو بقرة لبن مميزة...
توسم بختم المستشفي
وتظل صدقة جارية للامر.
ومع البقرة ٥٠ دجاجة بياضة.
ولو في زول جاهز اوديها من مراحو
ييكون فاز...
الاكل ومنصرفات ورعاية البقرة محلولة
بس بقرة لبانة ....
علي حال،الامر ده هوبقضي
لكن الجيعان وعيان بصبر لينا
|
Post: #2
Title: Re: ياناس الحوش وزوارو،،مشروع مربح ربح جد،،،جاهز ..هدية..
Author: مني عمسيب
Date: 10-27-2014, 11:03 AM
Parent: #1
عبد العزيز ود عصمان .. سلام يغشاك .
والله الموضوع في غاية البساطة الله يجمع ليك بالاستاهلوا .
عشت وربنا يعدلها عليك محل ما تقبل .
ولالالا قدام ..
|
Post: #3
Title: Re: ياناس الحوش وزوارو،،مشروع مربح ربح جد،،،جاهز ..هدية..
Author: dardiri satti
Date: 10-27-2014, 11:37 AM
Parent: #2
Quote: اتلمو ناس اجيبو بقرة لبن مميزة...
توسم بختم المستشفي
وتظل صدقة جارية للامر.
ومع البقرة ٥٠ دجاجة بياضة.
ولو في زول جاهز اوديها من مراحو
ييكون فاز...
الاكل ومنصرفات ورعاية البقرة محلولة
بس بقرة لبانة ....
|
يلا..... قول واحد
معاااااااااااااااااك!!
بس صدقني صدقة جارية دي
حيجوك الجماعة من وراها
وتبقى نجارة جارية
وما في زول حيقد يمسكها !!!!
تحياتي
|
|