Post: #1
Title: يايحي قباني اعذرني،،،،شعب فيه مثلكم جدير بالاحترام،،،ولن ينهزم..
Author: عبدالعزيز عثمان
Date: 10-27-2014, 04:21 AM
: جهاز فحص الدم
سلامات يا حبيبنا
و الف لا بأس علي اختنا سعاد
فقط زودني باي عنوان في اي
مكان بالعالم لشخص تامنه
علي توصيل الجهاز لكم و
سأقوم بشحنه له من كندا
الجهاز بحوزتي هنا بالمنزل..
وحيث ان اختنا في السودان
ساقوم بطلب الشرائط لتكفيها
فترة انشاء الله
و انشاء الله ما بنقصر ...
دعواتكم بس
اخوك قباني
|
Post: #2
Title: Re: يايحي قباني اعذرني،،،،شعب فيه مثلكم جدير بالاحترام،،،ولن ينهزم..
Author: عبدالعزيز عثمان
Date: 10-27-2014, 04:47 AM
Parent: #1
ياقباني...
كل زول مخير يدق طارو
وانم...
واعرض..
فوق بضاعتو العاجبا....
اها يابا...
والله انا الليلة فرحان فرحا...
حيث بان وقف امامي باقي تيراب السمحين
ليربت علي كتفي
ويقول لي
نحن بخير...
نحن بخير
فتيراب ابواتك مكنون مصون
عطاء وبزل
بسماحة وطيب خاطر....
فليغني كل ليلاه
شيل شيلتك
الليلة
نمي
وغناي فوقك
اعلم اني اخجلك
واقصم منك
ولكن بضدها تتمايز الاشياء
ولابد من ان نقول بك لم نزل جميلين
ايها الجميل قباني....ان لم نكتب عن السماحة
فعن اي شئ نكتب..
|
Post: #3
Title: Re: يايحي قباني اعذرني،،،،شعب فيه مثلكم جدير بالاحترام،،،ولن ينهزم..
Author: نورالدين الفحل
Date: 10-27-2014, 07:57 AM
Parent: #2
الشكر لهذا القبانى على جميل الفعل والعمل
الشعب السودانى مازال بخير والفيهم مشهودة
جعلها اللة فى ميزان حسناتك اخى يحى واثابك
ود عثمان احسنت من لايشكر الناس لايشكر الله
محبتى لكم وسلامى و ادام الله الفضل بين الاحباب.
|
Post: #5
Title: Re: يايحي قباني اعذرني،،،،شعب فيه مثلكم جدير بالاحترام،،،ولن ينهزم..
Author: نصر الدين عثمان
Date: 10-27-2014, 08:04 AM
Parent: #3
التحية لي ود قباني..
ولجميع السودانيين في كل مكان ..
فبرغم الريح .. وربرغم الجو الماطر والإعصار ... سيبقى السوداني هو السوداني...
|
Post: #4
Title: Re: يايحي قباني اعذرني،،،،شعب فيه مثلكم جدير بالاحترام،،،ولن ينهزم..
Author: ismeil abbas
Date: 10-27-2014, 08:02 AM
Parent: #2
أخى عبدالعزيز السلام عليكم.......الزول ده من كتاباته ومشاركاته الجميلة ببان للواحد....زول زى ده جدير بألأحترام فعلا..
Quote: ايها الجميل قباني....ان لم نكتب عن السماحة
فعن اي شئ نكتب.. |
|
Post: #6
Title: Re: يايحي قباني اعذرني،،،،شعب فيه مثلكم جدير بالاحترام،،،ولن ينهزم..
Author: عبدالعزيز عثمان
Date: 10-27-2014, 09:58 AM
Parent: #4
عزيزي الفحل..تحياتي وشكرا علي المرور..
دابنا ان نوظف السنتنا واقلامنا..
نتحدث عن قبح استشري..
وجمال انحسر..
ناسين بان القادر علي...
صنع الجمال..
هزيمة القبح..
هو نحن،،هذا الانسان السوداني الذي...
رغم قوارع السياسة..
واراجيف الساسة..
حي ،سمح،بهي..
قادر بالحنين الذي فيه لازمنة بهائه..
ان يصمد ويصنع..
والنفس الخيرة المجبولة علي الجميل..
تفتا تفعل ذلك..
حمالة مسك ضد كير النافخين...
نفاحة شذي رغم الممسكين..
وبها ،وقيمها مهما تراءت للبعض صغيرة..
تظل جذوة الضي مشتعلة..
تسوقنا للصباح والفلاح..
اني في الحقيقة احتفي بقباني قيمة خير..
ببساطة وسهولة مشي بفعلها ،،
فهل فعلنا كلنا ذلك معه...
فلنجرب...
|
Post: #7
Title: Re: يايحي قباني اعذرني،،،،شعب فيه مثلكم جدير بالاحترام،،،ولن ينهزم..
Author: علي محمد الفكي
Date: 10-27-2014, 10:46 AM
Parent: #6
عبد العزيز عثمان
لك التحية
والتحية ليحيى قباني
فالدهب الاصيل لا يصداء ولا يتغير
شكراً لك عبد العزيز شكراً لك يحيى وانتم تطمونا بأن الذهب السوداني باقي رغم عوامل التعرية
في ميزان حسناتك اخي قباني
|
Post: #8
Title: Re: يايحي قباني اعذرني،،،،شعب فيه مثلكم جدير بالاحترام،،،ولن ينهزم..
Author: يحي قباني
Date: 10-28-2014, 00:20 AM
Parent: #7
ليه يا عزيز كده ...
مش ده المفروض علينا و العلمونا ليهو كبارنا ...؟
مش علمونا ( لا شكر علي واجب ) ... ولا شنو يا صديقي ...
يازول لانك طيب و زول جميل فهذا من اصلك و ذوقك ... و جمال نفسك ...
كتر خيرك و كل الاخوة ...
رغم سعادتي الغامرة بكلماتكم الطيبة ...
و تقديري التام لاحساسكم بشئ موجب في هذا الزمن السالب ...
الا ان الحسرة تغلب النفس في هذا الزمن الصعب الذي بتنا نسعد فيه و نحتفي بمن يعمل واجبه ...
|
Post: #9
Title: Re: يايحي قباني اعذرني،،،،شعب فيه مثلكم جدير بالاحترام،،،ولن ينهزم..
Author: عاطف عمر
Date: 10-28-2014, 07:01 AM
Parent: #1
شكراً عزو
شكراً جزيلاً
هذا هو يحيى قباني الذي أعرف
والشئ من معدنه لا يستغرب
|
|