Post: #1
Title: الهندي عزالدين -كذابين ومؤلفاتية ومرضى النفسانيين ) لانهم فضحوا في هذه الصفحة !###
Author: زهير عثمان حمد
Date: 10-20-2014, 09:03 PM
Parent: #0
الهندي عز الدين : يحتشد سوق (النت) بالكذابين والمؤلفاتية المرضى النفسانيين من (مناضلي الكي بورد) من مختلف أحزاب الوهم السياسي في بلادنا، فإنه يزدحم أيضاً بسواقط (المؤتمر الوطني) والحركة الإسلامية (أولاد ضفرا)
and#8236;مثلما يحتشد سوق (النت) بالكذابين والمؤلفاتية والمرضى النفسانيين من (مناضلي الكي بورد) من مختلف أحزاب الوهم السياسي في بلادنا، فإنه يزدحم أيضاً بسواقط (المؤتمر الوطني) والحركة الإسلامية وأجهزتها، منهم من تم تجريده من (الرتب) وإبعاده من المناصب وحرمانه من الامتيازات، ومنهم من لا يزال يرتع في النعيم العام ويستخدم في أداء مهام (قذرة) لتصفية الحسابات ومحاولة حرق الشخصيات بنشر الفبركات والشائعات حول أفراد أو مجموعات أو جهات. وتصدر هذه الترهات عن مواقع إلكترونية تلتحف ثوباً (مقدوداً) باسم المعارضة مثل (الراكوبة) و(سودانيز أون لاين) وكلاهما محشود بمصادر لجهات رسمية، أو صفحات على (فيس بوك) لمن يزعمون أنهم معارضون ومناضلون أو عساكر يدعون أنهم (مفصولين) من الخدمة مثل صفحة الكادر (الشغال) المستمر في الخدمة الرخيصة المسمى (ود قلبا) !!
*}and#8236;وهذا اللقب ملفوح من مفرداتنا - نحنا أولاد أم درمان القديمة - إذ تجد بعضنا يفتخر في هزله وونساته مفتخراً بأنه (ود قلبا) . . والمقصودة أم درمان . . من بدور (القلعة) وجوهرها لعلايل (أبوروف) مروراً بـ(ودأرو) مكان (الشباب الحلو) وبيت المال الأصيلة . . الملازمين . . ودنوباوي . . حي الموردة والعباسية والأمراء وحي العرب . . . وأولاد قلبا الحقيقيون لا يشبهون هذا (الفرد الموجه) أو المجموعة المكلفة مع بعض أدوات التعمية والمكياج لزوم التضليل!!
*}and#8236;ولكن تضليل منو يا عم ؟! إلا من كانت في عيونه رمد . . وفي عقله خبال . . لا بصر له ولا بصيرة . . من سابلة (النت) وعوامه من لا يميزون ولا يعقلون.
*}and#8236;نشر هذا المعتوه المطلوق بأمر على صفحته بـ(فيس بوك) ترهات قدم لها بـ(بهارات) تحوي معلومات عن دائرة المعلومات بجهاز الأمن والمخابرات، وفي قلبها أقحم صاحب الصفحة المزيف أنا العبد لله . . "الهندي عز الدين" إضافة إلى الإخوة "ضياء الدين بلال" و"الصادق الرزيقي" وآخرين ضمن عشرات الصحفيين يحملون (رتباً) بجهاز الأمن والمخابرات!! ولم يوضح طبيعة الرتب . . رفيعة أم ########ة . . لكنه ألقى كذبته المضحكة هكذا وخرج أو توهم أنه فعل!!
*}and#8236;لقد تطورت أساليب ومناهج وطرق (حرق) الشخصيات، وتجاوز العالم (البدائية) التي ما يزال البعض يحرص عليها هنا في السودان، كأن يورد أحدهم صفة (أمنجي) أو يطلق عبارة (بتاع أمن) على زيد أو عبيد من الناس، فيظنون أن أمر زيد قد انتهى!!
*}and#8236;ويا . . (ود ضفرا) إنت ما (ود قلبا) ولا حاجة . . ونحنا ما محتاجين (رتب) . . نحنا رتبنا ما بتتقاعد وما بتنزل (معاش) إلا بالموت . . لما ربنا يشيل أمانتو . أقلامنا دبابيرنا . . و صقورنا ومقصاتنا.!!
نحن نعلم وأنت تعلم . . ومن وراءك يعلمون . . رتبنا ومقامنا الرفيع في عمق (قلب) الشعب السوداني .
ويا (أولاد ضفرا) . . أهلنا في دارفور بقولوا: (كلاب كان داوسو . . بخت أرنب)!!!.
المجهر السياسي
|
Post: #2
Title: Re: الهندي عزالدين -كذابين ومؤلفاتية ومرضى النفسانيين ) لانهم فضحوا في هذه الصفحة !###
Author: صديق الموج
Date: 10-20-2014, 09:58 PM
Parent: #1
بتاع النفايات ده لو كان ما امنجى كان وصل لما وصل اليه؟
ساكن الواحه وراكب سيارة فور وييل درايف واتزوج؟
الاتخرجو معاك لى هسه ساكين الالزاميه
بلا هندى بلا قرف بالله زهير ماتعمل للطراطير قنابير،،،
|
Post: #3
Title: Re: الهندي عزالدين -كذابين ومؤلفاتية ومرضى النفسانيين ) لانهم فضحوا في هذه الصفحة !###
Author: زهير عثمان حمد
Date: 10-20-2014, 10:27 PM
Parent: #2
[
حبيبنا ود الموج تحياتي
كيفك وعيدك سعيد وأنشالله الوالدة بخير
يا خي ما في موضوع نتوس بيهم شوية
لك كل الود
|
Post: #4
Title: Re: الهندي عزالدين -كذابين ومؤلفاتية ومرضى النفسانيين ) لانهم فضحوا في هذه الصفحة !###
Author: cantona_1
Date: 10-20-2014, 10:28 PM
Parent: #2
يا ود الموج وزهير السلام عليكم ورحمة الله وبركاته...
في البداية لو فهمت صواب فقد قال الهندي انه من اولاد ام درمان ودي ما صحيحة.. فهو من امقد قرية في نواحي السودان وليس من ام درمان التي ذكر ..
تانيا ود قلبا ما بالضرورة يكون من ناس ام درمان عشان يكون ود قلبا.. انا جدي لابي وجدي لامي مولدان في قلب ام درمان .. في المكان الذي به مدرسة ام درمان الثانوية بنات والجامعة الجديدة ...
ومنزل اجدادي غرب الطابية المقابلة النيل ... وأجدادي كانوا من ملازمية شيخ الدين... هاجروا إلى كردفان بعد ضربة كرري الشهيرة ...
أحياء ام درمان كلها توحي بأن مؤسسيها وساكنيها ليسو ا سكان ام درمان اليوم ..
فبداية ببيت المال الاصلي كما قال الدعي الهندي فهو بيت مال خليفة المهدي ..
واب روف هو حي الامير ابو روف امير العنج وجنوب رفاعة ..
وودنوباوي سمي على الامير محمد عبد الله ودنوباوي الذي قطع راس الكافر غردون..
والعرضة هي عرضة خيل خليفة المهدي..
وابو كدوك هو حي الامير المعروف ابو كدوك...
والملازمين هم ملازمية شيخ الدين الذين ذكرت ان أجدادي كانوا من ضمنهم..
وأم بدة هي مركز الامير أمبدي - بالياء ولكن قلبت هاء حسب لغة هجين الخرطوم - وهو أمير دار حامد في المهدية ..
والفتيحاب قبيلة معروفة فالحي اسمه ابو سعد والقبيلة الفتيحاب ولكن غلبت تسمية الفتيحاب حتى فريق الكرة اسمه أبو سعد لمن يعرفون الليق بام درمان.. وهلم جرا...
فانا ود قلبا يا الهندي ود عزالدين الذي هاجرت لام درمان ...
ان تكون زابط امن ولا مصيبة زمان لا يهمنا من قريب او بعيد وبصراحة انت ما غلطان غلطان ود قلبا العمل ليكم اهمية وعمل للعنابر قنابر وللقطية سبلوقة ..
نوعدك بمقال كارب لو اخي ود الموج رسل لي السوفتوير الطلبته من ناس الرياض وجدة وابو زبط....
العوج راي والعديل راي ...
كباشي الصافي
|
Post: #5
Title: Re: الهندي عزالدين -كذابين ومؤلفاتية ومرضى النفسانيين ) لانهم فضحوا في هذه الصفحة !###
Author: خضر الطيب
Date: 10-20-2014, 10:47 PM
Parent: #4
فعلاً بختك يا ارنب , جقلب وطبِل يالهندي عز الطين
ود قلبا راجل شريف و معروف بمواقفو الناصعة
انت وين مواقفك مع الرجال .. يا بطة
شكراً ابو الزهراء , لايراد خطرفت هذا الارزقي المعتوه الهندي عز الطين
|
Post: #6
Title: Re: الهندي عزالدين -كذابين ومؤلفاتية ومرضى النفسانيين ) لانهم فضحوا في هذه الصفحة !###
Author: د.محمد بابكر
Date: 10-20-2014, 11:33 PM
Parent: #5
| Quote: رتبنا ومقامنا الرفيع |
!!!!!!!!!!!!!!!!!!!!!!!!!!!!!!!!!!!!!!!!!!!!
|
Post: #7
Title: Re: الهندي عزالدين -كذابين ومؤلفاتية ومرضى النفسانيين ) لانهم فضحوا في هذه الصفحة !###
Author: elhilayla
Date: 10-21-2014, 02:23 AM
| Quote: الاتخرجو معاك لى هسه ساكين الالزاميه |
Secondary School
ONLY
|
|