نموت نموت و تبقى المناقل سودانية

من طيبة اهل السودان نسيانهم ان الاستعمار كان ثنائيا
كل الغبن انصب على الانجليز فيما المستعمر الاخر بقدرة قادر تحول الى شقيق حميم
محتاجين علماء نفس يشرحوا لنا ذلك
فى الختام نؤكد اننا ايها الشعب السودانى الابى ان متلت المناقل سيبقى سودانيا
و لن نقايض ذلك باى اغراءات او حركات بهلوانية او حتى ببحيرة سيوا

انتهى البيان

مواهب إدريس ... سلام مربع

معليش خليني أختلف معاك

موضوع الحكم الثنائي كان فقط مجرد عنوان غاشين بيهو المصريين

لكن المصريين بالحكم الثنائي المذكور كانوا تحت رحمة الإستعمار أكتر مننا

وما يؤكد ذلك تنظيم الضباط الأحرار الذي كان يضم الضباط من الجانبين السودان و مصر

وهنالك أدلة كثيرة على أن عبارة الحكم الثنائي كانت فقط للإستفادة من الإنتهازيين المصريين في تطويل عمر الإستعمار حينها

للفائدة العامة نقتبس المثل اليابانى

البفرط فى سرابة ممكن يودر كل الحواشة

عاصم تحية مثمنة

ياخ الفهلوة المصرية تمكنت من تحويل تاريخهم الاسود فى السودان الى بياض ناصع
حتى الان لم و لن يعترفوا بان حضارتهم كان منبعها مروى
محمد على قتل الناس عشان الدهب و الاستعباد
الحكم الثنائى كانوا اليد التى بطشت بالسودان بالانابة
الضباط الاحرار بلفوا ولدنا محمد نجيب و جدعوه بايظ
الناس دى دفنت تاريخ السودان فى بحيرة السد
مصر لا تعرف غير مصالحها و لا عيب فى ذلك
المشكلة فينا الما عرفنا مصالحنا بعد

كل الود

فى كلام تحت تحت ان سد مروى سدا مصريا
كسابقه فى ضاحية جبل اولياء جنوب الخرطوم

استباقا للاحداث

المصريين بقوة عينهم دى ممكن يقولوا بكرة دايرين مشروع امتداد المناقل
و رواعيتنا يكونوا ما عندهم حيلة الا يجدعوا عكاكيزم و يقولوا
ما مشكلة تعالوا اسرحوا معانا ما نحن اخوات
سدا لكل ثغرة نهتف و نهتف و نكورك فوق

نموت نموت و تبقى المناقل سودانية