Post: #1
Title: فردوس العشق الاعظم
Author: يوسف الحداد
Date: 10-16-2014, 12:52 PM
Parent: #0
إنشاء الله معاك العيد حاضرنو
يا ربى نكون من حُضارنو
نديك العندنا ليك شايلنو
وعندك نلقى الما لاقِنو
إشا ء الله معاك العيد حاضرنو
***
كان شفتى الحال الفيهو انحنا
لا عاجبنا ولا راضنو
ضاقت بينا الدنيا الواسعة
نقبل وين ما عارفنو
وكان عارفين ما بنحمل بٌعدك
وياهو دا كان الخايفنو
نستاهل كل البحصل لينا
الهم والمُر الشاربنو
إن شاء الله معاك العيد حاضرنو
***
يا فردوس العشق الاخضر
رمش عيونى لقُربك حنّو
اطرى كلامك احزن ابكى
اتوه ما بين اهات قلبى وظنو
والشوق العندى دا ما زي شوقك
شوقك يمه كتير وكأنو
زي تسبيح الغيم والمطرة
اعجز إنى اعبر عنو
ادينى عفوك ورضاك يا يمة
زيدى دعاكى وكترى منو
ليل الغربة مخيف يا يمة
بهدل ولدك وطيّر جنو
كل ما ينوى وقال جايكى
تشيلو الريح لبعيد وتفنو
إن شاء الله معاك العيد حاضرنو ....
بمناسبة الذكرى الثالثة لرحيل امى العزيزة يرحمها الله ..
|
Post: #2
Title: Re: فردوس العشق الاعظم
Author: يوسف الحداد
Date: 10-20-2014, 06:23 PM
Parent: #1
ub
|
Post: #3
Title: Re: فردوس العشق الاعظم
Author: علي عبدالوهاب عثمان
Date: 10-21-2014, 02:10 PM
Quote: ادينى عفوك ورضاك يا يمة
زيدى دعاكى وكترى منو
ليل الغربة مخيف يا يمة
بهدل ولدك وطيّر جنو
كل ما ينوى وقال جايكى
تشيلو الريح لبعيد وتفنو
إن شاء الله معاك العيد حاضرنو .... |
التحية لشاعرنا .. يكفني هذا أعلاه
|
Post: #4
Title: Re: فردوس العشق الاعظم
Author: يوسف الحداد
Date: 10-24-2014, 08:02 PM
Parent: #3
شكراً لك استاذ غلى
شكراً لك ايها الباحث والمؤرخ
كل عام وانت بالف خير عيد الاضحى
وبمناسبة العام الهجرى لك الف تحية
وسنه حلوة يا جميل
ورحم الله امواتنا وامواتكم ..
تعظيم سلام
|
Post: #5
Title: Re: فردوس العشق الاعظم
Author: يوسف الحداد
Date: 10-28-2014, 06:35 PM
Parent: #4
ub
|
|