بلاك خربانة يا الحلنقي

أقابلك
في زمن ماشي
وزمن جاي
وزمن لسة
بشوف الماضي فيك باكر
أريت باكر يكون هسة

وقصر طول مشاويرنا
ورقش بالفرح جلسة على النيل
والقمر مرات يبين في الموج ويدسة
ونحن نقابلو زي طفلين
كلامم كلو بالهمسة
وزي عصفورة قلبها دابو حنة
وبالولف حسَّ

أي عيون بتتقابل
إلا عينيكي ما بتتفات
في عينيك بتوه
كيفن في حلاة البسمة في القاسيات
وعطر الصندل المستني
يفرح بيكي فرحتو جات
وحاتك خلي منو شوية
شان يتكاحل السمحات

بلاك النجمة
لا بتتعلا لا بتتدلا
فوقا هلال
عليكي الريدة طلي علينا
يالختينا فيكي آمال
تجينا فرح ترفرفي فوقنا
نستناكي بالموال
والشوق بيني بينك انتي
زي ماتقول نظرة طال

( بعد القلتو ده تاني لو أنقلبت الدنيا منو البصدق فيك كلام ما في محلو ) ؟
يديك العوافي محل ما تقبل يا الحلنقي

انهم فاقد تربوي ابتلي الله به المنبر......ماذا كان يضيرهم لو تريثوا وتأكدوا بدلا من احداث كل هذه البلبلة وضرب مصداقية المنبر?

عزيزنا أزهري
سلامات
ماذا كان يضيرهم ؟
ألف شكر

هجرة عصافير الخريف
غناء:محمد وردي
هـجرة عـصافير الـخريف في مـوسم الـشوق الحلو
هـيج رحـيلا مـع الـغروب إحساس غلبني اتـحملو
وكتمت أشواق الحنـين داير الدموع يتـقـلو
ورجعـت خليت الـدموع يـنسابو ..مـنى ويـنزلو
ليـه يا عصافيـر الخريف
خضرة مشاعري أشيلا صيف
تـحت الـغمام شـايف مـواكب الـهجرة اتـلاشت سراع
ليه يـا عـصافير ليه الأسف مين علمك أسف الوداع
وعارف دة ما أول سفر لبلاد بـعيدة بـدون مـتاع
زي ما بتخافي مـن الرياح بنخاف كمان نحنا الضياع
ليه يا عصافير ليه الضنى
صفقة جناحك أحزنها
غـايـب الـسنين الـليلة مالو غنا العصافير غـلبو
طراهو زولا كان ولوف كم رضــا خـاطرو وطيبو
سمع قليبو كـلام حـنين هـدهد مـشاعرو ودوبـو
الـناس سعيدم في الـحياة لا ضاق فراق لا جربو
وأنا حالي في بعد الوطن
دفعني ضي العين تمن

,,,,,,,
عاش الحلنقي

[عدل]
ولد إسحاق الحلنقي (ويكتب أيضاً اسحق الحنلقي ) في حي الختمية بمدينة كسلا في منتصف عام 1945 م، وقد عرف بلقب الحلنقي نسبة إلى جده من جهة أمه الذي ينتمي إلى قبيلة الحلنقة في كسلا والتي تلقي فيها أسحق تعليمه في مختلف المراحل الدراسية. والحلنقي متزوج وله اربعة أولاد ذكور وبنتاً واحدة وعدد من الأحفاد.
حياته العملية[عدل]
في سبعينيات القرن الماضي هاجر الشاعر الحلنقي إلى دولة الإمارات العربية المتحدة حيث عمل في مدينة العين بإمارة أبوظبي ومدينة الشارقة ، قبل أن يعود إلى السودان ويقيم في حي الدوحة بمدينة أم درمان.
عرف عن الحلنقي نشاطه الإعلامي فقد كان يكتب في مجلة الإذاعة والتلفزيون في عمود خاص به تحت عنوان «ظلال وعبير». وكثير ما يشارك في الحلقات الإذاعية والتلفزيونية في السودان التي تتناول مواضيع الشعر والغناء والموسيقى.
مميزات شعره[عدل]
يكتب الحلنقي اشعاره الغنائية بالعامية السودانية، ويغلب على موضوعها الحب والهجرة والشوق والحنين والعودة من المهجر . وكثيراً ما تتضمن القصيدة صورا تعبيرية مشوبة بالحكمة والنصح وقد تنتهي بنهاية سعيدة أو عودة حميدة.
ومن صور شعره ما جاء في هجرة عصافير الخريف حيث يقول:
ليـه يا عصافيـر الخريف،
خضرة مـشاعـري أشيلها صيف؟
وفي قصيدة «مشِّي أمرك يا قَدَر» يقول:
همسة الذكرى اللي معاي، تبقى زاد روحي ومتاعها
و في قصيدة «مصيرك بكرة بتتعلم من الأيام» يقول:
بكرة الريد (الحب) بدون مواعيد يزورك ... ياحياة عمري
وفي قصيدة «حبيت عشانك كسلا » يقول:
صوت السواقي الحاني ذكرني ماضي بعيد
وعلى الرمال آثارك طرتني ليلة عيد
أعماله الشعرية[عدل]
بدأ اسحق في نظم الشعر منذ سن مبكرة في العشرين من عمره ونشر بعض اعماله في الصحف المحلية وقد لاقى بعضها شهرة ورواجاً ومن بينها قصيدة «الأبيض ضميرك» والتي تغنى بها الفنان الطيب عبدالله يقول الحلنقي في إحدى مقابلاته الإذاعية إن أول حافز لقيه من أعماله الشعرية كان خمس جنيهات في اغنية للاذاعة السودانية في أم درمان وكان آنذاك لا يزال طالباً في المدرسة، وإن أول مطرب تغنى بقصيدة له هو الفنان السوداني الطيب عبد الله في اغنية بعنوان «الأبيض ضميرك» وقد وجدها الفنان الطيب عبدالله منشورة في مجلة الإذاعة والتلفزيون وقام بتلحينها وحققت الأغنية نجاحاً لدى المستمع السوداني.[1]
ومن أعماله الشعرية المشهورة قصيدة غربة وشوق وفيها يقول:
جِيناكم يا حبايبنا
بعد غُربَة وشوق
نَغَالِب فيه ويَغَالِبنا
نَكتم آهة وتَظهَرْ آهة تَتًعِبنا
سَمَاع "أهلاً" من الأحباب
شروق آمال
ووصف البهجة بالكلمات مُحال يِتْقَال
حلاوة العَوْدة غَنَيناها في مَوّال
القصائد الغنائية المنشورة[عدل]
حمام الوادى
شالو الكلام
هجرة عصافير الخريف
الأبيض ضميرك
حبيت عشانك كسلا
بتعلم من الأيام
جربت هواهم
الطير الخداري
جابتني الظروف
أعز الناس
عيش معاي الحب
الحب الكبير
عتاب القاش
غربة وشوق
رحلتوا بعيد نسيتونا
ياوطني ياحبي
كل يوم عندك حكاية
عطشان والبحر جنبك
شيل معاك غيم المشارق
إنت ما أول مودع
إنت ما آخر مفارق

أرجو التكرم بوضع أغنية عصافير الخريف
مع جزيل الشكر

بلاك خربانة يا حلنقي

ممكن وللا ما ممكن

أسيبك اصلو ما ممكن
اسيبك كيف بعد ريدك
صبح من روحي متمكن
**************
ممكن تختفي الأبراج
ويبقى النيل بدون أمواج
يغيب الكوكب الوهاج
وتبقى الزهرة من غير تاج
عارف شوقي ما بهدن
واسيبك أصلو ما ممكن
**************

ممكن يرحلوا النيلين
ويمشوا يهاجروا مغتربين
وممكن يجرح الياسمين
والزيتون يجافي التين
إلا الأصلو ما ممكن
نعيش انا وانت مفترقين
ممكن أي حاجة تكون
وحرف النون يكون ما نون
وممكن تاني يظهر لون
يضيع لون دهب شيبون
إلا الأصلو ما ممكن
غلاوتك عندي مرة تهون

تحية لكما، أنت والحلنقي، ولهما: وردي ومنير، ولنا: نعب من جمال الكلمة واللحن والأداء.

أستاذ عبدالحميد البرنس
سلامات
ألف شكر أخي عبدالحميد وأنت تشارك في صد نبال القبح عن شاعرنا الكبير
تحياتي

حياك الله أخي عثمان، وما تقدم كان مجرد تحية تشمل حتى أولئك الذين تسببوا في تذكيرنا بوجوده الجميل بيننا. ذلك أن الحلنقي أكبر من أن (يتشوبر البرنس بصد النبال عنه). ولو كنت أمتلك وقتا، لقمت بمقاربة المسألة من زاوية طُرق ما نُسميه المبدع في إنتاج المعرفة بالعالم والتفاعل معه، لأنها مسألة حاسمة على صعيد الأصالة. ثم كن أخي بألف خير:

حاشاك التشوبر أخي عبدالحميد .
وأكيد تجدنا في قمة السعادة لو أتاح لك الزمن فسحة ( لمقاربة المسألة من زأوية المبدع وأنتاج المعرفة )

في أنتظارك .
ولك التحية والأحترام

وبلاك انت المنبر خربان يا أبو عفان

الحمد لله شاعرنا الرومانسي الكبير الحلنقي طلع بريء من العنصرية البغيضة التي كانت ستمحو اسمه من الوجود ..

وأخونا صبري الشريف اعتذر للشاعر وللجميع .. ولكي نكون أمة عظيمة لا بد أن نتعلم خصلة الغفران .. عشان نكون سمحين ومتسامحين ...

تحياتي

عزيزنا محمد هارون
سلامات
لا والله .. المنبر عمران بي ناسو
عمران بي الكتيرين من المعجبين بي مبدعينا من الشعراء والفنانين
من أبناء الوأدي الحبيب . لك ولهم جميعا التحية

الريد جو قلبي بحبك بدا
ياطيبة حياتي يا قطر الندي
ما كان في خيالي تتنكر كدا
أيامن الجميلة ليه بتنكدا
جربت هواهم
قليبي انكوى
تاريهم جاروا
وماصانو الهوى
حاولت اسيبك واتناسى المضى
أيامك معاي ساعات الرضى
المكتوب علي أنا قلبي ارتضى
ياريت الليالي عطفو يعوضا
جربت هواهم
قليبي انكوى
تاريهم جارو
وماصانو الهوى
الكلمة الحنينة مشتاق اسمعا
روحي خلاص جفيتا والشوق لوعا
الدمعات
عيوني كيفن تمنعا
وانا شايف سنيني جورك ضيعا
جربت هواهم
قليبي انكوى
تاريهم جاروا
وماصانو الهوى
يومي الشفتك انت حسيت بالهنا
طويت يا حياتي شمعاتي انا
بعد الحب دا كلو يا أجمل منى
لي بكيتني تاني عاودت الضنا
جربت هواهم
قليبي انكوى
تاريهم جاروا
وماصانو الهوى

سلام، يا أخونا العزيز عثمان:

والمسألة زي ما شايف: عليرة وأدوها سوط. يا راجل شاعر جميل زي الحلنقي قاعد في أمان الله تقع فيهو شايعة من السما. وبعدين شايعة مقعدة وبتبريرات أخلاقية. وحكم إدانة تمت صياغته بحذلقة. وبعدين الانجليز بقولوا الصورة أصدق من الكلمة بألف مرة. أوالصورة تساوي أكثر من ألف كلمة. يثبت عكس ما قيل. لأن الاعتذارات بدت لزجة وملتفة ومراوغة . واحد يجي يقول طيب هو ما قال لكين المسألة موجودة. واحد بدبلوماسية مبتذلة يقول عذرا لرشاش كلماتي. مع إنو طرح المسألة زي حقيقة طلوع الشمس. وكمان العاملين ساسة يدون زيادة دروس في مباديء الاعتذار. وعشان معظم الاعتذارات ملولة يجي واحد في الفيس بووك ويقول للحلنقي أها عاد وين سيك سيك معلق فيك. غايتو زمن أساطين القعدات الدكاكينية في ظل افلاس شامل.

عزيزنا الأديب الجميل عبدالحميد
سلامات
في يوم من أيام الكرنفال السنوي في نيويورك بتاع أهلنا المصريين .
كان المصريين شاريين أغنية وسط الدايرة .. شارنها في البحر والبر و بي الساوند سيستم أبو 6 ألف كراع .
وبي موسيقي وردي وصوت منير .
والعالم كلو منبهل في سحر الحلنقي .
الأغنية دي بس يا عبدالحميد أخوي . مفروض تشمع خشم أي شامت بي Tape احمر ولا شمع احمر .
ألف شكر