طيب ...وماذا عن الَّذِينِ طَعَنُوا في شاعِريّة الحَلَنْقِي ؟

لم يكتفي أبناء ( السودان ) باتهامه بالعنصرية دوت التحري من مصداقية ما نسب اليه ...

بل ( انبري ) البعض و شكك حتي في شاعريته ...

و منه من قال ان معينه الشعري قد نضب منذ عشرات السنين !!

اقول لهؤلاء ...

ما كتبه الحلنقي ... يكفيه دهوراً ان لا يكتب و لا يقول كلمة ...

ما غناه وردي و الطيب عبد الله و التاج مكي و غيرهم كثيرين ...

لو كان ذلك الحلنقي ابن بلد آخر لاقاموا له تمثالاً في اكبر ميادينها ...

اعتذروا ان كان ينفع الاعتذار ...

فانتم لا تعلمون معني جرح مشاعر ( الشاعر ) ...

رجاء ... ارفعوا اياديكم و اقلامكم عن مبدعينا ... و عن كبارنا ...

هل اصبحنا مفلسين لذلك الحد ؟

Quote: بل ( انبري ) البعض و شكك حتي في شاعريته ... و منه من قال ان معينه الشعري قد نضب منذ عشرات السنين !!

والله ياقباني المداخلات من الشاكلة دي حيرتني بقدر حيرتي فيما بهت به!

صحيح تقييم الإبداع هو أمر نسبي فيما يخص عامة أهل الإبداع لكن في قمم
إبداعية ما ممكن تحط من قدرها بالصورة دي!! فيبقى الكلام زي لمن تقول حميد
دا زول متشوعر ساي ، ولا وردي ما غناي وهكذا :) .. تحياتي

يا قباني يا أخوي ده جبل ما بهزو ريح

تحياتي

التسرع والتسارع والمسارعة
اصبح ديدنا هاهنا اخي قباني
ربنا يستر

Quote: والله ياقباني المداخلات من الشاكلة دي حيرتني بقدر حيرتي فيما بهت به! صحيح تقييم الإبداع هو أمر نسبي فيما يخص عامة أهل الإبداع لكن في قمم إبداعية ما ممكن تحط من قدرها بالصورة دي!! فيبقى الكلام زي لمن تقول حميد دا زول متشوعر ساي ، ولا وردي ما غناي وهكذا :) .. تحياتي

و الله يا أحمد شئ محزن و درك سحيق ما وصلنا اليه من قتل لمبدعينا بسبب و بدون سبب ...

بلدنا اصبح شبه عاقر في انجاب المبدعين ...

فلنتمسك بكبارنا ...

الحلنقي منطقة ممنوعة الاقتراب ...

و لا يملك اي انسان اي نوع من الادوات تعطيه الحق في القدح من مقامه و شاعريته ...

امثال الحلنقي كتبوا اسماءهم بأحرف من نور في تاريخ الابداع السوداني ...

و لكنه زمن الانهزام يا صديقي ...

Quote: يا قباني يا أخوي ده جبل ما بهزو ريح تحياتي

تخيل يا عثمان موسي ...

الحلنقي القال :
يا غنوتنا
يا بهجتنا
ويا مسا عيونا المبهورة
ما نحن بطبعنا ناس طيبين
غلطاتك عندنا مغفورة

نتجرأ و نغلط فوقو ؟

الحلنقي القال ...
يا أعز الناس حبايبك نحن
زدنا قليل حنان
دا العمر زادت غـلاوتـو معاك
وصالحني الزمان
يا أحن الناس حنان

نجي و بي بساطة نتغالظ عليهو ...!!!

الحلنقي الكتب يا عثمان و قال :
وسط الدايرة يا أجمل نايرة
خلي قلوبنا تطير
وارحلي بينا فراشة حنينة
بين زينات وعبير
ولما الخصلة تدور طربانة
تبقي حرير في حرير
فرحي خلق الله واتّنّي ياشبه
القمرة
وارقصي رشي عبيرك فينا وفتحي
يا زهرة

نجي و بي بلادة ... نطعن في شاعريته !!!

الله يرحم حميد لما قال :
في هذا الزمن .. تُفْ يا دنيا تُـفْ

الاخ يحي قباني
لقد اعطيت من قالو هذا القول قيمة لايستحقونها...الحلنقي من مبدعين بلادنا...الكبار مجرد الدفاع عنه ضد مثل هذه الشرازم يعد نقيصة له.., فدعهم الحلنقي لايحاج لمن يافع عنه...حزنت لهم

Quote: التسرع والتسارع والمسارعة اصبح ديدنا هاهنا اخي قباني ربنا يستر

و الله حزين يا موسيقار ...

الحلنقي؟ الزول الرقيق و حنين !!!

دون خلق الله كلهم ... نتهمه بالعنصرية ... !!!

و لا نكتفي ... كمان نشكك في شاعريته !!!
____________________________

من ارق ما غني محمد وردى و من اكثر اغنياته عذوبة ...

يا راجياني للحلنقي ...

نذكر الناس الغافلة ...

Quote: الاخ يحي قباني لقد اعطيت من قالو هذا القول قيمة لايستحقونها...الحلنقي من مبدعين بلادنا...الكبار مجرد الدفاع عنه ضد مثل هذه الشرازم يعد نقيصة له.., فدعهم الحلنقي لايحاج لمن يافع عنه...حزنت لهم

فعلاً شئ يؤسف له ...

و فعلا لا يستحقوا حرف واحد ...

نخلي اغنياته ترد عليهم ...

وسط الدايره ...

و التي جعلت من محمد منير نجماً ...

من اجمل و اروع ما كتب الحلنقي و من احلي ما غنى محمد وردى ...

وهنا مدرسة شعرية ...

و علم ينتفع به ...

هجرة عصافير الخريف ...

للاسف بعض الناس تلقى ليها خبر تلفحو و تكتبو قبل التحري و الامر من ذلك اؤلئك الذين يتلفون الخبر و يصدقونه دون الرجوع للحقيقة مع انو في وقتنا هذا من السهل انو الواحد يرجع للمصدار طالما ذكر

التحية للشاعر القامة اسحق الحلنقي و مثله ترفع له الفبعات

الناس وقعت محل رهيفة

بعد عمالقة شعراء الحقيبة وظهور الغناء الحديث
اشفق الناس على الشعراء حتى جاء بازرعة واسماعيل حسن
فكتبا اجود الشعر الغنائي واعذبه وعندما ظهر حلنقي وجد ان سماعين وبازرعة
رفعا سقف الشعر الى هامات السحاب فكان عليه اما ان يرتقي الى السحاب
فيكون مع الكبار او يخلد الارض فينساه الناس بعد حين فكان الفتى القادم من
الشرق قدر التحدي فحلق في السحاب.
اخيرا :
لو جاء كل الشعراء رفاق حلنقي باغانيهم وجاء هو ب (بتتعلم من الايام) وحدها
لكفته

Quote: بعد عمالقة شعراء الحقيبة وظهور الغناء الحديث اشفق الناس على الشعراء حتى جاء بازرعة واسماعيل حسن فكتبا اجود الشعر الغنائي واعذبه وعندما ظهر حلنقي وجد ان سماعين وبازرعة رفعا سقف الشعر الى هامات السحاب فكان عليه اما ان يرتقي الى السحاب فيكون مع الكبار او يخلد الارض فينساه الناس بعد حين فكان الفتى القادم من الشرق قدر التحدي فحلق في السحاب. اخيرا : لو جاء كل الشعراء رفاق حلنقي باغانيهم وجاء هو ب (بتتعلم من الايام) وحدها لكفته

لا أزيد ...

Quote: للاسف بعض الناس تلقى ليها خبر تلفحو و تكتبو قبل التحري و الامر من ذلك اؤلئك الذين يتلفون الخبر و يصدقونه دون الرجوع للحقيقة مع انو في وقتنا هذا من السهل انو الواحد يرجع للمصدار طالما ذكر التحية للشاعر القامة اسحق الحلنقي و مثله ترفع له الفبعات

السوداني كان كالجبل يا الصادق

لا تهزه الرياح ...

السوداني كان راسياً متمهلاً في قرارته ...

لا ادري من اين جاءت هذه ( الخِفّة ) ...

و ما يفزعني حقاً هو النيل من المبدعين و المتفوقين ...

و كأننا ادمنا الفشل و اصبحنا اعداء النجاح ...

كم قتلنا من فنانين و مبدعين سودانيين في هذا المنبر ؟ و هم احياء يرزقون ...

كم الصقنا بهم من اتهامات غير صحيحة ...

ما عليك الا ان تاتي باكذوبة كبيرة ... و ستجد من يبصم لك عليها بالعشره ...
___________________________________________________
زمان علمونا مقولة :

من علمني حرفاً صرت له عبداً ...

كانت المقولة تعني و تقصد الاحترام لاساتذتنا ...

و اساتذتنا في هذه الحالة هم مبدعينا ....

ثم اتانا هذا الزمن و حتي تلك المقولة صارت مرفوضة شرعاً ...

و بها حرمانية ... و شبهات عنصرية و عبودية الخ من خزعبلات هذا الزمن الردئ ...

الشاعر العنصري يا قباني عنصريته بكبها شعر والحلنقي الجميل شعره كله للحب والجمال والحب والجمال الاثنين ما عندهم لون ولا جهة ولا عرق ولا دين ولا نوع….

التحية للحلنقي و لك يا قباني

معقول يا جماعة البيحصل ده .. انا في حلم ولا في علم .. الحلنقى ارق واشف شعراء بلادي يشكك في شاعريته والله هذا زمانك يا مهازل فامرحي ..
اخي الاستاذ يحيى قباني لك التحية على فتح هذا البوست الذي يذكرنا بما سطره يراع هذا الشاعر الفذ من كلام يصعب فهمه ويصعب ان يحس به بعض الناس .. فالحلنقى سطر اجمل الكلمات الشفيفه الجميلة التي تدخل القلب وتسكنه بدون استاذان ,,, فهل مثل هذا يشكك في شاعريته ؟؟ على العموم يا استاذ يحيى الجميع يعلم بان كل المقاييس والمعايير في السودان قد اختلت لذا لا حرج في ان يحدث هذا ... وليت قومي يعلمون .. وكفى ..


تحياتي : ياسر العيلفون

Quote: بعد عمالقة شعراء الحقيبة وظهور الغناء الحديث اشفق الناس على الشعراء حتى جاء بازرعة واسماعيل حسن فكتبا اجود الشعر الغنائي واعذبه وعندما ظهر حلنقي وجد ان سماعين وبازرعة رفعا سقف الشعر الى هامات السحاب فكان عليه اما ان يرتقي الى السحاب فيكون مع الكبار او يخلد الارض فينساه الناس بعد حين فكان الفتى القادم من الشرق قدر التحدي فحلق في السحاب. اخيرا : لو جاء كل الشعراء رفاق حلنقي باغانيهم وجاء هو ب (بتتعلم من الايام) وحدها لكفته

التحيَّات الزاكيات لك أخ قبَّاني ولضيوفك
وللأخ محمود بكر صاحب هذه المداخلة الرائعة
والتحيَّات النواضر لشاعرنا الحلنقي
شاهدت الكثير من اللقاءات مع شاعرنا الشفيف الحلنقي
زول نسمة بل دعاش .... وإنسان وهيط جدا
مرة سمعته قال عن أغنية "نجمة نجمة الليل نعدو"
قال الحلنقي أن الشاعر الكبير عبدالرحمن الريح هو الذي عدَّل
"وإنت ماعارف عيونك لمَّا تسرح وين بودو" بإدخاله مفردة تسرح..
فقال عبدالرحمن الريح قال له : تسرح ياحلنقي ..تسرح ياحلنقي
فإذاد إعجابي به لصدقه مع شاعريته الرائعة
محبتي

يا قبانى
لم يساورنى شك فى أن النبأ كاذب

كلمات الحلنقى الحنينة اللذيذة دى لا يمكن أن يحرمونا منها
ود كسلا المبدع الفنان إبراهيم حسين غناهو اللذيذ الكاتبو
ليهو ود كسلا الشاعر المرهف إسحق الحلنقى، محال نرميها البحر!

أضم صوتى لتحليل أخونا محمود أبكر .. الحلنقى جاء فى وقت
جودة الشعر الغنائى سقفه عالى ولا يقبل المتلقى بأدنى منه

ونماذجك روعة يا قبانى .. يا راجيانى وردى كب فيها بصوته جنس حنية
. . حنية مخلوطة بى طيبة حاجة ما بتتوصف .. رحمة الله على وردى
ونسأل الصحة والعافية وطولة العمر للحلنقى


.. محال

أستاذنا يحيى لك التحية على هذا الجمال ..
وأجمل حديثك عن وردي والحلنقي بهذا التناغم الرائع ..
صدقني بدأت اسمع هذه الاغاني وكأني بها لأول مرة رغم سنين العمر ..
اثناء الحلقات التي تضم وردي والحلنقي كانت مشاعر وردي صادقة نحو الحلنقي وتعبيراته
وكذلك مع الشاعر الجميل ابوقطاطي ( ربنا يحفظه ويطول في عمره ) ..
شكراً استاذنا على هذا الاثراء ..

يحكي يا يحيي ان احدهم شتم الشاعر اسحق الحلنقي
فرد عليه الحلنقي;
ان الانامل التى كتبت عصافير الخريف وبتتعلم من الايام لا تستحق ان اصفعك بها.

Quote: الناس وقعت محل رهيفة

و ليه يا ابسن ؟

جابوهوا من وين ؟

مش ابواتهم و اجدادهم من البلد القال عليها عمك ( سماعين ) حسن ...

بلادي بلاد وناسا كرام تكرم الضيف
وحتى الطير يجيها جعان ومن أطراف تقيها شبع

جبنا الغُبن ده من وين يا عبد الحفيظ ؟

Quote: ا قبانى لم يساورنى شك فى أن النبأ كاذب كلمات الحلنقى الحنينة اللذيذة دى لا يمكن أن يحرمونا منها ود كسلا المبدع الفنان إبراهيم حسين غناهو اللذيذ الكاتبو ليهو ود كسلا الشاعر المرهف إسحق الحلنقى، محال نرميها البحر! أضم صوتى لتحليل أخونا محمود أبكر .. الحلنقى جاء فى وقت جودة الشعر الغنائى سقفه عالى ولا يقبل المتلقى بأدنى منه ونماذجك روعة يا قبانى .. يا راجيانى وردى كب فيها بصوته جنس حنية . . حنية مخلوطة بى طيبة حاجة ما بتتوصف .. رحمة الله على وردى ونسأل الصحة والعافية وطولة العمر للحلنقى .. محال

تسلم يا قريبي ...

الحلنقي شاعر الحب ... تخيل نقوم طوالي نبهته ...

يا راجياني يا نادر براااها ...

كان وردى زاتوا بحب يغنيها ... لما المزاج يكون عالي ...

من المرات الجميلة الغناها فيها وردى بالعود ( رغم ) ندرة غناهوا بالعود ...

كانت معاهوا المبدعة ( الفلتة ) امال النور ...

الله يرحم وردى و يطول في عمر الشفيف الحلنقي ... و بتنا امال نور الهدي ...

Quote: التحيَّات الزاكيات لك أخ قبَّاني ولضيوفك وللأخ محمود بكر صاحب هذه المداخلة الرائعة والتحيَّات النواضر لشاعرنا الحلنقي شاهدت الكثير من اللقاءات مع شاعرنا الشفيف الحلنقي زول نسمة بل دعاش .... وإنسان وهيط جدا مرة سمعته قال عن أغنية "نجمة نجمة الليل نعدو" قال الحلنقي أن الشاعر الكبير عبدالرحمن الريح هو الذي عدَّل "وإنت ماعارف عيونك لمَّا تسرح وين بودو" بإدخاله مفردة تسرح.. فقال عبدالرحمن الريح قال له : تسرح ياحلنقي ..تسرح ياحلنقي فإذاد إعجابي به لصدقه مع شاعريته الرائعة محبتي

تسلم اخونا الجميل عبيد الطيب ...

انت رجل فنان و احساس الفنان بيكون مضاعف بالم انسان متل الحلنقي هذه الايام ...

يا عبيد و الله ما كنت قايلنا بقينا كعبين كده ...

الحصل شنو ؟

ما يانا نحنا البنستر العورات ... و نشيل اللقمه من خشم وليداتنا ندها الضيف و نقوتبها الجيعان ؟

مالنا بقينا ( خفاف ) و طيور كدى ...

الله يستر علينا و علي ايامنا الجايات ...

Quote: معقول يا جماعة البيحصل ده .. انا في حلم ولا في علم .. الحلنقى ارق واشف شعراء بلادي يشكك في شاعريته والله هذا زمانك يا مهازل فامرحي .. اخي الاستاذ يحيى قباني لك التحية على فتح هذا البوست الذي يذكرنا بما سطره يراع هذا الشاعر الفذ من كلام يصعب فهمه ويصعب ان يحس به بعض الناس .. فالحلنقى سطر اجمل الكلمات الشفيفه الجميلة التي تدخل القلب وتسكنه بدون استاذان ,,, فهل مثل هذا يشكك في شاعريته ؟؟ على العموم يا استاذ يحيى الجميع يعلم بان كل المقاييس والمعايير في السودان قد اختلت لذا لا حرج في ان يحدث هذا ... وليت قومي يعلمون .. وكفى ..

ياسر العيلفون يا فنان ...

يبدو لي انه علم و ليس حلم يا صديقي ...

وصل بنا الحال الي درك سحيق يؤسف له ...

لو يعلم الناس انه لم يتبقي لنا في هذا البلد سوى كبارنا و مبدعينا نتمسك بهم ...

لفكروا مئات المرات قبل محاولة المس بهم و تشويههم ...

Quote: لشاعر العنصري يا قباني عنصريته بكبها شعر والحلنقي الجميل شعره كله للحب والجمال والحب والجمال الاثنين ما عندهم لون ولا جهة ولا عرق ولا دين ولا نوع…. التحية للحلنقي و لك يا قباني

التحية لك ايضا يا محمد علي و انت تفتح خيطا لما قدمه الحلنقي للسودان ...

يبقي شئ واحد اغفل عنه كثير من الناس ...

منشأ الحلنقي و بيئته التي شب فيها في الشرق ...

بيئة لا تعرف الضغائن و البغض ...

بيئة تعشق الجمال و التلال و الزهور و الطيور ...

و المبدع ابن بيئته ...

Quote: هل اصبحنا مفلسين لذلك الحد ؟

بل أضل سبيلا أستانا قباني
ـــــــــــــــــــ
الحليلة

يا ناس، أنا بي كلام اليومين ديل (برة الشبكة)،

ممكن واحد يورينا الحلنقي قوّلوهو شنو؟

غبت عن المنبر كم يوم ودخلت لقيت الدنيا مقلوبة ...... لقيت فضيلي جماع الرقيق بيعتذر للحلنقي ...... دخلت وعرفت إنو في إتهام موجه للحلنقي ...... لفيت في البوستات وما فهمت حاجة.

فهمونا .......

ثم يا يحي، تلفونك ما بيرد.

أو تيلفونك ما بيك خبور