لمن نشتكي بنك تساهيل وخالد الكتيابي !###

عند ما تكتب في أمر يهم الناس فيه كم من المظالم ولا أحد يعير الامر أهتماما بالرغم ما نملك من وثائق ومعلومات لا نعرف بمن يحتمي هذا الرجل
وهل للحماية أمد وقيمة أكثر من حقوق هذا الشعب الصابر
سوف نبدأ في نشر ما هو أخطر !

يازهير يا أخوي ..
كل هذه الواجهات التمويلية البراقة ..
خلفها شخوص من النظام تدعمها ..
هذا إن لم تكن شريكة فيها ..
بعدين عندي قناعة شخصية ..
أنه ما اشيل قرش من البنوك ومهما كانت المغريات .. .
أو حتى من هذه الشركات البنكية التي تمول المشاريع ..
أو شراء عربية أو بناء بيت بالدين والأقساط ..
ومهما كانت درجة ثقتي في قدرتي على الايفاء والسداد في الموعد ..
لأن هذه الخطوة المتهورة لها عواقب وخيمه ..
فليس هناك أي مراعاة لظروف قد تلم بك فجأة ..
وتقعدك عن السداد ولو قسط قسطين ..
فتفقد ساعتهاالجلد والسقط ..
وترجع لي مربع بـــ ( الماينص ) ..
بدلا عن مربع واحد الكنت واقف فيهو ..
قدر ما حنسوني بعض الأخوان في البنوك ..
التي يعملون فيها إني أشيل منهم قروش ..
يقولوا ليك جيب أوراق البيت كاجراء روتيني ..
وما بجي شئ لي بيتك ..
أقعد أضحك وأقول ليهم دي تلقوها عند الغافل ...
أها الغافل ده هو البمشي للناس ديل ..
فالحذر الحذر ..
والبخش الله يسهل أمره ويخرج بأقل الخسائر ..
لم تكمل فكرتك .. ربما كان طرحك من زاوية أخرى ..
لكن سردت لك فكرتي ..
تدخل اصبعك في خشم الناس ديل .. تلوم نفسكـ ..
لأنهم حيعضوك زي المافي حاجة ..
عندك قرش واحد تاجر بي قرشك الواحد ده ..
داير تبني أبني قدر قدرتك ..
واوضة وراكوبة بي سترة حال ..
ولا عمارة بي جهجهة ومحاكم ومناتله ..
وما معروف نهايتها شنو ..
يقلعوها منكـ ..
ويدقوا فيها جرس ..
يخلوكـ أباطك والنجم ..

أخي جمال
تحياتي وعيد سعيد
وشكرا للنصيحة تعرف أنا ما عايز من الناس ديل أي حاجة والله جدا لكين الحقارة كعبه تشوف الظلم علي عينك يا تاجر وتسكت كمان ظلم
تعرف خالد الكتيابي دا ماكل أموال الناس بالباطل والكل ساكت من البوليس العادي الي الامن الاقتصادي لحدي بنك السودان
وكل شيء موجود حتي الشركةالجديدة الزهراء باسم زوجتو تعمل نفس العمايل ومؤسس البلا دا أسمو الجوكر في السجن الان لكين علي طول في السوق
نحن نشوف القرق دا كلو ونسكت ليه في النهاية دي بلدنا ما عندنا فيها قروش صح لكين عندنا مقابر أهلنا وشهداءنا فيها ومستقبلنا ندفن هنا
لك كل الود يا صديقي

لازلنا نتظر أن تتحرك الجهات الرسمية في هذا الامر !!!!!!