Post: #1 Title: القبض على إحدَ قوات داعش من الجنسية السودانية (صورة) Author: عبد الله شم Date: 10-10-2014, 06:58 PM
بتكريت على ذمة مواقع التواصل الاجتماعي السودانية والعراقية
Post: #2 Title: Re: القبض على إحدَ قوات داعش من الجنسية السودانية (صورة) Author: باسط المكي Date: 10-10-2014, 07:03 PM Parent: #1
ششكرا عبدداالله شم اشك في ذلك وواللهه اعلم
Post: #5 Title: Re: القبض على إحدَ قوات داعش من الجنسية السودانية (صورة) Author: عبد الله شم Date: 10-10-2014, 07:13 PM Parent: #2
Quote: شكرا عبداالله شم اشك في ذلك والله اعلم
تسلم يا باسط بالعكس انا اتوقع اي شئ في ظل هوس ديني يعتري الشباب واي شباب من يفترض انهم متعلمون ومثقفون قبل ايام ناقش احدهم في ما تفعله داعش دافع عنها دفاع مستميت ولمن زنقتو رماها فوق اسرائيل قلت لي انت ناقص حق التذكرة وحي علي الجهاد
Post: #3 Title: Re: القبض على إحدَ قوات داعش من الجنسية السودانية (صورة) Author: عبد الله شم Date: 10-10-2014, 07:03 PM Parent: #1
شيخي المسلمي بل راسك
Post: #4 Title: Re: القبض على إحدَ قوات داعش من الجنسية السودانية (صورة) Author: محمد المسلمي Date: 10-10-2014, 07:09 PM Parent: #3
المجاهد عبدالله سلام ده كلام كب لدي اصدقاء كثر عراقين من الشيعة والسنة وساكنين في عمارة واحدة قالو لي عندنا سودانين كتيرين منذ زمن صدام لكن الان الحكومة لما تفشل في محاربة داعش بشوف كم زول بقبضوهم ويصوروهم ويدوهم شدة تعريف الشدة ( عشرة الف دولار ) لزوم التسوية
Post: #6 Title: Re: القبض على إحدَ قوات داعش من الجنسية السودانية (صورة) Author: mekki Date: 10-10-2014, 07:18 PM Parent: #4
السودانيين هم الأقل في هذه التنظيمات،،ونحمد الله علي ذلك وأظن ان ذلك بسبب البيئة المتسامحة نسبيا في السودان وفشل مشروع الإسلام السياسية
Post: #7 Title: Re: القبض على إحدَ قوات داعش من الجنسية السودانية (صورة) Author: عبد الله شم Date: 10-10-2014, 07:59 PM Parent: #6
Quote: السودانيين هم الأقل في هذه التنظيمات،،ونحمد الله علي ذلك وأظن ان ذلك بسبب البيئة المتسامحة نسبيا في السودان وفشل مشروع الإسلام السياسية
السودانيين بطبعهم متسامحيين ولكن هنالك هوس ديني يمكن ان يستغله البعض في تجنيد ما يسمى بالمجاهدين شخصيا اتعاطف مع هذا الشخص ان صح الخبر واعتقد انه تم التغرير به
Post: #8 Title: Re: القبض على إحدَ قوات داعش من الجنسية السودانية (صورة) Author: عبد الله شم Date: 10-10-2014, 08:00 PM Parent: #4
Quote: لكن الان الحكومة لما تفشل في محاربة داعش بشوف كم زول بقبضوهم ويصوروهم ويدوهم شدة تعريف الشدة ( عشرة الف دولار ) لزوم التسوي
برضو احتمال وارد وبشدة والمعايش جبارة ما شايف ناس هنا بتتاجر بالقضايا واشلاء الجرحى والمصابين من اجل دويلارات
Post: #9 Title: Re: القبض على إحدَ قوات داعش من الجنسية السودانية (صورة) Author: Ahmed Alim Date: 10-10-2014, 09:02 PM Parent: #8
الاخ عبدالله سلامات،،
الجماعات الإرهابية في السودان نفسها تتفاخر بأن مجاهديها إستشهدوا في عمليات جهادية خارج السودان! ومناصري داعش السودانيين مواقفهم معلنة في منابر بعض المساجد في السودان! عموماً التيارات الإسلاموإرهابية في السودان على قفا من يشيل، وإحتمال أن يكون الشخص دا داعشي برضوا وارد جداً!!
تحياتي..
Post: #10 Title: Re: القبض على إحدَ قوات داعش من الجنسية السودانية (صورة) Author: Al-Shaygi Date: 10-10-2014, 09:48 PM Parent: #9
Quote: القبض على إحدَ قوات داعش من الجنسية السودانية
بحسب فهمي أنا الجاهل الما متفقه في الدين وأقيم كل الشعائر بإيمان وقناعة، أنه هذة الأيات أعطت البشر الحرية في الإختيار، فمن يؤمن له الجنة ومن يكفر فهو في حكم الله يدخله النار أو الجنة فسبحانه وتعالى أعلم منا ومنكم يا رعاع بنوايا خلقله وأعمالهم.. ______
خلونا في عالما الحالي: هل يستوي مسلم بالميلاد قاتل وسارق وزاني وكاذب مع كافر بالميلاد وصادق وأمين ويده نظيفة وغير ملطخة بدماء
ياخ هنا في ناس في غيها ما فاضل ليها إلا تقول (الله) سبحانه وتعالى عما كتبت (غبي)؟؟؟
Post: #12 Title: Re: القبض على إحدَ قوات داعش من الجنسية السودانية (صورة) Author: Yasir Elsharif Date: 10-11-2014, 02:22 PM Parent: #11
سلام للجميع
لا شيء يمنع أن يصبح سوداني في قوات داعش؟؟ ولكن انطباعي هو أن صورة السوداني المنشورة هنا لا تشي بأنه من جماعة السلفية الجهادية. ربما يكون قد التحق بهم بعد أن أجبر على ذلك أو استغلوا حاجته للعمل بعد أن تقطعت به السبل في سوريا أو في العراق، كما يتوقع المرء من الأشخاص في الشريحة التي وضعتها الأخت زينب محمد عبد الله.
أما السلفيون الجهاديون فهم موجودون في السودان وهم في هذه الشريحة وفي الشرائح التي وضعها الأخ أحمد عالم يكفِّرون نظام الإنقاذ نفسه، ويجاهرون بذلك. السؤال هو: لماذا يسمح لهم جهاز الأمن بذلك؟؟
ومحمد علي الجزولي يضع في اليوتيوب خريطة الدولة الإسلامية وعلمها كذلك..
Post: #13 Title: طفل الشوارع اليتيم في كينيا. ماذا أصبح الآن في ألمانيا؟ فيديو بالعربي Author: Yasir Elsharif Date: 10-13-2014, 06:31 AM Parent: #1
آسف نزل الموضوع هنا بالخطأ بدل أن يكون في بوست منفصل.
Post: #14 Title: Re: طفل الشوارع اليتيم في كينيا. ماذا أصبح الآن في ألمانيا؟ فيديو بالعربي Author: Hisham Ibrahim Date: 10-13-2014, 07:15 AM Parent: #13
عميتوا .....
هسع دا داعش ؟؟؟؟
دا من التائهين عهد صدام ويكون صحوا الجماعه ديل .....
زي دا في العراق كان مباري البتاويين والمناطق والبارات المجاورة ................
زي ا عندنا منو هناك كمية تجارية .....
دا لمن قبضوا يكون قال صدام دا جنا والا شنو ...؟؟
ربنا يفك أسرو ساكت ....
شقي الحال يقع في القيد ...............
والشقى التاني تعتر ليهو داعش وهو لاهي هناك ........
