تبا لكم !!!(ناس الضهاري) خرطومنا من غيركم الايام دي ولا باريس

تبا لكم !!!(ناس الضهاري) خرطومنا من غيركم الايام دي ولا باريس


10-07-2014, 02:26 PM


  » http://sudaneseonline.com/cgi-bin/sdb/2bb.cgi?seq=msg&board=470&msg=1412688401&rn=0


Post: #1
Title: تبا لكم !!!(ناس الضهاري) خرطومنا من غيركم الايام دي ولا باريس
Author: توفيق عيسى مكي
Date: 10-07-2014, 02:26 PM

عليكم الله تاني ما تجو ...
خليكم قبلكم

= شهدت مدينة الخرطوم هذه الايام هدوءا محببا ورخاءا ومحبة بسبب غياب اهل الريف الذين سافروا لقضاء فترة العيد في ديارهم=

Post: #2
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: Abu Baker Ahmed Abdel Rahman
Date: 10-07-2014, 02:37 PM
Parent: #1

Quote: تبا لكم

اشفق عليك كثيرا توفيق: الم تجد غيرها للتعبير؟
هذا هو السقوط
ابوبكر

Post: #3
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: ملهم كردفان
Date: 10-07-2014, 02:44 PM
Parent: #2

بلااااااش ياتوووووفا ... !!!


كل سنه وانت مرتاح ....

Post: #4
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: توفيق عيسى مكي
Date: 10-07-2014, 02:49 PM
Parent: #1

الخضارات رخيصة ......
اللحمة مع العيد زي المجاني .....
العيش ما عارفين نوديهو وين ....
المواصلاااات فاااااضية ....
الشباب شباب نضيف ومهزب اولاد وبنات مافي قلة ادب نهائي
ولبس راقي
وناس راقية
عليكم الله تاني ما تجو
قفلنا الابواب خلاسسس
كله في محله

Post: #5
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: قصي محمد عبدالله
Date: 10-07-2014, 03:10 PM
Parent: #4

السوق باير بلا ناس الضهاري!
Quote: الشباب شباب نضيف ومهزب اولاد وبنات مافي قلة ادب نهائي

Quote: ) خرطومنا من غيركم الايام دي ولا باريس

أقل من اسبوع ويجوك أهلنا ناس الجزيرة والمناقل ويخلوها ليكم زي مكة...
متى ما أذن المؤذن دخلوا مساجد الأسواق أو فرشو البروش وعبو الطشاطة والأباريق..
ما بنتظروا لمن يرجعو مساكنهم ويدخلوا الظهر في العصر...
باقي ليكم فقط 4 أيام لتستمتعوا بباريسكم المؤقتة...
ولحين اختلاط الحابل بالنابل...
مبروكة عليكم ركود الأسواق وبوار السلع وإفلاس التجار.

Post: #6
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: عبدالعزيز عثمان
Date: 10-07-2014, 03:56 PM
Parent: #5

ياحبوب عيدك مبارك...
ياخي موافقين..
كل زول امسك حاجاتو..
لبنا ولحمنا قموحنا ،،وسواعد عمارنا...
اها بعد تكمل الفي بقالاتكم...
ياناس الخرطوم انتو يمين عايشين اوانطة علي ضهر
ناس الارياف...
مدينين فوق ضهورم..
خارتين موجودون..
وبرضو ما بنقول ليكم تبا تب...
بنقول مبروكة عليكم المرقت منا ما مرجعنها...
واعتقد انه بوست للمزاح..

Post: #7
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: اسماعيل عبد الله محمد
Date: 10-07-2014, 03:58 PM
Parent: #5

يا توفيق يا ود قلبا خلي الفصاحة ... اقدرو على زول الضهاري الجاكم من حوش بانقا وعافصكم 25 سنة ... عيال المدينة ناس حكي سااااااااكت

Post: #8
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: abas
Date: 10-07-2014, 04:20 PM
Parent: #7

ياخ قبيل ركبتا مواصلات من المنشية للسوق العربي
اقسم بالله قايل نفسي راكب طيارة
فجاءة انتبهت لقيت الناس الفي الحافلة كلهم
حبش
صينين
بنغالة
هنود
اظرف حاجة الحافلة مافيها كمساري
بتاع الحافلة بعاين بالمرايا لقتو مركز علي شديد
قال لي اسمع ياعمك بالله اخلص لي الكرة الارضية دي
و ما تنسي تسألهم من اقامتهم ههههههه




اوعي تقول انت الخلصت الحافله دي

Post: #9
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: ناصر حسين محمد
Date: 10-07-2014, 04:24 PM
Parent: #1

ههههههههههههههه
والله انت يابتاع الرايات السود السري ...!!!

انت قائد تنظيم " سري



مفروض مايكون الجكس نظيف او الرغيف راقد !!!



بعدين شكلك ده بقول " اللوري " رفاهية بالنسبة ليك

Post: #10
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: ذواليد سليمان مصطفى
Date: 10-07-2014, 04:48 PM
Parent: #9

لو ناس الضهاري ديل تموت من الجوع يا صاحب الرآيات الاربعة السرية

الخرطوم ما حقت زول
اي سوداني عندو فيه حق

بلاش رآياتك السوداء السرية الاربعة

Post: #11
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: عبد الله شم
Date: 10-07-2014, 05:58 PM
Parent: #10

Quote: لو ناس الضهاري ديل تموت من الجوع يا صاحب الرآيات الاربعة السرية

الخرطوم ما حقت زول
اي سوداني عندو فيه حق

Post: #12
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: اخلاص عبدالرحمن المشرف
Date: 10-07-2014, 06:53 PM
Parent: #11

توفيق يا حبوب كيفك
كل سنه وانت طيب
يوووووخ مزعل خلق الله مالك
الهزار الخشن ما كل الناس بتحملو
قلت لي زول القروش داك دفعتك
كدي شوفو مشي فداسي ولا قاعد
والله البلد كلها فاضيه نصها خليج والتاني محيط

Post: #13
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: محمد حيدر المشرف
Date: 10-07-2014, 07:17 PM
Parent: #12

دونما تعليق بالتأكيد ولكن في النفس شيء من حتى يا توفيق ..
الحاصل في السودان ده عجيب جدا ..
أعتقد أن 60% الى 70% من الشعب السوداني يعيش في الخرطوم ..
وده بالتأكيد نتيجة لسياسات خاطئة ولخلل مريع في معادلة توزيع الثروة "والسلطة كذلك" ..

التحية والتقدير لأهل الضهاري حيثما كانوا واينما حلوا !!

Post: #14
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: بشير أحمد
Date: 10-07-2014, 07:24 PM
Parent: #13

Quote: قال لي اسمع ياعمك بالله اخلص لي الكرة الارضية دي


اضحك الله ايامك اخي عباس..

كل عام وانتم بخير ..

Post: #15
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: Mohammed Abuzaid
Date: 10-07-2014, 08:45 PM
Parent: #14

تحياتي
وكل سنة والجميع بخير

ناس الضهاري في الاعياد والمناسبات بيرجعوا للاصل والجذور
إنت يا اللخو ما عندك اصل ترجعلو !


[IMG]
CopyofUntitled.jpg Hosting at Sudaneseonline.com

[/IMG]

ومن لا يتّق الشتم يُشتم

Post: #16
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: abas
Date: 10-07-2014, 08:48 PM
Parent: #14

اضحك الله ايامك اخي عباس..

كل عام وانتم بخير ..



واضحك الله سنك وجعل ايامك كلها مباركه وسعيده


وانت بخير والاسره الكريمه


تسلم

Post: #17
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: Othman Al-Hasan Babikir
Date: 10-07-2014, 10:47 PM
Parent: #1


صاحب البوست هسي لو رجع لينا لي وراء بنلقاه من ضهاري الضهاري ...!!!
انت بدل ما تحتج على سياسات حكومتك العرجاء الخلت السودان كلوا قاعد
في الخرتوم ... بس عينكم للحيطة القصيره ناس الضهاري المساكين ديل .....
والله لو ما الزمن الأغبر ده ناس الضهاري ما كانوا بحتاجوا إجو لي باريس بتاعتك دي

Post: #18
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: عاطف عمر
Date: 10-08-2014, 04:51 AM
Parent: #1

ليتحسس ( سودانيته ) كل من لا يجد لنفسه ( أصلاً ) أو ( جذوراً ) في ( الضهاري )
فـ الخرطوم مدينة مصنوعة يرجع تاريخ إنشائها للعام 1821.......
فقط

Post: #19
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: فتحي الصديق
Date: 10-08-2014, 05:14 AM
Parent: #18

Quote: الخرطوم ما حقت زول
اي سوداني عندو فيه حق

ازيك يا (ذو اليد) ,,, ومبروك عليك العيد ومبروك عليك الماجستير ,

Post: #20
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: عثمان حسن عبد الله الحاج
Date: 10-08-2014, 06:04 AM
Parent: #19

Quote: دونما تعليق بالتأكيد ولكن في النفس شيء من حتى يا توفيق ..
الحاصل في السودان ده عجيب جدا ..
أعتقد أن 60% الى 70% من الشعب السوداني يعيش في الخرطوم ..
وده بالتأكيد نتيجة لسياسات خاطئة ولخلل مريع في معادلة توزيع الثروة "والسلطة كذلك" ..

التحية والتقدير لأهل الضهاري حيثما كانوا واينما حلوا !!


كلام صحيح
أعتقد أن صاحب البوست بيمزح
لكنه يصراحة مزاح خشن

Post: #21
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: عادل الباهي عبدالرازق
Date: 10-08-2014, 07:22 AM
Parent: #20



يا شيخ توفيق عيد سعيد وكل سنة وأنت بخير

علي النعمة أنت أحلي زول في الحوش دا ، الصنف القوي دا بتجيبو من وين ؟
بس ما تكون الشربوت اضفتا ليهو خميرة بيرة وجقمتو

تبا لهم ... تبا لهم . أنا الدخلني هنا زاتو شنو ماعارف هههههههههه

Post: #23
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: عبدالله ود البوش
Date: 10-08-2014, 07:44 AM
Parent: #21

تبا لينا نحنا ؟ تتب ايديك ملانات قصب بركة من جعل محمد نبي
عليك الله شوف العولاق دا قالينا تبا لكم
وهو خرتومكم دي عماراتا ما بنيتوها بقصيبات حواشاتنا
والشعيرية والموية الساقطة والرغيف من وين جبتهن يا مقس ؟
لكن خلاس فتحنا أها الضيق اخدكن ان شا ء الله تكوفرو كلو كلو
لكن برضو كان جيتونا في حلالنا حرم نكرمكم لمن تستغربوا ذاتو

Post: #22
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: معتصم سليمان
Date: 10-08-2014, 07:35 AM
Parent: #18

Quote: ليتحسس ( سودانيته ) كل من لا يجد لنفسه ( أصلاً ) أو ( جذوراً ) في ( الضهاري )
فـ الخرطوم مدينة مصنوعة يرجع تاريخ إنشائها للعام 1821.......
فقط


الحبيب عاطف

كل عام انت وأسرتك ومن تحب بألف خير

زي كلامك القلتو للزول ده ياعاطف ده ماعندو ماعون يستوعبوا لأنو تعرف الناس البنادوا بمثل هكذا أفكار ديل مشكلتهم غالياً بتكون أكبر وأنكأ مما بنادون به ...والمسألة لاتعدو كونها إسقاطات تعويضية والزي ديل غالباً لو فلفلتهم لن تجد لهم متكأ يستندون عليه إلا قليلاً منهم

جملك الله وكملك بعقلك يازول واعي من تبيت

Post: #24
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: الجنيد حمد
Date: 10-08-2014, 09:39 AM
Parent: #22

تحية طيبة

معالي الباشا حفظكم الله ورعاكم

واسمحوا لي معاليكم أن اقدم لكم اسمى آيات التهاني والتبريكات بمناسبة حلول عيد الاضحى المبارك

اعاده الله عليكم بالخير والبركات .


لا تاخذنك بهم رآفة اردمهم ردمهم (دوسمين)

..............................................

بالنسبة لينا وكده

نحنا نستاهل والله

Post: #25
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: Yousuf Taha
Date: 10-08-2014, 10:20 AM
Parent: #24

قلت لي اللحمة بقيت راقدة ورخيصة



النبي فيك بكم كرت

Post: #26
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: ahmedona
Date: 10-08-2014, 10:35 AM
Parent: #25

بخت حبوبتك صافيناز....

Post: #27
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: محمد حيدر المشرف
Date: 10-08-2014, 01:57 PM
Parent: #1

الأخ العزيز عثمان حسن ..
تحية طيبة وشكرا على تثمين وجهة نظري ..

Quote: كلام صحيح
أعتقد أن صاحب البوست بيمزح
لكنه يصراحة مزاح خشن


الأخ توفيق أنا وصلت لى قناعة انو يثير القضايا الانتقائية التي تهمه بطريقة استفزازية جدا يخالطها شيء من السخرية ..

الشاهد في الأمر ان "أريفة المدينة" كمصطلح وظاهرة لها الكثير من المتعلقات الاجتماعية والسياسية والاقتصادية .. واختزال الامر في مجرد تأفف وضيق واستنكار أهل المدن لهذه الظاهرة أمر معيب جدا .. يجعل الامر يبدو وكأن الريف أقل شأنا من المدينة ووأهله اقل شانا بالضرورة ..

الصورة الصحيحة أن للمدينة مزاياها ومثالبها ولأهلها مزاياهم وقضاياهم التي تؤرقهم .. وان الريف مزاياه ومثالبه كما لاهله مزاياهم وقضاياهم التي تؤرقه .. اختلال الموازين هو من جعل من العيش في المدينة ضرورة حياتية .. ذلك لتوافر الخدمات والمرافق الصحية والمدارس والجامعات الخ .. ولو تم اصلاح هذا الخلل لعاد الريف السوداني خيارا مثاليا للعديدين .. الخ هذه التفاصيل والتداعيات المنطلقة من هذا الطرح ..

مودتي

Post: #28
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: علي دفع الله
Date: 10-08-2014, 03:47 PM
Parent: #27

معك في دعوتك لو كنت صادقا وندعمك بشدة
لا لتجفيف الريف
لا لترييف المدن
............

Post: #29
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: جعفر محمد امام
Date: 10-08-2014, 08:33 PM
Parent: #1

و علي قولك من قل الكترابة و الغبار
بقينا نشوف برج أيفل من السوق المحلي

Post: #30
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: عاطف عمر
Date: 10-08-2014, 09:18 PM
Parent: #1

Quote: زي كلامك القلتو للزول ده ياعاطف ده ماعندو ماعون يستوعبوا لأنو تعرف الناس البنادوا بمثل هكذا أفكار ديل مشكلتهم غالياً بتكون أكبر وأنكأ مما بنادون به ...والمسألة لاتعدو كونها إسقاطات تعويضية والزي ديل غالباً لو فلفلتهم لن تجد لهم متكأ يستندون عليه إلا قليلاً منهم

حبيبنا معتصم
لك ولأسرتك الكريمة وعائلتك العريقة أصلاً وأصولاً ( في الضهارى ) لكم المحبة والتجلة
فقد جاب بعض أفرادها ( معلمين ) لأبناء ( البنادر ) مزيلين عنهم ظلام الجهل ،
وجاب بعض آخر من أفرادها ( مهندسين ) لحياة أبناء ( البنادر ) مولدين لهم طاقة الكهرباء لينعموا بهواء المكيفات اللذيذ

لكن و ( الحلو ما يكملش ) - على قول أهل البنادر المصرية - ففي ( بنادرنا ) لا يزال بعض يجهل ( التاريخ ) .. ولا يفهم الحاضر .. ومع ذلك يفتي

يضحكنا في زمن عز فيه الضحك
يعرف الناس بجهله وهو فرح
وصدق من قال أن الجاهل عدو نفسه

Post: #31
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: يوسف الطيب احمد إدريس
Date: 10-09-2014, 12:14 PM
Parent: #1

سلام للجميع
الأخ عاطف عمر
تحية طيبة
Quote: فـ الخرطوم مدينة مصنوعة يرجع تاريخ إنشائها للعام 1821.......


مع رفضي التام للغة الزميل توفيق عيسى مع أهلنا في الأقاليم وقناعتي الكاملة بأن السودان يسع الجميع، إلا أن مقولة أن الخرطوم مدينة مصنوعة غير صحيح وتاريخ إنشائها 1821 غير صحيح، متى تم تأسيس هذه المناطق:
بري، توتي، الجريفات ، الكلاكلات، اللاماب، جبل أولياء، الحاج يوسف ، مناطق شرق النيل، حلة حمد ، شمبات ، الحلفايا، الكدرو ، الإزيرقاب، منطقة الجيلي، الفتيحاب، مناطق شمال أم درمان
في مناطق داخل الخرطوم أقدم من مدن سودانية كبيرة زي كوستي مثلا، فيجب تحري الدقة لأن الفهم السائد أنو الخرطوم بلد سائبة وما ليها أهل ودا ما صحيح، وحتى المناطق القامت جديدة زي
الصافية مثلاً كانت مراعي وحواكير لأهل المناطق القديمة زي شمبات ، وفي مناطق زي توتي وبري ليها أكتر من 500 سنة .

Post: #32
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: سيد محمد احمد سيدنا
Date: 10-09-2014, 12:34 PM
Parent: #31

اخوانى الاعزاء من كل الاطياف

كل عام وانتم بخير وربنا يعيده عليكم بالخير والبركه

رغم انى خرطومى النشأه لكن اقول لا خرطوم بدون الاقاليم ولا اقليم بدون الخرطوم

واكيد صاحب البوست عاوز يحرك المشاعر فقط لان الخرطوم لم تقم ولن تبقى بدون

اهلنا الطيبيين وبعدهم عنها يجدد الدماء لموسم قادم حياهم الله .

تحياتى

سيد سيدنا

Post: #33
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: عاطف عمر
Date: 10-09-2014, 01:21 PM
Parent: #1

تحياتي وسلامات عزيزنا يوسف الطيب
كل عام وأنت وأسرتك بألف خير
Quote: مع رفضي التام للغة الزميل توفيق عيسى مع أهلنا في الأقاليم وقناعتي الكاملة بأن السودان يسع الجميع، إلا أن مقولة أن الخرطوم مدينة مصنوعة غير صحيح وتاريخ إنشائها 1821 غير صحيح، متى تم تأسيس هذه المناطق:
بري، توتي، الجريفات ، الكلاكلات، اللاماب، جبل أولياء، الحاج يوسف ، مناطق شرق النيل، حلة حمد ، شمبات ، الحلفايا، الكدرو ، الإزيرقاب، منطقة الجيلي، الفتيحاب، مناطق شمال أم درمان
في مناطق داخل الخرطوم أقدم من مدن سودانية كبيرة زي كوستي مثلا، فيجب تحري الدقة لأن الفهم السائد أنو الخرطوم بلد سائبة وما ليها أهل ودا ما صحيح، وحتى المناطق القامت جديدة زي
الصافية مثلاً كانت مراعي وحواكير لأهل المناطق القديمة زي شمبات ، وفي مناطق زي توتي وبري ليها أكتر من 500 سنة .

هنا يكون الحديث للتاريخ
أرجو أن يتصدى من يجد لوقته متسعاً ويفتح بوست عن تاريخ ونشأة الخرطوم
سوف نأتي له يومها مسلحين بكتب التاريخ
فمثل هذه المعلومات لا يمكن مناقشتها في مثل هذه ( العجاجة )
ولا يمكن معالجتها بالخواطر الفجة الفطيرة

أبحث هذه الأيام عن كتاب أشار له الزميل الباشمهندش هشام المجمر في أحد بوستاته المميزة
http://www.sudaneseonline.com/cgi-bin/sdb/2bb.cgi

وقد إقتبس الزميل الباشمهندس المجمر عن الكتاب
Quote: اخذت معى هذه المرة كتابا عن تاريخ مدينة الخرطوم و الكتاب عبارة عن رسالة لنيل درجة الدكتواراة كتبها مصرى يدعى السيد احمد احمد سيد احمد وجدها د. عبد العظيم رمضان الكاتب المصرى صدفة على سور الازبكية فى القاهرة و نشرها فى سلسلة تاريخ المصريين. كنت قد اشتريت الكتاب قبل سنتين ولم افراه بعد ولكjn سعدت بمرافقته لى و اطلاعى على معلومات صححت عندى تاريخ الكثير من الاحداث و المفاهيم.

Quote: غير اننى بمناسبة الحديث عن الامطار و السيول اريد ان اورد لكم بعض ما قرأته فى كتاب " تاريخ مدينة الخرطوم تحت الحكم المصرى 1820- 1885م" وحول هذا الموضوع بالذات . يقول الكاتب فى صفحة 74 من الكتاب " فى الواقع كان مستوى سطح البقعة التى اقيمت عليها الخرطوم لا يكاد يرتفع من اعلى مستوى لسطح الماء فى النيلين اثناء الفياضانات العالية. و يزيد من تلك المخاطر الخيران التى تمتلئ بالمياه فى موسم الفيضان و انسياب مياه النيل الابيض فى الفيضانات العالية فى منخفض كبير يمتد جنوب المدينة، وسقوط الامطار فى نفس الوقت الذى يظهر فيه خطر الفيضان و يتوج تلك المخاطر خلو المكان من منصرف طبيعى للنيل الازرق"

" ويتضح من ذلك ان العيب الاول فى موضع الخرطوم قائم فى طبيعة سطحه ، وهذا ما ادى باحد الرحالة زوار الخرطوم الى ان يقرر " انه ليس هناك من بقعة غير ملائمة تماما لقيام عاصمة اكثر من البقعة التى قامت فيها الخرطوم" وفى الواقع انه من الافضل لو كان موضع العاصمة قد اختير للداخل قليلا بعيدا عن ضفة النيل الازرق او الى الشمال على الضفة الشرقية العالية و يؤكد صحة هذا الراى ان عواصم المشيخات التى قامت على تلك الضفة فى حلفاية الملوك و قرى و شندى و بربر – والتى تخلو البقع التى قامت فيها من عيب موضع الخرطوم- لا تشكو البتة من آثار سيئة لذلك العيب على صحة سكانها" انتهى !!!!!
كتبت هذه الرسالة لنيل الدكتوراه فى العام 1963م اما الرحالة الذى زار الخرطوم كتب تعليقه هذا فى رسائل فى العام 1858م!!!!!!!

Post: #34
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: يوسف الطيب احمد إدريس
Date: 10-09-2014, 02:05 PM
Parent: #1

أهلين أخونا عاطف
وأنت بخير، وينعاد عليك وعلى الأسرة بالخير
معليش قبيل نسينا نعيد عليك .
فكرة بوست عن تاريخ الخرطوم عندي من زمن قديم وداير اتكلم تحديداً عن الظلم الاتظلمو أهالي الخرطوم من قبل الأقاليم كم من أهل الخرطوم تولى إدارتها؟ وبالمقابل كم من خارجها تولى إدارتها
والفهم الشائع عن الخرطوم انها بلد سايب ساي واي زول يجي يسكن ماف زول يسألو في حين لو طلعت 10 كيلومتر بره ودقيت ليك خيمة في خلا الله الواسعة تجي البلود تتجارى دي أرضنا والبجيبك شنو
ليها.
عشان كدا ما قلت الواحد يتسلح بكتب التاريخ ويجي أحسن، ويا زول اتوكل الله وافتح البوست وإن شاء الله معاك وكان بالك لعجاجة المنبر أصلها مي واقفة أصلو بقى زي الانداية في يوم مية شكلة.
بس نقطة صغيرة : نشأة المناطق اللي ذكرتها في اعتقادي ما تحتاج لكتب تاريخ أقرب زول كبير في السن بوريك نشأة المناطق دي ويبقى النقاش والجدال في بقية التفاصيل .

Post: #35
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: جمال ود القوز
Date: 10-09-2014, 06:09 PM
Parent: #34

كاتب الخيط نفسه ..
وبنفس زواياه المبنعجة والمنعرجة ..
وطرحه صارخ العناوين ..
تم (حرف) بوست سابق له .. في وقت ليس بالقريب ..
في مكان ما من (جخانين) النت ..( إن لم تخني الذاكرة )
ووصل الخيط الى مرحلة فذلكة تاريخيه ..
عن نشأة وتكوين الخرطوم كمدينة ..
وتدحرج الخيط القهقري ..
حتى بلغ المتحاورين فيه العبدلاب ..
وحتى عجيب المانجلك ..
وصراعه مع أخيه ..
والخيل تجقلب والشكر لي حماد ..
والشيخ أرباب العقائد ..
وهجرته من توتي الى الخرطوم .. عام 1691 م
مشكلاً نواة نشأة الخرطوم كقرية بين النيلين ..
وهجرات المحس لمنطقة ملتقى النيلين ...
والحماداب ..
والجموعية الفتيحاب .. وعبورهم لمنطقة بين النيلين ..
ومساهمتهم مع المحس في تكوين المنطقة ..
وشكلوا نواتها الأولى ..
وحتى تاريخ الخرطوم في التركية وما قبلها .. ومابعدها ..
وقرى و( حلال ) حول الخرطوم ..
كــ ( الحلفايا) و ( سوبا ) .. و(بري ) و(الجريفات ) ..
و(الكلاكلة ) و ( الحماداب ) و( ودعجيب ) ..
( الرميله والقوز ) .. ( اللاماب ) ..
والكثير من مناطق بحر أبيض ..
سبقت الخرطوم نشأة وتكوين ..
لارتباطها بتاريخ ممالك كانت منذ أمد بعيد..
وكذا هجرات بعض قبائل غرب أفريقيا ..
في طريقها للحجاز لأداء فريضة الحج ..
وسكناهم في منطقة المقرن ..
وترحيلهم لمنطقة الخرطوم (2) ..
حتى وصولهم للعشش حديثاً ..
والانقاذ في مرحلة أحدث ..
( يعني مافي زول يجي يقول الفلاتة جو قريب )
كل ذلك لا ينفي أن الخرطوم ونواة تكوينها في عهد التركية السابقة ..
كمدينة وعاصمة .. تعتبر مدينة ( مصنوعة ) ..
إن جاز لنا هذا الوصف ..
ومن الجائز جداً أن يدعّي البعض ..
أن بدايتها كمدينة كانت ..
في عهد عثمان بك جركس البرنجي عام 1823 م..
ومن ثم حراكها ديمغرافياً وعمرانياً لتلبغ ما بلغت بعد ذلكـ ..

وفعلاً والله ياعاطف أخوي دي ما ( عجاجه ) ..
يناقشوا فيها نشأة الخرطوم تاريخياً ..

ويا توفيق خلي سواقة الخلا دي ..
مرامي طرحك أراها جيدة ..
لكن ساعدنا بالأسلوب عليكـ الله ..

وتباً لكـ إتــــــــــا ده ياخ ...
ناس الضهاري ناس طاعمين .......

Post: #40
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: عاطف عمر
Date: 10-09-2014, 10:11 PM
Parent: #35

شكراً جزيلاً عزيزنا جمال ود القوز على المداخلة المتميزة
أراها بصدق نواة ممتازة لتاريخ حقيقى صادق
Quote: كاتب الخيط نفسه ..
وبنفس زواياه المبنعجة والمنعرجة ..
وطرحه صارخ العناوين ..
تم (حرف) بوست سابق له .. في وقت ليس بالقريب ..
في مكان ما من (جخانين) النت ..( إن لم تخني الذاكرة )
ووصل الخيط الى مرحلة فذلكة تاريخيه ..
عن نشأة وتكوين الخرطوم كمدينة ..
وتدحرج الخيط القهقري ..
حتى بلغ المتحاورين فيه العبدلاب ..
وحتى عجيب المانجلك ..
وصراعه مع أخيه ..
والخيل تجقلب والشكر لي حماد ..
والشيخ أرباب العقائد ..
وهجرته من توتي الى الخرطوم .. عام 1691 م
مشكلاً نواة نشأة الخرطوم كقرية بين النيلين ..
وهجرات المحس لمنطقة ملتقى النيلين ...
والحماداب ..
والجموعية الفتيحاب .. وعبورهم لمنطقة بين النيلين ..
ومساهمتهم مع المحس في تكوين المنطقة ..
وشكلوا نواتها الأولى ..
وحتى تاريخ الخرطوم في التركية وما قبلها .. ومابعدها ..
وقرى و( حلال ) حول الخرطوم ..
كــ ( الحلفايا) و ( سوبا ) .. و(بري ) و(الجريفات ) ..
و(الكلاكلة ) و ( الحماداب ) و( ودعجيب ) ..
( الرميله والقوز ) .. ( اللاماب ) ..
والكثير من مناطق بحر أبيض ..
سبقت الخرطوم نشأة وتكوين ..
لارتباطها بتاريخ ممالك كانت منذ أمد بعيد..
وكذا هجرات بعض قبائل غرب أفريقيا ..
في طريقها للحجاز لأداء فريضة الحج ..
وسكناهم في منطقة المقرن ..
وترحيلهم لمنطقة الخرطوم (2) ..
حتى وصولهم للعشش حديثاً ..
والانقاذ في مرحلة أحدث ..
( يعني مافي زول يجي يقول الفلاتة جو قريب )
كل ذلك لا ينفي أن الخرطوم ونواة تكوينها في عهد التركية السابقة ..
كمدينة وعاصمة .. تعتبر مدينة ( مصنوعة ) ..
إن جاز لنا هذا الوصف ..
ومن الجائز جداً أن يدعّي البعض ..
أن بدايتها كمدينة كانت ..
في عهد عثمان بك جركس البرنجي عام 1823 م..
ومن ثم حراكها ديمغرافياً وعمرانياً لتلبغ ما بلغت بعد ذلكـ ..

وفعلاً والله ياعاطف أخوي دي ما ( عجاجه ) ..
يناقشوا فيها نشأة الخرطوم تاريخياً ..

ويا توفيق خلي سواقة الخلا دي ..
مرامي طرحك أراها جيدة ..
لكن ساعدنا بالأسلوب عليكـ الله ..

وتباً لكـ إتــــــــــا ده ياخ ...
ناس الضهاري ناس طاعمين .......

Post: #36
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: Othman Al-Hasan Babikir
Date: 10-09-2014, 06:27 PM
Parent: #1


هو زولكم ده وين طفش ؟؟؟؟ فتح البوست وشرد ...!!!

Post: #37
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: Abu Baker Ahmed Abdel Rahman
Date: 10-09-2014, 07:08 PM
Parent: #36

Quote: بري

خلينا فى الاولى
راجع كتاب
Harold B. Barclay

Post: #38
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: Hani Arabi Mohamed
Date: 10-09-2014, 07:10 PM
Parent: #36

دعوة لإخلاء الخرطوم وتسليمها للأمر توفيق

Post: #39
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: يوسف الطيب احمد إدريس
Date: 10-09-2014, 08:18 PM
Parent: #1

Quote:
خلينا فى الاولى
راجع كتاب
Harold B. Barclay


أفصح

Post: #41
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: nour tawir
Date: 10-09-2014, 10:23 PM
Parent: #39

يا توفيق..
يعنى هسى احنا بقينا سبب البلاوى دى كلها؟
أها يا ريت تخليكم فى خرطومكم دى..
وما تجونا فى الضهارى بتاعتنا خالص خالص .
لآنه الضهارى بدونكم جنة عديل كدا..
يعنى لزوم فرز الكيمان وراحة البال..
وكدا..

Post: #42
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: توفيق عيسى مكي
Date: 10-10-2014, 04:14 PM
Parent: #41

سألت حبوبتي صافيناز قلت ليها انتي اسمك صافيناز ولا صوفرين ولا صفية قالت لي كلهم اساميني (قالتها بالسوداني) قلت ليها بتحبي ياتو اسم قالت صفية قلت ليها السودان ده بلدك ولا النمسا قالت لي بلدي السودان ده اتولدت هنا انا واختي شقيقتي حبوبة ناس ابو قرون وما بنعرف بلد لينا الا السودان
ثم ....................
سألتني لييي يا ولدي سألتني السؤال ده
قلت ليها ناس الضهاري في سودانيزاون لاين شاكلوني وقالوا لي انت ما عندك اصل جيتنا من وين عشان قلت الحقيقة في مسألو سياسية كده
قالت لي قول ليهم انك محسي أمير ود أمير
هم ما درسوهم في المدرسة تاريخ جدك الامير عثمان ازرق ولا شنو

Post: #43
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: يوسف أبو صالح
Date: 10-11-2014, 03:51 AM
Parent: #1

sudan34.jpg Hosting at Sudaneseonline.com

sudan35.jpg Hosting at Sudaneseonline.com

قصدك باريس دى مش كدا ؟

Post: #44
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: جمال ود القوز
Date: 10-11-2014, 02:38 PM
Parent: #43

يعني دي الحرقتك ..
( حكاية ما عندك أصل دي ) ..
أها ومشيت تثبتها بي وين أصوليتك دي ؟؟ ..
بالضهاري برضو !!..
والله إتـا زول لذيذ ..
يعني سويت شنو ؟
لفيت لفيت ورجعت تااني للضهاري ..
بعدين القطينة ما ضهاري ..
ولا اكد ما ضهاري ..
ويخايل لي عثمان ازرق ده ذاااتو ما محسي ..
أمير دي ما فيها كلام ..
لكن محسي دي ما ظابطة ..
لحيثيات كثيرة ..
أول أكد منطقة دناقلة ..
والمشوا القطينة وسكنوها واستقروا فيها ..
من زمناً قديم برضكـ دناقلة ..
وحتى جل رجال رايتو كانوا بديرية ودناقلة ..
وفي تقسيمات الدناقلة ..
الراجل ده بديري ..

وحمد الله ع سلامة عودتكـ للضهاري ..
لتثبت أصلك وفصلك ..
وزمان اخونا عاطف قال ليكـ ..
فليتحسس سودانيته كل من لم يكن له في الضهاري مرجع ..
أوهكذا قصد ..

ودمت بعافية ...
وعيدكـ مباركـ ..

Post: #45
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: عاطف عمر
Date: 10-11-2014, 03:06 PM
Parent: #44

Quote: يعني دي الحرقتك ..
( حكاية ما عندك أصل دي ) ..
أها ومشيت تثبتها بي وين أصوليتك دي ؟؟ ..
بالضهاري برضو !!..
والله إتـا زول لذيذ ..
يعني سويت شنو ؟
لفيت لفيت ورجعت تااني للضهاري ..

Quote: وحمد الله ع سلامة عودتكـ للضهاري ..
لتثبت أصلك وفصلك ..
وزمان اخونا عاطف قال ليكـ ..
فليتحسس سودانيته كل من لم يكن له في الضهاري مرجع ..
أوهكذا قصد ..

ههههههههههههههههههههههههههه
عارف يا جمال

الزول دا فعلا لذيذ شديد

يحدثنا عن أهلو ناس ( أبوقرون )

فهل يا ترى يعني
ناس الشيخ سعد الشيخ موسى أبو قرون اللى هم في ( ضهاري ) النيل الأبيض ؟؟
أم ناس الشيخ الجيلي عبدالقادر أبوقرون اللى هم في ( ضهاري ) شرق النيل ؟؟

______________

يا تيفا

" العرجا لى مراحا " ياخوى

أبقى قريب

أوعاااااااك تقول لى مثل ( العرجا لى مراحا ) دا ما بتعرفو !!!!!!
بزعل بالجد منك

Post: #46
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: محمد عثمان الحاج
Date: 10-11-2014, 04:46 PM
Parent: #45

العزيز توفيق

في الدول الصناعية الأغنياء بخلوا المدن المزدحمة للفقراء وهم يهربوا للضواحي حيث الهواء النقي والبعد من الزحام والضوضاء! مرة زرت مدينة صغيرة اندهشت وقلت في نفسي أتاريهم الجماعة مخلين المدينة الكبيرة للمهاجرين من العالم الثالث وهم لابدين هنا مستمتعين بكل هذه الروعة!

قبل أيام شفت مجموعة من الصور لولاية سودانية حاجة لاتصدق خضرة وجمال وجبال وتلال وأشجار ضخمة وحشائش ذات خضرة لاتصدق قدر ما فكرت ما قدرت أعرف سبب هجر أهل تلك المنطقة لهذه االجنة ليعملوا في أحقر الأعمال في العاصمة الكالحة المغبرة!
يمكن زمان كانت الكهرباء والتلفزيون هي البتجيب الناس للعاصمة لكن الآن مجموعة من الخلايا الشمسية ولاقط أقمار صناعية توفر الترفيه في كل مكان!

خلي الجماعة يرجعوا بعد العيد وأمشي كوش ليك علي مساحة ضخمة في حتة من الحتات الرائعة دي، والذي يضحك أخيرا هو من يضحك كثيرا!

Post: #47
Title: Re: تبا لكم !!!(ناس الضهاري) خرطومنا من غيركم الايام دي ولا باريس
Author: فدوى الشريف
Date: 10-12-2014, 09:14 AM
Parent: #45

اى زول ساكن العاصمة دى تلقا جذوره من الضهارى
الخرطوم حقت الجميع وليس حكرا على احد معين