Post: #1
Title: حاج بشير اللة يطمنك لازال السودان ملئ باهل النخوة وتمامين الناقصة
Author: Mohammed Ahmed Saeed
Date: 10-05-2014, 03:32 PM
ذهبت ونحن مجموعة يوم عرفة في رحلة شراء الخروف وبدينا الرحلة والتفتيش من جنب أسواق امدرمان الكبرى ومرورا بالزريبة وانتهينا جوار الكنيسة حيث وجدنا حاج بشير االرجل السمح في البيع وفى التعامل وتاجر البهائم ود البلد والحمد للة طلعنا منو بأضحية ممتازة وسعر الف جنية للاضحية بالجديد ومليون بالقديم وهو سعر مناسب جدا . عموما الرجل والحمد للة محصلة البيع ياخد فيها بالشنط وحالو ماشى جدا جاتو امراءة ومعها طفل اختارت اضحية وذكرت لة انها ام ايتام ولاتملك سوى 700 الف بالقديم حاج بشير قال ليها مبروكة عليك الاضحية واخد القروش ومعاهم حليفىة طلاق وقال 700 الف دى عيدية للطفل المعاها وواصل في بيعو للبهائم وعادى جدا رغم استحسان الحضور الا انة رفض حتى الاستحسان من الناس ومصر على تجاوز الموضوع وربنا يزيد من أمثال حاج بشير والرجل موجود بزريبة البهائم ومن ناس حى العرب .
|
Post: #2
Title: Re: حاج بشير اللة يطمنك لازال السودان ملئ باهل النخوة وتمامين الناقصة
Author: doma
Date: 10-05-2014, 04:31 PM
Parent: #1
لله دره وبارك الله فيه
الا تشابه الاسماء شوش علي
فظننته البشير الجزار
|
Post: #3
Title: Re: حاج بشير اللة يطمنك لازال السودان ملئ باهل النخوة وتمامين الناقصة
Author: Abureesh
Date: 10-05-2014, 06:19 PM
Parent: #2
الأخ محمد احمد سعيد، عيد مبارك عليكم والرجل سودانى أصيل
Quote:
وسعر الف جنية للاضحية بالجديد ومليون بالقديم وهو سعر مناسب جدا .
اختارت اضحية وذكرت لة انها ام ايتام ولاتملك سوى 700 الف بالقديم
|
واللاى دى محنـة دى..
إنتو دفعتم بالجديد واللا بالقديم يا اخ محمد.. طيب لو دفعتم بالجديد لزوم ذكر القديم شنو.. أو مرة واحدة ورونا الجديد دا يساوى كم
بباقى العملات:
دفعتم كم بالدولار
كم بالاسترلينى
كم باليورو
كم باليوان
واليرو طبعا جديد فكم دفعتم بالمارك الألماني القديم والفرنك الفرنسي القديم.
غايتو لفيت الدنيا كلها مافى بلد غير السودان التاجر يقول ليك دى كدا بالقديم وكدا بالجديد.. أو زبون يقول ليك دفع كدا بالقديم وكدا بالجديد.. العالم كله كل بلد عندها عملة واحدة في الوقت الواحد
ومقتنعين بيها!!!
|
|