|
صلاح غريبة ..... يحييكم من الدمازين ....
|
أكد الأستاذ حسين يس حمد والي ولاية النيل الأزرق أن الولاية تشهد هذه الأيام حوارا
وحراكا مجتمعيا دعما للحوار الوطني والمجتمعي عبر الورش التي
انتظمت فعالياتها بمشاركة الأحزاب والطرق الصوفية والإدارة الأهلية
ومنظمات المجتمع المدني كافة.
وأوضح لدي مخاطبته المصلين عقب صلاة عيد الأضحى بميدان
المولد بالدمازين اليوم بحضور وزير الدفاع أن ولاية النيل الأزرق
ستظل دعما وسندا للقوات المسلحة والقوات المساندة لها تحقيقا للأمن
والسلام والاستقرار ودفعا للإعمار والتنمية داعيا الحركات المتمردة
العودة لأرض الوطن واستغلال روح التسامح والتناصح التي تعيشها
البلاد تحت مظلة الحوار الوطني والمجتمعي الذي ستلبي محاوره أشواق
الشعب السوداني وتنهي معاناته التي صنعتها القوي الأجنبية المعادية .
د. صلاح غريبة - الدمازين
|
|
|
|
|
|
|
|
Re: صلاح غريبة ..... يحييكم من الدمازين .... (Re: قسم الفضيل مضوي محمد)
|
يا د. غريبة ... عتالتك ديل كلهم الظاهر ما عندهم انترنت في البيت وقاعدين يخشوا النت من الشغل ... بتاعين ملح يعني ... فطول بالك عليهم ... بعد تخلص اجازة العيد بجوك بجاي ... وما تنسى كمان انه الناس دي ضربت الشربوت وبكونوا الان في حالة غيبوبة تامة ... وبمناسبة الشربوت دي يا د. غريبة ... اها النسألك سؤال تاني ... الدمازين دي فيها شربوت ؟؟؟
قسم الفضيل مضوي ... بورداب الدمازين ... جناح صلاح غريبة :)
| |
|
|
|
|
|
|
Re: صلاح غريبة ..... يحييكم من الدمازين .... (Re: قسم الفضيل مضوي محمد)
|
Quote: قسم الفضيل مضوي ... بورداب الدمازين ... جناح صلاح غريبة :) |
إنابة عن العتالة ورابطة أصدقاء دكتورنا الخبير وأصالة عن نفسى أزجى اليك أسمى آيات الشكر
والعرفان على المداومة أيام العيد والعمل بجد واجتهاد على تعتيل بوست الخبير دون كلل أو ملل
فأتبت انك عتالى من طراز فريد . وننتهز هذه الإطلالة لنبارك العيد للخبير ولك ونسأله تعالى أن يجعل
أيامكم كلها أعيادا.
| |
|
|
|
|
|
|
Re: صلاح غريبة ..... يحييكم من الدمازين .... (Re: جمال خضر)
|
Quote: يا خبير صورك الفوق دي فتلت البوست ... صغرنا ليك الحجم عشان تختهم بدل الفوق ديل ... لو ما قلتا لي شكرا ح تشمت فيني ناس ود المدير وود الفكي |
قسم الفضيل عيدك مبارك يا اخوى الصور فاتلاهم الكرش والشطور حقات خبيركم ده جمال خضر وود الفكى يطيرو فى السماء داك،،،
| |
|
|
|
|
|
|
Re: صلاح غريبة ..... يحييكم من الدمازين .... (Re: صديق الموج)
|
Quote: يوهوووووووووووووووووووو كدا انا الح اشمت في ود المدير وود الفكي ...
ونبارك العيد لجمال خضر وبنقول ليه ابقى داخل لا جوة ... البوست بوستك :)
|
مبروك قسم الفضيل على رد الخبير الذى يُعتبر وسام تفاخر به العالمينا
وأحمد الله أنى نلت هذا الوسام من قبل وناله ود المدير ولكن ود الفكى
داخ السبع دوخات وكسر تلج لامن كتافينو إتملخن ولم ينل هذا الشرف
فا شنو حاول بقدر الإمكان أن تتدرج فى توصيل الخبر له حتى لا يطب
ساكت فيخسر الخبير أميز عتالته .
| |
|
|
|
|
|
|
Re: صلاح غريبة ..... يحييكم من الدمازين .... (Re: جمال خضر)
|
Quote: يا خبير صورك الفوق دي فتلت البوست ... صغرنا ليك الحجم عشان تختهم بدل الفوق ديل ... لو ما قلتا لي شكرا ح تشمت فيني ناس ود المدير وود الفكي |
قسم الفضيل عيدك مبارك يا اخوى الصور فاتلاهم الكرش والشطور حقات خبيركم ده جمال خضر وود الفكى يطيرو فى السماء داك،،،
| |
|
|
|
|
|
|
Re: صلاح غريبة ..... يحييكم من الدمازين .... (Re: ghariba)
|
Quote: لا زلت في الدمازين |
الدمازين مزدانة بوجودك يا د. غريبة ... ويا ريت مزيد من الصور ويا ريت تدينا اضاءات حول الزيارة وانطباعاتكم عن المدينة ... ومتى ح تكون العودة الميمونة عشان نجهز استقبال يليق بكم ...
_____ نرحب بالاخ ود الموج ... وبنقول ليه حبابك عشرة ...
| |
|
|
|
|
|
|
Re: صلاح غريبة ..... يحييكم من الدمازين .... (Re: علي دفع الله)
|
Quote: وكتين لى هسه ماقام بيك لحم ان شاء الله يقوم بيك لغم ويريحنا ماعافى من ود الفكى وجمال خضر دنيا واخره،،، |
إمضى دكتورنا الخبير فى دروب النجاح ولا تلتفت لأقوال المُرجفين أعداء النجاح
خبيرنا ده لو قُيض له السير فى حقل ألغام لخرج منه سالما من غير سوء ولو
أُلقى به فى بحر لُجى متلاطم الأمواج وهو مكتوف اليدين والقدمين فلن يصيبه شر
بل ستقذف به الأمواج الى الشاطئ . مدد شيخنا غريبة مدد قاهر الموج وفى السينما
مكانك لوج .
| |
|
|
|
|
|
|
Re: صلاح غريبة ..... يحييكم من الدمازين .... (Re: جمال خضر)
|
Quote: في طريق عودتكم الميمونة شرفنا بزيارتك لسنار عشان نكرم نزلك (بضم النون والزين وفتح اللام وتسكين الكاف) |
الصديق ود دفع الله عفيت منك يا الكلس عارفك ما بتقصر مع الخبير
ودى المحرية فيك .
ود دفع الله لك التحية والسنة الجاية سودانا مُعافى من المرض الذى أقعده طويلا
| |
|
|
|
|
|
|
Re: صلاح غريبة ..... يحييكم من الدمازين .... (Re: ghariba)
|
خبيرنا الجميل .. ياسلام .. كما تعلم أن جدة ايام الحج مشغوليات وضيافات وجمعيات .. كنت مطول من الحوش .. وقد كانت فرحتي كبيرة عندما وجدت هذا البوست .. أرجو من سموكم الكريم .. أن تقوم بزيارة الى الشمالية مدينة دنقلا .. لأننا في حاجة الى خبير مثلكم لنتظيم سياحة الآثارات ..
| |
|
|
|
|
|
|
|