بالفيديو.. مقطع فيديو مسرب يظهر شقيق الرئيس السوداني يغني ويرقص بأحد مطاعم الخرطوم

حلال عليهم وحرام على بلابل الشعب السوداني الدوح

عدلت فامنت فغنى و رقص اخوك يا عمر.
غايتو زمنو ما بطال.
ربنا يديم الانبساط يا بشاري ياخ

يعنى الواحـد لازم يعوم عشان يشاهـد الفيديو دا؟

Quote: عدلت فامنت فغنى و رقص اخوك يا عمر. غايتو زمنو ما بطال. ربنا يديم الانبساط يا بشاري ياخ

زمن شنو يا دكتور ..

دي الفرقة بتظبط زمنها معاو ..

كل سنة وانت طيب

اخوى الامين كيفك و كل عام و انت بخير ، غايتو الزول ده اختيارو للاغنية جد رائع

و غناها بطريقة حلوة ، اعتقد و ان بعض الاعتقاد ليس ( مش كويس) الزول دى عايش

حياتو ، ما اعتقد فى مشكلة كبيرة . طبعا لدى الكثير من التحفظات على اخوان البشير.

اولا كل عام وانتم بخير يا بشاري وزوارو
تانيا اعتقد الزول دا ماعندو منصب تنفيذي او سياسي يمنعو من الهجيج والغنا سوا انو اخو الريس
والبعملو دا عادي ممكن اي سوداني في خاصته وبين اهله يعمله وانا ذاتي بين اصدقائي ممكن اغني واهجج
وكل زول حر في حياتو الخاصة حتى ولو كان البشير نفسو.
اذا كانت هناك قوانين قمعية مقيدة حرية الشعب فمثل هذا الفديو لن يجدي نفعا في معارضتها.
بل العمل الثوري الجاد والمنظم والمعارضة القوية هي التي تكنس مثل هذه القوانين

اكرر تحياتي لكم
ود الشيخ
حوطة بني تميم

اولا كل عام وانتم بخير يا بشاري وزوارو
تانيا اعتقد الزول دا ماعندو منصب تنفيذي او سياسي يمنعو من الهجيج والغنا سوا انو اخو الريس
والبعملو دا عادي ممكن اي سوداني في خاصته وبين اهله يعمله وانا ذاتي بين اصدقائي ممكن اغني واهجج
وكل زول حر في حياتو الخاصة حتى ولو كان البشير نفسو.
اذا كانت هناك قوانين قمعية مقيدة حرية الشعب فمثل هذا الفديو لن يجدي نفعا في معارضتها.
بل العمل الثوري الجاد والمنظم والمعارضة القوية هي التي تكنس مثل هذه القوانين

اكرر تحياتي لكم
ود الشيخ
حوطة بني تميم

تمخض الجمل فولد فارا
ابصم بالعشرة على كلامك يا ود الشيخ

وحيجوك الزمبارة و ناس الدلاليك

والله ما شايف أي حاجة والزول ده (اخو البشير ) روحو حلوة وطيبة وربنا يلمني فيهو

ياخي انت ما لاقين البتنشروه يا بشاري
وعلى كل احترامي يا غالي

حبيبنا الامين فكره كويسه انو اسم كبير من اسره سياسيه يغني في زمن التعصب الديتي في السودان
في الحته دي انا بعتبره ضد الناشفين والمتعصبين
تحياتي

Quote: حبيبنا الامين فكره كويسه انو اسم كبير من اسره سياسيه يغني في زمن التعصب الديتي في السودان في الحته دي انا بعتبره ضد الناشفين والمتعصبين تحياتي

و الله الحفلات الخاصة و غناء أخو الرئيس و رقص الرئيس
دي أجمل حاجة ممكن يكنبها زول بحب الإنقاذ لأنها تثبت إنسانيتهم و حبهم للحياة
الداير يكتب كلام ضد الحكومة مفروض يشوف ليهو حاجات تانية عندها علاقة بالعمل العان و الحكومي
و ليس بحياة الناس الخاصة

Quote: يذكر أن اللواء طبيب عبد الله حسن أحمد شقيق «البشير» هو طبيب جراح وخريج كلية طب الإسكندرية «1979»، وحصل على الدكتوراه من جامعة الخرطوم، وزمالة الجراحين الملكية من بريطانيا، وهو لواء طبيب بالقوات المسلحة السودانية. وهو احد اصحاب الامبراطوريات المالية التي تكونت خلال فترة حكم الانقاذ ويتهمه الكثيرين باستغلال نفوذ اخيه الرئيس في تكوين هذه الثروة

و المنعك الغنا منو ؟؟

يلزموا باقي الشعب بالصبر على الابتلاءات وشد الحزام ويتفرغون هم للرقص والغنا وتملك الفلل

لم أشاهد الشريط ولا أدري محتواه لذا سا أركز علي العموميات,,,,

الفكرة ليس في تغني هذا ورقص البشير وإنما في الكيل بمكياليين - في مطاردة البشر وتغول النظام علي خصوصياتهم -يغني الرئيس البشير نفسه- ويرقص في وسط مختلط - نساء ورجال - ثم يطارد أمنه الفتيات - جلدا وإذلالا وقهرا- عبر قوانين النظام العام- منافاة الذوق العام - ينبري شيوخ السلطة في الهجوم الفن و الفنانين غاضين النظر عن رقص وغناء وهجيج البشير وحاشيته !
** المشكلة أيضا تكمن في إنفصام النظام ورجالاته فكريا-فهم في حلقات الذكر ونوباته يتمايلون ليلا وما أن تشرق الشمس غدا حتي تري ذات الأوجه في مجالس السلفية يتحدثون عن البدع وعن ضرورة محاربة الشوائب وغلو المتصوفة وممارستهم المناقضة لمنهج السلف وهم من قضي الليل في حلقات المتصوفة ! ** يشجعون التشيع وتنخرط قيادتهم في سلكه ثم يأتون نهارا ليتكلموا عن فساد عقيدة الشيعة وإغلاق بعض مراكزهم في خطوة رمزية ومحدودة الأثر لإستدرار أموال الخليج متجاهلين أن عدو السعودية والامارات هو الاخوان المسلمين ومن ينتهج نهجهم فهل يجروء النظام علي نفضه يده من الاخوان ويستغضب قطر وتركيا ومرسي وشيعته ?
** إذا القضية هنا ليست في كفالة وصيانة الحرية الفردية والممارسات الشخصية وعدم التغول علي الخصوصيات وهو مبدأ نعتز به وندعو لصيانته وإنما في التعامل الإنتقائي مع هذا المبدأ وسياسة الخيار والفقوس - والتستر علي فساد الحاشية والعشيرة ومطاردة من لا ظهر لهم , والعمل بعكس الحديث يسرق الضعيف -يجلد ويحدد ويسرق "شريف" الإنقاذ وواصلها فيحمي ويتحلل !* ما يعنينا هنا هو ليس خصوصيات هولاء وإنما هو التناقض والإنفصام والكيل بمكياليين وعين القانون العوراء التي لاتري سوي -االفقراء والمسحقوين والمعارضين وتغض النظر عن السلطان الجائره وحاشيته ومريديه والتشريعات القمعية التي تستهدف بعض الفئيات دون غيرها !

**
...........

Quote: رسالة لبنى حسين الى عمر البشير العيب هو اندفاع الشيوخ لحلبة الرقص مع الحسناوات بعد دفعهم الشباب الى الحرب للقاء بنات الحور فى الجنة بسم الله الرحمن الرحيم السيد رئيس الجمهوية / عمر حسن احمد البشير بواسطة السفارة السودانية تحيات طيبات مباركات وبعد يسرنى ان اتقدم اليكم بالتهنئة بمناسبة زواج ربيبتكم الغالية ابنة الفقيد او الشهيد ابراهيم شمس الدين اسعدها الله ورزقها بالذرية الحسنة ، كما يطيب لى انتهاز الفرصة لأجدد الطلب بالغاء قوانين وشرطة ومحاكم النظام العام بمسمياتها المختلفة بكافة ولايات السودان / او رفع حصانتكم ” غير الشرعية ” لمحاكمتكم بقوانينكم التى تسمونها شريعه.. لتسرى عليكم وعلى حرمكم ووزير دفاعكم احكامها ، حيث ينص قانون النظام العام بولاية الخرطوم لسنة 1996 م. المادة السادسة البند الاول : ...............أ‌- حظر الرقص المختلط بين الرجال والنساء ب‌- حظر رقص النساء أمام الرجال وكما هو موثق بشريط فيديو بثته شبكات الاعلام الاجتماعى ، انكم قد خالفتم البندين اعلاه من القانون و العقاب تبعاً لذلك : المادة 26 – يعاقب كل من يخالف احكام هذا القانون بواحدة أو اكثر من العقوبات الآتية : أ – السجن بما لا يزيد عن خمس سنوات ب – الغرامة ج – العقوبتين معا د – الجلد لا يدهشنا الرقص عند ذكر الجنوب بعد أنفصاله،ولا نستنكر تمايل جسد من انهك جسد البلاد و العباد بالحرب والفقر و الجوع و الغلاء ، بل نؤكد حقك فى التعبير عن افراحك طرباً ورقصاً و تراقصاً، فكل يعبّر عن مشاعره حسب خلفيته و ثقافته و مقامه ،لكن تبقى الفضيحة ان ما هو حلالاً لكم حراماً على الشعب ، والجريمة هى اقتصار تطبيق قوانينكم على ظهر الملايين من الضعفاء و أكثرهم دون العشرين من العمر بينما اذا رقص الرئيس و تراقص اختلاطاً وهو فوق الستين تركوه.. العيب هو اندفاع الشيوخ لحلبة الرقص مع الحسناوات بعد دفعهم الشباب الى الحرب للقاء بنات الحور فى الجنة .. و العبث هو الاصرار على تسمية كل هذا الهراء (شريعة) .. و السلام . لبنى احمد حسين – الصحفية السودانية السبت 19 نوفمبر 2011م بصورة الى : الاتحاد الافريقى منظمة المؤتمر الاسلامى جامعة الدول العربية ...........

http://www.girifna.com/3695http://www.girifna.com/3695http://www.girifna.com/3695http://www.girifna.com/3695http://www.girifna.com/3695http://www.girifna.com/3695http:/...www.girifna.com/3695

بشارى كل سنة وانت طيب
ماشايف أى رقيص