ماصحة هذا الكلام عِلْمِياً؟ دعوة لإيراد المزيد

ماصحة هذا الكلام عِلْمِياً؟ دعوة لإيراد المزيد
انا شخصيا لا أشك في طلاقة قدرة الله سبحانه وتعالي
وايضاَ مقتنع لغاية الآن مالم يثبت خلافه ان القرآن وسائر
الكتب المنزلة من عند الله لم يقصد بها ان تكون كتباً للتحدي
العلمي الا فى ما اراد الله أن يرينا فيه آياته لعلنا نؤمن..
كما افهم الآية :
قوله تعالى : ( إِنَّ اللَّهَ لَا يَسْتَحْيِي أَنْ يَضْرِبَ مَثَلًا مَا بَعُوضَةً فَمَا فَوْقَهَا فَأَمَّا الَّذِينَ آمَنُوا فَيَعْلَمُونَ أَنَّهُ الْحَقُّ مِنْ رَبِّهِمْ وَأَمَّا الَّذِينَ كَفَرُوا فَيَقُولُونَ مَاذَا أَرَادَ اللَّهُ بِهَذَا مَثَلًا يُضِلُّ بِهِ كَثِيرًا وَيَهْدِي بِهِ كَثِيرًا وَمَا يُضِلُّ بِهِ إِلَّا الْفَاسِقِينَ ) [البقرة:26]
أى مافوقها صِغَراً
فمن له علم فيما يتعلق بالمعلومات الواردة في هذا الفيديو فليتفضل بايرادها ,, وكذلك من لديه مادة تُرِينا طلاقة قدرة الله فليتفضل ونرجو الالتزام بموضوع البوست حتي نستفيد وجزاكم الله خيراً

الأسئلة التي تتبادر من كلام الزول ده
1/ البعوضة تعيش علي الدم ـ يعني لاتمضغ الـ 48 سن وظيفتا شنو؟
2/ 100 عين في رأسها وهى ترى بجهاز الاستقبال الحراري فما وظيفة العيون المئة؟
3/ قلبين لكل جناح ؟؟؟؟؟؟

سبحان الله ياتبارك
والله ماطالبني حليفة ـ لما نشرت البوست ده متوقعك تجي
وكنت ناوي اقول ليك ياتبارك انت زول بتاع فنون حقو ترسم
لينا بعوضة مكبَّرة ـ انت ياتبارك بقيت ولى ولا شنو ـ بكده ندخلك في موضوع البوست ـ
لايفوتني ان اطلب منك عدم خرمجة البوست انا قصدي انه
في ناس كثيرين بقولوا حاجات والعلم والواقع بثبت عكسها وبكده
بدخلونا في مغالطات ـ زي اللي قالوا انه رائد الفضاء سمع الاذان
في القمر وثبت عدم صحته واشياء من هذا القبيل وكذلك القصد
هو معرفة ما اذا كان كلام الزول ده حقيقي وكلام غيره ـ
نسيت اسألك ياتبارك ـ النزلتها دي صورة بعوضة ولا ركشة

السؤال
هل يفهم من ورود البعوضة فى الآية اعلاه انها ذكرت لبيان اعجاز الخالق
أم ان هناك معنىً آخر يريد الله ان يلفتنا اليه ,,

غايتو كلام الأسنان ما ضرب



كدي شوف دي ...

http://www.microscope-microscope.org/gallery/Ingram/Images/mosquito_head_body-L.jpg






... المهم ....

غايتو ياتبارك مابعرف لكن بعد ده
يزوروا فوقك.. يمين بعد نزّلت البعوضاية
الاولانية ديك قلت اسألك ان كان ممكن
تسمي لينا الاجزاء وقبل لا اكتب المداخلة
لقيتك جبت الـ Image التانية فيها ماكنت ساطلب
يبقي توارد الخواطر ده ندخله في قدرة الله

تبارك فيهو شي كتير.
مدد.

كل عام وانتم بخير ..

وانت طيب ياتبارك ـ بعد العيد نجى نشوف الحاصل
شنو لييه علماء المنبر ماعاوزين يدلو برايهم

يبدو انني لم اسمعه جيداً فهو يقول انها تري الاشياء لا بالوانها
لذا يصبح سؤالى عن وظيفة العيون المئة لامحل له
لا ادرى لماذا يحجم الناس عن الإدلاء برأيهم في ماورد في الفيديو
من ناحية علمية

Quote: يا سلام القران كله اعجاز علمي - عندك مثلا شرب بول البعير بيعالج الامراض الله اكبر - الارض مسطحة - انشقاق القمر - الشمس تغرب في عين حمئة - البرق والرعد هم شياطين تقترب من عرش الله او البمبر بتاعه - الله اكبر

جاد ـ سلام
واضح ياجاد من مداخلتك إنك تعترض علي ماذكرته في مداخلتك وهذا البوست لبيان وجه اعتراضك من ناحية علمية وموضوعية وبهذا نكون قد جئنا الي كلمة سواء
واستفاد القارئ والمتداخلون فأرجو ان تشاركنا بما يثبت مثلاً ان الارض ليست مسطحة وان القمر لم ينشق ـ ولاحظ انني
لست من الذين يسفهون المسيحية فالمسيح عليه السلام اكرمه الله وأمرني كمسلم بالايمان به رسولا الي بني اسرائيل وان الله أجرى علي يديه معجزات لاينكرها الا مكابر ـ
والمسيحيون منهم من يعتقد انه اله ومنهم من يعتقد انه ابن الله ومنهم من يعتقد انه الابن والآب والروح القدس فهذه ثلاثة مذاهب مختلفة في المسيحية
ولايناصبون بعضهم العداء فياخ اعتبروا المسلمين المذهب الرابع الذي يؤمن به نبي مرسل .. ولنجادل بعضنا بالتي هي احسن بعيداً عن السخرية من دين الآخر.
وإذا كان هناك من اساء اليك من المسلمين فارجو ان تستلهم عدل السيد المسيح عليه السلام ولاتعمم سخطك علي كل المسلمين وامسحها لي في وشي ـ
ياخ نحن كلنا ولاد حواء وآدم.
وانا بدورى سانقل وجهة نظرك في البوست حتى نستفيد منها بس ارجو ان نبتعد عن التعبيرات الجارحة والتي تسخر من المقدسات.
فمثلاً مثل هذا القول لايليق برجل يحب المسيح لدرجة الغلو

Quote: من عرش الله او البمبر بتاعه

الله لايخاطب بمثل هذا ياجاد لانه خلقنى وخلقك فلاتجعل غضبك من بعض المسلمين يعميك عن تعاليم السيد المسيح عليه السلام..
وفي الختام اسأل الله لى ولك ان يرينا الحق حقاً ويرزقنا اتباعه وان يرينا الباطل باطلا ويرزقنا اجتنابه,,,

منقول من هذا الموقع

http://www.startimes.com/f.aspx?t=32888787http://www.startimes.com/f.aspx?t=32888787
قوله تعالى : { فما فوقها } في معناها احتمالان :
الاحتمال الأول : أن معنى { فما فوقها } فما دونها في الصغر والحقارة ، ويؤيد هذا القول حديث : « لو أن الدنيا تزن عند الله جناح بعوضة لما سقى كافرا منها شربة ماء » أخرجه الترمذي .
الاحتمال الثاني : أن معنى { فما فوقها } ما هو أكبر منها ، ويكون المراد ما هو أعظم منها في الجثة ، ويؤيد هذا القول ما رواه مسلم عن عائشة رضي الله عنها أن رسول الله صلى الله عليه وسلم قال : « ما من مسلم يشاك شوكة فما فوقها إلا كتب له بها درجة ومحيت عنه بها خطيئة ».
والخلاصة أن الآية تحتمل معنيين :
1- فما فوقها في الصغر .
2- فما فوقها في الكبر .
وكلا الاحتمالين صحيح كما قال المفسرون .
وليس في الآية ما يفيد أن البعوضة أصغر المخلوقات ، وأن ليس هناك ما هو أصغر منها ، غاية ما في الآية أن الله تعالى بين أنه لا يستحيي ولا يخشى أن يضرب مثلاً ما ، أي مثل كان ، بأي شيء كان ، صغيراً كان أو كبيراً ، ومن هذه الأشياء البعوضة

عزيزنا أستاذ الفاضلابي
سلامات والعيد يتبارك عليك والأسرة الكريمة
يا عبدالعزيز أكبر أحتفال أقامتو بريطانيا كان بمناسبة أنتصار بريطانيا علي الملاريا في السودان
وده كان في الخمسينات .
أعلان السودان منطقة خالية من الملاريا .
معناتو المصيبة دي اخطر حشرة في الدنيا وممكن تجر أي مرض .
والانجليز عارفين ما حيكون في أنتاج جيد للقطن بدون مكافحة الملاريا .
...
غايتو يا عبدالعزيز زولك ده كان قال فيها ألف عين أنا ياني مصدقو .
والله يا عبدالعزيز يوم طقتني ليك ملاريا وأنا في نص الهضربة أي زول من بلدنا مات شفتو ليك حايم
نعم . 100 عين والقلبين زأتو شوية .
وزي ما قال الفنان ديل قلبين ضماهم كلوركويين .
تحياتي

Quote: معناتو المصيبة دي اخطر حشرة في الدنيا وممكن تجر أي مرض

ولد العم ـ كل سنة وانت طيب وجميع الاهل بالضفة الغربية
خطورتها دي وهي حشرة بهذا الحجم تدل علي قدرة الخالق
جل وعلا ويلفتنا الله سبحانه وتعالى الى حقيقة حجمنا امام قدرته
والايات كثيرة Yet تجد من يجادل فى الله بغير علم ـ انا عاوز
الناس اللى قالوا الكون وجد صدفة يجوا يورونا صدفة البعوضة حصلت
كيف والقالوا اصل الانسان قرد يورونا باقى القرود دى ما اتطورت ليييه؟
راجيه تهاجر لامريكيا عشان تتطور ولا الحاصل شنو ـ هسع يجو الجماعة
يمسكوا موضوع القرد ويسيبوا موضوع البعوضة.
...........................
مرة من ذات المراير ياعتمان ضربتنى ملاريا فى سنجة نامن قتَّا لى مرتى
نادوا لى ياشو يأذِّن لى ـ سنجة دى فيها بعوضة فورويل درايف.