Post: #1
Title: العندو مروحة داير مكيف والعندو مكيف داير سبليت
Author: عمر الفاروق عبد الله الشيخ
Date: 09-28-2014, 01:57 PM
Parent: #0
ده كلام الريس ود البشير
لكهرباء الناس ما تنسى والنسى قديمو تاه وزمان كانت تنسق بالأيام
09-28-2014 12:04 PM
سعاد الخضر
تطرق خطاب الرئيس عمر البشير في المؤتمرالعام لولاية الخرطوم أمس لقطوعات الكهرباء التي تعاني منها بعض أجزاء الولاية وقلل منها قائلاً: الكهرباء الناس ما تنسى والنسى قديمو تاه وزمان كانت تنسق بالأيام (الصحافة يوم والحاج يوسف يوم) وعاد ليقول إن الحكومة ستعمل على
زيادة التوليد المائي في الفترة المقبلة بإدخال نهر ستيت وعطبرة في الطاقة الكهربية والتوسع في محطة كوستي لتوفير الكهرباء لزيادة الإنتاج لمقابلة التوسع في الاستهلاك وأضاف: (العندو مروحة طلب مكيف، والعندو مكيف طلب إسبليت ونحنا بنحاول نوفر كهرباء لكل مواطن) مؤكداً على أهمية ذلك باعتبار أنها أضحت طاقة أساسية، وأشاد بالولاية للمرة الثانية وأضاف: حققت إنجازات في كل المجالات واستدرك قائلاً: (لكن تطلعات الناس ما بتقيف).
الجريدة
بهدوء وانت ليه نسيت قديمك
|
Post: #2
Title: Re: العندو مروحة داير مكيف والعندو مكيف داير سبليت
Author: عمر الفاروق عبد الله الشيخ
Date: 09-28-2014, 02:07 PM
Parent: #1
والمنديل عند السلطان والسلطان داير لبن واللبن داير بقر والبقر داير حشيش والحشيش داير مطر والمطر داير سحاب والسحاب تحت ايد الله لا اله الا الله محمد يا رسول الله زمان نحن جهال كانوا بنومونا بالهدهدة دي هسي انت يان
ريسنا يا المهدهدنا ومنومنا 25 سنة بنقول "أصحي يا بريش"
|
Post: #3
Title: Re: العندو مروحة داير مكيف والعندو مكيف داير سبليت
Author: عمر الفاروق عبد الله الشيخ
Date: 09-28-2014, 02:16 PM
Parent: #2
انتو يا ناس الناس ديل حاقدين علينا كدي ليه كل يوم يطلع علينا واحد يستهبل علينا ونحن أعدين وواحد يشتم فينا ونحن أعدين وواحد يعلمنا الأكل ونحن آعدين وواحد يقول كنا شحادين ونحن أعدين أعدين ليه ما تقوموا تروحوا
|
Post: #4
Title: Re: العندو مروحة داير مكيف والعندو مكيف داير سبليت
Author: عمر الفاروق عبد الله الشيخ
Date: 09-28-2014, 02:36 PM
| Quote: واستدرك قائلاً: (لكن تطلعات الناس ما بتقيف). |
أو كما قال!!
تذكر ياريس قصيدة القصة ما قصة رغيف اصبت حين اخطأت تطلعات الناس ما بتقيف وهي اكبر من كدة
|
|