يا كيزان ـ نوع الأخبار دي بقى يضحك فيكم الناس

Quote: خط بحرى الشهداء ..مدير التلفزيون (يركب) المواصلات العامة اكد عدد من العاملين بالتلفزيون حضور المدير العام السابق محمد حاتم سليمان الي مباني التلفزيون امس الثلاثاء بالمواصلات العامه بعد ترجله من السيارة المخصصة له من تلفزيون السودان فور صدور قرار اعفائه وأكد مصدر موثوق انه شاهد مدير التلفزيون السابق محمد حاتم بترجل احدى الحفلات خط مواصلات بحرى الشهداء وسط دهشة من معارفه من اصحاب المباني المطلة علي الشارع سودانا فوق ـ الخميس 25/09/2014 م

ياخي إشتروا ليكم شوية خجل
والله الناس حتى الما عندها إهتمام بالسياسة بقت تضحك عليكم وتسخر منكم ـ وماف دليل أكبر من التعليقات التحت دي

حتة كوز يكون موظف صغير في أي جهة حكومية تلقاه عندو سيارتين
ويجوا يقولوا ليك مدير التلفزيون (برتبة وزير) وشغال ليه أكثر عقد ماعندو سيارة !!!!

الز حاجة تعليقات القراء على الخبر :
شوفوا الناس بقت تستهزاء بيكم كيف ؟

Quote: fatihrick‏‏ (سجل دخولك باستخدام ‏‎yahoo‎‏) يا اخي قوموا لفوا. يعني للدرجه دي ماعندو عربيه خاصه؟ ولا دايرين تقولوا انو نزيهه للاخر؟ اتقوا الله وكفايه ضحك علي الدقون و الشعب السوداني بقي اوعي منكم رد · أعجبني · 2 · متابعة المنشور · منذ ‏22‏ ساعة ماجد محمد · جامعة الخرطوم حنك بيش مابياكل معانا اي زول في الإنقاذ في اي وظيفة حرامي ودي ما عايزة شطارة واثبات رد · أعجبني · متابعة المنشور · منذ ‏16‏ ساعة Awad Abdo · متابعة · ‏‎Civil Engineer‎‏ في ‏‎AL_aid Consulting Engineers‎‏ وزير الماليه السابق قال ماعندو غير 450 جنيه معاش شهري ومشتري فيلا سعرها 10 مليار رد · أعجبني · متابعة المنشور · منذ ‏19‏ ساعة حسن السني · متابعة · Mengment هههههههههههههههه بالله؟ رد · أعجبني · متابعة المنشور · منذ ‏22‏ ساعة Adil Elsadig Mohamed Eljack · متابعة · جامعة عين شمس واين العيب فى هذا ... ده يدل على نزاهة الرجل ... وانه حتى لا يملك عربة خاصه ارحمو الناس يا عالم... ورغم اختلافنا معه فى سياسته داخل الهيئة القوميه للاذاعة والتلفزيون رد · أعجبني · متابعة المنشور · منذ ‏20‏ ساعة Sabir Ibrahim · Omdurman Islamic University والله يا ماجد محمد كلامك صاااااااااااااااااااااااااااااااح كلهم حرامية , قطاعين طرق حاكمين البلد شبعوا هم وافقروا الشعب . رد · · منذ ‏11‏ ساعة

http://www.gulfup.com/?owmSwo

محاولتكم وصف بعض مسئولي الدولة بالنزاهة والعفة
وعلى ضؤ الفاسد الذي أزكم الإنوف
أصبح كمن يحاول أن يحجب ضؤ الشمس بغربال

Quote: محاولتكم وصف بعض مسئولي الدولة بالنزاهة والعفة وعلى ضؤ الفاسد الذي أزكم الإنوف أصبح كمن يحاول أن يحجب ضؤ الشمس بغربال

يا عفة كلمينا
يوم انتي كنتي
كان الكوز موجود فينا
؟؟

Quote: يا عفة كلمينا يوم انتي كنتي كان الكوز موجود فينا ؟؟

اهلين فرح أبو روضة

الحبيب \ ود البصير ..

صباح الوطن ..

طبعآ يا ود البصير الكيزان من صفاتهم البتجيب القرح النفسية ياها السذاجة دي !!
ولو داير تصدق قولي دا كدي باري بوستاتهم الهنا دا هههههههههههه . واديك مثال
واحد من الارهابيين حقنهم كاتب ليه ما قامت لي اسه ثورة ؟!!! في سذاجة اكتر من كدا ؟

اللهم اليك نشكو حكومة الانقاذ .


ولي قدام .

Quote: الحبيب \ ود البصير .. صباح الوطن .. طبعآ يا ود البصير الكيزان من صفاتهم البتجيب القرح النفسية ياها السذاجة دي !! ولو داير تصدق قولي دا كدي باري بوستاتهم الهنا دا هههههههههههه . واديك مثال واحد من الارهابيين حقنهم كاتب ليه ما قامت لي اسه ثورة ؟!!! في سذاجة اكتر من كدا ؟ اللهم اليك نشكو حكومة الانقاذ . ولي قدام .

أهلين الحبيبة بت عمسيب
دي مش سذاجة ـ دي تركيبة نفسية فيها خلل كبير يا منى ـ خليني أحكي ليك السالفة دي :
قبل سنتين ثلاثة ظهر فجأء مرض الحمى النزفية في السودان في مثل هذه الأيام بالضبط ـ قبيل عيد الأضحى
وكل الناس أمتنعت تماماً عن أكل اللحوم الحمراء
فكنت بشاهد في قناة الحكومة المسماة قومية ، في برنامج بتقدمو حرم شداد قبل ما يطفشوها
إستضافت وزير الزراعة بولاية الخرطوم حينها ـ إسمو جودة الله عثمان
ياخ الزول دا كان يرقي ويزبد وبإنفعال شديد عشان ينفي أي وجود للحمى النزفية السودان ـ طبعاً إذا عرف السبب بطل العجب )
المذيعة أوردت عدد من التقارير حول إنتشار المرض وأستعرضت مقالات من الصحف لمتخصصين في المجال البيطري
وفي نأس إتصلت من خارج الإستديو يؤكدوا وجود إصابات عدة في مناطق مختلفة في السودان
وصاحبنا يرقي ويزبد ويهيج بأعلى صوته بأنه لا وجود لهذا المرض في السودان
والله أتذكر إتصلت فتاة من المناقل وقالت هى الأن منومة بالمستشفى وفي العنبر المجاور توجد 11 حالة
وصاحبنا بإعلى درجات الغضب ينفي ذلك
هل تعلمي يا منى بإنو السبب كان شنو ؟ لانو شركات الكيزان البتاجر في الاضاحي كانت عرضى لخسائر كبيرة لإحجام الناس عن شراء الخراف خوفاً من المرض
عشان كدا زولنا دا قالوا ليه ـ أصلوا ما تعترف بوجود حاجة إسمها الحمى النزفية ، ويشيل ويكضب بدون أدنى حياء وبصورة تثير الشفقة

بالجد كانت حاجة مخجلة ـ أقنعتني تماماً إنو الناس الأسمهم الكيزان ديل تركيبتهم النفسية فيها خلل كبير


تعديل أخطاء لغوية وأخرى