Post: #1
Title: سيدنا نوح ... في سفينتو شال جوز من كل شي ... بس ديل ما كان ليهم داعي ابداً ...
Author: يحي قباني
Date: 09-25-2014, 04:50 AM
Parent: #0
بالله كل ما أكلم زول في الاهل و الاصحاب في السودان ...
يقول ليك راقد بي ملاريا ...!!!
و الله انا لي حسى ...2014 دى ...
ما عارف سيدنا نوح شال معاهوا ( جوز بعوض ) في سفينتو لي شنو ؟
|
Post: #2
Title: Re: سيدنا نوح ... في سفينتو شال جوز من كل شي ... بس ديل ما كان ليهم داعي ابداً ...
Author: يحي قباني
Date: 09-25-2014, 04:58 AM
بالله العظيم انا خليت السودان لي اكتر من 25 سنة ...
وما رجعت دقيقه واحده ...
بس معقول زنة البعوضة البتجيك آخر الليل و انت راقد في الحوش و الدنيا حر ماقادر تدس راسك جوه الملايه ...
معقول بسمع صوت الزنة دي لي يوم الليله زي الكابوس !!!
يخي ضربتنا الملاريا لامن دشنا و ادمنا الكلوروكوين ...
|
Post: #3
Title: Re: سيدنا نوح ... في سفينتو شال جوز من كل شي ... بس ديل ما كان ليهم داعي ابداً ...
Author: عبدالحفيظ ابوسن
Date: 09-25-2014, 05:03 AM
Parent: #2
ياصاحب
لا تقدر تتونس في الحوش
دواء الملاريا الكوارتيم ب 75ألف
|
Post: #4
Title: Re: سيدنا نوح ... في سفينتو شال جوز من كل شي ... بس ديل ما كان ليهم داعي ابداً ...
Author: يحي قباني
Date: 09-25-2014, 05:06 AM
Parent: #2
من كتر ما خبرنا الملاريا ...
الواحد بقي يعرفها من صفارة البداية ...
تكون قاعد في امانة الله ...
فجأة تحس بي تقل في جبهتك ...
تجي داير تقيف ... حيلك تلقي مافي ...
اها لو في حبة عافية تلحق بي باقي حيلك ده تجرجر كرعينك لي اقرب اجزخانة ... قبال ما تتكسر مره واحده ...
و الاجزجي اصلا بكون حافظك ... طوالي يناولك ( المعلوم ) ...
كلوروكوين ... و الجرعة مفهومة ...
و لامن اتطورنا جانا ( الفنسدار ) ابو تلاتة حبات الكمده بي الرمده ...
و الله عندى حكاية عجيبة مع الفنسدار
|
Post: #5
Title: Re: سيدنا نوح ... في سفينتو شال جوز من كل شي ... بس ديل ما كان ليهم داعي ابداً ...
Author: يحي قباني
Date: 09-25-2014, 05:08 AM
Parent: #4
Quote: ياصاحب
لا تقدر تتونس في الحوش
دواء الملاريا الكوارتيم ب 75ألف |
حفيظ يا صديق ...
و الله قلوبنا معكم ... ومع اهلنا المساكين ...
ما عارفين يلموها من وين ولا يلاقوها من وين ...
ياخي دي حالة دي ... الناس راقده كلها و حالتها بالبلا ...
|
Post: #6
Title: Re: سيدنا نوح ... في سفينتو شال جوز من كل شي ... بس ديل ما كان ليهم داعي ابداً ...
Author: يحي قباني
Date: 09-25-2014, 01:14 PM
Parent: #5
الي حين عودة ...
|
Post: #7
Title: Re: سيدنا نوح ... في سفينتو شال جوز من كل شي ... بس ديل ما كان ليهم داعي ابداً ...
Author: Osman Musa
Date: 09-25-2014, 01:30 PM
وقالوا يا قباني الأيامات ديك جوز الباعوض كان تلاته .
أها يا أخوي سفينتو دي وكت مرقت الشاطي ..
كان كل الاجواز طارشين و مدروخين من حبوب الكلوركوين والفانسيدار .
..
تحياتي
|
Post: #8
Title: Re: سيدنا نوح ... في سفينتو شال جوز من كل شي ... بس ديل ما كان ليهم داعي ابداً ...
Author: يحي قباني
Date: 09-26-2014, 01:51 AM
Parent: #7
Quote: وقالوا يا قباني الأيامات ديك جوز الباعوض كان تلاته .
أها يا أخوي سفينتو دي وكت مرقت الشاطي ..
كان كل الاجواز طارشين و مدروخين من حبوب الكلوركوين والفانسيدار .
..
تحياتي |
و الله يابوعفان سفينة نوح بالغت ...
و الله يكون البعوض ده مرق بعد داك ؟
ياخي كلما اتذكر ايام الملاريا ... بطني تطم ..
|
Post: #9
Title: Re: سيدنا نوح ... في سفينتو شال جوز من كل شي ... بس ديل ما كان ليهم داعي ابداً ...
Author: Mohamed Adam
Date: 09-26-2014, 02:41 AM
Parent: #8
| Quote: ما عارف سيدنا نوح شال معاهوا ( جوز بعوض ) في سفينتو لي شنو ؟ |
مرحبتين أخونا الإستاذ يحيي قباني.
السؤال المحير أكتر من لسعة البعوض :
لماذا سيدنا نوح في الأساس خاف للباعوض من الفيضان؟.
بعد مافار التنور هل كان سيدنا نوح عنده زمن كافي ليطارد
أشياء صغيره وهايفه كالباعوض!
وكيف قبضه وتعرف علي الذكر والأنثه؟.
هل الفيضان بيهدد نوع الباعوض من الإنقراض ؟
أم الفيضان أصلاً يهيئ بيئه صالحه لنموه وتكاثره!!
وما شأن الأميبيا والحلزونات وعموم الأشياء الأخري
البتتكاثر لاجنسي!
عموماً لسعة أنثي الباعوض بدوخ
عديل كدا.
في السودان بيشربوا ليها "مغلي النيم"!!
.
|
Post: #10
Title: Re: سيدنا نوح ... في سفينتو شال جوز من كل شي ... بس ديل ما كان ليهم داعي ابداً ...
Author: يحي قباني
Date: 09-26-2014, 02:56 AM
Parent: #9
Quote: لماذا سيدنا نوح في الأساس خاف للباعوض من الفيضان؟.
بعد مافار التنور هل كان سيدنا نوح عنده زمن كافي ليطارد
أشياء صغيره وهايفه كالباعوض!
وكيف قبضه وتعرف علي الذكر والأنثه؟. |
الأنثي ...
يا محمد .. اجتهدت كتير في التفاصيل ...
الموضوع ما سيدنا نوح يا حبيب ...
الموضوع البعوض و الملاريا في السودان ...
بعدين كيف البعوض من ( الأشياء ) الهايفه ؟
مش خلقة ربنا برضو .؟
|
Post: #11
Title: Re: سيدنا نوح ... في سفينتو شال جوز من كل شي ... بس ديل ما كان ليهم داعي ابداً ...
Author: Mohamed Adam
Date: 09-26-2014, 03:27 PM
Parent: #10
Quote: بعدين كيف البعوض من ( الأشياء ) الهايفه ؟
مش خلقة ربنا برضو .؟ |
أخي قباني .. لم أقصد بهيافة البعوض إلا لتناهيها في الصغر ..
تبارك ربي وتعالي مُقدس هو وكافة فيضه.. ومن أنا لإحتقر صنع ربي!
تقديري.
.
|
Post: #12
Title: Re: سيدنا نوح ... في سفينتو شال جوز من كل شي ... بس ديل ما كان ليهم داعي ابداً ...
Author: أيمن الفاضل
Date: 09-26-2014, 04:28 PM
Parent: #11
حبيبنا قباني
جمعة مباركة 
Quote: بعدين كيف البعوض من ( الأشياء ) الهايفه ؟
|
البعوض هايف شديد
الحشرة دي ساهل جداً القضاء عليها
إجراءات بسيطة وما مكلفة والملاريا تختفي
تكلفة المرض أعلي من تكلفة الوقاية
بس بلدنا هي الهايفة
|
Post: #13
Title: Re: سيدنا نوح ... في سفينتو شال جوز من كل شي ... بس ديل ما كان ليهم داعي ابداً ...
Author: خالد علي محجوب المنسي
Date: 09-26-2014, 05:41 PM
Parent: #12
Quote: وقالوا يا قباني الأيامات ديك جوز الباعوض كان تلاته .
أها يا أخوي سفينتو دي وكت مرقت الشاطي ..
كان كل الاجواز طارشين و مدروخين من حبوب الكلوركوين والفانسيدار . |
ههههههههههههههه
هي الحكاية أنها لما رست السفينة ما لقت ليها بتاع صحة أخو بنات وشايل طلمبة الفليت
المو خمج وأداها رشة واحدة لحقَّ الصِح
|
Post: #15
Title: Re: سيدنا نوح ... في سفينتو شال جوز من كل شي ... بس ديل ما كان ليهم داعي ابداً ...
Author: يحي قباني
Date: 09-26-2014, 11:03 PM
Parent: #12
Quote: حبيبنا قباني
جمعة مباركة
Quote: بعدين كيف البعوض من ( الأشياء ) الهايفه ؟
البعوض هايف شديد
الحشرة دي ساهل جداً القضاء عليها
إجراءات بسيطة وما مكلفة والملاريا تختفي
تكلفة المرض أعلي من تكلفة الوقاية
بس بلدنا هي الهايفة |
و الله بلدنا ما هايفه يا صديقي ...
بس جار عليهو الزمن ... و اتكالب عليه الجهلاء ...
ربك يستر بس ...
و مباركة جمعتك كمان ههههه...
|
Post: #14
Title: Re: سيدنا نوح ... في سفينتو شال جوز من كل شي ... بس ديل ما كان ليهم داعي ابداً ...
Author: يحي قباني
Date: 09-26-2014, 10:22 PM
Parent: #11
Quote: أخي قباني .. لم أقصد بهيافة البعوض إلا لتناهيها في الصغر ..
تبارك ربي وتعالي مُقدس هو وكافة فيضه.. ومن أنا لإحتقر صنع ربي!
تقديري. |
سلام اخى محمد ...
انت في ردك الاول ذكرت :
Quote: بعد مافار التنور هل كان سيدنا نوح عنده زمن كافي ليطارد
أشياء صغيره وهايفه كالباعوض!
وكيف قبضه وتعرف علي الذكر والأنثه؟.
هل الفيضان بيهدد نوع الباعوض من الإنقراض ؟
أم الفيضان أصلاً يهيئ بيئه صالحه لنموه وتكاثره!! |
فتذكرت الآية 26 من سورة البقرة:
(( إِنَّ اللَّهَ لا يَسْتَحْيِي أَنْ يَضْرِبَ مَثَلاً مَا بَعُوضَةً فَمَا فَوْقَهَا
فَأَمَّا الَّذِينَ آمَنُوا فَيَعْلَمُونَ أَنَّهُ الْحَقُّ مِنْ رَبِّهِمْ وَأَمَّا الَّذِينَ كَفَرُوا فَيَقُولُونَ مَاذَا أَرَادَ اللَّهُ بِهَذَا مَثَلاً
يُضِلُّ بِهِ كَثِيراً وَيَهْدِي بِهِ كَثِيراً وَمَا يُضِلُّ بِهِ إِلَّا الْفَاسِقِينَ.)) ....
صدق الله العظيم ..
احترامي ...
|
|