Post: #1
Title: جهاز الأمن والمخابرات يتجسس على السودانيين في بريطانيا...
Author: Dr Salah Al Bander
Date: 09-24-2014, 01:59 AM
Parent: #0
قدم دكتور صدقي عوض كبلو، رئيس اللجنة المركزية للحزب الشيوعي، شهادته عن تجسس جهاز الأمن والمخابرات السوداني على
الجالية السودانية في بريطانيا....
وسجل في أفادته تجربتة الشخصية في وثيقة تم نشرها بواسطة جهات مهتمة بشؤون الجالية السودانية في بريطانيا وأمانها ....
وعلى الرغم من تغطيتها لأحوال الجاليات السودانية في 7 دول (بريطانيا+النرويج+فرنسا+مصر+يوغندا+ارتيريا+أسرائيل) إلا ان بريطانيا حظيت بنصيب الأسد....
وقد صدرت الوثيقة بعنوان "الذراع الطويلة للنظام السوداني" وهي توثق لكيف يقوم جهاز الاستخبارات بمراقبة وتهديد السودانيين في الخارج...
ورصدت الوثيقة في 66 صفحة افادات 11 شخصاً تعرضوا لتجارب قاسية مع جهاز الأمن السوداني تتعلق بنشاطهم في الخارج...
وتعتبر هذه الوثيقة مهمة اذا ستستند عليها هذه المجموعة في أتصالاتها مع الجهات البريطانية المسؤولة عن حماية البلاد من أي اختراق أمني أو
نشاط استخباراتي ....
وهذا التقرير التفصيلي هو الأول من نوعه الذي يرصد تفاصيل نشاط جهاز الأمن السوداني في بريطانيا ويقدم شهادات تفصيلية موثقة....
كما يحتوي على رسالة من السفارة البريطانية في الخرطوم يؤكد بعض جوانب محتويات التقرير...
.....
سيكون لهذا التقرير استحقاقات وتداعيات تحتاج لأهتمام خاص حيث يحطر القوانين في بريطانيا أي نشاط استخباراتي أجنبي على أراضيها وتواجهه بصرامة واضحة...
ونوعدكم بالمتابعة .....
ملحوظة: "رئيس اللجنة المركزية للحزب الشيوعي" هي التي أشار بها التقرير....
____
خليك حريص ...
خليك سوداني
|
Post: #2
Title: Re: جهاز الأمن والمخابرات يتجسس على السودانيين في بريطانيا...
Author: Dr Salah Al Bander
Date: 09-24-2014, 12:34 PM
رددت مراراً وتكراراً ان الموقف أو العداء للإنقاذ لا يبرر للتعاون مع أعداء الوطن السودان...
....
لذلك استغرب أن يقع شخص هو رئيس اللجنة المركزية للحزب الشيوعي في هذا الفخ ....
دكتور كبلو عضو في هذا المنبر ونحتاج منه لتوضيح موقفه....
|
Post: #3
Title: Re: جهاز الأمن والمخابرات يتجسس على السودانيين في بريطانيا...
Author: Sidgi Kaballo
Date: 09-25-2014, 00:36 AM
Parent: #2
هذا هو رابط التقرير كاملا حتى تقرأوه وتستبينوا الحق
http://www.wagingpeace.info/images/The_Long_Arm_of_the_Sudanese_Regime_-_COMPRESSED.pdfhttp://www.wagingpeace.info/images/The_Long_Arm_of_the_Sudan...ime_-_COMPRESSED.pdf
|
Post: #8
Title: Re: جهاز الأمن والمخابرات يتجسس على السودانيين في بريطانيا...
Author: Dr Salah Al Bander
Date: 09-25-2014, 09:00 PM
Parent: #3
يا شيخ فيصل..
التحايا وعيد سعيد لك وللأسرة الكريمة ولكل من بطرفك...
يا أخي فيصل وجهت لدكتور كبلو اتهامات كبيرة خلاص ...
وإنها لكبيرة إلا على ...
....
ولا أظن ان دكتور كبلو سيرد على هذه اللائحة من الاتهامات ذات العيار الثقيل.....
ولا حول ولا قوة إلا بالله....
|
Post: #10
Title: Re: جهاز الأمن والمخابرات يتجسس على السودانيين في بريطانيا...
Author: Dr Salah Al Bander
Date: 09-25-2014, 11:31 PM
Parent: #8
بالعكس السياسة هي فن الممكن في الوقت المستحيل...
وأكيييد مرتكزة على معايير الشفافية والمحاسبة والمصداقية....الخ
....
.....
لكن سياسيين السودان ديييييل رؤيتهم مختلفة للآمور ...
وناس أمسك لي وأقطع ليك ...
....
المؤلم إنو "قبيلة الحزب الشيوعي" أصبحت هي برضو تعاني من آثار هذا المرض الخبيث...
ولا حول ولا قوة إلا بالله....
|
Post: #12
Title: Re: جهاز الأمن والمخابرات يتجسس على السودانيين في بريطانيا...
Author: Abureesh
Date: 09-26-2014, 01:07 AM
Parent: #10
لو كان الحزب الشيوعى رجلا لقتلتـه.
|
Post: #13
Title: Re: جهاز الأمن والمخابرات يتجسس على السودانيين في بريطانيا...
Author: فيصل عثمان الحسن
Date: 09-26-2014, 06:50 PM
Parent: #12
ليش سحبتو مداخلاتي يا بتوعين حقوق الانسان , فين حرية التعبير والوهمات العجيبة ديك , طيب ليه عاوزين
تسقطوا حكومة الكيزان اذا انتو بتمارسوا نفس ممارساتهم , لقيتك خطير يا كبلو بالمناسبة في مظاهرات اليوم
بمدينة الشجرة شيل شنطتك وأجري على المطار وما تنسى الكدوس .
|
Post: #14
Title: Re: جهاز الأمن والمخابرات يتجسس على السودانيين في بريطانيا...
Author: Dr Salah Al Bander
Date: 09-26-2014, 09:36 PM
Parent: #13
يا فيصل يا خوي انت ما عارف الباشمهندش بكري ابوبكر ما بيرضى أي كلمة في الشيوعيين ديل...
...
ومخوفينو عديل كدا ... تتكلم في أي زول ... إلا قيادات الحزب الشيوعي ديل ...
....
الكلام البتكتب في المنبر دا عن قيادات الدولة الإنقاذية أو قيادات حزب الأمة خاصة سماحة الأمام الصادق المهدي ...الخ ما عندو أي خطوط حمراء...
الخطوط الحمراء دي بس لناس الشيوعي....
.....
..... انحنا لينا الله بس...
....
وكويس أنو شطب مداخلاتك ... كان ممكن يودي البوست كلو للخور ... لكن ربنا لطف ...!!!
|
Post: #15
Title: Re: جهاز الأمن والمخابرات يتجسس على السودانيين في بريطانيا...
Author: فيصل عثمان الحسن
Date: 09-26-2014, 10:18 PM
Parent: #14
والله يا دكتور صلاح الكيزان حتى عوينهم اتعرضوا للهمز واللمز ولم يحرك بكري ساكن , وأنا هنا اتناولت سيرة زول فاسد
بحق وحقيقة وما كتبته مستعد تماما لتحمل تبعاته , بعدين بكري في لائحته قال لا يقبل عضوية منتهكي حقوق الانسان , كبلو
منتهك لحقوق الانسان مثله مثل جهاز الأمن وأثبتنا انتهاكاته الصارخة لحقنا وقدمنا الدليل الكافي والوافي الذي يثبت تورطه
في الاضرار بنا عليه أطلب من السيد بكري أبو بكر طرد كبلو من هذا الموقع عملا باللائحة المعمول بها , أو كمان يخلينا
نلاحق هذا الفاسد أو يقول لينا بصريح العبارة المنبر ده حقي وأنا حر أفعل فيه ما أشاء حررم لو عتبته تاني أبقى زي كبلو .
|
Post: #16
Title: Re: جهاز الأمن والمخابرات يتجسس على السودانيين في بريطانيا...
Author: فيصل عثمان الحسن
Date: 09-27-2014, 01:01 AM
Parent: #15
ليس بالضرورة أن ينتظم كل معارض للنظام في حزب بعينه , أنا لا أنتمي لحزب يسلب ارادتي
ويقيد حركتي ويجعلني ترس أنفذ ما يطلب مني , أنا انسان حر بكل ما تحمل الكلمة من معنى ومعارضتي
للنظام لا تجعلني أداهن فاسد وأسكت على تجاوزاته , نحن لا نريد أن نستبدل النظام القائم بما هو أسوأ العناصر
الفاسدة يجب أن تلاحق ان كانت في السلطة أو خارجها , من يسعى للعمل العام وجب أن يكون نظيف السيرة
ونقي السريرة , سوء النظام القائم لا يجوز أن يجعلنا نغض الطرف عن مساوئ بعض المعارضين حتى لا تتكرر
مأساتنا , صدقى كبلو رجل في غاية السوء وهذه حقيقة يعرفها كل من تعامل معه وحتى أعضاء حزبه يعلمون ذلك
بعضهم يواجهونه بمنتهى الشجاعة وبعضهم يديرون وجوههم خوفا من المواجهة , ان كان حزبه فقط هو من يتضرر من
ممارساته فالأمر حينها لا يعنينا لكن طالما أذاه يمتد الينا وللبلد والله لن أتركه وشأنه وسوف الاحقه في أي مكان وفي أي منتدى
ويا عزيزي بكري ان كانت ملاحقة الفاسدين تأرقك وتقض مضجعك وتحرجك يمكنك سحب الباسوورد ويظل احترامي لك قائم .
|
Post: #17
Title: Re: جهاز الأمن والمخابرات يتجسس على السودانيين في بريطانيا...
Author: بكرى ابوبكر
Date: 09-27-2014, 05:52 AM
Parent: #14
دكتور صلاح
قبل كده اتهمتنى اننى اعمل مع المخابرات السودانية ولا CIA ما عارف و الى اليوم ما اثبت علاقتى بتلك المخابرات ....اتمنى المرة دة تقدر تثبت انو الشيوعيين مخوفنى ...
|
Post: #18
Title: Re: جهاز الأمن والمخابرات يتجسس على السودانيين في بريطانيا...
Author: حيدر حسن ميرغني
Date: 09-27-2014, 08:06 AM
Parent: #17
سلامات فيصلنا
قضيتك معروفة للقاصي والداني ياحببيب والظم فيها كان واضح
ناس صديق ديل ماعندهم ثقافة الاعتذار دائما اي شئ عندهم مطلق ولا ياتيهم الباطل بين يديهم, خليها على الله بسس
عزيزي صلاح نعم بكري راخي الحبل كثير لليساريين بشكل عام ولا اعتقد ان هناك من يخيفه منهم .. ممكن يكون مجامل شوية ..
|
Post: #19
Title: Re: جهاز الأمن والمخابرات يتجسس على السودانيين في بريطانيا...
Author: فيصل عثمان الحسن
Date: 09-27-2014, 08:41 AM
Parent: #18
حبيبي حيدر صبحك الله بالخير , ما أصابنا اعتبرناه قدر ونصيب وسوء طالع وتجاوزناه بالصبر
وتشجيع الكرام من أمثالكم , وعندما أقارن ما حاق بنا بشباب ويفع دفعوا دمائهم الغالية رخيصة لأجل
هذا الوطن وكيلك الله أشعر بالخجل وقلة الحيلة , تمعن بالله يا صديقي في الدماء الطاهرة التي أريقت
في سبتمبر الماضي سنهوري ورفاقه الميامين وهناك من يسعى للاتجار بتلك الدماء ويسعى لتحقيق
غاياته التي لا عللاقة لها مطلقا بهموم هذا الوطن وأهله , الرجل يسعى لتلميع نفسه ويريد أن أن يشغل
الناس بقضايا هلامية مثل ادعائه بأن الجالية في بريطانيا تتعرض للرصد بواسطة جهاز الأمن والله ليس
هناك أخطر من صدقي وأمثاله على تماسك الجاليات خارج الوطن وأنا لن أتركه يسرح ويمرح .
|
Post: #20
Title: Re: جهاز الأمن والمخابرات يتجسس على السودانيين في بريطانيا...
Author: Dr Salah Al Bander
Date: 09-27-2014, 11:15 AM
Parent: #19
الحبيب الباشمهندس بكري أبوبكر
حاشا لله لم اتهمك بأنك عميل للأمن السوداني أو الأمريكي...
وليس بيني وبينك غير الاحترام والود....
....
نعم فتحت بوست وتسألت فيه "بكري هل لك علاقة بالأمن؟" وذلك رداً على تخرصات نشر بعضها هنا وبعضها في أماكن أخرى بأنك قدمت عضوية
لعدد من عملاء جهاز الأمن ... والهدف من البوست كان هو دعم مصداقية المنبر وتعزيز الشفافية...
....
واؤكد لك هنا انني اعتز بأنني عضو في قبيلة سودانيز أونلاين...
وإلا لكنت خارجها ... فموقفي من النظام مبدئي ومعروف...
.....
....
مرة أخرى اذا كان عندك أي أحساس بأنني "اتهمتك" فأرجو ابعاد هذا الاحساس من دواخلك...
وكل شئ موجود في البورد....
أما محاباتك لقيادات الحزب الشيوعي فهذه أكيييد محسوسة ...
....
.....
لكن بصراحة صورة البروفايل الجديدة مجننننونة ... يا أصلي ...
|
Post: #21
Title: Re: جهاز الأمن والمخابرات يتجسس على السودانيين في بريطانيا...
Author: أيمن محمود
Date: 09-27-2014, 07:19 PM
Parent: #20
| Quote: لكن بصراحة صورة البروفايل الجديدة مجننننونة ... يا أصلي ... |
|
|