.Scientists made a huge discovery about the Big Bang. Here's why it was probably wrong

العنوان أعلاه من اخبار ياهو


قلنا وبكلمات بسيطة جدا فى مناشير سابقة ان البج بانج مجرد نظرية مثلها مثل نظرية ابو القدح.
قد تأتى الاجيال القادمة وتضحك على مدى سذاجتنا بايماننا بمثل هذه النظريات كما نضحك اليوم
على مقولات سابقة تدعى ان الارض محمولة على ظهر سلحفاة.

الحد بسببها الكثيرون وعضدت الحاد الكثيرين وها هى الان تتهاوى كما تتهاوى أوراق الخريف.

سلامات اخونا عبدالعظيم مكى
انت قريت المقال? كله?
_____________________
http://www.vox.com/2014/9/22/6827987/bicep2-gravitational-waves-big-banghttp://www.vox.com/2014/9/22/6827987/bicep2-gravitational-waves-big-bang

تحياتى اسمارت

ايوا قريت المقال
و لا يمكن لاى مقال ان يثبت او ينفى اى نظرية
ولكن الشاهد عندى ان اختلاف العلماء حتى فى اكتشاقات محددة يؤكد بما لا يدع مجال للشك
ان اى نظرية تتعلق بالكون لن تصمد كثيرا.
وكما قلت سابقا نحن فى رحم هذا الكون اقل قدرة من طفل فى رحم امه.
وستثبت الايام ما اقول عاجلا ام اجلا.

ده عنوان المقال:
Scientists made a huge discovery about the Big Bang. Here's why it was probably wrong

منه -انت- استنتجتا انه :

Quote: الحد بسببها الكثيرون وعضدت الحاد الكثيرين وها هى الان تتهاوى كما تتهاوى أوراق الخريف

The “it” in (Here's why it was probably wrong) refers to the “huge discovery”. It does NOT refer to the ”Big Bang Theory” 1

الخطا هو الاكتشاف الجديد....و ليس النظرية.
الناس ديل فتكروا انهم اكتشفوا حاجة جديدة فى النظرية. لكن طلعوا غلطانيين.


فى اى اختلاف بين العلماء الان حول موضوع المقال.
علماء قالوا اكتشفنا حاجة. باقى العلماء شالوا data و بعحثوا فيها بصورة اعمق, لقوا انه فى خطا فى تحليل المعلومات. بس.

Quote: ان اى نظرية تتعلق بالكون لن تصمد كثيرا

جملتك دى ما صحيحة. صحيح كل يوم بنعرف شي جديد, لكن فى حجات كتيرة ما اظن نكتشف انها خطا.

Quote: وكما قلت سابقا نحن فى رحم هذا الكون اقل قدرة من طفل فى رحم امه

جملتك دى صحيحة تماما.


الل عاوزة اقوله انه- حتى الان- ما فى شي اكتشاف بيثبت خطا نظرية الانفجار العظيم.
دى شيء.
الشيء التانى ما فى اى نظرية -حتى الان- بثبت عدم وجود خالق للكون. حتى نظرية التطور لدارون, ما فيها شي بيقول انه ما فى خالق للكون.

Quote: The “it” in (Here's why it was probably wrong) refers to the “huge discovery”. It does NOT refer to the ”Big Bang Theory” 1

كلامك صحيح هى تشير الى اكتشاف من المفترض ان يعضض النظرية وليس للنظرية.
وانا عاوز اقول انو حتى الاكتشافات التى توفرت لها تقنية عالية جدا يمكن ان تكون خاظئة
وهذا ينسحب على كل النظريات.

ان لا نستطيع ان نميز بين ال gravitational waves و ال dust بعد توفر كل هذه التقنيات
والتلسكوبات العملاقة يضع عشرات علامات الاستفهام.

اسمارت ازيك ـ والله مشتاق انقنق معاك لكن مالاقي لي موضوع إنتي زولة كلسة
اها كدي هسع النمسك معاك في الشطر الميت ده,,
قول العلماء خليهو انتي رايك شنو في بَق بانق ولا مافي؟
والتحية لمكي اللماني فيك,, الليام دي ام ايثار جابت لي ولد وحاميني النوم
دحيت اخير اساهر بيك وكت اصلو نوم مافي.

عبدالعزيز الفاضلابى...جبتو ولد????
الف الف الف مبروك. ربنا يجعله من الصالحين. سميتوه شنو?


انا راىي شنو فى انه فى بينق بانق ?
why not?1
انا ما عالمة فلك. لكن ما دام كل عالما الفيزيا و الفلك قالوا فى. ما فى شيء بيخلينى اكذبهم. خاصة انه ما فى شيء فى دينى بيمنع انه يكون فى بق بان ثيورى.
ما فى شيء بيتعارض مع خلق الله للكون فى 7 ايام. لانه ربنا(سبحانه وتعالى) ما قال يوم الايام دى قدر شنو. ممكن يكون بالف سنة او مليون : ( وَإِنَّ يَوْمًا عِنْدَ رَبِّكَ كَأَلْفِ سَنَةٍ مِمَّا تَعُدُّونَ )

Quote: إنتي زولة كلسة

شكلها كلمة كويسة. لكن نسالك, معناها شنو?

Quote: ان لا نستطيع ان نميز بين ال gravitational waves و ال dust بعد توفر كل هذه التقنيات والتلسكوبات العملاقة يضع عشرات علامات الاستفهام

علامات استفهام لدرجة الحكم بان النظرية كلها خطا ????
كونه انه فى علماء فسروا معلومات خطا... ده ما عنده اى علاقة بصحة النظرية.

_________________________________________________
كل الناس اللى -ضد العلم- فاهمين (غلط) ان العلم ضد الدين.
العلم و الدين ما فى تعارض بينهم (حتى الان) على الاقل.
و لما زول (مثلا) يرفض نظرية دارون للتطور بحجة انها ضد الدين (جهلا),....ف دى حاجة بتزعل جدا.

Quote: شكلها كلمة كويسة. لكن نسالك, معناها شنو?

كو كو كو.. إزيكم

لما الزول يكسر إيدو ويجبروها ليه، محل الجبر تتكون مادة لتثبيت العظمين.. والمادة تتجمد وتكون مثل العظم الاصلى
ولكنها اقوى منه بكثير.. يعنى اليد تانى ممكن تتكسر في أي حتة ما عدا محل الكلس.. عشان كدا الزولة الشجاعة
الما يتنكسر يقولوا عليها كلس..
إحتمال جاية من كالسيـوم.

أخونا عبد العظيم.. البنق بانق نظرية صحيحـة بدليل دوران الكواكب حول النجوم والنجوم حول المجرات.. في مدارات مختلفة
ولكنها محسوبة بدقة متناهيـة. من الأرض الى المجموعة الشمسية الى مجرة سكة التبانة الى المدينة الكوكبية، كل الاجرام
تسير بتنسيق وقانون واحد، وتستطيع حساب موقع اى قمر في أي وقت في المدينة الكوكبية لو عندك الإمكانيات.

Quote: شكلها كلمة كويسة. لكن نسالك, معناها شنو?

هو معقول يا سمارت انتي الفاضلابي يقول ليك كلمة ماسمحة
كلسة دي يعني زي ماتقولي كدي بت بلد وجدعة وبجيك راجع
لي موضوعكن ده مش من ناحية علمية ـ بس قدر فهمي.
الوليد سميناهو الارباب احمد علي ابوي وماتقولي انا السميتو
امو بتريد ابوي سرهن كان مع بعض وانا التقول مجنّس

سلامات ابو الريش.... احوالك?
شكرا على المعلومة المهمة.
اخونا عبد العظيم ما من مشجعين فريق العلم. كلو كلو

الفاضلابى....ما شاء الله ...تبارك الله. ربنا يحفظ الارباب احمد.... و تشوفوا اولاد اولاده.
عادى يا اخى, انا و جد الاولاد فرد. بنمشي shopping مع بعض. و بنتونس كتير جدا.
ربنا يدي والدك العافية و طولة العمر.
ولما تفضى تعال

سلامات مكي اسمارت والزائرين
سؤالي:
مالفائدة التي تعود علينا اذا عرفنا انه في بق بانق ولا مافي؟
صحيح يا اسمارت ربنا امرنا( سيروا في وانظروا ـ وتفكروا في خلق السموات والارض الخ)
بس حسب رايي ماقال لينا نتشوبر قدر ده
والتفكر ده حسب فهمي هو لإدراك ان هناك خالق والإيمان به
الشئ التاني ربنا في آية في سورة الكهف قال :
(ما اشهدتهم خلق السموات والارض ولا خلق انفسهم وماكنت متخذ المضلين عضدا)
وبعد يجوا ناس يقولوا ليك الإنسان اصلو مش عارف قرد وسعدان ومش عارف ايه.
علي العموم اذا كان فيكم زول بعرف الفوائد التي تعود علي اهل كوب الارض من التوصل الي معرفة هذه الفرضية
فليتفضل بذكرها لنا انا شخصياً ما عارف وعدم علمي بالشئ لا ينفي وجوده.

سلامات يا الفاضلابى
دى وجهة نظرك. And you are entitled to it
العلم مهم و مفيد للبشرية. و حب الاستطلاع من طبيعة البشر.
ابحاث ناسا بتاعة الفضاء كان من نتايجها اختراعات كتيرة افادت البشرية.
من اهمها (من وجهة نظرى) تطوير تكنلوجيا فلاتر المياه. العالم كله استفاد منها.
ما عاوزين دولة ذى السودان تصرف على ابحاث الفضاء و شعبها ما لاقي ياكل, لكن الجماعة الباقين ديل خليهم يصرفوا على الابحاث دى.
It is a lot of fun
و ما بتقدر تعرف متين العلماء يلقوا حاجة مفيدة للبشرية.
ده غير ان وضع حدود او قيود على افكار العلماء بياخر العلم.
لازم نخلى البشر احرار فى تعبيرهم عن روحهم (الفنون) و فى اختيارهم لابحاثهم.

Quote: اخونا عبد العظيم ما من مشجعين فريق العلم. كلو كلو

يا اسمارات انا الفين وواحد حياتى كلها العلوم وحا تتفاجى تماما لمن تعرفى التفاصيل.