Post: #1
Title: زميلة العمل او الدراسة بتكون راقية جدا, لكن مجرد تتزوجها بتتغير...ايه الاسباب؟
Author: احمد سيد احمد
Date: 09-23-2014, 11:29 AM
Parent: #0
الجنسيين - رجال ونساء - لمن يجمعهم مكان عمل او دراسة او اي كيان ثقافي او سياسي او اجتماعي بيكونوا قمة الرقي والتهذيب ولو اعجب طرف بآخر وتم تتويج هذا الاعجاب بالزواج ففي الغالب بيبقى بعد فترة في ملل وكل طرف بيحس انو الطرف التاني اتغير وما ياهو فلان او فلانة الكانت راقية ومهذبة ....مثلا نفترض انو مدخلك لفلانة دي كان الكتب والثقافة وحب الاطلاع ...اها قام الموضوع بقى حب وانتهى بالزواج...بعد الزواج ليه ما بتواصلوا نفس المسيرة الثقافية وتتناقشوا نقاشات حلوة وراقية حول هذا الكتاب او ذاك ؟
ماذا يحث بعد الزواج حتى تنقلب كل الموازيين؟
ناس كتبوا قصايد في حبيباتهم وبعد العرس نكروها حطب
هل يلعب المازون دور جندي المطافي ويخمد نيران الحب بمجرد توقيعه على قسيمة الزواج؟
هل هو تصديق للمقولة : "كل النساء جميلات حتى تتزوجهن" ؟
اين العلة بالضبط هل هي في رفع الكلفة بعد ان كانت سيدة الموقف في التعامل؟
من المناسب ايراد هذا المقال فهو يعبر عن فكرة البوست بطريقة افضل واوضح
Quote:
حنان ثقافة عبد اللطيف البوني
كانت حنان تحتقر الاهتمامات البناتية رافعة شعار : (حقو الواحده تكون مثقفة عشان يحترمها الرجل ) كانت تسخر من اللائي يبحث عن قصص الحب والرمانسيات والاغاني العاطفية .. قالت ذات يوم لصاحبتها وزميلتها في الداخلية بثينة : -انتي بدل ما تقري اشعار نزار قباني الهايفة دي حقو تقري لصلاح عبد الصبور أو نازك الملائكة أو الفيتوري أشعار تخاطب العقل .. -ردت عليها بثينة ساخرة : -اها يا حنان بدل المسلسلات اشاهد شنو ..؟ -تشاهدي اخبار الجزيرة ، تعرفي العالم فيهو شنو ، تعرف الامريكان بيعملوا شنو في العراق ، تعرفي الفرق بين بان كي مون وكوفي عنان ، تعرفي الصراع بين هنية وابومازن ، تعرفي نهر البارد وفتح الاسلام والمسجد الاحمر والقنبلة النووية في كوريا الجنوبية .... دخلت عليهما فتحية تغني اغنية هاشم ميرغني : ياربنا ... ياربنا... الشفنا في دنيا الغرام .. ما يشوفو زولا بعدنا.. وقبل ان تكمل فتحية المقطع قالت بثينة لحنان ـ اها رايك شنو في جنس دا .؟ دي اصلها متدنية في ذوقها وعايشة في مراهقة مستدامة .. ردت فتحية ضاحكة : -يعني يا حنان دايراني اغني لأمرى القيس : مكر مفر مقبل مدبر ، وللا اقول ليك اليوم خمر وغداً امر ..؟ هكذا كانت حنان تسخر من زميلاتها وزميلاتها يسخرن منها ، قالت لها زميلتها احسان بحسرة ذات مرة : -يا حنان هيثم زعلان مني ...! فسالتها : = هيثم دا منو ؟ -ده الجكس بتاعي ، زملينا في الفصل .. = بالله يا احسان انتي وهيثم دا لامن تلاقوا بتقولوا شنو؟؟ والله انا مستغربة فيكم انتو الاتنين مسطحين وما عندكم الحد الادني من الثقافة ..! -يا حنان قديتنا بثقافتك دي ياخي ، يلعن ابو الثقافة القايمة فيها انتي.. تقدم دكتور عبده لخطبة حنان فوافقت علي الفور كيف لا وهو استاذها ويعتبر موسوعة متحركة في علم الفلكلور، لم تعيش معه قصة غرام ، ولكن من خلال تدريسه ونقاشها في المحاضرات ، كان واضحا انهما يمكن ان يتناغما واتفقا علي ان يكون الزواج مبسطا دون اي تكاليف وبررت حنان ذلك لزميلاتها بانه زواج مثقفين ، زواج ناس عندهم نظرة خاصة للحياة ، ولازم يكون زواج عقلاني .... شراكة ثقافية ...! وعندما ارادت حنان ان تحمل شنطتها لشهر العسل ، ابعدت عنها كل الاشياء التي احضرتها لها اختها من ادوات تجميل وخمرة ودلكة ، ووضعت في مكانها كتبا وسيديهات ، وبعد الوصول الي الفندق ودخول الغرفة بدأ الدكتور في اخراج ملابسه ووضعها في الدولاب ، فصرخت حنان : -يا دكتور دا شنو دا ، دي كلها هدوم ، وين كتبك ؟ = كتب شنو يا حنان في شهر العسل ؟ -الله ، انت نسيت خير جليس ؟ = جليس شنو ؟؟ هنا انت الجليس -داير نتبادل الافكار بدون مرجعيات ؟! =افكار شنو ؟ ومرحعيات شنو ؟ نحن جينا هنا اعشان نتبادل حاجات تانية ؟! -والله انا ما مصدقة الكلام يطلع منك انت يا دكتور ، والله انا شنطتي مليانة كتب... = الله ، كتب شنو ، كتب في شهر العسل علي الطلاق الا ترجعي هسع ومن دربك ده وتغيري كل محتويات الشنطة ، وكمان اسمعي علي الطلاق بالتلاتة ، مش في شهر العسل بس حتي بعد ما نرجع البيت اي كلمة ثقافة ، انتي من درب وانا دي درب .... قالت ثقافة ، ثقافة في البيت كمان ، ما كفاية الجامعة والكلام الفارغ داك . ردت باستسلام : -سجمي يا بنات امي ، الراجل دا جن ولا شنو ؟؟ خلاص ما تكورك ، مش الشنطة بغيرها ويمكن احرقها ، ولساني كان جاب كلمة ثقافة تاني ان شاء الله ينقطع .. = انتي الوهم العايشة فوقو بتسميه ثقافة ؟ دي معلومات انتي حاشية بيها راسك ، الثقافة سلوك ، الثقافة تكيف مع الحياة ... الثقافة ... -خلاص ، خلاص النبي فوق خشمك اكان تزيد تاني ، انا مستعدة ابقي ليك زي زميلاتي مع الجكس بتاعن . = زميلات دا شنو ؟ زي ناس امي مع ناس ابوي ، وعشان اأكد ليك ، من هسع انا دايرة لي لوري بتاع طلح ...!
|
|
Post: #2
Title: Re: زميلة العمل او الدراسة بتكون راقية جدا, لكن مجرد تتزوجها بتتغير...ايه الاسباب؟
Author: عبد العزيز محمد عمر
Date: 09-23-2014, 12:00 PM
Parent: #1
مع قفة الخضار وحق المدرسة وحق المجاملات، أي واحد بيطلع العفريت الجواهو
|
Post: #3
Title: Re: زميلة العمل او الدراسة بتكون راقية جدا, لكن مجرد تتزوجها بتتغير...ايه الاسباب؟
Author: خالد المبارك
Date: 09-23-2014, 12:52 PM
Parent: #2
أحمد سيد احمد الرقي و التهذيب ده صعب جدا عشان كده بيسنخدموهو في اوقات معينة يعني مش اليوم كووولوو طيب يعني حيجذبوك كيف و كيف يحصل الانجذاب لو مافي مثل هذا التمثيل هي الزميلة دي بتتغير بس من ناحية سلوكية و اخلاقية ؟ طيب الخلقة زاااتا بتتغير كلو تزوير و كووولو لعب و تظاهر في الخلقة و الاخلاق
اكتر حاجة بستغرب ليها لما الشاب يكون مغرم ليك بي واحدة كده و يحس بي انها من كوكب آخر و بعد يومين تلاتة من الزواج منها يقعد ينطط عويناتو مع انو المثل السوداني البقول ليك لو عايز تعرف عازة شوف احمد عشان ما يتاورك الخيال بتاع اوووه البت دي من كوكب آخر
أما لجميل عندكن ثواب ولا لمسيء عندكن متاب؟ لقد ظل من تحوي هواه خريدة وقد ذل من تقضي عليه كعاب ولكنني –والحمد لله- حازم أعز إذا ذلت لهن رقاب ولا تملك الحسناء قلبي كله وإن شملتها رقة وشباب
لله درك ابي فراس
|
Post: #4
Title: Re: زميلة العمل او الدراسة بتكون راقية جدا, لكن مجرد تتزوجها بتتغير...ايه الاسباب؟
Author: جمال ود القوز
Date: 09-23-2014, 02:11 PM
Parent: #3
المسألة كلها مسألة قبول وطباع وأهواء .. كان راجل .. كان مره .. مابتفرق .. مرات .. تجي تلقى الصورة الخاتيها في ذهنكـ للشريكـ.. مختلفة تماماً .. كان للأحسن أو للأسوا .. أكان بقت للأحسن الله اداكـ .. وكان بقت للأسوا تشيل شيلتك .. العرس ممكن نلخصه بأنه عبارة عن بتيخة .......
|
Post: #5
Title: Re: زميلة العمل او الدراسة بتكون راقية جدا, لكن مجرد تتزوجها بتتغير...ايه الاسباب؟
Author: الصادق عبدالله الحسن
Date: 09-23-2014, 02:49 PM
Parent: #4
= بالإضافة إلى حديث "الشمشرة" الساخر سخرية مُـرة الذي قاله (عبد اللطيف البوني) بحق السيدة (حنان) دعنا أخي (أحمد سيد أحمد) نستمع إلى أشهر الساخرين على الإطلاق (جورج برنارد شو) الذي قال:
Quote: " يكفي المرأة رجل واحد لتفهم جميع الرجال، ولكن لا يكفي الرجل مئات النساء حتى يفهم امرأة واحدة " |
أما القول الأروع والأبلغ، والذي يبرئ المرأة رغم أنف الدكتور البوني، فهو ما قاله النبي (جبران خليل جبران):
Quote: " المرأة كالقيثارة في يد الرجل إن لم يحسن الضرب عليها فستسمعه ألحانا لا ترضيه " |
تحياتي لهن ولكم وضيوفكم. ... .. .
|
Post: #6
Title: Re: زميلة العمل او الدراسة بتكون راقية جدا, لكن مجرد تتزوجها بتتغير...ايه الاسباب؟
Author: احمد سيد احمد
Date: 09-23-2014, 02:57 PM
Parent: #4
السلام عليكم يا شباب
وشكرا كثيرا على الاضافات الثرة والتى اضفت بريقا ساحرا على الموضوع وريثما اعود بمهله هاكم كلام الطنطاوي دا:
Quote:
والله لم يخلق اثنين بطباع واحدة ، لا الصديقين ولا الزوجين ، فليكن الزوجان متباعدين قليلاً ، حتى لا يظهر الاختلاف بينهما وليكن بينهما شيء من الكلفة والرسميات . . كما يكون في عهد الخطبة وأوائل الزواج ، ولتكتم عنه بعض مافي نفسها ، فإنه ما تكاشف اثنان إلا اختلفا . وما زالت الكلفة إلا زالت معها الألفة ، لأن المرء يتظرف ليظرف ، ويتلطف ليلطف ، ويساير الناس ليحبه الناس ، فإن لم يفعل ثقل عليهم ، وأنا أعرف رجالاً من أهل النكتة والظرف ، يحرص الناس عليهم في مجالسهم لخفة أرواحهم ، وحلاوة أحاديثهم إذا دخلوا بيوتهم كانوا أجهم الناس وجهاً ، وأيبسهم لساناً ، وأثقلهم نفساً وماذاك إلا لإسقاط الكلفة ، وإذهاب المجاملة .
|
|
Post: #7
Title: Re: زميلة العمل او الدراسة بتكون راقية جدا, لكن مجرد تتزوجها بتتغير...ايه الاسباب؟
Author: احمد سيد احمد
Date: 09-23-2014, 03:12 PM
Parent: #6
Quote:
أيها الزوجان.. ابتعدا قليلا
يؤكد علماء الاتصال على أن الاحتكاك الدائم في العلاقات الإنسانية يولد التوتر ويورث الملل والفتور
وكذلك على صعيد العلاقات الزوجية , فالمقابلة المستمرة بلا انقطاع بين الزوجين لربما تورث الزهد
بالآخر وعدم تثمين إيجابياته , فالمداومة على النعم والاعتياد عليها قد يفقد الإحساس بقيمتها والشعور بأهميتها
في الحياة , ومعه قد تخبو المشاعر وينطفيء شعاعها , فالضجر والسآمة من الشيء المتكرر طبيعة البشر
ولهذا ينصح الخبراء بإجازة زوجية تجدد الحب والرومانسية من وقت لآخر .
في دراسة خطيرة يتحدث علماء النفس عن الشخص الذي يعطي باندفاع ومبالغة زائدة حيث تصل به تلك
التضحية ( العرجاء ) أن يحرم نفسه حقها من الخلوة والترفيه المشروع , فيهبط بآلآمه وأحزانه إلى قرارة
نفسه , فيودعها هناك ثم يغلق دونها أبوابا من الصمت والكتمان , وهو عادة ما يحس بتدني تقديره لذاته
ونتيجة لهذا يصاب بخيبات أمل عند أدنى مشكلة فتراه يشعر بالظلم دائما , مما يجعله ينفجر غضبا ويتميز غيظا
مكشرا عن أنيابه لأتفه الأسباب .
ومن العادات الزوجية لدى إحدى القبائل الباكستانية : ابتعاد الزوجين لمدة شهرين في كل سنة ويعودون بعدها
وفي قلوبهم لوعة الشوق , ولعل هذا من أسباب تدني نسبة الطلاق عندهم .
فما الذي يمنع الزوجين من التوقف قليلا وأخذ إجازة قصيرة من ضغط الحياة الزوجية وتكاثر التزاماتها ؟؟؟
وما المانع من ذهاب الزوجة إلى أهلها والمبيت عندهم بين فترة وأخرى أو مرافقتهم في السفر ؟؟؟
ويتأكد هذا في حال موافقة الزوج واستحسانه للفكرة , إلا أن بعض النساء وبحسن نية تحرم نفسها التجديد
وتغيير الأجواء ومرافقة أهلها , وتصر على البقاء في البيت وكأنها تخشى على زوجها أن يطير .
وفي المقابل : تجد بعض الأزواج يستمر أربعا وعشرين ساعة في منزله لا أصدقاء ولا هوايات
ولا اهتمامات , فأصبح مصدرا للملل ووقدا للخلافات .
فلماذا لا يفك الزوج أسر زوجته قليلا مع تراكم الضغوطات وتعاظم التوترات ؟؟؟
وكذلك الزوجة لماذا لا تخفف من محاصرتها لزوجها والتصاقها به ؟؟؟
فالزواج ليس معتقلا أو سلبا للحريات أو عقوبة تمنع أحد طرفي العلاقة من ممارسة بعض من حريته
سواء تعلق الأمر بلقاء أصدقائه أو بممارسة هواياته أو السفر .
وللإجازة الزوجية فوائد عديدة منها :
الإحساس بقدر العائلة , كما أنها تجديد للحياة والعودة للمنزل بروح أكثر إشراقا .
يقول جون غراي: إن الأيام التي لا تشعر فيها بالانجذاب نحو شريكك أشبه بالأيام الملبدة بالغيوم حيث تغيب أشعة الشمس، وأقول: إن الابتعاد المعقول يعطي الشمس فرصة أن تشرق وتفرق الغيوم، ومحطة مفيدة لإثارة (الحنين) وإلهاب مشاعر (الفقد) عند الشريك وبالتالي يثير مشاعر إيجابية تجاه الشريك. إن الإجازة الزوجية تحفظ للزوجين (استقلاليتهما) الشخصية، وهو بعدٌ أراه مهما جدا في الحياة الزوجية، وهي بمثابة تجربة (انفصال مؤقت) تُراجع خلالها الحسابات، ويتجدَّد فيها النشاط، ويُعاد النظر في أمور العلاقة الزوجية لتستعيد عافيتها وبريقها، وأحسب أن البديل هو الغرق في بحر الملل حيث تتراكم المشكلات وتذوب المشاعر؛ لذا كانت الإجازة الزوجية فرصة رائعة ومِساحة مهمة لإعادة وهج الحياة.
وكما يقال فإن طرفي قصد الأمور ذميم، وعلى هذا فالأمر ينسحب كذلك على تباعدهما الطويل حيث يؤدي إلى نفس النتائج حيث الفتور العاطفي وقد يؤدي إلى مشاعر سلبية وكره وربما يتعود الشريك على تفاصيل الحياة دون شريكه، لذا فهي دعوة لإجازة قصيرة لسعادة أدوم.
ومضة قلم:
مشوار الحياة قصير.. فلا تقطعه وأنت تلهث! ___________ نقلا عن كتاب "شلالات من ورد" للدكتور خالد المنيف
|
|
Post: #8
Title: Re: زميلة العمل او الدراسة بتكون راقية جدا, لكن مجرد تتزوجها بتتغير...ايه الاسباب؟
Author: محمد الكامل عبد الحليم
Date: 09-23-2014, 03:56 PM
Parent: #7
تحية
هناك فرق بين العوامل والاهتمامات المشتركة اذا كانت حقيقية ام فقط قناع للتحايل للوصول الي الهدف وهو الاستحواذ.
القناع يذوب مع شمس الحقيقة عند التعائش أما الصدق فييقي.
الاهتمامات المشتركة قد تكون وسيلة لتطوير العلاقة لكنها لا تكون ممسك لعلاقة مالم تقوم العلاقة علي حب حقيقي.
الحب الحقيقي وجود قائم بذاته ينبت ويكبر ويتجدد بالمزيد منه.
المزيد منه يعني القدرة علي التنازلات المشتركة...وضع خارطة لادارة الخلاف المتوقع كطبيعة للحياة..يحدث ذلك بالادارك والتبصر...هذه قيم يجب ان نتعلمها ونسعي لتطويرها والا فالجفاف سيكسو حواف الحديقة الي ان تثمر اطفالا.. حيث يتجدد المشهد بصورة اخري تعني المزيد من الارتباط بالوجود...
|
Post: #9
Title: Re: زميلة العمل او الدراسة بتكون راقية جدا, لكن مجرد تتزوجها بتتغير...ايه الاسباب؟
Author: Mohamed Adam
Date: 09-23-2014, 09:28 PM
Parent: #8
الأخ أحمد سيد أحمد كيف الحال يا عزيزي... في الحقيقه تعليم ورقي زميلة الدراسه شيئ مطلوب ولكن ليس مهم في حالة الزواج لإشباع رغائبنا المفلسه!.. الزواج يحتاج من الشريكين أن يتفهما مامعني أن تكون الرغبه (الإمتلاك ، التوقعات..إلخ) وكيف إشباعها أو كيف تتم عميلة إدارتها! الرغبه هي طاقه كامنه بالإنسان دائماً، تتوق لإشباع نفسها من الموضوعي! عندما تكون بالعمل وتجد صديقتك مخلصه ووفيه ليك .. تظهر فيك رغبه عارمه بأن تمتلك هذا الإخلاص وهذه الحميميه العند صديقتك وأن تكون هي جزء من حياتك لكي تضمن لك مستقبل آمن خالي من نكد! يعني إنت بتظن أنها ستُشبع سيل رغباتك العارم! وأن تكون زوجتك (بذاتك الحقيقيه)!! بموجب هذا تقوم تتوكل وتزوجها وفي أثناء مشوار الزواج ، يكتشف كل منكما أن الآخر لايحقق له تلك "التوقعات" الكان راجيها من شريكو وبفارق الصبر.. لكن في النظير يحدث العكس تماماً (كدر ونكد ) لأن كليهما شيّد من الأوهام صروحاً داخل ذاته - الانا (المفلسه).. وتوقع أن يعثر علي ضالته(السعاده) في شريك حياته الآخر ايضاً صاحب الأنا (المفلسه) !! .. في حين أنهما تناسيا كنز "ذانيهما الحقيقيه" وغناها من كل ما هو مادي ومعنوي!!. الزواج هو في الأصل مؤسسه تجاريه ربحيه مثله ومثل إي مؤسسه أخري ، محليّه أو عابره للقارات!! . عملية الزواج أو (الرغبه فيهو) إخترعها المجتمع الإنساني لكي ما يضمن إشباع هذه الرغبه باقل خساره ماديه ممكنه! فلكي يحميها ويحافظ علي نعيمها الوهمي ليتدفغ بسلامه! لابد له من أن يبدد المخاوف المستقبليه المصاحبه للأنا المجازيه التي تهدد أمن وسلامة الأفراد - الخوف من المجهول(الله ،االشيخوخه ، الفقر، الموت، متطلبات جسديه ،السلطه ، ضمانات إجتماعيّه - ماديّه ومعنويّه......إلخ).. لتستمر هذه الرغبه - المتمثله في الزواج - بسلاسه قامت المجتمعات الإنسانيه بإيجاد وسائل رادعه لحمايتها من الإندثاروالتغول عليها فمن ضمن هذه الضمانات الرادعه: وثيقة العقد ، البوليس، المحاكم ، الأديان ، الأعراف..إلخ. في النقيض، نجد: الحب لايمتلك أي ضمانات ليتمظهر ولايعتمد علي أي سلطه خارجيّه لكي تحميه من الإستمراريه! الحب: هو شيئ منبثق من داخل الفرديّه وهو أصلي وكل يوم هو في شأن وفي زياده ونماء - مادام الفرديه تمده بالطاقه.. أما بالنسبه للزواج لأنه ظاهره مجتمعيّه خارجه عن نظاق الذات ويحاول إشباع حاجات ذلك المجتمع .. لذا تجده يحتاج لضمانات خارجيّه لتحميّه ولتضمن عطائه المشروط وأي شيئ مشروط بيكون شيئ جامد غير متطور يحتاج لرعايه وعنايه خارجيّه! الزواج أكثر إستقراراً من الحب لأنه صلد جامد غير متجدد ومكبل بشروط كثيره أما الحب: فهو أكثر تجدد وعطاء منه وهو غير صلد وغير جامد وكذلك غير مستقر لأن عطائه غير مشروط بشروط خارجه عن ذاتية المُحِبْ!. بهذا ممكن نقول: الحب هو ( الله) والله دائم متجدد لايمكن أن تشبع من خيره ونعيمه لا هنا في هذه الدنيا ولا بهناك في الآخره!. الحب هو جوهر مكنون لاممسوس ولامطموس هو نعيم سرمدي - لابدايه ولانهايه ليهو! بموجب هذا عندما نطلب ونتوقع الحب نروح نطلبه ونتوقعه من الجهات الغلط - من المفلسين - ثم نكثر من التوقعات!! بالذات في حياتنا هذه الناس بتخاف من ذواتها وتهرب عنها لتستظل بهجير الأنا المجازيّه المحرق القاتل!! متي تتوقع من الحيّاه عذبها وتكره كدرها فأنت لاتشكرها بل أنت تصارع فيها! ومصارعتها لاتنتج حب بل تنتج قُبح وهو متمثل في الزواج الرغائبي بتاع التوقعات! بل تجد الزواج عندما يكون رغائبي يكون مقبره للحُب بإمتياز. ماتفضلت به لايقدح في جمال عملية الزواج بل العكس هو يحث عليّهو وداعم فعلي ليهو ولكن يُحذر وبشده علي أن لاتنغلب الامور لضدها!!.... أي علي أن لايكون مجرد زواج مشروط ومليئ بالتوقعات الضيقه ، التي تجعل منه مقبره هامده بلا أي معني بإعتبار أنه عمل جامد وغير متجدد.ا مطلوب من الزواج أن يكون شيئ تلقائي لا مجرد شيئ لحظي ونفعي بحت - عملية مقايضه ! يبدأ وينتهي بالرغبه الفطيره.. الرغبه في حد ذاتها شيئ جميل وهي تعلمنا الكثير إذا تفهمناها جيدا وضبطنا تحركاتها الزمكانيه داخل الذهن عند بداية تمظهرها للوجود !! فهي إذاً وبهذه الكيفيه تجعل من الزواج وحده ذاتيّه وقيمه أخلاقيه سامقه و نبيله ممكن نصفه في هذه الحاله بالقداسه. .
|
Post: #10
Title: Re: زميلة العمل او الدراسة بتكون راقية جدا, لكن مجرد تتزوجها بتتغير...ايه الاسباب؟
Author: عبدالعزيز الفاضلابى
Date: 09-23-2014, 09:40 PM
Parent: #9
Quote: زميلة العمل او الدراسة بتكون راقية جدا, لكن مجرد تتزوجها بتتغير... |
المصدر بالله
|
Post: #11
Title: Re: زميلة العمل او الدراسة بتكون راقية جدا, لكن مجرد تتزوجها بتتغير...ايه الاسباب؟
Author: احمد سيد احمد
Date: 09-24-2014, 07:14 AM
Parent: #10
الاخ عبدالعزيز محمد عمر....كلامك صح ضيق المعيشة بيعكر المزاج وما بيخلي الزول عندو وقت لاي شي سواء لقمة العيش وقد قيل : الحُـب وحَده لا يستطيع مهَما بلغتْ حرارته ان يخبز رغيفاً
الاخ خالد المبارك....يعني الحكاية غش على صعيد الجسد والاخلاق وبمناسبة الغش في الخلقة حكى الشيخ كشك عليه رحمة الله هذه الحكاية الظريفة :
الاخ جمال ود القوز....فعلا دا ابلغ تعبير مع بساطتو...بتيخه مقفولة وانت وقسمتك يا طلعت حمرا شرار يا قرعه
الاخ الصادق عبدالله.....الاقوال الماثورة دي جميلة ومليئة بالحكمة لكن في بعض الاحيان تصبح اقوال ماسورة
الاخ محمد الكامل والاخ محمد ادم كلام عميق وبالجد ما قادر اضيف عليهو اي شي...شكرا للجميع واسف جدا على جمع التعليقات في رد واحد نسبة لضيق الوقت ولكم العتبى
الاخ الفاضلابي المصدر تجارب حية كثيرة قدام عيونا مع انو اي علاقة دا حالها
"Every relationship starts with 'they're different', and ends with 'they're just like the rest'..."
|
Post: #13
Title: Re: زميلة العمل او الدراسة بتكون راقية جدا, لكن مجرد تتزوجها بتتغير...ايه الاسباب؟
Author: ismeil abbas
Date: 09-24-2014, 07:48 AM
Parent: #11
ألأخ/أحمد سيد أحمد..السلام عليكم.
Quote: الاخ الفاضلابي المصدر تجارب حية كثيرة قدام عيونا مع انو اي علاقة دا حالها
|
ألأخ/الفاضلابى الرجل الفاضل...السلام عليكم....فعلا نريد المصدر....ألأخ/أحمد تجارب حيه قدام عيونو تسلم عيونو......وحكم على الكل دا حالها......ليس تجارب العالم كلها مثل ما تفضلت.....مكن تقول معظم الغالبية حتى تنصف ألأخرين..تقديرى وإحترامى للجميع.
|
Post: #12
Title: Re: زميلة العمل او الدراسة بتكون راقية جدا, لكن مجرد تتزوجها بتتغير...ايه الاسباب؟
Author: احمد سيد احمد
Date: 09-24-2014, 07:22 AM
Parent: #10
الاخ عبدالعزيز محمد عمر....كلامك صح ضيق المعيشة بيعكر المزاج وما بيخلي الزول عندو وقت لاي شي سواء لقمة العيش وقد قيل : الحُـب وحَده لا يستطيع مهَما بلغتْ حرارته ان يخبز رغيفاً
الاخ خالد المبارك....يعني الحكاية غش على صعيد الجسد والاخلاق وبمناسبة الغش في الخلقة حكى الشيخ كشك عليه رحمة الله هذه الحكاية الظريفة :
[quot] فى ليلة الدخلة وبعد انتهاء الحفله والجوطه مشى العرسان الفندق وداخل الغرفه قعدو سوا فى تربيزه والزوجه بدت تقلع فى الاكسسوارات وكلو صناعى فى صناعى رموش ,شعر,اظافر ......الخ ,المهم كومت كوم كبير جدا من الاكسسوارات الصناعيه فى التربيزه ومشت رقدت فى السرير والزوج لسه قاعد ف التربيزه ..لمن نادتو ياراجل ما تجى قاليها لا خلينى هنا مع الاغلبية.
|
الاخ جمال ود القوز....فعلا دا ابلغ تعبير مع بساطتو...بتيخه مقفولة وانت وقسمتك يا طلعت حمرا شرار يا قرعه
الاخ الصادق عبدالله.....الاقوال الماثورة دي جميلة ومليئة بالحكمة لكن في بعض الاحيان تصبح اقوال ماسورة
الاخ محمد الكامل والاخ محمد ادم كلام عميق وبالجد ما قادر اضيف عليهو اي شي...شكرا للجميع واسف جدا على جمع التعليقات في رد واحد نسبة لضيق الوقت ولكم العتبى
الاخ الفاضلابي المصدر تجارب حية كثيرة قدام عيونا مع انو اي علاقة دا حالها
"Every relationship starts with 'they're different', and ends with 'they're just like the rest'..."
|