مسدار اولاد ميكي في الفخر

أنحنا سكنا لندن والاصل في الصافيه
وانحنا الفي السلام احضانا حااره ودافيه
نحنا النظره مننا جد حنينا وشافيه
نحن البوسه مننا للمريض العافيه
====
انحنا شقاوه نحن ظرافه نحن لطافه
وانحنا صغيرنا مفطوم بي عسل وقيافه
عشان ما بابا يصحى وينزعج بي طوافه
صفويه العسل تتمشي بي اطرافه
===== ابشر ابشر ابشرررررررررررررر ====
وانحنا الما بنخاف يوم ندخل الطاحونه
وانحنا البي الدلال مكحوله ديمه عيونا
انحنا ان قمنا نغضب ونحلب الليمونه
نحن ان هجنا غير ناس تتو مابمسكونا
====
وانحنا الفي الجمال سونا ياخي محطه
ونحنا الفي الدلال حاشانا مابننفطه
اكان دايرنا نغمر جيبنا لي محل فته
وان دايرنا نموت اجبرنا ناكل شطه
====

حرررررم تبشر يا ملا
هههههههههههههههه متعة عديل

متعك الله بالصحة والعافية أخي محمد عمر الفكي وبشرك الله بكل خيروأنا بصراحة أول مرة أسمعها تبيت لمن مركوبي إتفتك أها وكابست العراقي بدور أمرقو لكين إتذكرت إنو ديل حناكيش ما بعرفو البطان وبخافو من ضرب السوط يا جنا