عم حسن قال ليكم العملتوها دي ما ساهلة !!

هكذا كان يسكن عم حسن راض بما قسمه الله لا يستجدي أحد




وهكذا الآن بيته

.
.
.
يا سلام شىء رائع وبديع

هنيئا لعم حسن بمنزله الجديد وربنا يجعل ليه الإستقرار
وطمأنينة البال

والشكر لكل من قام بهذا المجهود المقدر وجعلها الله في ميزان حسناتهم

والشكر لك أخي / محمد أبو شيبه
.
.
.
.
.

بدأت قصته في هذا الخيط

عم حسن ... أمنيته ان ينام على عنقريب !!

يديك العافية اخوي بشير

لا نريد أن نشكر من ساهموا في هذا العمل حتى يكتمل لأنهم لا يرجون جزاءاً ولا شكورا إلا من رب العالمين ... ورب العالمين أحصاهم وعدهم عدا
ولكن نريد أن نطلعهم بما تم ... وبأن عم حسن يدعوا لهم صباح مساء

الشكر لك بكري ابو بكر لأن ذلك تم في حوشك الكبير الماهل ... وبختك الاجر لاحقك

كتب الاخ يوسف ادريس اسفل الصفحة :

يا أب شيبة بكيتنا ياخ .. نحن في غربة ووحدة لم نشوف حال البلد والناس المساكين بتمسخ علينا الدنيا وما عندنا غير البكا، وكان ربنا خلينا نتواصل نشوف البنقدر نعملها، بالله شوف الناس دي ياخ رغم بؤس الحال عمنا حسن يشيل ويكتر في الحمد لله ياخ بساطة عجيبة، اللهم فرج عن أهل السودان عموماً في دارفور وجبال النوبة والنيل الأزرق والشرق يارب فراج يا حنان يا منان ..!!

الاخ الحبيب يوسف ادريس ... لا أبكى الله لك عيناً .. الحال من بعضه وكلنا في الغربة شرق ربنا يرد غربتنا جميعا

يا يوسف الناس ديل عندهم يقين ورضاء يحيرك ...
شوف عم حسن دا رغم الحال العايش فيهو لا تفارقه الابتسامة ولا كلمة الحمد لله وكأنه حيزت له الدنيا بحذافيرها
هم ملح الأرض يا يوسف

تم دهان الغرفة وشراء سراير ومراتب وجاري العمل على حفر (حمام)