مهدي ابراهيم .. تيقنت حقا انك رجل شديد الرومانسية

هذا القيادي الانقاذي
الذي يذكرني بابطال الملاكة الامريكان
جهوري الصوت
كان يحسب من صقور الانقاذ
اليوم تيقنت انه طائر كناري
رومانسي واسع الخيال
ونجار من الطراز المتفرد
شاء قدري ان اشاهد حلقة معاد في قناة الشروق - على حين غفلة وانا اعيد البنت من المدرسة قلت اشرب موية- فرايته قلت
اخيرا ظهر الرجل الذي رشح في كثير من الصحف والاسفيريات انه قد تقدم باستقالته اكثر من مرة
قلت في نفسي لعله يتأبط خيرا
حضرت هذا السؤال
المذيع : لماذا تاخر الاصلاح داخل المؤتمر الوطني الحزب القوي ذو الامكانيات المالية والسلطوية ربع قرن
الاجابة : كل مايخطر على بالك من انجازات في الاقتصاد والتنمية والطرق وتوفير لقمة العيش والوفرة وايييييييييييييييييييك كل هذا اخذ من وقت المؤتمر الوطني
هنا انا طلعت

هذا الرومانسي الجميل قال انو حكومة المؤتمر الوطني وفرت المعيشة للناس
زمان الواحد يقيف عشرة ساعات عشان يلقى الحاجة الهو عايزة الان وفرة في كل شي
ياسلام على الذكامة
زمان اقيف 10 ساعات وفي النهاية اقدر اشتري الرغيف
زمان انوم في صف البنزين لكن في النهاية اقدر اكب بنزين
الان ما في صفوف .. لكن ما بقدري اشتري رغيف
الانا ما بنوم في الطلبمة لانو البنزين متوفر بس ما بقدر اكب
الحياة بالنسبة لاخونا مهدي ابراهيم ساهلة
لانو الرغيف بيجيبو السواق بي قروش الحكومة
والعربية مليانة بنزين الحكومة
والكهربا بتاعة البيت بتدفعها الحكومة
عاشت حكومة المؤتمر الوطني

قال انو الحصار على الحزب الحاكم كان كبير
يارااااااجل
الحصار على الوطن
لكن انتو تحمدو سيدكم علاقتكم مع الادارة الامريكية سمن على عسل
الم يصرح وزير خارجيتكم قائلا بعد ان سلم كل ملفات الارهاب لامريكا
( نحن الان اصبحنا
عين واضان لامريكا في القرن الافريقي)