Post: #1
Title: تم تعويض(الشعبي)ب(150مليار)فياتري كم سيعوض امثال(الشيخ يوسف لبس) منها؟!
Author: Tragie Mustafa
Date: 09-14-2014, 06:30 PM
المؤتمر الشعبي الايام دي طبعا قبض قبضته وللاسف القبضوا بعض النافذين فيه و باقي العضويه تاكل نيم طبعا.
وصار بوقا انقاذيا بمزاج. يدافع عن الانقاذ اكثر من بعض عضوية الوطني.
وقد منح الانقاذين المؤتمر الوطني مبلغ 150 مليار سوداني بما يعادلها دولارا.
قيل انها تعويضات لهم عن كل ما لحقهم ولحق اعمالهم وسنين عمر بعض عضويتهم من ضرر!!
اه رفيقنا ( كمال عمر) قيل انه من المحظوظين في هذه العضه الكبيره ورطب رطوبه ما خمج!!
ويوم النقاش حول قبول الحوار مع الوطني يقال بانه التصويت كان كالاتي :
17 صوتوا ضد قبول الحوار!!
و 4 صوتوا مع الحوار !!
فاتبع شيخهم تيار الاربعه!! تخيلوا!!
ويقال انه الاربعه من الشمال النيلي!! قادر الله!! حموكم ناس الهامش كم سنه دي ولولا عضويتكم من الهامش لالتهمكم احياء تماسيح الوطني
وهاهي تدور الدائره و يغدر بهم (مجددا اسلامي الهامش ) !!
المهم قالوا شيخهم الترابي قال لهم لعلمك حتي الرسول لم يجمع كثير من الصحابه علي بعض ارائه وانه صلح الحديبيه ما عارف ايه تم برفض اغلب الصحابه ….و…..و…الخ!
السؤال حتي متي سيصمت هؤلاء المهمشين داخل الشعبي؟!
وسؤال اخر…..عمنا ( يوسف لبس) اطول من قضي سنينا خلف القضبان نسالهم يا تري كم سيكون تعويضه شخصيا من هذه الغنيمه وتعويض زوجته و اسرته عن الضرر الذي اصابهم
12 عاما خلف القضبان!!
وانا اثق انه لن يطلب تمره!! ولكن اقول ليه اصحي للون يا زعيم
المال يعني السيطره السياسه و اثرياء اليوم هم حكام الغد و سلالاتهم ستحكمنا ليوم الدين
فلازم تتطلع حقك و كفايه دروشه وزهد.انت من زمن الزهد يا شيخنا؟!
ان شاء الله تعمل بيها مستشفي للنازحين او صندوق لتعليم الطلاب فقد تيتم الكثيرين بسس اسلاميكم هؤلاء.
المهم……نحن قاعدين للتحريش العاجبه منو و الما عجبه اليقلع مداخلاتنا الاثنين الفضلوا.
وللتاريخ نقول انه ي الشيخ ( وسف لبس ) للاسف من المخدوعين بجدوي الحوار!
يا حليله عمنا ده ما مغيب 12 سنه ده عمر كامل…..ما عارف انه الجماعه قلبوا الهوبه و القيم لم تعد هي القيم.
ويا شيخنا الترابي ولدنا الدومه ده هو ولدكم لازال يعاني من اثار التعذيب. جراء الانتماء اليكم رسولوا ليه حقه بالله ما تقولوا عليه انه في امريكا
امريكا شنو انتو ما عارفننا غلابه فيها. عاد مبرطعين جنس برطعتكم دي؟!
حتي اسالوا انور كينج هههههههه قالوا شايل حالها امريكا بهناك تستاهل امريكا ذاتها البتمنح اللجؤ لامثاله.
المهم
يبقي الشعبي حيكفتنا كشعب لو ما قبلنا بالحوار يا عمي ده الموضوع فيه كنجلات او الضحكات كما يسميها بسطاء شعبنا!
المهم ابقوا عشره ……مداخلات اليوم انتهت.
وتصبحوا علي وطن قادر يلملم اطرافه من تماسيح الاسلامين الفكوهم فينا من (شعبين) ل( وطنين) وربنا يهون علينا.
ـــــــــــــــــــــــــــــــــــــــ
اظر ما قرأت في الويمين الماضيات تعليق لثروت سوار الدهب
يحذر اسلامين المطرودين من قطر من اللجوء للسودان قال لهم
عندنا تاسيح خطره تنفضكم وتلتهم اموالكم و تسلمكم لامريكا اذهبوا لاي بقعه الا السودان هههههههههههههه!
صادق و الله يا ثروت جنس التمسحه الحاصله من الشعبين ديل و كنا فاكرنهم ناس الله الفضلوا نلقاهم بالفساد ده؟! سبحان الله.
|
Post: #2
Title: Re: تم تعويض(الشعبي)ب(150مليار)فياتري كم سيعوض امثال(الشيخ يوسف لبس) منها؟!
Author: Tragie Mustafa
Date: 09-15-2014, 05:53 AM
Parent: #1
تذكروا يا ناس الشعبي
في ظل الحوار تم اعدام شباب المسيريه هؤلاء
وكان ( حوار الطرشان هذا لا يشملهم) ام تراهنون علي من اشتريتموهم منهم؟!
وفي ظل حوار الطرشان هذا تمت مظاهرات في الديم اليوم وشيع بعضكم انها بسبب انقطاع الماء
بينما هي بسس فساد اجهزتكم العدليه التي اطلقت سراح ابن (ود الجبل ) الشارك في مقتل الشاب (وائل محي الدين) من ابناء حي التعايشه بالديم!!
رسالتكم وانتم تقموا بالحوار ان تخبرونا بانه ليس كل الدم السوداني واحدا!!
ـــــــــــــــــــــــ
ولا زال شيخكم الترابي قادر
علي نقد مخالفيه بمبتكرات ونجر غريب
يا تري اي قصه كان سيستحضرها لنا من التاريخ تشابه قصة وائل وتخرج و د العز فالتا من العقاب!!
|
Post: #3
Title: Re: تم تعويض(الشعبي)ب(150مليار)فياتري كم سيعوض امثال(الشيخ يوسف لبس) منها؟!
Author: أيمن محمود
Date: 09-15-2014, 10:28 AM
Parent: #2
| Quote: تم تعويض(الشعبي)ب(150مليار) |
المبلغ ده عرفتيهو كيف يا تراجي؟
|
Post: #4
Title: Re: تم تعويض(الشعبي)ب(150مليار)فياتري كم سيعوض امثال(الشيخ يوسف لبس) منها؟!
Author: بارودى مصطفى فاشر
Date: 09-15-2014, 11:23 AM
Parent: #1
هههههه
تراجى الحكومة قالت ما عندها فلوس تدفع رواتب جنجويد وانت عارفة الجنجويد اهم من ترابى وغيره
الحكومة سمحت للجنجويد ياخذوا رواتبهم من المواطنين وقطع الطريق وفرض عتاوات على المساكين فى المخيمات
قال لى احد المتنفذبن من اولادنا فى الشعبى الحوار مع الحكومة اصبح زى حوار طرشان ما ماشى لقدام
اعتقد ترابى سوف يقبض القروش ويزوق منهم لانه عارف الحكومة ما ليها مستقبل لكى يرهن عليها
|
Post: #5
Title: Re: تم تعويض(الشعبي)ب(150مليار)فياتري كم سيعوض امثال(الشيخ يوسف لبس) منها؟!
Author: عبداللطيف شريف على
Date: 09-15-2014, 05:54 PM
Parent: #4
مائه وخمسون مليار ..
يستطيع الكوز تامينها وبالدولار كمان ...
غلة يوم واحد من البترول ...
ولا اقول ليك من اموال التجنيب يا اخى البلد كلها تحت تصرفهم ...
اوعى تكونوا صدقتوا البلد مفلسه ..
دخل وزارة الخارجية من اموال التوثيق يكفى لرشوة الجميع ...
|
|