Post: #1
Title: قول ود الحاج
Author: Idris Tabidi
Date: 09-12-2014, 03:36 PM
Parent: #0
ديل ناس سفله و ما مربين يحكموا السودان باسم الدين
قالوا القعوي مليان كلو بروتين كتبوا في روشته لأهلنا الطيبين
و نحن ب عصيده او ملاح تركين الله بنجينا تب من كل الظالمين
و السيل البجي ما هم مشمرين ينهبوا في قوت غلابة ثم متحللين
و الاغاثه الجات من كل المتبرعين كانوا لها بقوة عين من الآكلين
دوروم انكشف طلعوا تجار دين يعذبوا خلق الله و هم من الغافلين
عملوا السودان مثلث و الباقي مشردين قطعوا رزق الناس بسياسة التمكين
حتى قروش حج و عمرة هم من الضاربين و في مفاوضات عقيمة هم من الخائضين
حصدوا ناس دارفور و هم محتالين و قسّموا السودان مع المتبرجين
يقتلوا شمال و جنوب كل المستضعفين ما عارفين كل طاغية في اسفل سافلين
و تكوس شرق غرب تلقاهم رقاصين على جثث الضحايا الفي عليين
معليش الله ابتلانا بجماعة منحطين ترانا نصبر نشوف وين اخر الاسفين
و كل زول عرف ديل هم الغاوين نصرك و عفوك و رضاك يا احكم الحاكمين
بس اهلنا الحنان يقروا في يس الله فوق ينجدهم ل يوم الدين
ود الحاج
|
|