من هو هذا اللاعب رقم ثلاثة في تشكيلة مازدا أبو ثلاثة ؟؟

لا أعرف سر الرقم ثلاثة مع مازدا، وكورة الليلة دي زاتا احتمال تنتهي تلاتة..

ومع يقيني إنو كل لاعبي منتخب مازدا عبارة عن مواسير و الهلال والمريخ برضهم مواسير

لكن اللاعب رقم تلاتة ده ماسورة لمن ماسورة زاتو وفي الموسرة فايت الحد بهناك..

ده جايبنو من وين ده ؟؟ عامل زي الدرويش في الميدان

ياخ ده كيشة عديل أخير منو ضفر الأروش بتاع المريخ ، موش انو يعني يجيبو بدلو ضفر عشان الناس ما تفهمني غلط، لكن دي بس للمقارنة في أفضلية الكياشة

غازي كوعه في نصه وواقف :) ... " تقالة دم ورخامة السودانيين حتى في مثل هذه المواقف "

لذلك من الطبيعي إنو لمن تمر الكورة تحت أقدامه أن تكون ردة فعله بطيئة جداً ولا يحسن التصرف

العالم دي بجيبوها من وين ؟؟

فارس عبد الله


الاهلي شندي

سلام يا الهادي,,

أعتقد من تعني هو فارس لاعب اهلي شندي واحد نجوم التسجيلات القادمين (ركز معاي في الحتة).. (:

لك الود

سلام يا عبس ومحمد خليل

أي مركز معاكم، نعم هو فارس ماسورة أهلي شندي.. ياخ ده ما عندو أي حاجة وفوق ده وده شكلو مخلوع وخائف ومتكبكب

تعرفوا أنا أقول ليكم من أسي في الغالب الماسورة ده حا يتكوك بيهو المريخ

لأنو جمال الوالي بقى متخصص توريد مواسير، بالله زول يخلي نزار حامد ويسجل مجدي أمبدة ده يقولوا عليهو شنو بس ؟؟؟

وبعدين ما تقولوا كمان المدرب الماسك المريخ ما عندو أبو النوم وهو زاتو أكبر ماسورة