مغتربة كان الكف فى أستقبالها بمطار الخرطوم

منذ نزولها من الطائرة بدأت بالشكوى خلاص جينا للبشتنة والسخانة وال###### وتهبب في نفسها بى طرف التوب دخلت صف الجوازات تنفخ وتتذمر انتظار الشنط من السير نفس الضجر والتذمر وهى طالعة ومعها العامل الذى يدفع عربة عفشها وعند بوابة الخروج من الصالة ذودت العيار وصار كانما تصرخ وباعلى صوتها تردد جينا خلاص للسودان والبشتنة وال###### والعواليق وينبرى لها عشا البيتات وكف صاموتى جعل كل من في صالة الاستقبال يقطع الحديث ويتابع هذا الحدث صرخت فية سوف احضر لك من يؤدبك تضربني سوف اقطع يدك . عشا البياتات لم يزيد اكثر من ان قال لها ( السودان دا جاك ولاجيتيهو كلو الا السودان نبذى حكومة وزراء السودان لا وذكر لها اسمة ومحل عملة وقال ليها اكبر ما عندك جيبيهو حصل هذا في مطار الخرطوم . والما مصدقنا يسال أصحاب الليموزين وأصحاب التاكسي الواقفة في المطار.

الكلام دا متين

بعد هي جاية من ياتو دولة

عشان نقدر نحكم بالعدل

هي غلطانة طريقة كلامها استفزازية..

وهو كمان اتهور تهور يمكن يكلفو الكتير

اخي محمد احمد سعيد

انا شخصياً مصدقك

الرجل السوداني دا مافي زيو - رغم انو الرجولة اندثرت قليلاً جداً
هي لو السودان ما عاجبها الجابه راجعة ليهو شنوووووووو

احبك يا وطني رغم بعدي عنك

.


اذا صحت الواقعة كما تفضلت، فليس هنالك من سبب يمنح الرجل حق ان يضرب إمرأة بهذه الطريقة المشينة والتي تضعه تحت طائلة القانون، أو القصاص من طرف هذه السيدة وأهلها !!


.

المغتربين كتروها لمن بقت مسيخة ( الواحد يغترب سنه وما يصدق يرجع السودان من المطار تبدأ الشكية )
بس كمان صاحبك بالغ كف عديل

Quote: المغتربين كتروها لمن بقت مسيخة ( الواحد يغترب سنه وما يصدق يرجع السودان من المطار تبدأ الشكية ) بس كمان صاحبك بالغ كف عديل

يعني الشكية هنا مافي يا شامي
دا حال حريمنا نق نق نق نق وشكية لو ما في حاجة لا زم تصرف عربي

Quote: اذا صحت الواقعة كما تفضلت، فليس هنالك من سبب يمنح الرجل حق ان يضرب إمرأة بهذه الطريقة المشينة والتي تضعه تحت طائلة القانون، أو القصاص من طرف هذه السيدة وأهلها !!

طيب يا سيف اليزل, إتفقنا معاك بأنه ما من حقه يضرب إمرأة, لكن هل من حقها تسيئ إلي السودان؟ طبعا ده إذا صحت المعلومات الواردة

عفيت منو مقنع الكاشقات
تسلم البطن الجابتو
بالله النسوان ديل خصوصا المغتربات بالخليج اتعودن على الدلفري والراحات والنوم لحدي الساعة 3 عصراً
ولمليم الدهب ويجن يكشبن بيهو في السودان على الشقيات وتعبانات يربن ويقرن ويغسلن ويكون ويكنسن

Quote: بالله النسوان ديل خصوصا المغتربات بالخليج اتعودن على الدلفري والراحات والنوم لحدي الساعة 3 عصراً ولمليم الدهب ويجن يكشبن بيهو في السودان على الشقيات وتعبانات يربن ويقرن ويغسلن ويكون ويكنسن

ده كان زمااااااااان زمن النسوان بمشو شنطه مع الراجل .... مش النسوان البفتشن فى الرزق ومشاركة الرجال معترك الحياة و ايد فى ايد تجدع بعيد ..


تحيات واحترامات اخوي عبدالله ......

سلامات أخى الصادق,,

Quote: الرجل السوداني دا مافي زيو - رغم انو الرجولة اندثرت قليلاً جداً

غايتو لو الرجولة أن تضرب بالكف إمرأة غريبة عنك ولم تفعل شيئا سوى التذمر والتأفف من حال البلد!!!!!


فعلى الرجولة السلام!!

الرجولة المطلوبة الآن هى رجولة من إعتدى على بنتهم وأختهم وزوجها وكل أهلها,,
لو وجدت وبنفس منطق أخونا الراجل شديييد دا إلا يشوف ليهو جحر قنفد,,

تحياتى,,

.

Quote: طيب يا سيف اليزل, إتفقنا معاك بأنه ما من حقه يضرب إمرأة, لكن هل من حقها تسيئ إلي السودان؟ طبعا ده إذا صحت المعلومات الواردة

انتم لم تقولوا بانه ما من حقه يضرب إمرأة! بل جعلتم منه "عشا بايتات" عديل !! وكمان تتساءلون إذا صحت المعلومات الواردة!
الشعب السوداني كله نساء ورجال وأطفال يتضجر ويتذمر ويشكو ويلعن خاش البلد، لكن الفلاحة في مواجهة "بشتنة" الوطن يجدها البعض في هذا الإعتداء المهزوم!!


.

Quote: عفيت منو مقنع الكاشقات تسلم البطن الجابتو بالله النسوان ديل خصوصا المغتربات بالخليج اتعودن على الدلفري والراحات والنوم لحدي الساعة 3 عصراً ولمليم الدهب ويجن يكشبن بيهو في السودان على الشقيات وتعبانات يربن ويقرن ويغسلن ويكون ويكنسن عبد الله شم *** ...

عزالدين عباس الفحل
ابوظبي
...

هذا الرجل المعتوه الذي ضرب هذه المرأة المسكينة كان حري به ان يضرب الحيكومة في اي مكان موجع حتى يتنفس و يستريح من عناء القهر الذي يحمله بسبب ما فعلته به هذه الحيكومة القاهرة و المذلة لشعبها.

هي لمن تسيئ للسودان أساءت لنفسها أولا ، ولكن ليس من حق أحد أن يضربها وإن كانت الحجة أنه سوداني غيور وهي سودانية ، يا خي كيف لرجل أن يضرب إمرأة ، الرجل الصحيح لا يضرب المرأة وليست من الرجولة ولا من الفراسة أن تمد يدك على حرمة .

يا أخي لو أن خلاص حريص ومقهور من كلامها ، أشتكيها في القانون وهو الفاصل .

رجالتو في ضرب إمراءة ماياهو السودانيين ديل في الداخل والخارج بيلعنو ، بقت علي الغلبانه دي ؟
اقسم بالله لو كنت من أهل هذة المراءة ما أخليهو يشم الهواء تاني .
ولي أمر هذة الغلبانه يمشي يقطع ليهو يدو ومن بعدها عنقه ويعلقو في أقرب شجرة واليحصل يحصل .

ود الباهي روق المنقه شوية

مافي داعي لي تخلع النسوان يعني نحن كسودانين عارفين حال بلدنا وما غريب علينا بس في نسوان عندهم حب الظهور والتخلع قدام الناس وده عيب

في حق اي زول خصوصا في وضع البلد

لك من التحايا اجزلها
كسره :
ان شفتها تاني بقطع فيها كف صاموتي

سلامات يا شمّ,,

Quote: عفيت منو مقنع الكاشفات

مقنع الكاشفات الللبنات كفات...


السموهو أهلو الضوء يا عبدالله والعرفوه الناس بالرجالة وحرارة القلب والشهامة والمروءة أصلو قبل كدا مافى زول قال لينا الزول دا بدق
البنات والنسوان حتى لو نسوانو وبناتو!!

هذا شخص منحرف وقد إرتكب جريمة والدليل هو القانون الذى وإن لم يردعه لكنه يجرم الفعل نفسه !!
دعك من حكمنا عليه وعلى أخلاقه فلا يمكن يكون مقنع كاشفات !!
معيارك قد إختل قليلا يا رجل,,


تحياتى

الاخ ايمن
شعللتها .

بعد اجازه العيد القريب ده و انا راجع . عند ركوب البص الي الطائره واحد زاحم واحده في البوابه . الزول الزاحمها لابس قميص راقي نص كم و العمر فوق ال40 سنه و اقل من ال 50 سنه الشعر تفه و اسود سواد الليل و الجسم غليد و الوش كبير و اللون اصفر و الشنب اقول يا غربتي اقدل فوقه السوسيو و تعلو الشكل العام وسامه . المهم اظنو عصر البت عصره حاره .
كلمت اخوها زوجها الله اعلم . زول لابس قميس اي كلام عمره بين ال 20 و ال 30 سنه و شنب عادي ضل سبلوقه . جا طوالي و بكل هدوء ياخي الحصل شنو . زولك اب شنبا لامع رفع صوته و قال ليه انا ما عملته اي حاجه . زولنا اب شنب العادي ضل سبلوقه ، اتلفت علي الوليه و قال ليها حصل شنو ، قالت ليه عصرني ، وين الله اعلم ، سمعنا واااااااااااااااااااي .
زولك اب شنب لامع طلع عشا بايتات صيني ، و جنس كواريك ، المهم زولك اب شنب عادي ضل سبلوقه ما بتكلم بس نمر مع جاموس و لا نفس . نسمع كرو كرو ، الطياره اتخرت ساعتين عن موعد الاقلاع و السبب كان عشا بايتات صيني عصر بت عندها عشا بايتات سوداني .
محمد احمد سعيد اها زولك يا ربي صيني و له سوداني .

Quote: جينا خلاص للسودان والبشتنة وال###### والعواليق وينبرى لها عشا البيتات وكف صاموتى جعل كل من في صالة الاستقبال يقطع الحديث ويتابع هذا الحدث صرخت فية سوف احضر لك من يؤدبك تضربني سوف اقطع يدك . عشا البياتات لم يزيد اكثر من ان قال لها ( السودان دا جاك ولاجيتيهو كلو الا السودان نبذى حكومة وزراء السودان لا وذكر لها اسمة ومحل عملة وقال ليها اكبر ما عندك جيبيهو حصل هذا في مطار الخرطوم . والما مصدقنا يسال أصحاب الليموزين وأصحاب التاكسي الواقفة في المطار.

هذا سلوك أهوج!
أن تضرب كفاً سلوك إجرامي و حسب
أي محاولات غبية لتبربر هذا السلوك العنقالي الهمجي يعكس
غياب ثقافة دولة القانون و حكمه
بل برقي لتشجيع السلوك البربري
هذا الفبي يحتاج للسجن لتأديبه و حسب
و الدفاع عن السودان لايحتاج للدفاع عن بؤس مطار الخرطوم
بل العكس هو الصحيح: من يحتج علي وضع المطار المتخلف هو من يحب السودلن

شنو يا جماعة شابكننا عشا البايتات والا عشا النائمات !
واقسم بالله العظيم هذا الرجل دلوكه وما عنده نخوة ولا رجولة بتعريفة وانا لو حاضر الموقف ده ادخل ليه فى بطنه !
هو السودان ده حق ابوه .. هى سودانية كما هو سودانى , وبعدين هو لو راجل ما يمشى لرقاص القصر الجمهورى الذى اساء للسودان ولانسان السودان واحتقره لمدة 25 سنة ومازال !
فلاحتو ورجالة بس فى النسوان وبعدين الزولة دى اكيد بتكون اتضايقت من سوء التعامل من ناس الجوازات ومن ناس الجمارك ومن تاخير الشنط والصفوف الطويلة واللامبالاة البتحدث من المسئولين وهى بتنبذ فى الوضع ده وكتيرين بيحصل ليهم الموقف ده وبيسبوا .. يعنى ما هى الحالة الاولى ولا حتكون الاخيرة !
الزول ده مالى ايدو وعند ضهر فى النظام لو ما طلع رجل امن او مباحث , لانو يستحيل مواطن عادى يتصرف التصرف ده !

ليس من الشهامة ولا الرجولة مهما عظم ألأمر أن يرفع رجل يده لأمرأة ..الوطن فى الحدقات وفى القلوب...تصرف أرعن وهمجى.

والتحية للجميع ...

بالجد ناس السودان ما عارفين السودان سخانة تلهب قدر شنو؟
بعد غياب دام حوالى 17 سنة .. عدت، كانت السخانة فى سلم الطائرة تلهب وجهى كما شهاب النار .. هذه المرأة لو ملصت ملابسها ومشت زنط تب .. معاها حق .. طبيعة السودان قاسية جداً لزول عائد من المناطق الباردة .. ولما تضيف لذلك الضيق ضيق أخر يكون الله فى عون المرء .. أو قولوا عون المرأة المسكينة.

يعنى المرأة دى ذى الزول أتقلبت بيهو عربية .. يقوم يضهرب إلا تلطعو كف جامد حتى يفيق إلى رشده .. عشا البايتات قام بالازم ..


بريمة

طيب اخونا عشا البايتات دا غشاءه دا الا على النسوان والولايا

ماشفناه عشى ليه مسؤول اختلس ..ونهب ..وسرق
ولا عشى ليه مسؤول عن وفاة المرضى بالاهمال ..

ولا عشى ليه مسؤول عن موت الناس بالامطار والسيول وصقع الكهرباء

ولا عشى ليه مسؤؤل خلانا ننهزم فى عقر دارنا 3 صفر ..

ولاعشى ليه مسؤول ....الخ

خليه يمسك من طرف ويعشى ....مش برضه نفس المنطق ...

الوطن له محبة في النفس ونغير عليه كما نغير على عروضنا

ولكن ليس ذلك مبرر لتصرف أهوج يخالف القانون والعرف

فالعيب كل العيب أن تمد يدك لحرمة مهما كانت الدوافع حتى لو كانت شخصية ناهيك عن شأن عام

ثانياً كثيراً ما نعبر عن إستيائنا بصوت مسموع في الأماكن العامة ، فهك يمنح ذلك الحق لأي كائن أن يعتدي على بدافع الوطنية

أحي العزيز محمد أحمد ـ وين ناش عشاء البايتات ـ ديل ماتوا في كرري زمان

Quote: بالجد ناس السودان ما عارفين السودان سخانة تلهب قدر شنو؟ بعد غياب دام حوالى 17 سنة .. عدت، كانت السخانة فى سلم الطائرة تلهب وجهى كما شهاب النار .. هذه المرأة لو ملصت ملابسها ومشت زنط تب .. معاها حق .. طبيعة السودان قاسية جداً لزول عائد من المناطق الباردة .. ولما تضيف لذلك الضيق ضيق أخر يكون الله فى عون المرء .. أو قولوا عون المرأة المسكينة. يعنى المرأة دى ذى الزول أتقلبت بيهو عربية .. يقوم يضهرب إلا تلطعو كف جامد حتى يفيق إلى رشده .. عشا البايتات قام بالازم .. بريمة بريمة محمد *** ...

عزالدين عباس الفحل
ابوظبي
...

أخي ايمن الطيب

Quote: سلامات أخى الصادق,, غايتو لو الرجولة أن تضرب بالكف إمرأة غريبة عنك ولم تفعل شيئا سوى التذمر والتأفف من حال البلد!!!!! فعلى الرجولة السلام!! الرجولة المطلوبة الآن هى رجولة من إعتدى على بنتهم وأختهم وزوجها وكل أهلها,, لو وجدت وبنفس منطق أخونا الراجل شديييد دا إلا يشوف ليهو جحر قنفد,, تحياتى,

ولك من التحايا ما تعجز عن حلمها الجبال الشاهقات

في سنة كم وسبعين كدا كانت حبوبتي اخت جدي مريضة في المستشفى وجدي دا ابو امي
كان طالع من المستشفى وقريب من البوابة حقت مستشفى مدني جات ممرضة داخلة لابسة ليها توب ابيض خفيف وفستان قصير وكعب عالي وماشة علي راحتها وكل المستشفى متنشن معاها

قام جدي مشى عليها عديييييييل واول ما وصلها اداها كف قوي لمن اترتحت في الواطة وقعدت تبكي
قال ليها قومي انتي ابوك منو انا اكيد بعرفو وعشان تاني ما تلبسي لبس زي دا انا ضربتك عشان تحترمي نفسك وتحترمي ابوك التعب فيك

الكف دا كان بمثابة ادب لها وانتقلت البنت من اقصى اليسار الى اقصى اليمين

الكف دا ما عشان هو راجل وهي إمرأة ولكن هذا النوع من الرجال يحمل قيم كبيرة قد لا يعرفها الكثير منا
وضربه لها لأنه يحب بلده وأنا أؤكد لك ان مثل هذا الرجل لو قابله البشير بنفسه لضربه بالكف حتى يصحو من سباته وتتعالج ركبتيه الاتنين كمان
الضرب ليس لأنها إمرأة ولكن انظر لقيمة السودان في قلب هذا الرجل واحكم بعدها

لك التحية

Quote: إتفقنا معاك بأنه ما من حقه يضرب إمرأة, لكن هل من حقها تسيئ إلي السودان؟

نعم من حقها ومن حقها حرق علم السودان نفسه
التعبير حق ولكن قد نختلف في محتواه
والاختلاف لايعطي للاخر الاعتداء علي المعبر
ولكن التعبير المضاد والسلمي
الاعتداء علي هذه السيده جريمه ومن المؤسف تشجيع هذه الممارسات

Quote: طيب يا سيف اليزل, إتفقنا معاك بأنه ما من حقه يضرب إمرأة, لكن هل من حقها تسيئ إلي السودان؟

اسوأ ما فعلته الإنقاذ و موجة الإسلام السياسي هو هذا التشويه الذي اصاب العقول

Quote: وينبرى لها عشا البيتات وكف صاموتى

حتى تراثنا اللغوي أصابه التشويه

عشا البايات وصف للرجل الذي يمعن في إحترام المرأة و تكريمها

فما ابعد المسافة بين عشا البايتات و كفات البنات

يضربوا الضريب كسار العناقريب.. أو كما يقلن ..
الزول دة ما سمع شيئ من الأدب النبوي ( رفقاً بالقوارير )
( إنما النساء شقائق الرجال ما أكرمهن إلا كريم وما أهانهن إلا لئيم )
زولة البلد ما عاجباها و الوضع ما عاجبها و من حقها تعبر عن رأيها
و تقول زي ما تقول ..
و ما عندو أي حق يضربها ،،
لو عندو رجالة يمشي يضرب الناس الطلعو ميتين أم البلد ..
عينو في الفيل و يكفت في المرا ؟؟
لا تقول لي سوداني و قلبو حار و لا جن أحمر ..
دي أسمها قلة أدب و بس ..
و الزول دة ما ما لقى ليهو راجل يأدبو..
و الغريبة إنو في ناس فرحانين هنا بما فعل
يا أخوانا ما تشيلكم الهاشمية ساكت ..
الغلط غلط ..
وحتى أفترضنا أنو لو الزولة دي غلطت ..
و أنا ما شايفها غلطانة ..
فالغلط الأكبر غلط من أعتدى عليها ..
وغلط من شاهده يفعل ذلك ..
و جاء ليحدث عنه بلا خجلة ..
..

Quote: ولك من التحايا ما تعجز عن حلمها الجبال الشاهقات في سنة كم وسبعين كدا كانت حبوبتي اخت جدي مريضة في المستشفى وجدي دا ابو امي كان طالع من المستشفى وقريب من البوابة حقت مستشفى مدني جات ممرضة داخلة لابسة ليها توب ابيض خفيف وفستان قصير وكعب عالي وماشة علي راحتها وكل المستشفى متنشن معاها قام جدي مشى عليها عديييييييل واول ما وصلها اداها كف قوي لمن اترتحت في الواطة وقعدت تبكي قال ليها قومي انتي ابوك منو انا اكيد بعرفو وعشان تاني ما تلبسي لبس زي دا انا ضربتك عشان تحترمي نفسك وتحترمي ابوك التعب فيك الكف دا كان بمثابة ادب لها وانتقلت البنت من اقصى اليسار الى اقصى اليمين الكف دا ما عشان هو راجل وهي إمرأة ولكن هذا النوع من الرجال يحمل قيم كبيرة قد لا يعرفها الكثير منا وضربه لها لأنه يحب بلده وأنا أؤكد لك ان مثل هذا الرجل لو قابله البشير بنفسه لضربه بالكف حتى يصحو من سباته وتتعالج ركبتيه الاتنين كمان الضرب ليس لأنها إمرأة ولكن انظر لقيمة السودان في قلب هذا الرجل واحكم بعدها

مع كامل إحترامى لك ولجدنا وليمد ألله فى أيامه ويرحمه لو رحل عن الفانية..


يا الصادق فى السبعينات حسب ما أعرف كان لبس القصير هو السائد فى أغلب المدن ومدنى كانت لا تفرق كثيرا عن الخرطوم
وبورتسودان وكوستى والأبيض وكل مدن السودان الكبيرة ,, مدن كانت حية بأنديتها ولياليها الثقافية والفنية ومهرجاناتها
وأفراحها وحراكها الإجتماعى وحتى باراتها كانت مفتوحة وتمازج كل أهل السودان بمختلف دياناتهم وثقافاتهم,,

طالما البنت ليست بنته ولا زوجته فالقانون والعرف والدين نفسه يقول أن هذا التصرف خاطئ ولا يصح إلا الصحيح,
الضرب وضرب النساء تحديدا رغم وقوعه فى كثير من المجتمعات وإرتكاب كثير من الناس له ولكنه يظل سلوكا خاطئا
منهى عنه فى أغلب قوانين الدنيا خاصة عندما يكون فى شكل إعتداء غير مفهوم وغير مبرر,,,
كما هو الحال فى الحالتين القدامنا ديل,,

لك التحايا يا حبيب..

صحي الرجال ماتو في كرري. لو مخلوق زي ده يعتدي على امراه بالضرب و نقول عليه عشاء البايتات على الدنيا السلام.

عبدالله شم. كلامك فيه حقد عجيب على المغتربات. الله ريحهن من الشقاوه انت عاوزهن يشقن لي؟

من بتين في راجل في السودان بيمد يزه على مرا؟ عجبي.

الرجاله علي الحريم كمان رجاله !!

اذا زوجها او أحد من قرايبها معاها ما كان مد يده

دا زوول مستهبل ساي وإتلح المره (الرغاية دي ) أونطه

ما من حقه يمد يده عليها ... هو كان راجل ما يمشي يشوف الللصوص والحراميه الم######ين سمعه
السودان برا وجوة ..

الرجل الذي ضرب هذه السيدة ، رجل خائب وجـــــبــــــان ، لأنه لن يستطيع أن يفعل ذلك مع رجل مثله.

الردود التي تؤيد ضرب النساء في هذا البوست يجب أن يراجع أصحابها أقرب طبيب نفسي.

Quote: عفيت منو مقنع الكاشقات

راجل يمد ايدوا على انثي !!!!
وبتعتبروا راجل من اصلوا !!!
رحمة الله على الرجل السودانى
ذا كان بفهمك دا

Quote: بالله النسوان ديل خصوصا المغتربات بالخليج اتعودن على الدلفري والراحات والنوم لحدي الساعة 3 عصراً ولمليم الدهب ويجن يكشبن بيهو في السودان على الشقيات وتعبانات يربن ويقرن ويغسلن ويكون ويكنسن

النسوان القلتهم ديل جاهلات واكيد جايين من بيئة متخلفه ما عندها احترام للزمن
واذا كان ديل نسوان المغتربين البتعرفهم دي مشكلتك فما تعمم ناسك على الاخرين

نحمد الله اماتنا لما اغتربوا من السودان الناس ما بتعرف الاغتراب
كانوا فى العشرين من اعمارن بيتنا ما خلاء ابدا من الاكل السودانى وفى مواعيدو
وبيتنا مفتوح لى للكل وبتصلوا العزابة مخصوص في امى يطلبوا منها تجهز ليهم الاكلات السودانية من كسرة وغيرو

يا عبد الله شم
انت زول مقرف وفهمك محدود

Quote: جالتو في ضرب إمراءة ماياهو السودانيين ديل في الداخل والخارج بيلعنو ، بقت علي الغلبانه دي ؟ اقسم بالله لو كنت من أهل هذة المراءة ما أخليهو يشم الهواء تاني . ولي أمر هذة الغلبانه يمشي يقطع ليهو يدو ومن بعدها عنقه ويعلقو في أقرب شجرة واليحصل يحصل .

الاخ عادل الباهي كفيت واتفق معاك وازيد حبة لوعندها وليان المفروووض يقطعوا يده وان فشلوا في اخذ حقهم القانون ويكملوها معاه ده شخص مريييض

Quote: هذا الرجل المعتوه الذي ضرب هذه المرأة المسكينة كان حري به ان يضرب الحيكومة في اي مكان موجع حتى يتنفس و يستريح من عناء القهر الذي يحمله بسبب ما فعلته به هذه الحيكومة القاهرة و المذلة لشعبها

معقولة الزول الارعن ده يطلع في نظركم ابو الرجال وعشا البايتات

هههههههههههههههههههه عالم عجيبة والله

قال اداها كف وقال ليها إلا السودان هههههههههههههههه بالله خلاص الحيكومة دي يوميا بتذل في البلد وناس البلد وتسب وتلعن فيكم ومطلعاكم شحاتين ومتسولين وتبيع فيكم وتاكلكم لحم الحمير
فعلا الاستحمار اثر فينا وقت نقول لزول يضرب مرا انه عشا البايتات

Quote: ود الباهي روق المنقه شوية مافي داعي لي تخلع النسوان يعني نحن كسودانين عارفين حال بلدنا وما غريب علينا بس في نسوان عندهم حب الظهور والتخلع قدام الناس وده عيب في حق اي زول خصوصا في وضع البلد لك من التحايا اجزلها كسره : ان شفتها تاني بقطع فيها كف صاموتي

ياسيد أبراهيم في البدء حبابك في حوش بكري وأنشاءالله تكون إضافة إيجابية
ياحبوب أنا ماعارف الناس بتبرر للزول الاهوج دا فعلتو كيف ؟ السفر دا قطعة من نار
والله نحن الرجال الواحد لمن يسافر بيوصل قافلا معاهو وخاصة أذا كانت نواحي السودان
ومطار الخرطوم وماأدراك ما مطار الخرطوم العفش ماوصل ، الحرامية الشغالين جوا المطار
يمعطو ليك الشنطة بمطوة ويشيلو ماخف وزنه وغلي ثمنه والخ الناس مفترض تدي الناس أعذار
من ارهاق وغيره ، والزول الاهوج دا لو خلاس قلبو علي السودان اليمشي يفتح فيها بلاغ والقانون
يأخذ مجراه ، لكن بطل الكرتون بتاعكم دا عاوز يطلع مافي جوفه من إحباطات ويضاري فشله في صفع
إمراءة لا ذنب لها غير ارادت أن تعبر عن مافي نفسها من جراء سفرية مرهقة ومتعبة بصوت مسموع .
ومازلت عند رائي أولياء هذة المراءة لازم يعملو للمعتـــــــــــوة دا عاهه مستديمة علي أسوء الفروض
حتي يصبح عظه لغيره .

Quote: رجالتو في ضرب إمراءة ماياهو السودانيين ديل في الداخل والخارج بيلعنو ، بقت علي الغلبانه دي ؟ اقسم بالله لو كنت من أهل هذة المراءة ما أخليهو يشم الهواء تاني . ولي أمر هذة الغلبانه يمشي يقطع ليهو يدو ومن بعدها عنقه ويعلقو في أقرب شجرة واليحصل يحصل .

ود الباهى
العاقر تلدى وتسمى عليك
عفيت منك يا مك
تسلم البطن الجابتك
راجل من طهر راجل يسلم راس ابوك

Quote: يا عبد الله شم انت زول مقرف وفهمك محدود

وضاحة لاول واخر مرة ارجو ان تحسني اسلوب مخاطبتي فليس بيني وبينك شئ يستحق ان تسئ لي .

Quote: النسوان القلتهم ديل جاهلات واكيد جايين من بيئة متخلفه ما عندها احترام للزمن واذا كان ديل نسوان المغتربين البتعرفهم دي مشكلتك فما تعمم ناسك على الاخرين

حينما تذكر النساء هنا وفي الاسافير تذكر من شذن عن بقية النساء بالسئ وبالجميل
بامكانك ان تسألب عدد من المغتربين بدول الخليج عن ما لفتن الانظار هناك
لا تساليه عن الطبيبة التي تمارس مهنتها وبكل تقدير ولا عن المعلمة ولا الاستاذه ولا ....
اسالي عن من تسببن في مشاكل لازواجهن او للسودان كل
لذلك انا كتب عن ما لفتن نظري ..

Quote: عبدالله شم. كلامك فيه حقد عجيب على المغتربات. الله ريحهن من الشقاوه انت عاوزهن يشقن لي؟

دانيا يا أخيه ليه احقد انا
في رايك ما عندي الاخوات المغتربات ومكافحات
كتبت عن من شذن عن القاعدة وفي النهاية كل بنات السودان اخواتنا
طالما يسُمح لنا بممارسة دور الاخوه عليها

كلنا مقتنعين أي شي في السودان صورة مقلوبة
لكن الأخت سلوكا فيو شي من الرعونة وعدم التقدير للذوق العام
لكن كمان السميتوو عشا البايتات دا ما أظنو إعشي
ليو حمامة والزول دا مافيو ذرة رجولة مع الإدانة التامة لسلوك الأخت
ـــــــــــــــــــ
الحليلة

Quote: عفيت منو مقنع الكاشقات تسلم البطن الجابتو بالله النسوان ديل خصوصا المغتربات بالخليج اتعودن على الدلفري والراحات والنوم لحدي الساعة 3 عصراً ولمليم الدهب ويجن يكشبن بيهو في السودان على الشقيات وتعبانات يربن ويقرن ويغسلن ويكون ويكنسن

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

في التمانينات كان في عروض سينما في قاعة الصداقة بالنهار ... مرة الفيلم خلص الساعة 2 ظهرا تقريبا وكان الجو داخل القاعة بارد برودة عجيبة ... طلعنا برة القاعة ولفحتنا ليك السخانة العجيبة ديك وكانت درجة الحرارة مرتفعة جدا ... واحد علق قال ... خلاص طلعنا من الجنة للنار ... الناس جوة السودان قاعدين يشكوا لطوب الارض ... بس بقت على المسكينة دي يعني ...

سؤال للناس المتفقة على الكف وضرب المرأة
هل ترضى شخص غريب يرفع يده ويضرب
أمك أختك زوجتك قريبتك أمام خلق الله بهذه الطريقة
بسبب أنها شكت من حالة معينة أم تظل ساكت دون أن تتحرك
وتأخذ بحقك أو تذهب للشخص الجاني تمدحه وتقول له عفيت منك
وتطلب منه أن يصفعك أنت أيضاً.
اليومين دي عندنا هنا واحد لاعب كرة قدم إمريكية قبل كذا
شهر مد يده على خطيبته آنذاك والتي أصبحت زوجته فيما بعد
وضربها في الأصانصير. ظهر حادث الضرب في فيديو كاملاً
وأصبح حديث عامة الناس في أمريكا كلف اللاعب خسارة كبيرة
وتم إقالته من صفوف التيم.

اقترح ان يراجع كل من تعاطف مع هذا الحيوان نفسو
ويمسح مداخلتوا ولمفترع البوست أقول ليهو دا فعل شين ما بيشبه الرجال الصاح
الرجل دا عنده عقد شخصية متراكمة من المغتربين وخصوصا النسوان
وجايي يفكها في اختنا دي
الذي رايته انا في ما يسمى مطار الخرطوم يعطي هذه المرأة المحترمة الحق في ان تقول ما تشاء
اهل هذه المرأة مطالبون برد اعتبار هذه المرأة بالقانون وليس بأيديهم ان كان في البلد قانون

وانا احتمال امشي السودان قريب وتلفوني في البروفايل واتحداه يلاقيني في مطار الخرطوم وحا أقول اكتر مما قالتو المرة دي اتحداه يرفع عينو في عيني

عشان نشوف عشاء البايتات دا

أما مسخرة وقلة ادب.

الاخ محمد سيد احمد وضيوفه بتاعين عشاء البايتات تحديداً
عشاكم دا يتعشي حجار من جبال السليت ان شاء الله
عشاء بايتاتكم دا لا شاف النهب والفساد والحروب المتنقلة والمحسوبية والرشاوي ولا تقارير المراجع العام لدرجة عينو ابو قناية عشان يشوف الحاصل فيها شنو ولا شاف الطيارات البتضرب وتقوم وزول جايب خبرها مافي ولا شاف الغلاء ولا شاف السيول
دا كله اعمى منو، العمي اليقودوهو منو بركة من صلى وقال يا الله
ديل كلهن ما شافهن ولا اترجل فيهن ولا سوى فيهن عنتر وجايين تبقوهو لينا بطل عشان ضرب ليهو مرة كف؟ !!!! انت بصحكم ولا بتهزرو؟
دي معايير عهد الصحابة الجدد انه البضرب ليهو مرة كف يبقى عشاء بايتات؟
عشا البايتات البنعرفو والغنن ليهو الحريم هو البسترهن ويغطي عليهن ويحفظ كرامتهن ويموت وهو بدافع عنهن
وبعدين هو براهو السوداني؟ ولا البلد حقت ابوهو وهي ما عندها فيها حاجة؟
قرف يقرفو التليفة الما بشبه الرجال ويقرف البدافعو عنو ومطلعنو بطل

اين الرجولة في ان يضرب رجل امرأة ليس معها رجل ... لو كان زوجها معاها كان اداها كف ؟
يكون عشا البايتات لو ادى كف لي راجل زيو

Quote: الكف دا كان بمثابة ادب لها وانتقلت البنت من اقصى اليسار الى اقصى اليمين

بقت من اخوات نسيبه يعنى??

هذا جهل وجهل مطبق انه قانون الغاب بعينه
كل واحد في الشارع يصدرحكمه حسب هواه
اين القانون الذي يحتكم اليه الجميع

تصرف أرعن من رجل موتور في بلد ما عندها وجيع.

مشاجرة حدثت في السوق الأفرنجي بين أتنين وواحد فيهم نبز
الآخر بـ "ياعب"! وإستعان المشتوم بشرطي مر بالمكان وأظنوا يعرف
الشاتم وقال ليهوا الزول دا قال لي يا "عب"!! بكل بساطة جنابوا قال
ليهوا ما أنت "عب" أنا أعمل ليك شنوا؟؟!!

فما غريب إنوا يكون في مصفقين بيننا للتصرف الأحمق دا!

بالله دى بقت الرجالة فى السودان???
و باقى (الرجال) فى المطار ما قالوا شيء????
__________
يا سودانيات....من الان خليكم واعيات فى السودان. عشان الواحدة ممكن يجيها كف طاير. خلى جزمتك قريبة. اللى بيمد يده عليك تديه بالجزمة فى وشه طوالى.

انتو من زمن الحريم ؟
و كمان واحد بيقول عنها انثى !!!
يا جماعة ما قلتو مساواة و حقوق متساوية الحصل شنو
اكثر ما يعيب على الذين يرفضون هذا التصرف انهم يتخذون من ضعف المرأة ذريعة للاستهجان بينما في نواح اخرى تجدهم يساوون المرأة بالرجل
اليس الاولى بهم اعتبار ان هذه الحادثة حدثت بين شخصين فقط شخصين و تجاوز الجندرة ؟ لماذا تجعلون من المرأة كائنا ضعيفا لاحول له و لاقوة حينا و كائنا مساو للرجل احيانا ؟
بوست فضح همة رجل قام بضرب امرأة و افتضح كثيرون مختلون فكريا
مبدئيا ادين هذا السلوك الذي صدر من هذا الرجل و ادين بشده هذه الاساءة التي صدرت من المرأة

سلوك همجي مشين ومستهجن ما من حقو يضربها كف
هي كالت الشتائم للسودان وإذا كان هذا الفعل يستحق التجريم والعقاب
فالقانون لا يعطي أي شخص الحق أن يطبقه بنفسه
الظاهر هذا الشخص ضهروا قوي ولا يخاف من المساءلة ويأمن العقوبة
لكن اللوم على وليان المرأة المعتدى عليها والله لو رجال صاح لردوا الصاع صاعين مهما تكن النتيجة

ما قالت وا معتصماه؟؟

تحية


واحد بس مقهور وروحه محرقاه لقى المسكينة دى و فرغ عليها عقده وغضبه

اتساءل لو كان المتذمر (رجل) وليس امرأة .. هل كان سيضربه؟؟


وهذا طبعا لايبرر تصرفها ولا يعنى انها ماغلطانة

ههههههههه الكلام ده لو قاله اجنبى ممكن تقول ليه معليش بس دى حالة البلد فى الوقت ده المرة جاية تعال زرنا فى الشتاء
بس دى سودانية وفى بلدها ممكن تعبر عن حالة بلدها بالاسلوب ال تقدر عليها يا اخونا دى حالتها ما سبت للحكومة لكان اخدت طلقة فى راسها
ما ارخص الانسان السودانى داخل بلده

صاحب البوست جيب ما يدعم كلامك ده خبرك ما مدعوم ممكن يكون تلفيق واستهلاك وجكة بالناس على الفاضي

اين المصدر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Quote: عبدالله شم. كلامك فيه حقد عجيب على المغتربات. الله ريحهن من الشقاوه انت عاوزهن يشقن لي؟

دانيا يا أخيه ليه احقد انا
في رايك ما عندي الاخوات المغتربات ومكافحات
كتبت عن من شذن عن القاعدة وفي النهاية كل بنات السودان اخواتنا
طالما يسُمح لنا بممارسة دور الاخوه عليها



و انت مالك و مالهن شذن عن القاعده او التزمن بيها و منو البيحدد و شنو المعيار. كلام عجيب. بتفرض نفسك وصي على النساء بصفتك شنو. و يسمح ليك بممارسة دور الاخوة عليها لشنو ؟ صحي والله قلة الشغله بتعلم القرد المشاط. انا شخصيا ارفض اي اخوة لو ده نوعها و حزني على اخواتك و قريباتك. عالم غريب.

Quote: انا شخصيا ارفض اي اخوة

وانا كذلك

ليس من حقه ان يضرب هذه الست،
تقول زي ما عاوزة، هو السودان دا كان حق ابوهو...
اي واحد يضرب طفل او امرأة، او عجوز، او اي واحد اقل منه قوة بشكل ظاهر...
دا واحد جـبان...
هذا الرجل الذي ضرب هذه الست مريض ونص وخمسة؛
ولو كان دا شاب مفتول العضلات، وقال نفس ما قالته هذه الست ،
لن يضربه كف لانه ببساطة جبـان،
واستفرد بهذه الست الوحيدة...
تفففففففففففف عليه......

Quote: هذا الرجل الذي ضرب هذه الست مريض ونص وخمسة؛ ولو كان دا شاب مفتول العضلات، وقال نفس ما قالته هذه الست ، لن يضربه كف لانه ببساطة جبـان، واستفرد بهذه الست الوحيدة...

عبد المنعم الطيب ممكن تورينا كلمة الست دي معناها شنو ؟؟
ضرب رجل الست
رجل معروف و ضرب فعل ماض لكن الست دي معناها شنو ما عارفين
ممكن توضح ؟؟ !!!!

!

Quote: عبد المنعم الطيب ممكن تورينا كلمة الست دي معناها شنو ؟؟ ضرب رجل الست رجل معروف و ضرب فعل ماض لكن الست دي معناها شنو ما عارفين ممكن توضح ؟؟ !!!!

هههههههههههه
يا خالد المبارك كلمه ست هى كلمه محترمه بستعملوها المصريين وهى مقابل كلمه مره البستعملوها السودانيين

عشاء البايتات ده ماشاف لحم الحمير والمصائب البتحصل فى السودان عشان يسجل بيها موقف بطولي يشتهر بيهو بدل ما يتطاول على واحده غلبانه .
وإحتمال يكون عمل بي نصيحة وزير الصحة وبياكل قعونج عشان البروتين ومافتح خشمو .
هسع الوهم الجاهل ده بيكون مشنق طايقتو وبيحكي للناس عن موقفو البطولي الوطنى ضد السيده الاساءت للسودان .

اه يا بلد !!!!!!!!
بالله عليكم دى عقليات دى !!!!

صدق من قال :

كيف ما تكونوا يولى عليكم

دائما انا بقول مشكله السودان مش فى افراد وجماعات حاكمه.... مشكله السودان فى طريقه التفكير يعنى
يمشى النميرى يجى الصادق يمشى الصادق يجى البشير يمشى البشير يجى غيروا والحال فى حالوا
يعنى فى البوست دا فقط فى كم دكتاتور وجاهل جو ناطين وفرحانيين على الحصل لهذه الست ؟؟؟؟
يعنى النوعيه دى لو الظروف اتاحت ليهم او لى ذويهم فرصه حكم السودان يا ما نشوف

تحضر الامم والافراد يقاس بمدى تعاملهم مع المرأة واحترامهم لها
من حق هذه الست ان تقول العايزه تقولو وتعبر عن عدم ارتياحها .... السودان دا حق ابو واحد فيكم ... عالم متخلفه

وبعدين الاخ الاسموا مين موش عارفه... البتكلم عن المساواة... تعال هنا النحدثك
المساواة المقصوده والبنطالب بيها هى مساواة المرأة مع الرجل فى القيمه الانسانيه يعنى الرجل والمرأة متساويين فى الانسانيه ومتساويين فى القيمه العقليه ومتساويين امام الله
وليس المقصود المساواة الجسديه (العضل)

Quote: لو عندو رجالة يمشي يضرب الناس الطلعو ميتين أم البلد .. عينو في الفيل و يكفت في المرا ؟؟

يا جماعة

الزول الضرب المرة دا زول قلبه حار، وقالوا دا نفس الزول الأدي عمر البشير شلوت لأنه حال البلد مايل، وفي ناس شافوه ساكي عبد الرحمن الخضر بعكاز في ايام السيول والفيضان، وقبل كدا مسكوه من المتعافي مسك. وعبد الرحيم احمد حسين خلى الشارع البييرجع بيه عشان الزول دا. وناس الأقطان في واحد باع بيته عديل عشان الزول دا ما يعرف البيت ويجي يقتله.

وود العطا بتاع جهاز الأمن قال ليهم الزول دا ما دايرين معاه مشاكل كله كله.

والزول دا من شدة ما وطني، قالوا امبارح لاقوه في الخطوط ما شي مسافر لاحق ناس الفريق القومي داير يدقهم عشان شوهوا صورة السودان بغلبهم الفات.

هسه بس بقت على المرة دي

الزول عشا بايتات وعشا فايتات (ما دايرين يبتوا)


نطالب بباسويرد لهذا الوطني الغيور

يا بتاعين "عشا البايتات"، هذا الجلف يشبهكم،
وعلي بالحلال لو في عشا بايتات بالجد كان قشطو بنية في حنكو، جابو الواطـة، وبعد يستعيد وعيو يلقط سنونو قبال نعلاتو..

النصيحة يا جماعة

انا اقتنعت - ما مفروض يضربها والله
الناس الفوق ديل كلامهم صاااااح مية في المية لأنو لو ضرب احدى حرائري لقتله

اعتذر لها ولكل حرائر السودان

Quote: ما قالت وا معتصماه؟؟

أضحكتني رغم بؤس الموقف أضحك الله سنك
صراحة أنا ما مستغرب في موقف المتخلف ده ياهو فهمو
لكن المستغرب ليهو أكتر و حزّ في نفسي موقف الرجال الحضور وقت الحادثة ؟
ما فيهم واحد ود مقنّعة يوريهو الله واحد؟
الموقف ما استفز كرامة أى رجل من الحضور ؟
أم الناس كلها صارت تقول نفسي نفسي؟
لعنة الله على الإنقاذ التي قتلت فينا كل معاني الرجولة و الشهامة

اعتذر لها ولكل حرائر السودان

Quote: النصيحة يا جماعة انا اقتنعت - ما مفروض يضربها والله الناس الفوق ديل كلامهم صاااااح مية في المية لأنو لو ضرب احدى حرائري لقتله اعتذر لها ولكل حرائر السودان

شكرًا الصادق،،،،،،،

اخي محمد احمد سعيد

انا شخصياً مصدقك

الرجل السوداني دا مافي زيو - رغم انو الرجولة اندثرت قليلاً جداً
هي لو السودان ما عاجبها الجابه راجعة ليهو شنوووووووو

احبك يا وطني رغم بعدي عنك



الفوق دا كلام الصادق الأوةلاني للتذكير

____________________________________
فعلا الصادق سلمان الكلام القلتو في الأول لايشبهك
وعشاء البايتات هو الزول البيعترف بغلطو زي الصادق دا
ومن الليلة حا اسميك عشاء بايتات


هيع

سودانى أصيل ول بلد .. الله يكتر من أمثال عشا البايتات ..

بريمة

عذراً ،
***


...









عزالدين عباس الفحل
ابوظبي
...

بريمة

لا فُـــض فُــوك ،
يسلم عشا البياتات ،
***


...

Quote: سودانى أصيل ول بلد .. الله يكتر من أمثال عشا البايتات .. بريمة بريمة محمد *** ...

عزالدين عباس الفحل
ابوظبي
...

المزعلني جد ما الزول الجب*ان بتاع الكف...

دا نص راجل البمد يدو علي مره...

ولا ############*ين القاعدين بتفرجو فيهو...وهو بضرب فيها وما ادوهو علقة نضيفه....رجاله السودانيين شكلها شالها السيل...مع شهامتهم ونخوتهم الزمان...

لكن مزعلني المتخلفين السزجج البكتبو هنا ببررو ويا ايدو ويشكرو فيه...

طممتو بطنا الله يطمم بطونكم...عالم وهم...

ول أبا عزالدين الفحل
سلامات ..

Quote: بريمة لا فُـــض فُــوك ، يسلم عشا البياتات ،

تصدق الضربة نفسها لم تعجبنى .. ما أعجبنى هو أن عشا الباتيات رأى شيئ خطأ .. وأجتهد فى أن يغيره بيده ..
الكلام دا بقوله عن صدق .. كان هناك اعربة أنقلبت جوار قريتنا فى جنوب كردفان ..
أرتضطمدت العربة فى الناحية اليمنى بمنطقة عالية مثل حافة الخور .. والسائق لف العربة بقوة وأرتضطمدت فى الناحية اليسرى ..
ركاب العربة جميعاً كأنهم فقدوا الوعى .. منهم من حام على وجههه ومنهم من جلس القرفصاء متبلداً .. ومنهم من يصرخ بأعلى صوته ..

شيخ قريتنا قال لأهلنا أضربوهم كفوف .. أى زول أو إمرأة أخذ كفين جامدات حتى فاقوا إلى رشده. فى تلك اللحظة لا يهمنا فيهم مدير أو وزير .. تم تنفيذ الضرب فيهم جميعاً .. ولم يحتج أحد منهم.

أنا لما رجعت السودان .. من مسافة المطار حتى منزل أهلى .. أصابع يدى وأرجلى أشعر بهن تورمن .. وتصببت عرقاً كأنى جارى مارثون .. وشكيت ورغيت وأبدت مثل هذه المرأة .. لكن أحترمونى ساكت مافى زول كشطنى كف.

عشا البايتات .. لازم ندوه the benefit of doubt فيما فعل.

بريمة

Quote: كيف ما تكونوا يولى عليكم

الناس الذين قالوا أن عشا البايتات جلف ومتحلف ..
نسألهم هل عشا البايتات حاقص فى المطار عشان يضرب النسوان المغتربات؟ .. وإذا أجبنا بالنفى أو الأيجاب يكون حسمنا الأمر ..

ومع صعوبة الأجابة بنعم أو لا .. يصبح المرجعية الوحيدة للفعل هو عشا البايتات نفسه .. لماذا فعل ما فعل.

وفى غيابه تصبح المحاكمات التى تدار هنا تنقصها الحيثيات لأقامة الحجة ضده.


أنا أعطى عشا البايتات حق ال the benefit of doubt بأنه رأى منكراً وغيره بيده.

بريمة

قال ليها شنو لو ما عاجبك جاية ليه
هل كان السودان دا ملكية خاصة فيهو ؟
الدلائل في القصة المنشورة تقول ان هذا الناقص من اصحاب السلطة
وعند من غير متنفذي الانقاذ نجد هذا السقوط الاخلاقي والقيمي والسلوك الاجرامي
فلو لم يكن صاحب سلطة لما تجرأ على فعلته المشينة
وإن لم يكن صاحب سلطة لما سكت عليه شهود الحادثة
رغم اني ادين سلبية موقفهم
وهذه السلبية هي التي جعلت امثال هذا الناقص ونظامه يتطاولون
اما الذين انبسطت اساريرهم لهذا السلوك المشين وانبرت اقلامهم له
فهم وهذا الناقص في منزلة واحدة من السقوط الاخلاقي والقيمي والسلوك الاجرامي
لانهم لو وجدوا سلطته لفعلوا
فجميعهم قرف يقرفهم وبلا يخمهم الى اقرب مزبلة

Quote: هههههههههههه يا خالد المبارك كلمه ست هى كلمه محترمه بستعملوها المصريين وهى مقابل كلمه مره البستعملوها السودانيين

لا كان كدي خلاس
كلمة اضافة للقاموس السوداني يعني بعد ده ممكن يقال للمره في السودان ست !!!
بالاضافى لي
حرمة
و مره
و مرأة ( دي طبعا بتاعت المثقفاتية دائما بنسمعها مردوفة مع كلمة حقوق)
و نساوين
و عوين
تقول ناقصين !!

Quote: وليس المقصود المساواة الجسديه (العضل)

منو القال ليك هسي انو عضل الضارب كان اكبر من عضل المضروب
مصادر موثوقة اكدت بأنو وزن الشخص المكفوت كان اكبر بـ 15 كيلو
في اشارة واضحة لانو المساواة ما مقصود منها عضلات

Quote: من حق هذه الست ان تقول العايزه تقولو

تاني ست برضو ؟؟


عندنا لغتنا السمحة الجابركم على لغة المسلسلات دي شنو ؟؟؟

واحد اسمو مين موش عارفه ؟؟؟
الاسم ظاااهر ما بتعرف تقرأ و لا شوف المسلسلات الكتير اضعف نظرك

...................................................

انا المحيرني المره دي ما كان معاها اي زول بس براااااها ؟؟؟
طيب ما قلتو متساوين مع الرجال و بتقدرن تمشن براكن و تجن و ابيتن رفقة الرجال
هو المره دي لما الدين و العرف بتاعتنا قالو تمش مع محرم ماااااا عشان متل ده
ــــــــــــــــــــــــــــــــــــــــــــــــــــــــــــ
منذ ان بدأت اسمع عن ما يسمى بحقوق المرأة و المساواة لم اعد اشعر بالغيرة عليهن بل حتى لم اعد اقف من على كرسي في مواصلات لادعهن يجلسن عليه كما كنت افعل سابقا و لم اعد اقدمهن على اي شئ فقط الحشاش يملأ شبكتو زي ما قالو انا و اسرتي و قريباتي اما في ما عدا ذلك فلا تبحث في جيبي عن مروءة

ههههه عليكم الله من يستاهل الكف
ال اوصل بلادنا الى الوضع ده ولا المسكينة التى تحتج على الوضع المزرى ده
ثانيا لو كانت الضحية رجل هل هذا المتهور يتجرا ? طبعا لا
طبيا الزول ده يعانى من عقدة مركب نقص هى عقدة نفسية معقدة نتيجة لاحساسهم

بالدونية لسبب ماء مثلا يتعرض للاضطهاد من زملاءه فى الشغل لضعف ادائه الوظيفى
او اضطهاد من البيت لضعف اداءه الزوجية مثلا لا حصرا لذك دائما
يبحث عن طريقة لاثبات رجولته دائما ضحاياهم من اضعف الناس نساء اطفال معاقين ال اخره

كتب العبار بريمة بلل:

Quote: سودانى أصيل ول بلد .. الله يكتر من أمثال عشا البايتات .. بريمة

Quote: الناس الذين قالوا أن عشا البايتات جلف ومتحلف .. نسألهم هل عشا البايتات حاقص فى المطار عشان يضرب النسوان المغتربات؟ .. وإذا أجبنا بالنفى أو الأيجاب يكون حسمنا الأمر .. ومع صعوبة الأجابة بنعم أو لا .. يصبح المرجعية الوحيدة للفعل هو عشا البايتات نفسه .. لماذا فعل ما فعل. وفى غيابه تصبح المحاكمات التى تدار هنا تنقصها الحيثيات لأقامة الحجة ضده. أنا أعطى عشا البايتات حق ال the benefit of doubt بأنه رأى منكراً وغيره بيده. بريمة

يا بريمة. أنت عايش في أمريكا لك أكثر من 20 سنة ولسه بتؤيد ضرب النساء؟؟

معقولة بس !

بريمة أختشي.

ركاب العربة جميعاً كأنهم فقدوا الوعى .. منهم من حام على وجههه ومنهم من جلس القرفصاء متبلداً .. ومنهم من يصرخ بأعلى صوته ..


يا بريمة. حام على وجهه من حوامة و لا حام قاصد بيها هام على وجهه؟

حام يعني هام لغير الناطقيين باللغه العربي من اللسان المعووج.

ما ارتكبه هذا الشخص بحق المراة من الاستقواء على الضعفاء هو مما اصاب السودان في عهد الكيزان
اصبحنا نجد من بيننا الكثيرين ممن يستعرضون على المساكين في حين انهم وفي حضرة صاحب اي سلطة يكونون أذلاء كأشد ما تكون المذلة ولا تجد منهم الا كل التملق
الوضع في السودان وبعد ربع قرن من حكم مافيا الاخوان لا يطاق والفوضى وما يثير الاعصاب والضيق منتشر بدءا من المطار وانتا ماشي

الزي ده زمان كنا بنقول عليهو

بطل ... والبا طالعه !!!

دانيه،

Quote: يا بريمة. حام على وجهه من حوامة

الحوامة لدينا البقارة تعنى التسلل ليلاً إلى منزل أسرة الفتاة التى تحبها .. لغرض غير حميد ..
أما حام تعنى تجول متدروشاً ..
وهام من الهيام .. العشق حتى الوله ..

بريمة

عشا البايتات البعشيهن كف

عشا بايتات اخر الزمن الذى يضرب النسوان.. لو كانت هـذه رجلا لما تجرأ على مد يده اليها..

لا يسلم الشرف الرفيع من الأذى حتى يراق على جوانبه الدم..

فليكلم الحاضر الغائب!

هل ضرب هذه المرة يعد ضرب من ضروب الرجالة يا من تؤيدون فعل هذا المعنوه !!!!!! من يرضي ان يفعل هكذا باخته او بامه او بزوجته او او ......


كنت في السودان قبل العيد و رايت بام عيني التغيرات الكبيرة الطرأت علي الناس و المجتمع ككل ..... الحالة ما بتسر ... و الواحد لحدي هسة بطنو طامة ............ حقا مريض من يوافق علي فعل هذا المريض ... و الله انا لو في المطار و حاضر الحصل دا الزول دا اصلو ما افكو من يدي الا تجي الشرطة تستلمو

يا ما زن خليها علي الله شفت فقع المراراه دا؟؟؟ قال عشا بايتات قال!!!
حليلهم ( مقنع الكاشفات عشا البايتات ) اتوسدوا يمينهم من زمان لما كان في عرفنا اي راجل يشتم امراه ناهيك ان يمد يده يشوف مقامه وين في مقاييس الرجوله

. وشايفه هنا كمان جابت ليها مساواه عضليه
عشنا وشفنا يا ناس الزمن دا.