أسروع و زنبور

الى مصطفى مدثر
مع كل التقدير و الاحترام

ثم الى استاذنا طه جعفر
استميحك عذرا فى نقلها
فقد وردت المداخلة فى معرض الحديث عن تمباك الجنة .. مش عشان كانت رد لى . بل للقيمة المعرفة التى تحويها

و دى المداخلة بى ضبانتا

Quote: كتب جلالدونا Quote: لماذا اختار داروين اتجاه الصدفة و لم يختار اتجاه المنظم ؟ صدّق أنا كنت قايل اسمك جلادونا. قلت والله دا يكون كوز مرعب البيسمي نفسه جلادونا! هههههه أنا بحاول أجاوب نيابة عن داروين، أصلو مشغول شوية! داروين دا كان ما إتبع طريقة العلماء ما كان وصل لشيئ! وهو بصبره وباله الطويل قعد يتابع بلاوي بتحصل في عالم الحشرات! عنده قصة شهيرة مع زنبور wasp كان متلّح ليه أسروع caterpillar وقصتهم طويلة ودامية جداً قبل نخش في شوية منها نشوف داروين اضطرته الملاحظة لأن يقول شنو؟ قال: لا يمكن أن أقتنع بأن هناك إله رحيم وعليم ويقوم وبعزيمة خلقية أن يخلق زنبور طفيل للغرض المحدد جداً بتاع انه هذا الزنبور يتعيش داخل الجسد الحي للأسروع أو الكاتربيللير! وطبعاً ما تجيني راجع عشان تقول لي سبحان الله ما إمكن دا جزء من تسيير دورات الحياة لسببين هو أننا نتحدث عن داروين العاش عمرو كلو بيدرس في الحاجات دي ولم يلاحظ أي سبب زي نوع الأسباب التي قالها نبي الله الخضر لسيدنا موسى حين قتل الصبي لأنه قال عارف إنو الولد دا كان ح يطلع فاسد! سورة الكهف. السبب التاني انت كان مشيت قريت قصة الزنبور مع اليسروع ح تقتنع انه البيحصل دا ليس إلاً نوع من جرائم الحشرات عديل كدا! ياخي الزنبور دا بيرحل جوا جسم الكاتيربيلار ولازم يلقاهو حي وبعدين بيجيب عياله كلهم ومرات بيعزم حشرات تانية. ويظل يأكل هذا الأسروع المسكين دا لغاية ما يكملوهو كله. حاجة في الألم الأسروعي مبالغ فيها! داروين دا ما وصل قصة الشك في وجود خالق من الفلسفة ومباراة الشيوعيين وانما بمكوثه في معرفة المخلوقات وظلم الدنيا عليها. ولذلك هو قال إنو مافي خالق. ودا راجل خبرة. وزي ما قال طه جعفر قبل مداخلتك انو المسألة دي شعورية ساكت. أكان ما حسيت بيها في قرارة نفسك حقو الناس التانيين ما يستغربوها فيك. ومن شاء فليؤمن ومن شاء فليكفر. قصة الزنبور الكاملة إلا تطلبها مني!

هههههههههههههههههههههههههههه،

بقيت مسغف يا جلالدونا.
والله صحي.


كدي طيّب شوف لينا قصة القرآدة والجمل،
قبل ما نطلب بتاعة القرد والغيلم...

Quote: هههههههههههههههههههههههههههه، بقيت مسغف يا جلالدونا. والله صحي. كدي طيّب شوف لينا قصة القرآدة والجمل، قبل ما نطلب بتاعة القرد والغيلم...

ههههههههه
هو داب سغافة و بس
اها كلو فى و ما تستعجل
اها بى مناسبة الغيلم دي
سمعتا بى و صال و جال بالغليم
اقعد من سكات و راعى بى عيونك
عشان تتعلم ..
حبابك الف يا ود المدير

بعد المداخلة دى لقيت نفسى ما بعرف عن عالم الحشرات اى حاجة
اها قلت اقوقل و اتلم و منها اعلم اخوى الكاشف الما مسغف ده
ياخى ده عالم عريب و مثيرو خطير
بالجد و ما فيهو يمة ارحمينى
هجوم كاسح للزنابير على خلية نحل