Post: #1
Title: الناجيات من الوأد ( يا موصلي ) ! ... حينما دفنت بناتي وهن حيات !
Author: مامون أحمد إبراهيم
Date: 09-08-2014, 09:08 PM
Parent: #0
عزيزي الموصلي ،،
الشِعر قد يكون أعز من الضنا ! حينما يعبِّر عن تلك الحياة الثرية الخصبة الجميلة المدهشة ! ، وعن تلك الدنيا العذبة وعهود الطفولة البريئة ، وأيام الصبا الحالمة ! ،، وتلك المشاعر والأحاسيس الدفاقة ، والمحبة الأزلية ، وتلك الليالي والصباحات الجميلة ! وذكريات الصبا والشباب على ربا أمدرمان الحنونة ، وشوارعها وبيوتها وساحاتها وميادينها ، وحفلاتها ، وحدائقها ، وفتياتها الوادعات البريئات المفرحات ، الجميلات ( الما متلهن بنات ! ) ! ... ويا لها من سنين وليالي وأيام زاكيات ! ..
وفي اول سنين الغربة وقبل أكثر من ثلاثين سنة ،، وفجأة ( تتقلب علينا الدنيا ) فينتابني شىء من الهوس والسخط والبرجلة وعدم الإتساق والتناقض ... ( شكلو كان هوس ديني ! ) لكن ما طوّل معانا كتير !! ها ها ها !! ....
المهم في لحظة من لحظات انعدام الوزن وحياة العزوبية الساحقة المميتة ديك ، قطّعت الشعر العاطفي داك كلو ! وأكثر من عشرين قصيدة امدرمانية ( عاطفية ) ذهبت مع الريح ! ... والله جد !! أها فضلن شوية الكلمات ديل ! ... واتحفظن على صدور الأصدقاء الحميمين وبعض المحبين !!
أها التلاتة ديل من الناجيات :
عليك الله شوفن يا موصلي ، عسى ولعل ، يوصلن مسامع الناس !
تحياتي
( السِماك )
-----------
من يومي داك لليلة ما ارتاح السفر !
والليلة فوق الليلة شايلات القمر ..
جنبو السِماك ! ...
.....
مرات يفوت ..
ولمن يفوت ، أنا عمري فات ،
وزمنو روَح في السراب واتلاشى غاب ! ..
.....
مرات يغيب ..
ولمن يغيب العمر بنتابو الخراب ،،
ويتلاشى من طول الغياب ! ...
.....
وأنا عمري كم ؟! ، ضهبن مشاويرو الطوال ،،
ووقف وحيد ، يتشابا لى نجماً بعيد ،،
يظهر غرب ويضوي فوق ناس الصعيد ! ...
.....
أنا عمري ما عمر الشمش ،
لمن تجي ولمن تغيب !.. أنا عمري بيك ! ..
النظرة من عينيكِ عيد ! ..
عينيك بتضوي البلد !
نور بسمتِك عالم جديد ،
وزمن جديد بيبشِر الناس بالخلود !...
.....
وفي ظل هواك الدهر إيه ؟!!
انسى التواريخ والسنين ،
وأنسى الزمان الما حواك ،
واخلد بروحي الما بتشيخ !!...
......
واتهنا بيك طول الزمان ،، اتغنى بى روعة بهاك !
ما إنت عالم من فرح ، وبهاكِ زي وردالخريف !!
وهواكِ نهر من الخلود ، ماليهو قيف ..
لمن يفيض زي البحيرة الفوقا نيل ،،
و يطل علي زي الملاك يوم الخليل !
واحسو زي ضل الزمان الرامي بى غيماَ بهيل ! ...
.....
قلبي البريدك عارفو ما بهمل هواك ،
صدقتو بى صدقو الأكيد ...
كلمني يا روح الملاك ..
وريني لو أقدر أقدم ليك وسام ،
للروعة والعمر البهيج ! ،،
وللمعاني الضاوية فيك ! ...
وكفاية إنك ما نسيت أنا عمري بيك
.......
( مخابي الشوق )
------------------
أقول ياريت معالم الريدة ما تفضح مخابي الشوق
وأقول ياريتو ما يزداد !! ..
أنا المخنوق من العبرات وجنَّ جنوني
حابس قلبي في أصفاد !!
.....
أشابي أشابي فوق الناس ،
أكوس أصلاً مغرِّق فيني قاطعو الفاس ..
وفاس سواي وما حدَّاث !
....
أقول يا يُمة رغم مشقة الترحال ،
وطول السكة لأمدرمان مشيت ليكم
ألف مرات !
هجعتَّ وبتَّ في عينيك ،،
رجوع البال ،، مصابح الإلفة والإقبال ! ...
وعينيك يُمة ماهن ساي !
عينيك يُمة ما غنوات من الدوباي ..
وطلة فرحة من عالم سمح ضواي ! ..
....
وعينيك يُمة ما سمحات ، وضوَّايات !
ووَّناسات ، ووضحَّاكات ،،
وإشراقِن سمِح بالحيل ! ...
عينيك يُمة معصورات حليب الليل !
ومكبوبات فناجين قهوة، ساعة القيل !
.....
عينيك يُمة ماهن ساي ،
عينيك يُمة ما غنوات من الدوباي ! ..
وحات شلخاتك المشلوخة في أحشاي !
.............
( زيتونية )
----------
زيتونية وماخدة من لون البلح ، وهج النضار !
ومن لمحة التين والقمح شايلة السمار !
ومدوبة الليل والنهار ،
في ضي عويناتا السمح !
....
ماسية ،، كاكاوية !
مسقية من تبر الأرض ..
مروية من طمي الجروف ،،
مكسية بى شفق الغرب ! ...
ممشوقة بى غسق السحر ، ليلة سمر ،،
وشاربة من نور القمر !
....
يا موحية النجم البريق ،
بى طيف ملامحِك والسنا !
يا واهبة للفجر البزوق ،
بى فيض محاسنِك والهنا ! ...
يا مُلهِمة القُمري الهديل ،
يا معلمة الطير الغُنا ! ...
يا البسمتك سابقة الشروق ،
وفايتة أنوار الصباح ، والأنجما ! ...
أهواك أنا ،،،
بى كل نبضة وكل همسة ودندنة !
وبكل أنفاس الخواطر والمشاعر والمنى !
وأغني بيك كل الأغاني الممكنة ،،
وما ممكنة ! ..
في كل موواويلنا وأغانينا الجاية عبر الأزمنة !..
في فجرنا القادم ، وعصرنا المأمول ،
وأوكاتنا الهِنا ! ..
في ضُحانا ، وأُمسياتنا ، وصُبحنا ...
.....
وبى عز هواك الإتبنا ،
بتبدَّل الليل ، والزمن ، والأمكنة !
ويتبدَّل الحزن العميق لى غيم فرح ! ..
ويتحول الأفق الفسيح لى قوس قزح ،
ما عِرفت ألوان طيفو ،، أقواس السما !!!
..............
سلام
|
Post: #2
Title: Re: الناجيات من الوأد ! ... حينما دفنت بناتي وهن حيات !
Author: مامون أحمد إبراهيم
Date: 09-09-2014, 10:25 AM
Parent: #1
*
|
Post: #3
Title: Re: الناجيات من الوأد ! ... حينما دفنت بناتي وهن حيات !
Author: مامون أحمد إبراهيم
Date: 09-09-2014, 08:22 PM
لمزيد من القراء
تحيات عاطرات
|
Post: #4
Title: Re: الناجيات من الوأد ! ... حينما دفنت بناتي وهن حيات !
Author: Khalid Elmahdi
Date: 09-09-2014, 08:28 PM
Parent: #3
سلامات عزيزي مامون..
ياخي ده فعلا وأد لحين... نرجو فعلا أن يجد هذا الابداع طريقه الى النور...
|
Post: #5
Title: Re: الناجيات من الوأد ! ... حينما دفنت بناتي وهن حيات !
Author: سليمان القرشي
Date: 09-09-2014, 09:32 PM
Parent: #4
مامون دا كلام شنو معقول جمال زي
دا يتقطع ياخي دا قمة الروعة وياريت
لو حاولت تجمع اكتر من الاشعار
المفقودة لانو حرام تضيع
تسلم
|
Post: #6
Title: Re: الناجيات من الوأد ! ... حينما دفنت بناتي وهن حيات !
Author: سليمان القرشي
Date: 09-09-2014, 09:36 PM
Parent: #5
سلامات مامون هذا الجمال الذي سكبته
هنا انساني ان اسلم عليك
تسلم ياحبيب
|
Post: #12
Title: Re: الناجيات من الوأد ! ... حينما دفنت بناتي وهن حيات !
Author: مامون أحمد إبراهيم
Date: 09-10-2014, 05:24 PM
Parent: #6
Quote: سلامات مامون هذا الجمال الذي سكبته
هنا انساني ان اسلم عليك
تسلم ياحبيب |
ود القرشي يا حبيب ،، إنت الأجمل وطلتك بالدنيا
تسلم آبوي
|
Post: #8
Title: Re: الناجيات من الوأد ! ... حينما دفنت بناتي وهن حيات !
Author: مامون أحمد إبراهيم
Date: 09-09-2014, 09:57 PM
Parent: #5
Quote: مامون دا كلام شنو معقول جمال زي
دا يتقطع ياخي دا قمة الروعة وياريت
لو حاولت تجمع اكتر من الاشعار
المفقودة لانو حرام تضيع
تسلم |
ودالقرشي الحبيب سلامات وألف تحية ..
إنشاله ما يضيع آبوي بفضل تذوقكم وحسكم الراقي
أهو منكم وإليكم !
تحياتي
مامون
|
Post: #9
Title: Re: الناجيات من الوأد ! ... حينما دفنت بناتي وهن حيات !
Author: مامون أحمد إبراهيم
Date: 09-09-2014, 09:57 PM
Parent: #5
Quote: مامون دا كلام شنو معقول جمال زي
دا يتقطع ياخي دا قمة الروعة وياريت
لو حاولت تجمع اكتر من الاشعار
المفقودة لانو حرام تضيع
تسلم |
ودالقرشي الحبيب سلامات وألف تحية ..
إنشاله ما يضيع آبوي بفضل تذوقكم وحسكم الراقي
أهو منكم وإليكم !
تحياتي
مامون
|
Post: #24
Title: Re: الناجيات من الوأد ! ... حينما دفنت بناتي وهن حيات !
Author: مامون أحمد إبراهيم
Date: 09-14-2014, 04:29 PM
Parent: #9
*
|
Post: #7
Title: Re: الناجيات من الوأد ! ... حينما دفنت بناتي وهن حيات !
Author: مامون أحمد إبراهيم
Date: 09-09-2014, 09:50 PM
Parent: #4
Quote: سلامات عزيزي مامون..
ياخي ده فعلا وأد لحين... نرجو فعلا أن يجد هذا الابداع طريقه الى النور |
أستاذنا خالد المهدي سلامات وتحية ،، ومشتاقين كتير
ربنا يسمع منك يا أستاذ
تحياتنا للأستاذة بثينة والأولاد
مامون
|
Post: #10
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: Elmosley
Date: 09-09-2014, 11:50 PM
Parent: #1
ياسلام ياخ كل ده حاصل وانا يعيد
حبيبنا استاذ مامون بجيك بي مهله
|
Post: #11
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: محمد فضل الله المكى
Date: 09-10-2014, 04:02 AM
Parent: #10
.
.
Quote: and#237;أشابي أشابي فوق الناس ،
أكوس أصلاً مغرِّق فيني قاطعو الفاس ..
وفاس سواي وما حدَّاث ! |
لن نقيم عليك الحد !!
|
Post: #14
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: مامون أحمد إبراهيم
Date: 09-10-2014, 06:03 PM
Parent: #11
| Quote: لن نقيم عليك الحد !! |
عزيزنا أبوطارق ،، وشاعرنا الودود ود المكي ..
سلام وألف تحية ،
أقضي ما أنت قاضي ،، فحكم المحبين السلام والمحبة السرمدية
والسجن في رحاب العاشقين جنة !
|
Post: #13
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: مامون أحمد إبراهيم
Date: 09-10-2014, 05:37 PM
Parent: #10
Quote: ياسلام ياخ كل ده حاصل وانا يعيد
حبيبنا استاذ مامون بجيك بي مهله |
يا سلام على الطلة البهية ! أستاذنا الموصلي في انتظارك يا حبيب
البنات ديل كلهن ليك .. إنت بس اختار ،، ودي أبسط هدية ممكن أقدمها ليك ... وعندك الحق تهديهن لمن تريد !
تحياتي
|
Post: #15
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: Elmosley
Date: 09-10-2014, 06:42 PM
Parent: #13
الحقيقة يامامون لم اصدق بان هه النصوص كتبت حينما كنت يافعا
فهي تضج وتنضح بالحداثة
وساقرأها بتمهل
واتشرب
لك الود
فانت رجل كريم خلوق
|
Post: #16
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: مامون أحمد إبراهيم
Date: 09-11-2014, 12:00 PM
Parent: #15
Quote: الحقيقة يامامون لم اصدق بان هه النصوص كتبت حينما كنت يافعا
فهي تضج وتنضح بالحداثة
وساقرأها بتمهل
واتشرب
لك الود
فانت رجل كريم خلوق |
وإنت الأكرم أستاذنا الموصلي ..
مثلك يبعث الأمل في الكلمات ويموسق المعاني ليسعد الناس !
يا لرحابة الفنان !!
|
Post: #17
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: mohmed khalail
Date: 09-11-2014, 03:06 PM
Parent: #16
مأمون!!!!!!!!!!!!!!!!!
ياخ والله ده كلام جميل..يا زول انت شاعر كامل الدسم..حرام والله تتوقف..احكي يا رجل وفضفض فمثلك جميل ان تكلم او سكت..بس جلي التانية هههههههه وواصل بوحك في انتظار المزيد.
|
Post: #18
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: مامون أحمد إبراهيم
Date: 09-11-2014, 07:45 PM
Parent: #17
| Quote: ياخ والله ده كلام جميل..يا زول انت شاعر كامل الدسم..حرام والله تتوقف..احكي يا رجل وفضفض فمثلك جميل ان تكلم او سكت..بس جلي التانية هههههههه وواصل بوحك في انتظار المزيد. |
تسلم يا خلي ياخي ،، لكن التانية دي رزم عجائز يازول ،، ما يستسيقا إلا زول من 45 ولى فوق ! .... وبعدين بالمناسبة القصيدة دي مبتورة ونصها ضائع ! ،، وكتبت حنين للوالدة الله يديها العافية وطولة العمر ... لكن جد مبتورة وجزء كبير منها مافي واتمسح من الذاكرة !
تحياتي يا محمد ،،، ولسة في ناجيات كتير !
|
Post: #19
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: مامون أحمد إبراهيم
Date: 09-11-2014, 07:45 PM
Parent: #17
| Quote: ياخ والله ده كلام جميل..يا زول انت شاعر كامل الدسم..حرام والله تتوقف..احكي يا رجل وفضفض فمثلك جميل ان تكلم او سكت..بس جلي التانية هههههههه وواصل بوحك في انتظار المزيد. |
تسلم يا خلي ياخي ،، لكن التانية دي رزم عجائز يازول ،، ما يستسيقا إلا زول من 45 ولى فوق ! .... وبعدين بالمناسبة القصيدة دي مبتورة ونصها ضائع ! ،، وكتبت حنين للوالدة الله يديها العافية وطولة العمر ... لكن جد مبتورة وجزء كبير منها مافي واتمسح من الذاكرة !
تحياتي يا محمد ،،، ولسة في ناجيات كتير !
|
Post: #21
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: Elmosley
Date: 09-13-2014, 07:18 AM
Parent: #17
Quote: مأمون!!!!!!!!!!!!!!!!!
ياخ والله ده كلام جميل..يا زول انت شاعر كامل الدسم..حرام والله تتوقف..احكي يا رجل وفضفض فمثلك جميل ان تكلم او سكت..بس جلي التانية هههههههه وواصل بوحك في انتظار المزيد.. |
ده الكلام يا ابو الزمل
|
Post: #20
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: Elmosley
Date: 09-12-2014, 10:49 AM
Parent: #16
Quote: مثلك يبعث الأمل في الكلمات ويموسق المعاني ليسعد الناس !
يا لرحابة الفنان |
هذا قليل مما عندكم سيدي مامون
|
Post: #22
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: مامون أحمد إبراهيم
Date: 09-13-2014, 09:18 AM
Parent: #20
| Quote: ده الكلام يا ابو الزمل |
ياسلام عليكما معاً أساتذتي الكرام !
أتمنى أن أكون ( تحت رعاية أستاذنا الموصلي ) ،، وعند حسن الظن ..
يلا برضو شوف الجاية دي يا موصلي ( قصيدة طويلة ) هل يمكن استنباط ما يمكن أن يُغنى منها ؟! أو ممكن يطلع من الفسيخ شربات ؟!
نجمه وسط المزهرية
قبل ما أشوفك عشقتك وعشتك
ونحن فى المدن القديمه ،،
الفي ورى الوقت المشا ..
قبل ما أشوفك بحبِك و أنت جواى
حاجه دايما مدهشه !
انت مسرح
انت نادي ومزرعه ..
انت واحه و انت وادي ،
و انت ساحه مزغرده !
ما انت جواي
حاجه دايما مدهشه !!
قبل ما اشوفك عرفتك
في الأغاني الغايبه ،
والكلمه الدفينه ..
في الحدائق الأثريه ،
وفى الأهازيج الشجيه ،
و في الحكاوي المااتحكت !!
كنت في داخلي المعاني الشيقه ،
من تسابيح الفصول ،،
و من مصابيح السما
الإتألقت فوق الحقول ،،
لما الشمش ما كان بتغرب أو تزول..
و اوكاتنا ما عرفت غيابات الأفول !
و لا حتى عمر الزهر ،
أفناهو الذبول !
لما الربيع كان كل لحظة وكل يوم ،
و القمره ما ضلت طريق ،،
وإتلبدت خلف الغيوم !..
في ناحية ما خفتت علي
آفقا أنوار النجوم !..
ونفوسنا ما كتلا الحزن
وإتذوقت طعم الهموم !!
وانا كنت شايلك في الصميم
وفي حشا الزمن القديم !!!
........
ما كنت عارف وين ألاقيك ،،
فتشت عنك في المساحات العريضه ..
و سألت عنك في الحقيقه ،
و في البلاد التايهه والصور البعيده..
سألت عنك في كلامنا الراقي ،
و محطات القصائد ..
وفي الحقيبه ،، و كل أبعاد الموسيقى !!!
من زمان أنا كنت حاضنك في حشاي..
و كنت أنت معاي غناي ،،
في الضواحي النايمه ، و القرى المنسيه..
و كنت أنت معاي خطاي ،،
و لسه انت معاي مواويلي الصبيه !
وكنت من قبال مجيئك ، حاجه تانيه ،،
و يوم عرفتك حاجه تانيه ..
ياكى زولتي و ياني زولك..
نفسي ترحل بي رحيلك ..
مره ماشه و مره جايه ،،
و مره ترتاح في مقيلك ..
و مره تسهر تطوي ليلك ،،
تزرع الود في المناطق
فجه فجه !!
ما انت ساحتي الممطرة ،،
وكنت من قبال مجيئك حاجه تانيه ،،
و يوم لقيتك حاجه تانيه !!!
بتروي عنك أغلى صفحات الكتب ،
و التواريخ العظيمه !
و يروي عنك كل معلم في البلد ،،
المتاحف و الميادين الحزينه !
و كل نبضه ، و كل همسه
و كل نخله ، و كل نيمه !
و قالوا عنك نجمه وسط المزهريه !
وحاجه نادره ، و ما بتمر في الدنيا ديه !!
كنت انت الفرحه للروح الشقيه ،،
و كنت من قبال مجيئك ، حاجه تانيه ،،
و يوم لقيتك ، حاجه تانيه !
و لسه بستناك تجينا ، و نحكى للعالم ،
حكاوينا القديمه !!
و نحكي عنك للمعالم في البلد ،،
نحكي عنك للبشر ، عن كل قيمه !!!
شان نشدو بيك و تشدي بينا ،،
و تبقي فينا تبشرينا ،، بالأغاني الجايه ،
و الحقب العظيمه !!!
يا نجمه وسط المزهريه ، و حاجه نادرة ،
و ما بتمر في الدنيا ديه !!!
ألف تحية
|
Post: #23
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: مامون أحمد إبراهيم
Date: 09-13-2014, 09:18 AM
Parent: #20
| Quote: ده الكلام يا ابو الزمل |
ياسلام عليكما معاً أساتذتي الكرام !
أتمنى أن أكون ( تحت رعاية أستاذنا الموصلي ) ،، وعند حسن الظن ..
يلا برضو شوف الجاية دي يا موصلي ( قصيدة طويلة ) هل يمكن استنباط ما يمكن أن يُغنى منها ؟! أو ممكن يطلع من الفسيخ شربات ؟!
نجمه وسط المزهرية
قبل ما أشوفك عشقتك وعشتك
ونحن فى المدن القديمه ،،
الفي ورى الوقت المشا ..
قبل ما أشوفك بحبِك و أنت جواى
حاجه دايما مدهشه !
انت مسرح
انت نادي ومزرعه ..
انت واحه و انت وادي ،
و انت ساحه مزغرده !
ما انت جواي
حاجه دايما مدهشه !!
قبل ما اشوفك عرفتك
في الأغاني الغايبه ،
والكلمه الدفينه ..
في الحدائق الأثريه ،
وفى الأهازيج الشجيه ،
و في الحكاوي المااتحكت !!
كنت في داخلي المعاني الشيقه ،
من تسابيح الفصول ،،
و من مصابيح السما
الإتألقت فوق الحقول ،،
لما الشمش ما كان بتغرب أو تزول..
و اوكاتنا ما عرفت غيابات الأفول !
و لا حتى عمر الزهر ،
أفناهو الذبول !
لما الربيع كان كل لحظة وكل يوم ،
و القمره ما ضلت طريق ،،
وإتلبدت خلف الغيوم !..
في ناحية ما خفتت علي
آفقا أنوار النجوم !..
ونفوسنا ما كتلا الحزن
وإتذوقت طعم الهموم !!
وانا كنت شايلك في الصميم
وفي حشا الزمن القديم !!!
........
ما كنت عارف وين ألاقيك ،،
فتشت عنك في المساحات العريضه ..
و سألت عنك في الحقيقه ،
و في البلاد التايهه والصور البعيده..
سألت عنك في كلامنا الراقي ،
و محطات القصائد ..
وفي الحقيبه ،، و كل أبعاد الموسيقى !!!
من زمان أنا كنت حاضنك في حشاي..
و كنت أنت معاي غناي ،،
في الضواحي النايمه ، و القرى المنسيه..
و كنت أنت معاي خطاي ،،
و لسه انت معاي مواويلي الصبيه !
وكنت من قبال مجيئك ، حاجه تانيه ،،
و يوم عرفتك حاجه تانيه ..
ياكى زولتي و ياني زولك..
نفسي ترحل بي رحيلك ..
مره ماشه و مره جايه ،،
و مره ترتاح في مقيلك ..
و مره تسهر تطوي ليلك ،،
تزرع الود في المناطق
فجه فجه !!
ما انت ساحتي الممطرة ،،
وكنت من قبال مجيئك حاجه تانيه ،،
و يوم لقيتك حاجه تانيه !!!
بتروي عنك أغلى صفحات الكتب ،
و التواريخ العظيمه !
و يروي عنك كل معلم في البلد ،،
المتاحف و الميادين الحزينه !
و كل نبضه ، و كل همسه
و كل نخله ، و كل نيمه !
و قالوا عنك نجمه وسط المزهريه !
وحاجه نادره ، و ما بتمر في الدنيا ديه !!
كنت انت الفرحه للروح الشقيه ،،
و كنت من قبال مجيئك ، حاجه تانيه ،،
و يوم لقيتك ، حاجه تانيه !
و لسه بستناك تجينا ، و نحكى للعالم ،
حكاوينا القديمه !!
و نحكي عنك للمعالم في البلد ،،
نحكي عنك للبشر ، عن كل قيمه !!!
شان نشدو بيك و تشدي بينا ،،
و تبقي فينا تبشرينا ،، بالأغاني الجايه ،
و الحقب العظيمه !!!
يا نجمه وسط المزهريه ، و حاجه نادرة ،
و ما بتمر في الدنيا ديه !!!
ألف تحية
|
Post: #25
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: مامون أحمد إبراهيم
Date: 09-16-2014, 03:45 PM
Parent: #23
لمزيد من القراء
تحياتي
|
Post: #26
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: مامون أحمد إبراهيم
Date: 09-19-2014, 05:36 PM
Parent: #25
إلى حين وصول باقي البنيات
|
Post: #27
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: Elmosley
Date: 09-20-2014, 10:29 AM
Parent: #26
Quote:
من يومي داك لليلة ما ارتاح السفر !
والليلة فوق الليلة شايلات القمر ..
جنبو السِماك ! ...
.....
مرات يفوت ..
ولمن يفوت ، أنا عمري فات ،
وزمنو روَح في السراب واتلاشى غاب ! ..
.....
مرات يغيب ..
ولمن يغيب العمر بنتابو الخراب ،،
ويتلاشى من طول الغياب ! ...
.....
وأنا عمري كم ؟! ، ضهبن مشاويرو الطوال ،،
ووقف وحيد ، يتشابا لى نجماً بعيد ،،
يظهر غرب ويضوي فوق ناس الصعيد ! ...
.....
أنا عمري ما عمر الشمش ،
لمن تجي ولمن تغيب !.. أنا عمري بيك ! ..
النظرة من عينيكِ عيد ! ..
عينيك بتضوي البلد !
نور بسمتِك عالم جديد ،
وزمن جديد بيبشِر الناس بالخلود !...
..... |
قول واحد عزيزي مامون
النص الكامل
هو نص للقراءة عظيم ولكن كآغنيه في الالفية الثالثة سيكون صعب التنفيذ
انا اخترت الجزء اعلاه واعتقد بانه اغنية متكامله موحدة بفتح الحاء تارة وبكسرها تارة اخرى
اشاره منك وعيك
كل الود
كما اقترح تعديل زمنو الى زمانو
وتسلم
|
Post: #28
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: مامون أحمد إبراهيم
Date: 09-20-2014, 05:22 PM
Parent: #27
Quote: انا اخترت الجزء اعلاه واعتقد بانه اغنية متكامله موحدة بفتح الحاء تارة وبكسرها تارة اخرى
اشاره منك وعيك
كل الود
كما اقترح تعديل زمنو الى زمانو
وتسلم |
Go a head my dear
تم التعديل إلى زمانو بأمر الأستاذ الموصلي
أوافق بدون أي شرط
ألف تحية يا أستاذ .. أمنياتي بالتوفيق .. وواثق جداً !
ألف شكر
|
Post: #29
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: مامون أحمد إبراهيم
Date: 09-20-2014, 06:21 PM
Parent: #28
السِماك
من يومي داك لليلة ما ارتاح السفر !
والليلة فوق الليلة شايلات القمر ..
جنبو السِماك ! ...
.....
مرات يفوت ..
ولمن يفوت ، أنا عمري فات ،
وزمانو روَح في السراب واتلاشى غاب ! ..
.....
مرات يغيب ..
ولمن يغيب العمر بنتابو الخراب ،،
ويتلاشى من طول الغياب ! ...
.....
وأنا عمري كم ؟! ، ضهبن مشاويرو الطوال ،،
ووقف وحيد ، يتشابا لى نجماً بعيد ،،
يظهر غرب ويضوي فوق ناس الصعيد ! ...
.....
أنا عمري ما عمر الشمش ،
لمن تجي ولمن تغيب !.. أنا عمري بيك ! ..
النظرة من عينيكِ عيد ! ..
عينيك بتضوي البلد !
نور بسمتِك عالم جديد ،
وزمن جديد بيبشِر الناس بالخلود !...
تم التعديل لى ( زمانو )
أوقع وأبصم بالعشرة !
ولكن لا أخفي عليك أستاذي الموصلي ، حسرتي وحزني على الجزء التالي : ( لأنو عزيز علي جداً ) :
وفي ظل هواك الدهر إيه ؟!!
انسى التواريخ والسنين ،
وأنسى الزمان الما حواك ،
واخلد بروحي الما بتشيخ !!...
......
اتهنى بيك طول الزمان ،، اتغنى بى روعة بهاك !
ما إنت عالم من فرح ، وبهاكِ زي وردالخريف !!
وهواكِ نهر من الخلود ، ماليهو قيف ..
لمن يفيض زي البحيرة الفوقا نيل ،،
و يطل علي زي الملاك يوم الخليل !
واحسو زي ضل الزمان الرامي بى غيماَ بهيل ! ...
فإن اضفته بكون حلو جداً ،، وإن لم تضفه فبها .. وأكيد إنت الأدرى !
خالص شكري وتحياتي
|
Post: #30
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: mohmed khalail
Date: 09-20-2014, 09:52 PM
Parent: #29
المأمون,,
جميل ان نكون برفقة هذا الجمال..والاجمل
ان يكون بيننا ابو الزمل الموسيقار الجميل الموصلي..
ويا موصلي ياخ اشتاقك الباسفبك ..غيابك طال..
تحياتي والمودة
|
Post: #31
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: مامون أحمد إبراهيم
Date: 09-21-2014, 04:04 PM
Parent: #30
Quote: والاجمل
ان يكون بيننا ابو الزمل الموسيقار الجميل الموصلي..
ويا موصلي ياخ اشتاقك الباسفبك ..غيابك طال..
تحياتي والمود |
ألف سلام وتحية وشوق إليكما معاً
سلامات يا خلي ياخي ،، إنت الأجمل ..
أستاذنا الموصلي ده حلم من احلامنا القديمة !
نجم من نجوم زمن الصبا ! ،، كنا بنهاجر ليهو هجرة !
تحيات يا جاري المرتقب
|
Post: #32
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: mohmed khalail
Date: 09-22-2014, 00:20 AM
Parent: #31
سلامات يا مأمون
وما دام المقام مقام شعر اليك بعض من اخر ما كتبنا..
Quote: جبتي المطر شايل فرح
لي ورد مستني الفراش
صنقع يقارع من زمن
في دمع من اللهفة جاش
ولقاكي بين بينين
إصدق ولا ..لا..
لكنو باش
كان كذّبكِ..
ما بيأمن الزرع المطر
كان صدّقكِ..
عمرو القصير بصبح دهر
والدنيا تتمدد دعاش
ونثرتي في الروح الشذى...
فإتوسم الزمن إنتعاش
ما إنكمش باقي الفرح
والإنكماش..
إنو الزهر يصبح ضنين
إنو الأحاسيس تنزوي
بره السنين
لكن رجوعك من عزوف...
غير حظوظ الإندهاش
أصبح حقيقة وممكنه
يا نابعة من..
شهقة رحيق السوسنه
كيفن بِكِون الحال
بدون طلة عيونك
من دواخلنا الهِنا
كيفن بَكَون غيرك انا
لو ما عِتِرتَ عليكِ
في سكة و زمان
يا حليلي كان...
ما كنت توجتك شعر
أيقونة من وهج السنا
أو كنت خلدتكِ ..
أساطير من غُنا
ما كنتَ موسقتك حروف
توزن مزاج الدندنه |
في هذا الخيط
http://www.sudaneseonline.com/board/470/msg/1411287252.html
مودتي التي تعرف
|
Post: #33
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: مامون أحمد إبراهيم
Date: 09-22-2014, 03:59 PM
Parent: #32
Quote: لكن رجوعك من عزوف...
غير حظوظ الإندهاش
أصبح حقيقة وممكنه
يا نابعة من..
شهقة رحيق السوسنه
كيفن بِكِون الحال
بدون طلة عيونك
من دواخلنا الهِنا
كيفن بَكَون غيرك انا
لو ما عِتِرتَ عليكِ
في سكة و زمان
يا حليلي كان...
ما كنت توجتك شعر
أيقونة من وهج السنا
أو كنت خلدتكِ ..
أساطير من غُنا
ما كنتَ موسقتك حروف
توزن مزاج الدندنه |
وأنا مندهش ومذهول جداً يا خلي ! أيه الروعة دي ! ويالها من ايقونة من وهج السنا !
يا سلام عليك !
|
Post: #34
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: Elmosley
Date: 09-22-2014, 06:44 PM
Parent: #30
Quote: المأمون,,
جميل ان نكون برفقة هذا الجمال..والاجمل
ان يكون بيننا ابو الزمل الموسيقار الجميل الموصلي..
ويا موصلي ياخ اشتاقك الباسفبك ..غيابك طال..
تحياتي والمودة |
محمد ود خليل
يازميل وجميل
كيف الحال والله اشتقت ليكم وللباسيفك
وقدمت طلبي لكن الجماعه هنا مكنكشين تب
بس حأنتهز أول فرصة ان شاء الله
بالله سلم على المدام الراقيه ولطيفة
|
Post: #35
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: مامون أحمد إبراهيم
Date: 09-26-2014, 09:27 PM
Parent: #34
Quote:
المأمون,,
جميل ان نكون برفقة هذا الجمال..والاجمل
ان يكون بيننا ابو الزمل الموسيقار الجميل الموصلي..
تحياتي والمودة |
|
Post: #36
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: Elmosley
Date: 09-30-2014, 09:09 AM
Parent: #35
ليس بغريب ان يشرق هذا الجمال
من دواخلك المضيئة عزيزي مآمون
|
Post: #37
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: مامون أحمد إبراهيم
Date: 09-30-2014, 11:03 PM
Parent: #36
Quote: ليس بغريب ان يشرق هذا الجمال
من دواخلك المضيئة عزيزي مآمون |
عزيزنا الموصلي ،،، كيفك وكيف الأهل .... هنالك صورة لك مع بناتي وهن أطفال بالدوحة قبل أكثر من عشرة سنوات ... لكن للأسف صادرها الخال العزيز/ محمود أمين مع مجموعة من الصور !! البنات زعلانين عليها زعل شديد ! .. على أي حال محمود أمين معاكم بهناك !
إن كان ثمة ضي بالدواخل ، فبه قطع شك ، بصيص من ذلك الجمال الذي تشربناه زمانا من فنكم الأصيل !
تحياتي
|
Post: #38
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: مامون أحمد إبراهيم
Date: 10-04-2014, 08:01 AM
Parent: #37
وبألف خير وصحة وعافية
تعود الأيام بالصحة والسلامة عزيزنا الموصلي وتهانينا بالعيد السعيد لجميع الأهل
القصيدة الجاية يا موصلي حتكون خطيرة ومرشحنها ليك أو لصنوك أبوعركي البخيت .. وكل عام وأنت هو بألف خير وصحة وعافية ... وهي بعنوان :
... أمنيات غير مستحيلة ...
فترقبوها
|
Post: #39
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: مامون أحمد إبراهيم
Date: 10-06-2014, 11:21 PM
Parent: #38
أها شوف دي يا موصلي ،، فإن لم تك أنت فليكن حبيبنا أبوعركي البخيت !
يا ريت والله !
أمنيات غير مستحيلة
يا ريتني لو أنا حتى غابة بتحمل أقوات الغلابة ،
أو كنت فوق الصيف سحابة بتمسح احزان الكآبة ..
أو كنت حاجة بتشدو جوه غُنا الربابة ,
تخلِّص الناس من عذابا !
ياريتني لو أنا كنت نسمة ,
بتسري فوق قمم الرحابة ,,
تشيل من الأيام صعابا !
أو كنت بسمة ترجِّع الروح لى شبابا !
أو كنت نغمة على وتر ,,
ما أصلو زول في الدنيا جابا ! ..
أو فكرة رايعة على قلوب ما انسدا بابا !...
يا ريتني لو أنا كنت يُمة وكنت يابا ,
للمرابطين في متاهات الخرابة !
وللنفوس التايهة في زمن الحرابة !!! ...
أريتني لو أحرف مُضيئة على الكتابة ،،
بتكْسِّر أقلام الرتابة !!
وترجِّع أوكاتنا العظيمة من اغترابا !
وتبقا واحات للبشرْ .. تبقا للوادي النهر ..
تبقا للعطشان مطر .. تبقا للضهبان شجر ..
وتبقا للمشتاق عناق بعد السفر !!!
تبقا للبستان ثمر .. تبقا للأغصان زهر ..
وتبقا للأطفال , حكاوي مع السحر !
تبقا الشمِش ،، تبقا القمر ..
تبقا الشروق ،، تبقا الفجُر ،،
تبقا الظلال عز الضُهُر !!!
تبقا المدارس والحقول ،،
تبقا الحدائق والنخيل !
تبقا الرواح ،، تبقا المقيل ..
تبقا الهنا , وتبقا الغُنا..
وتبقا المُنى الما مستحيل !!!
..................................
|
Post: #40
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: مامون أحمد إبراهيم
Date: 10-07-2014, 10:29 AM
Parent: #39
*
|
Post: #41
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: Elmosley
Date: 10-07-2014, 07:10 PM
Parent: #39
ياسلام على الامنيات الطيبة
اوعدك ارسله لي عركي
|
Post: #42
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: محمد سنى دفع الله
Date: 10-08-2014, 08:09 AM
Parent: #41
شوفت التعصب والتزمت بعمل شنو كده كويس تقعد تفتش في الشعر القبيل
بعدين الكتابة الاولى ما بجي زيها
الدفقة الاولى فيها كل الالهام وشيطان الشعر زاتووو
الحمدلله في القصايد الحلوة دي ونتمنى تشوفة ونسمعه اغنيات
تحياتي الندية ومحبتي الابدية
وعيدكم عسل
|
Post: #44
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: مامون أحمد إبراهيم
Date: 10-08-2014, 03:53 PM
Parent: #42
Quote: شوفت التعصب والتزمت بعمل شنو كده كويس تقعد تفتش في الشعر القبيل
بعدين الكتابة الاولى ما بجي زيها
الدفقة الاولى فيها كل الالهام وشيطان الشعر زاتووو
الحمدلله في القصايد الحلوة دي ونتمنى تشوفة ونسمعه اغنيات
تحياتي الندية ومحبتي الابدية
وعيدكم عسل |
أبونا ( فنياً ) السني الماهل السمح ود دفع الله! ... عيدكم فل و ورد وياسمين وأزاهر ! .... الحمد ليهو على السلامة ! وقعت في جب يا السني 4 سنين الله لا عادها من 76 لى 80 ! لكن مرقت بى اعجوبة ,, ساقوني سواقة عجيبة لامن جابوني جنب ( العرديبة ) ! هناك اتغسلت صاح ، والمرقة الياها !... الغريبة جنب العرديبة ديك كان بقيف جنبي الموصلي ده ذاتو ! حاجة عجيبة ،، تلف الأيام وتاني أقابل استاذي الموصلي ،، في ظل العرديبة الإسفيرية دي ! ... انشالة المرة دي نتوزن ونتزودن صاح ! ...
والله زمن يا السني ،، يا ألطاف الله !
عيدكم سعيد وبخيت ... وعيدنا بيكم أسعد !
|
Post: #43
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: مامون أحمد إبراهيم
Date: 10-08-2014, 03:33 PM
Parent: #41
Quote: ياسلام على الامنيات الطيبة
اوعدك ارسله لي عركي |
ولك شكري الجزيل وامتناني يا موصل الخير والفن والجمال
ألطف تحياتي وأشواقي
|
Post: #45
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: مامون أحمد إبراهيم
Date: 10-09-2014, 11:20 AM
Parent: #43
| Quote: اوعدك ارسله لي عركي |
ويا حبذا لو جعلته يضيف إلى ( زيتونته الخدرة ) , زيتونة !
تحياتي وأشواقي
|
Post: #46
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: مامون أحمد إبراهيم
Date: 10-14-2014, 10:21 PM
Parent: #45
الأخ الباشمهندس/ عصام حسن الفكي .. الرياض ..
مشتاقين كتير والله وللجيران والحلة.. وكل عام وأنتم بألف خير وصحة وعافية ...
القصيدة الطلبتها قيد البحث ،، وجدت أغلب أبياتها بكراسة قديمة بالسودان !
حانزلها هنا قريب تلبية لرغبتكم الغالية ..
تحياتي وأشواقي
|
Post: #47
Title: Re: الناجيات من الوأد ( يا موصلي ) ! ... حينما دفنت بناتي وهن حيات !
Author: مامون أحمد إبراهيم
Date: 10-18-2014, 08:23 PM
Parent: #46
إلى حين عودة
|
|