Post: #1
Title: معقوله ماشفتو الحاصل في سواكن
Author: حامد بدري
Date: 09-07-2014, 05:43 PM
Parent: #0
بدات رحلتنا في منتصف رمضان عبر الباخره نور باعبود ام مكنه واحده للاسف اكتشفناها في نص البحر من جده جينا بعد الافطار وركبنا الباخره حوالي عشره مسا اتحركت من المرسى حوالي الرابعه صباحا صحينا قريب المغرب على امل نفطر سواكن استعلمنا الاستقبال قال حنصل تلاته صباحا وبدت الكركبه في شنو الحاصل شنو المهم من خلال الونسه عرفنا انو الباخره نور ماشه بي موتور واحد وحركوها عشان يفكو الزحمه يعني لو ردفت سبيكه او قطعت وش راس او شحطت بستم معناتا عناية الله والموج والهوا تقيف عدن تمشي الصومال ماشغلوم وعشان القصة دي الباخره ماشه باقل من سبعه عقده بحريه المهم صلوات ودعوات وعناية الله ظهرت ابراج الجوال وانوار مينا بشائر والبورو بورسودان وسواكن قلنا بعد كده نتمها خواضه
في الباخره وعشان ساعات الابحار كانت مدبله انفتحت ونسه عن وضع البواخر واكتشفنا انو في واحده معلقة في الشعب في جبل اسمها موده تتبع لشركة نما للملاحه كانت جايه لي جده للاسف يقال بانو القبطان مشغول بكاس العالم كان ولحظة الاصطدام جرى كابينة القياده مخلوع واداها سرعه زياده دخلها خمسين متر في الجبل واتعلقت مكانا واتخيلو المنظر بعداك غايتو عناية الرحمن لولاها فكل الاسطول الشغال في الخط مفروض للسكراب
نواصل
كان مناي اشارك في كم بوست عن الموضوع للاسف مالقيت ولا بوست بالجد البركب طريق البحر ده لمرة واحده ماظنيت تاني يعاود
|
Post: #2
Title: Re: معقوله ماشفتو الحاصل في سواكن
Author: حامد بدري
Date: 09-07-2014, 06:02 PM
Parent: #1
زميل غربه من ابناء الحوش الجزيره جاي من هناك سفر وارهاق ومعاناة في سواكن بلغت اليوم بوفاته بعد وصوله لجده تعازينا لاسرته وربنا يكون في عون ابنائه وبناته ويعوض شبابه الجنه
|
Post: #3
Title: Re: معقوله ماشفتو الحاصل في سواكن
Author: حامد بدري
Date: 09-07-2014, 06:16 PM
Parent: #2
نور ركبناها بعد افطار رمضان والما شال الزواده اكل نيم عديل زوادتي نسيتا في باظ المينا لامن اذن المغرب غايتو الشهادة لله ناس الغرف ادوهم وجبة افطار دي حسنتوم الوحيده لولاها كان صمنا اليومين المتتالين عادي وبوفيه الباخره مع العلم انو وجبه واحده ورمضان بدل يجهزها ويختها في صحون جاهزة مديهم الصف والكبسيبه ناسين انو المغتربين سنه ناعمه مابتحملو
ناس موده بتاعين نما لحقو الركاب بي لنشات وفرطاقات من سواكن انقذو ركابوم مع العلم بواخروم ضخمه جدا وبتشيل فوق الالف وميتين راكب العربات والترلات والبضاعه العوض علي الله وصاحب الشركه جرى الامارات والصين والسعوديه عشان يطلع باخرتو بعد طلعو الركاب اريتا لو بلعا بحر احمر
|
Post: #4
Title: Re: معقوله ماشفتو الحاصل في سواكن
Author: حامد بدري
Date: 09-07-2014, 06:31 PM
Parent: #3
وصلتنا سواكن تلاته صباح الاتنين لاحظو ركبنا يوم السبت عشره بالليل من جده والطاقم ودعنا حمدا لله على السلامه شباب سودانيين اخلاق وطيبه ومعامله كويسه للاسف في باخره ميتانه بذكر جيدا السفتي مان حسن ومساعدو والطبيب والكادر الصحي المساعد ليو امراة من نيل ونخيل يعلم الله ماقصرو قدر ماهو متاح ليهم من امكانات والكابتن بنفسه يحمل الحقايب للمسافرين ويفسح الطريق لخروج العوايل اولا ودي كانت لينا جرعه خففت علينا عذاب المشوار والجوع
نزلتنا فكرنا نختم الجواز وجري نشوف سحور هههههههههههههاي سحور قال مويه زرقا مالقيناها ركبنا العربات وجري للتفتيش ابو ليزر اخر تكنلوجيا في بنايه متهالكه مافيها لاحمام لامطعم لاجركن مويه ننوي بيو صوم الاتنين قال هي لله وحات الله انتو الله مابتخافو على الاقل اعملو صاله استراحه حريمي اطفالي بي حمامات ابسط حق للانسان بدل تخمو قروشنا وتدوها المهاجر السماسره السعرانين
|
Post: #5
Title: Re: معقوله ماشفتو الحاصل في سواكن
Author: حامد بدري
Date: 09-07-2014, 06:37 PM
Parent: #4
ياطوربيد ماتشتري البوستي ده مني انا جاي من هناك او تعال ادينا العندك جنس غايتو
الحمد لله بوسطيني قبلك
|
Post: #6
Title: Re: معقوله ماشفتو الحاصل في سواكن
Author: حامد بدري
Date: 09-07-2014, 06:56 PM
Parent: #5
بعد التفتيش ناس المهاجر بي سماسرتم الاكتر من ركاب الباخره بقسمو الغنايم قصدي استمارات العربات لي ناسوم ماعارف السبب شنو لي مانقيف برانا نخلص الاجراءات المهم تفتش تلقا زولك المدنو الاستماره وتبدا في اجراءات في صالتين بس ود الاحد قبر الكافر وعاصي المولى وناس جوه وتحت التربيزه اكتر من ناس برره
اول حاجه بقولو ليك التاشيره الالكترونيه مطبوعه تقوليم ماعندي يقولو ليك تلتين جنيه بشيلا واحد بي جلابيه بي تنسيق مع ناس الجمارك بعملو قسم السيد مع بعض احتجيت على القصة دي الملازم ابو دبورتين وهايلكس غمارتين قالي نحنا متخلفين جيب الورقيه ماعندنا قضيه بي ابشر ولا كبشر ياسعادتك اوراق التربتك وتاشيره خروج من ميناء جده مامقنعاك اتا بتاكل الرشوه في رمضان لحظتا جوازي كان طاير حامد بريمه في مباراة البيره الكيني شووووووووووووووو وقع وين مابعرف قالي الليله اتا اخر واحد تطلع من هنا
|
Post: #7
Title: Re: معقوله ماشفتو الحاصل في سواكن
Author: بشير أحمد
Date: 09-07-2014, 07:33 PM
Parent: #6
تحياتي اخي حامد..
وحمدلله علي سلامة الوصول...
نفس معاناتك عشتها في سواكن في طريق العودة الي جدة...
تعطل باعبود ونما عمل زحمة في رحلة العودة وتكدس المسافرين في سواكن..
اول مرة في حياتي أتو الواسطة..وجرّيت الخمسين من قولة تيت
وركبت الباخرة اول واحد...وفي نفسي حسرة على من انتهت تاشيرات سفرهم في سواكن..
_____
في اول يوم تم اعتقالي من طرف جهاز الامن والمخابرات الوطني..(قال كوز قال)ههههه
تم اطلاق صراحي خلال 15دقيقة ...بسبب شفرة دكتور الغنم ..من كبيرهم في الخرطوم..
تم الاعتذار وسلامات والمابيعرفك بيجهلك يادوك..
السبب شنو ...ساشرحه لاحقا..
|
Post: #10
Title: Re: معقوله ماشفتو الحاصل في سواكن
Author: حامد بدري
Date: 09-08-2014, 06:42 AM
Parent: #7
Quote: تحياتي اخي حامد..
وحمدلله علي سلامة الوصول...
نفس معاناتك عشتها في سواكن في طريق العودة الي جدة...
تعطل باعبود ونما عمل زحمة في رحلة العودة وتكدس المسافرين في سواكن..
اول مرة في حياتي أتو الواسطة..وجرّيت الخمسين من قولة تيت
وركبت الباخرة اول واحد...وفي نفسي حسرة على من انتهت تاشيرات سفرهم في سواكن..
_____
في اول يوم تم اعتقالي من طرف جهاز الامن والمخابرات الوطني..(قال كوز قال)ههههه
تم اطلاق صراحي خلال 15دقيقة ...بسبب شفرة دكتور الغنم ..من كبيرهم في الخرطوم..
تم الاعتذار وسلامات والمابيعرفك بيجهلك يادوك..
السبب شنو ...ساشرحه لاحقا.. |
الله يسلمك اخ بشير وحمدلالك بالسلامه
بالنسبة للعودة فلكل مسافر قصة ومأساة واظنك سمعتا بقصة اختنا الوقعت تووووش بحر احمر اي والله كانت حاجزه في نما والباخره اتحركت وهي مخليا وليداتا طرف الباخره مشت تعمل الاجراء وباقي على تاشيرتا يومين فقط فطوالي عشقت جوه المويه لولا عناية الله الحاضرة دوما من اجل الغبش المساكين انقذوها واسعفوها وركبوها دهب بعد عرفو قصتا
لو ماواسطتتك كان علا تقع البحر يااخوي وده ظاتو بورينا انو يالسعوديه يالبحر قعاد البلد بقا نار مافي خيار الله يازاهم لاريحونا جوه لاخلونا نغادر بكرامه
منتظرك تكمل موضوعك ولو عندك شئ للبوست
|
Post: #11
Title: Re: معقوله ماشفتو الحاصل في سواكن
Author: بشير أحمد
Date: 09-08-2014, 06:48 AM
Parent: #10
| Quote: واظنك سمعتا بقصة اختنا الوقعت تووووش بحر احمر اي والله كانت حاجزه في نما والباخره اتحركت وهي مخليا وليداتا طرف الباخره مشت تعمل الاجراء وباقي على تاشيرتا يومين فقط فطوالي عشقت جوه المويه لولا عناية الله الحاضرة دوما من اجل الغبش المساكين انقذوها واسعفوها وركبوها دهب بعد عرفو قصتا |
موش سمعت بس ..كنت شاهد عيان عدييل من فوق سطوح الباخرة دهب..وجات معانا في نفس الرحلة يوم الاتنين 2/9/2014..
كان موقف رهيب ..
|
Post: #13
Title: Re: معقوله ماشفتو الحاصل في سواكن
Author: حامد بدري
Date: 09-08-2014, 07:04 AM
Parent: #11
Quote: موش سمعت بس ..كنت شاهد عيان عدييل من فوق سطوح الباخرة دهب..وجات معانا في نفس الرحلة يوم الاتنين 2/9/2014..
كان موقف رهيب |
ربنا نجاها بالجد ماساة ماساة
طيب البودره الراشنها للمرقوت في دهب شفتها غايتو زولي مرق خلا الغرفه للسطوح عشان المرقوت ارحم من ريحة الجمكسين والسفتي مان بقول الباخرة مابتؤووووفش يابيه امتى حنضفها دي عايزالها اسبوع كامل ونظام معين للتنضيف رووووح ياجدع كلم حكومتك غايتو انا استفزاز المصرييين وضحكوم علينا ده كان لي مراد اختف واحد منهم واقع بحر احمر غايتو وقعان البحر بجيب نتيجه تاني
|
Post: #34
Title: Re: معقوله ماشفتو الحاصل في سواكن
Author: Haytham Ghaly
Date: 09-11-2014, 09:45 AM
Parent: #7
Quote: اول مرة في حياتي أتو الواسطة..وجرّيت الخمسين من قولة تيت
وركبت الباخرة اول واحد...وفي نفسي حسرة على من انتهت تاشيرات سفرهم في سواكن..
|
قال اول مرة يستعين بالواسطة ههههههههههههههااااااااااااي
والله الا الله ينزل آية عشان نصدقك
ومتحسر على التاشيراتم انتهت بللللااااي يا رقيق يا انساني
طيب ما انت ركبت في محل واحد فيهم ضميرك ليه ما انبك وقعدت
انتظرت فرصتك ودورك عشان تحصد خراب حكومتك البتدافع عنها لكل مرافق الدولة
لكن الانانية الكيزانية البغيضة مستحيل تخليك فانت شايف نفسك احسن وارفع مكانة
من غيرك. قال متحسر قوم لف بلا يبلاك
+++++++
اخونا وحبيبنا حامد بدري سرد جميل لقصة معاناة والم
ومعليش على المداخلة الخارج سياغ الموضوع
بس في بلنتيات كدا مااااا بتتفوت يا حبيب
لك مودتي واعتذاري مرة اخرى
ومتابعين
|
Post: #36
Title: Re: معقوله ماشفتو الحاصل في سواكن
Author: حامد بدري
Date: 09-11-2014, 10:40 AM
Parent: #34
هيثم مسا العوافي عليك اخوي
اتا مداخلتك دي حشرتها متين انا ظاتي ماشفتا ياااخ
بعدين زنقت سواكن كعبه ياااا نسيبي بي الواسطه غلبتو التذكره بالبحر اغلى من الجو
البوست بوستيك اتفضل بس عليك الله من غير بلنتيات فالضيف في حمايتنا
|
Post: #8
Title: Re: معقوله ماشفتو الحاصل في سواكن
Author: Hani Arabi Mohamed
Date: 09-07-2014, 11:32 PM
Parent: #1
موضوع كوبري جدة حلايب حاصل فيه شنو ؟
|
Post: #12
Title: Re: معقوله ماشفتو الحاصل في سواكن
Author: حامد بدري
Date: 09-08-2014, 06:56 AM
Parent: #8
| Quote: موضوع كوبري جدة حلايب حاصل فيه شنو ؟ |
مرحبا هاني وصباحك عافيه تاني امشو البحرين اي بلد كويس وممكن تقطعو تذاكر لي ربعكم هناك يجوكم تتقابلو تسوحو وتموحو وبالمناسبة النقطتين بتاعت جوازات المملكة والبحرين دمجوهم في نقطه واحده يعني الخروج والدخول بكان واحد هذا من ناحية من ناحية اخري المزدوج بتاع الكبري طولو خمسة وعشرين كيلومتر اجازو ميزانتو فرق بين حكومة بتفك الزنقه وبين حكومت الخنقه والكمدة بالرمدة
الخط يااخوي خسران مامجدي تجاريا وادارة المواني بدل تخفف الجبايات والضرايب على البواخر وتسهل امرها للوقوف بتاخد مبالغ طائله مقابل خدمات رديئه وزمن وقوف طويل وعندك اقرب مثال الباخره ادرياتيكا باخره مبالغة كانت مدينه عائمه ونضيفه جدا اشتغلت موسمين والان شغاله ليبيا مصر برضو ماتنسا باخرتنا الباعوها في الارجنتين والغرقت والباعوها بتراب الفلوس ديل ناقة صالح ياكلوها ويدونا الكواريك في المكرفونات اقتصادنا شهد خطوات وشهد كيلو مترات واطنان كضب بس
|
Post: #9
Title: Re: معقوله ماشفتو الحاصل في سواكن
Author: عوض جاه الرسول
Date: 09-08-2014, 06:26 AM
Parent: #1
Quote: عرفنا انو الباخره نور ماشه بي موتور واحد وحركوها عشان يفكو الزحمه يعني لو ردفت سبيكه او قطعت وش راس او
شحطت بستم معناتا عناية الله والموج والهوا تقيف عدن تمشي الصومال ماشغلوم وعشان القصة دي الباخره ماشه باقل من سبعه عقده بحريه
المهم صلوات ودعوات وعناية الله ظهرت ابراج الجوال وانوار مينا بشائر والبورو بورسودان وسواكن قلنا بعد كده نتمها خواضه |
اخونا / حامد بدري
سلام من الله يغشاكـ وممتنين على تنويركـ للناس عبر هذا البوست ،
لدي صور ووثائق عن رحلتي من جدة لسواكن يوم29 رمضان وكنت انوي فتح بوست قدر الليلة وبكرة لسرد المآسي
لكن كثرة المشغوليات حالت دون ذلكـ .
الباخرة نور فعلاً انقذت الموقف بنقل اعداد كبيرة رغم بطئها ومكوثنا لاكثر من عشرون ساعة ابحار.
وتعمدت لقاء قائد الرحلة (كابتن / كمال الدين عباس العمري) واكد بانه وقع اتفاق مع الجهات المعنية بتسيير الباخرة نور
قبل اتمام الصيانة اللازمة
بشرط ان تستغرق الرحلة (20) ساعة ابحااار.
ولي عوده...
|
Post: #14
Title: Re: معقوله ماشفتو الحاصل في سواكن
Author: Asim Fageary
Date: 09-08-2014, 07:31 AM
Parent: #9
ي
ا حامد بدري يا ود العم كيفك ليك وحشة
ياخي إنت زول قاص وسردك متعة واصل مستمتعين بالحكي اللذيذ
|
Post: #16
Title: Re: معقوله ماشفتو الحاصل في سواكن
Author: حامد بدري
Date: 09-08-2014, 08:14 AM
Parent: #14
Quote: حامد بدري يا ود العم كيفك ليك وحشة
ياخي إنت زول قاص وسردك متعة واصل مستمتعين بالحكي اللذيذ |
انقتووو عاصم هكرفيجلو ان بلدلا نوركا حمدن تان تيقني
وخليك قريب شوف قصة العسكري بتاع المرور القرررب يطلعني من المله
|
Post: #15
Title: Re: معقوله ماشفتو الحاصل في سواكن
Author: حامد بدري
Date: 09-08-2014, 07:36 AM
Parent: #9
Quote: سلام من الله يغشاكـ وممتنين على تنويركـ للناس عبر هذا البوست ،
لدي صور ووثائق عن رحلتي من جدة لسواكن يوم29 رمضان وكنت انوي فتح بوست قدر الليلة وبكرة لسرد المآسي
لكن كثرة المشغوليات حالت دون ذلكـ .
الباخرة نور فعلاً انقذت الموقف بنقل اعداد كبيرة رغم بطئها ومكوثنا لاكثر من عشرون ساعة ابحار.
وتعمدت لقاء قائد الرحلة (كابتن / كمال الدين عباس العمري) واكد بانه وقع اتفاق مع الجهات المعنية بتسيير الباخرة نور
قبل اتمام الصيانة اللازمة
بشرط ان تستغرق الرحلة (20) ساعة ابحااار.
ولي عوده.. |
عوض صبحك الله بالخيرات
بالنسبة لموضوع نور عناية ربنا الانقذت الموقف مافي ميناء في العالم بسمح بابحار باخره بموتور واحد دي خطورة مامعروف عواقبا ايو عطل فيها معناتا كارثه انا لو عارف انو موتور واحد مابركب خصوصا والعائلة معي من حقنا نعرف انو موتور واحد عشان نقرر نركب ول لا
منتظر عودتك
|
Post: #17
Title: Re: معقوله ماشفتو الحاصل في سواكن
Author: اسامه العريفي
Date: 09-08-2014, 08:22 AM
Parent: #15
ود البدري
يازول الف حمد لله علي السلامة
اعتبر نفسك في سياحةوخلي كلام ناس الراحات ده
ود العريفي
|
Post: #18
Title: Re: معقوله ماشفتو الحاصل في سواكن
Author: محمد هاشم ابوزيد
Date: 09-08-2014, 08:30 AM
Parent: #17
ياه حالم دائما يا حامد بدري
زمان من سنين طويله سافرت بسفينه اسمها الجودي ، برضو كانت ماشه بمحرك واحد ،جلسنا 17 ساعه فوق سطح المركب.
كان وقتها قالوا ان الغبطان دخل بالسفينه في الشعب المرجانيه واعدم المحرك وصارت تمشي عرجاء بمحرك واحد.
ربنا يهون بس. حمد لله علي السلامه
|
Post: #21
Title: Re: معقوله ماشفتو الحاصل في سواكن
Author: حامد بدري
Date: 09-08-2014, 09:03 AM
Parent: #18
Quote: ياه حالم دائما يا حامد بدري
زمان من سنين طويله سافرت بسفينه اسمها الجودي ، برضو كانت ماشه بمحرك واحد ،جلسنا 17 ساعه فوق سطح المركب.
كان وقتها قالوا ان الغبطان دخل بالسفينه في الشعب المرجانيه واعدم المحرك وصارت تمشي عرجاء بمحرك واحد.
ربنا يهون بس. حمد لله علي السلامه |
الله بسعلك من الوكت بتاع الجودي بشتتو بي محرك واحد طيب ماكان تكلمونا هههههههههههههههه
بعدين قصة الدخول في الشعب والكتل الجبليه دي شنو معقول مافي جهاز ملاحه حديث بي خارطة طريق غايتو اتخييل ليا ممكن جوال جلكسي يقوم بالمهمة دي تصدق كنتا مفتكر حتى مراكب الانقاذ مزوده باجهزة رادار وملاحه نرجع ونقول خط جده سواكن ده مع الخررررد القاطعه البحر دي عناية الله بي عبادو بس
|
Post: #20
Title: Re: معقوله ماشفتو الحاصل في سواكن
Author: حامد بدري
Date: 09-08-2014, 08:53 AM
Parent: #17
Quote: ود البدري
يازول الف حمد لله علي السلامة
اعتبر نفسك في سياحةوخلي كلام ناس الراحات ده
ود العريفي |
ودالعريفي موشتاقين يامنقه باللبن كيفنك اخوي عاد اقوليك شنو بس باقي راحتك اتا ال من دعوة سدنا ابراهيم امنا مطمئنا بي غادي داعيلوم مسيلمه ووحيها بنزل مع غندور ابجضوم هسع ياهيسووود جضوم غندور دي ولا كرشتي الكلها كبسه والنصيب الاحمر داك كاااااااااااااااااااااااااااك
|
Post: #19
Title: Re: معقوله ماشفتو الحاصل في سواكن
Author: حامد بدري
Date: 09-08-2014, 08:37 AM
Parent: #15
Quote:
تقوى حسن بليلة · University of Toronto
في سواكن تشوفو العجب و الحاجات دي من زمان استنزاف موسمي المفروض الناس يوقتو اجازاتهم في فترااات غير مصادفة الاوقات دي |
مرحبيك ومرورك الطيب
تاني ياام جناح البتطييير وترك سريييع ديك يامافي سفر نهائي
|
Post: #22
Title: Re: معقوله ماشفتو الحاصل في سواكن
Author: محمد مجيدو
Date: 09-08-2014, 09:11 AM
Parent: #1
حامد .. سكيرفي ..
وحمديلا على السلامه ...
وانتا زاتك غلطان تسافر مع باعبود .. دا بواخر قديمه ومستهلكه ..
انا اخر مره سافرت فيها بالبحر كان عام 1998 ومعي سيارة كرت ..
على الباخره الجودي ( على ما اذكر ) وكانت خدماتهم جيده جداً
ويختموا ليك جوازك وانتا داخل الباخره قبل الوصول ..
وبمجرد ما تنزل بعد العصر تلقى عربيتك جاهزه للاستلام .. وتفتيش سريع .. وتلقى نفسك بره الميناء..
والوقت داك .. العسكري يقول ليك ما تسافر للخرطوم الا في الصباح خوفا من الرباطه ليلا..
ومشينا فندق في بورسودان بيتنا هناك .. وبعد الفجر تحركنا .. ووصلنا الخرطوم مع المغرب ...
وكانت رحلة ممتعه ... في الطريق القديم بورسودان كسلا مدني الخرطوم ...
تحياتي ,,
|
Post: #23
Title: Re: معقوله ماشفتو الحاصل في سواكن
Author: حامد بدري
Date: 09-08-2014, 09:27 AM
Quote: حامد .. سكيرفي ..
وحمديلا على السلامه ...
وانتا زاتك غلطان تسافر مع باعبود .. دا بواخر قديمه ومستهلكه ..
انا اخر مره سافرت فيها بالبحر كان عام 1998 ومعي سيارة كرت ..
على الباخره الجودي ( على ما اذكر ) وكانت خدماتهم جيده جداً
ويختموا ليك جوازك وانتا داخل الباخره قبل الوصول .. |
مجيييييييييييييييدو ال لذييييذو كيفنك
قتا ليا ماتسافر بي باعبود شفتا باززفتي ده هو سبب بلاوينا لو جا منافس ليو في الخط بشتغل بي الخساره لامن يطفشو ومستعد يصل للطاقم حقو كمان الخساسه بمعنى الكلمه
المهم لو عربية برمائيية تاني بسافر بيها
|
Post: #24
Title: Re: معقوله ماشفتو الحاصل في سواكن
Author: حامد بدري
Date: 09-08-2014, 09:43 AM
Parent: #23
بعد الجواز استقر تحت كنبه الجوديه والمنتظرين يكملو اجراؤووم ياود الحلال ادفع امورك تمشي تلتين جنيه يعني شنو وجو ماسكين جيوبوم وبرضو مدير السماسرة بتاعين المهاجر تعال انا بخلص ليك موضوعك بس اصبرلي وزح من الشباك وبدت مماطله استمرت لحدت الساعه عشرة وشويه بعد خلصت التامين والجمرك في اذن من ناس المرور دفتر الايصال خلص قعدنا ساعه ونص منتظرنو الخلاصة تدفع وتنذل بي انتظار وزحمه فيها رحمه وقدح عمنا عثمان دقنه المابنشف والكل يغرف
مسكنا طريق سواكن هيا اتبرا الخرتوم وكان معاي نسيبي اتقدم راجيني في فندق فندق شنو مافي فندق هناك نقول وكاله او لوكانده ومن ستة صباحا العطش داقشنا مافي حل غير نصوم اقترحتا عليو نشتت طوالي نلفا الفطور في الكلاكلة فعلا دورنا مشينا قبل نعشق جونا نسسسون كده عليك الله يااخوي ادونا اكل ملابس لي جنياتنا للعيد وحالوم يقطع القلب عليكم الله البسافر تاني بي هناك يشيل معاو ملابس وشوية بسكوت وتمر ليم واجرك عند الله مابضيع بالجد الحال في الشرق اكتر من مزري وشظف عيش مبالغه
|
Post: #25
Title: Re: معقوله ماشفتو الحاصل في سواكن
Author: بشير حسـن بشـير
Date: 09-08-2014, 10:00 AM
Parent: #23
.
.
.
حمدا لله بالسلامه يا حامدأولا
ثانيا فهمت أنك لس موجود في السودان
الوضع في سواكن الآن ...... الآن أكثر من خطير
ألوف المسافرين موجودين في سواكن ولا توجد بواخر ولا غيره
لي أسره موجوده هنالك لهم حوالي 5 ايام
لاحظ عائله واطفال وعربيه
وفي الكثير من الناس خروجهم وعودتهم إنتهت
المدارس فتحت في السعوديه ولا حياة لمن تنادي
وكلاء السفر الأمر خرج من إيدهم لأن ناس الأمن والسلطات أوقفوهم
يعني لو عايز تسافر للسعوديه لازم عن طرقهم والا فلا
تخيل أطفال وعوائل قاعدين في سواكن الإنت عارفها يا حامد بدري
الي هي لو ربطوا شيطان إستحاله أنه يقعد فيها
فيا أخوي شوف طريقة رجعه تانيه غير سواكن
.
.
.
.
.
.
|
Post: #26
Title: Re: معقوله ماشفتو الحاصل في سواكن
Author: حامد بدري
Date: 09-08-2014, 10:21 AM
Parent: #25
Quote: حمدا لله بالسلامه يا حامدأولا
ثانيا فهمت أنك لس موجود في السودان
الوضع في سواكن الآن ...... الآن أكثر من خطير
ألوف المسافرين موجودين في سواكن ولا توجد بواخر ولا غيره
لي أسره موجوده هنالك لهم حوالي 5 ايام
لاحظ عائله واطفال وعربيه
وفي الكثير من الناس خروجهم وعودتهم إنتهت
المدارس فتحت في السعوديه ولا حياة لمن تنادي
وكلاء السفر الأمر خرج من إيدهم لأن ناس الأمن والسلطات أوقفوهم
يعني لو عايز تسافر للسعوديه لازم عن طرقهم والا فلا
تخيل أطفال وعوائل قاعدين في سواكن الإنت عارفها يا حامد بدري
الي هي لو ربطوا شيطان إستحاله أنه يقعد فيها
فيا أخوي شوف طريقة رجعه تانيه غير سواكن
. |
بشير ابو حسن كيفنك اخوي
معاك مؤؤؤؤؤؤؤؤؤؤليم ياخ انا مشيت ورجعت قبل الخنقه بي رحلتين القصة دي متكرره سنويا وللاسف بعض المغتربين متمسكين لسع بنضافت العيد يوم الوقفه وكنت جاي على موضوع توقف الرحلات باستثناء دهب ومحبه والاولى بتشيل ستمية راكب والحجاج كبسو في الطريق وسلطات الولاية سلمت الموضوع لي ناس الامن حتى المقر البوزعو فيو التذاكر بتغيير بدون علم الركاب التاشيراتوم منتهية القروشوم كملت الباعو جوالاتوم ودهبوم الرجعو الخرتوم الركبو طيارات الرحلتين في الاسبوع بتاعت الوالي كلو مسافر قصة براو والابتزاز الحاصل اتخييل انو افراد من الامن في دهب بركبو ناس بدون تذاكر ويحرمو ناس كرت الصعود والتذكره في يدهم الخلو عرباتوم وقطعو بي ناس ام تلاته مليون المشكله المدارس والحج والرحلات الجويه ظاتا مافي حجوزات الا بعد الضحيه ربنا يكون في عونوم
ماكان بكلف حاجه لو تم استئجار طياره يوميا رحلتين بدل اسبوع رحلتين وتسيير رحلات بين جده وبورتسودان كلها عشرين دقيقه وبي حقو البدفع تلاته مليون عشان يركب باخره مابغلبو الطياره لكن نشكي ونرفع امرنا لرب العباد اقوى من صلف الخونه البتجارو بي عرق المساكين وقدح عمنا دقنه لازم يفتح عشان في ايادي كتيره بتتعيش منو يعني القصة مقصوده
|
Post: #27
Title: Re: معقوله ماشفتو الحاصل في سواكن
Author: حماد الطاهر عبدالله
Date: 09-08-2014, 12:25 PM
Parent: #26
الأخ/ حامد بدوي
تحياتي
يا أخي كتابتك هنا جميلة ومبالغ فيها وواقعية وتصوير لفظي للمشاهد مش زي كلامك في السياسة وتخيلاتك العجيبة ديك.
| Quote: انقتووو عاصم هكرفيجلو ان بلدلا نوركا حمدن تان تيقني .............سكيرفي |
( ترطنو) براكم ساكت يا أخي علمونا معاكم ( رطانة) حتى ولو سواحلي...( طبعا بدون حساسية لفظة رطانة، دارجية 100%.)
| Quote: نسيبي اتقدم راجيني في فندق، فندق شنو مافي فندق هناك نقول وكاله او لوكانده |
إن شاء الله تعالي في إجازتك القادمة رمضان 2015م ستجد فندق الخمسين السياحي 4 نجوم(أرض وترخيص جاهز) بسواكن و
كل الخدمات اللوجستية التي تحتاجها كمغترب أو حتى كسائح بس جهز الضحاكات ( ريــال أو دولار)......
يا جماعة أنسوا ( الحكومة) ولنحاول عن طريق تكتلات مغتربين لنوفر ما نحتاجه من خدمات لنا بالمنافذ ولو تجاريا....
|
Post: #28
Title: Re: معقوله ماشفتو الحاصل في سواكن
Author: حامد بدري
Date: 09-11-2014, 06:41 AM
Parent: #27
حامد بدوي ده جنننوني بيو جن فحقو اغير الاسم حامد بدري يااخوي تحياتي
واجازة تاني بي سواكن سأأأأأأأأأبه جدا
|
Post: #29
Title: Re: معقوله ماشفتو الحاصل في سواكن
Author: مهدي صلاح
Date: 09-11-2014, 07:10 AM
Parent: #28
صباح الخير
ربنا يعين من تقطعت بهم السبل في سواكن ويعين السودانيين الذين يذوقون الامرين ... الواقع في سواكن في وادي وتصريحات المسؤولين في وادي آخر
اللي ربنا فتح عليهو بكلمة من الرسميين في هذا الشان يتحدث عن ازمة حاصلة وفي طريقها للانفراجة ...كعادتهم أكاذيب وتصريحات تناقض الواقع كأفضح ما يكون التناقض
|
Post: #30
Title: Re: معقوله ماشفتو الحاصل في سواكن
Author: حامد بدري
Date: 09-11-2014, 07:23 AM
Parent: #29
Quote: صباح الخير
ربنا يعين من تقطعت بهم السبل في سواكن ويعين السودانيين الذين يذوقون الامرين ... الواقع في سواكن في وادي وتصريحات المسؤولين في وادي آخر
اللي ربنا فتح عليهو بكلمة من الرسميين في هذا الشان يتحدث عن ازمة حاصلة وفي طريقها للانفراجة ...كعادتهم أكاذيب وتصريحات تناقض الواقع كأفضح ما يكون التناقض |
صباح الانوار اخ مهدي صلاح
الازمه ماانفرجت ولا شئ بس اخبار سواكن خلت ناس ياجلو سفروم لبعد الضحيه رغم المدارس والحال الشلش غايتو قدح عمنا دقنه ماشي بكره ياكلوها يبوس
ونظره ياايلا في ناس مخلوعه في الزول ده انو انجز واحسن من غيرو فاكرين الكم فنان والخمستاشر كيلو ده الشرق كلو يعلم الله امتار من سواكن دي ابسط مقومات العيشة الادميه مافي خليك من حقوق مواطنين
|
Post: #31
Title: Re: معقوله ماشفتو الحاصل في سواكن
Author: حامد بدري
Date: 09-11-2014, 07:29 AM
Parent: #30
(الناس تحسدك دائما على شيء لا يستحق الحسد لأن متاعهم هو سقط متاعك. حتى على الغربة يحسدونك كأنما التشرّد مكسب وعليك أن تدفع ضريبته نقدا وحقداً)
احلام مستغانمي
القصة دي حصلت لي وانا في طريق العوده للسودان بحرا وبرا الشهادة لله نقاط القبانه والتفتيش والمرور كلهم ناس محترمين وبادب بقولو ليك امشي براحه واعمل حسابك الشارع مازي شوارعكم في السعوديه
واحد فقط من ديل رفع الضغت معاي وخلاني اسب واطلع من طوري ونبزتو في امو ومعاو الريس بتاعو تتخيلو نزلت القزاز واديتو اوراق المرور والتربتك قالي قزازك ده مظلل قتا ليو العربية دي (خطين تحت العربيه ماسياره اييييي ) مظلله من وكالتا فطوالي قالي انتو الواحد فيكم يمشي بره يغير كلامو ولسانو وتجونا هنا تتدلعو هناك بدقوكم بالعقال اللحظة دي الضغت عمل مية وسبعين على مية وعشرة والعيون زغللن واللسان اتعبا زفاره باقي انا لساني فيو شقين واحد من عسل ولبن وواحد خرا بعيد عنكم طوالي لمبات الخرا ولعن وقتا ليو ان............... امك ومعاك الختاك هنا والبشير ظاتو تعال دقني واتخيلو المنظر سواقيين الديانات والباظات والترلات وكلهم جو يحاجزو بيني ورجل المرور طبعا التخصص غايب فرجل المرور بفتكر نفسو مباحث جنائية او وكيل نيابه او حتى قاضي مقيم فبلدنا مستقبلا مع الغبينه البرا سبب دي حيكون داعشي جدا جدا وسلامتكم
كنا بنجي بلدنا لصلة الارحام الظاهر تاني الدايرنا يجينا هنا
|
Post: #32
Title: Re: معقوله ماشفتو الحاصل في سواكن
Author: حامد بدري
Date: 09-11-2014, 07:32 AM
Parent: #31
ههههههههههههههههههههه قال بدقوكم بالعقال لو ماسلالم بكري كان تميتا هنا فل تنكي
البدقوم ديل ناس بدر الدين الطايف وفاروق جبره كااااااااااااااااااك 
|
Post: #33
Title: Re: معقوله ماشفتو الحاصل في سواكن
Author: بشير أحمد
Date: 09-11-2014, 08:41 AM
Parent: #32
تحياتي اخي حامد؛؛
| Quote: طيب البودره الراشنها للمرقوت في دهب شفتها غايتو زولي مرق خلا الغرفه للسطوح عشان المرقوت ارحم من ريحة الجمكسين والسفتي مان بقول الباخرة مابتؤووووفش يابيه امتى حنضفها دي عايزالها اسبوع كامل ونظام معين للتنضيف رووووح ياجدع كلم حكومتك غايتو انا استفزاز المصرييين وضحكوم علينا ده كان لي مراد اختف واحد منهم واقع بحر احمر غايتو وقعان البحر بجيب نتيجه تاني |
شفتا البودرة في الغرفة ..والصراصير والمارقوت التقول دافعين تذاكر..
الصرصــــــور يقدل في نص الغرفة...معاي شباب مشينا لي بتاع الغرف..للاسف سوداني بيكلمك من راس نخرتوا
قلنا ليه تعال نضف الغرفة ...جا زهجان ...كرب رب ...امسحك امسحك..كانو ما عمل حاجة ..
قلنا ليه هات عدة النضافة دي.. نضفناها من الجمكسين برانا..
لا بديل لي باخرة نما الا نما...
رحلة العودة الي السودان الشقيق..الباخرة باعبود...نور
|
Post: #35
Title: Re: معقوله ماشفتو الحاصل في سواكن
Author: حامد بدري
Date: 09-11-2014, 10:32 AM
Parent: #33
Quote:
شفتا البودرة في الغرفة ..والصراصير والمارقوت التقول دافعين تذاكر..
الصرصــــــور يقدل في نص الغرفة...معاي شباب مشينا لي بتاع الغرف..للاسف سوداني بيكلمك من راس نخرتوا
قلنا ليه تعال نضف الغرفة ...جا زهجان ...كرب رب ...امسحك امسحك..كانو ما عمل حاجة ..
قلنا ليه هات عدة النضافة دي.. نضفناها من الجمكسين برانا..
لا بديل لي باخرة نما الا نما...
رحلة العودة الي السودان الشقيق..الباخرة باعبود...نور |
مرحبيك مجددا اخ بشير
المشكله البودره تكتل المرقوت وتقوم عليك الحساسيه اتخيليا المغتربين حيفضلو المرقوت زكاة دم وكده
بالنسبة للفيديو الباخره ماشه كويس جدا نحنا كان تغتس وتجي تلحقا
سبحان الذي سخر لنا هذا ربنا يهون على اخوانا واهلنا ركاب البحر الواحد بقا يتخييل في ايو لحظة يقولو كارثه بحريه بتذكر المصريين لامن غرقت الباخره السلام الملك اداهم اتنين باخره كرت كرتونه القاهرة والرياض والمصريين طبعا طوالي باعو لينا ام مرقوت دي
|
Post: #37
Title: Re: معقوله ماشفتو الحاصل في سواكن
Author: حماد الطاهر عبدالله
Date: 09-11-2014, 11:16 AM
Parent: #35
| Quote: زي كلامك في السياسة وتخيلاتك العجيبة ديك. |
عفوا يا حامد بدري أصابك رايش. الجاتك بسبب إسمك سامحتك........
|
Post: #39
Title: Re: معقوله ماشفتو الحاصل في سواكن
Author: حامد بدري
Date: 09-12-2014, 11:57 AM
Parent: #37
| Quote: عفوا يا حامد بدري أصابك رايش. الجاتك بسبب إسمك سامحتك........ |
تسلم ياخ وجمعتك سعيده ومباركه وكل ايامك
السياسه دايما خياراتا سيئه يجب التعامل معاها بواقعيه
|
Post: #38
Title: Re: معقوله ماشفتو الحاصل في سواكن
Author: عثمان دغيس
Date: 09-11-2014, 11:38 AM
Parent: #35
الأخ حامد بدري
والمتداخلين الكرام
وأخص الذين ما يزال يداعب أخيلتهم أمل بتحسن الأوضاع في السودان والذين ما يزالون يحفظون مصطلحات بالية عن إنسان السودان النبيل الصادق والما عارف شنو ...
أنا يا دووووب جاي لي أقل من أسبوع ومرقت من بين فكي أسد وتمساح ....
في رحلة العودة من السودان وبعد إنقضاء الإجازة قمت بالإتصال بأحد أقاربي ببورتسودان وهو يعمل |(مخلص ) لتأكيد حجزي على الباخرة (نما)
بعد أن قام بمراجعة مكتب الشركة أكد لي بأن هنالك لخبطة في الحجوزات ولازم يشوف طريقة عشان يشتري تذكرة جديدة ودي المفروض ابلها وأشرب مويتها ...!
قلت ليهو أوكي وشاف التذكرة وإشتراها بقيمة 2000000 بدلاً عن 500000 ......والغريب إنو إشتراها من أحد رجال الأمن في بورتسودان ...
قلت ليهو الدخل ناس الأمن في التذاكر شنو
قال إنهم قاموا بإعتقال طاقم موظفي مكتب (نما ) بحجة أنها لخبطوا ولعبوا في الحجوزات ....
وأخدوا منهم التذاكر وبطاقات الصعود إلى الباخرة ...
ووزعوها بينهم ... الحشاش يملا شبكتو ...
المهم طمأنني بأنه إشترى التذكرة ... وطلب مني الحضور فورا إلى سواكن .. وبالفعل تحركت في صباح الإتنين 1/9/2014 ووصلت سواكن منتصف النهار ممنيا نفسي برحلة سعيدة في نفس اليوم ...
فوجئت بأنه لابد من دفع مبلغ 500 ألف لضابط الجوازات لكي يختم على جوازي بعبارة ( شوهد ) لأتمكن من صعود الباخرة ...
ودفعت صاغرا المبلغ لكنه - أي الضابط بدأ من التسويف إلى أن غربت شمس ذلك اليوم وختم أخيرا على الجواز ... لكن كان الأوان قد فات وأن الباخرة قد أوشكت على الإبحار ...
وتم شحن سيارتي وذكروا لي بأنه لا خيار أمامي إلا الإنتظار إلى يوم الأربعاء ( والمحاولة ) من جديد ...!
وقد كان بالفعل ... عربيتي سافرت جدة وبقيت حتى الاربعاء وبقد قمت بعديد من الإتصالات والواسطات والمرتشين و و وللحصول على كرت صعود للباخرة وخضعت لصفوف وكانوا طوال النهار يحولوننا من مكتب لآخر في بورتسودان ومررنا بأقسام الشرطة لأن الأمر بيد رجال الأمن ...
وفي الآخر قمنا بالإستعانة بواحد أمنجي وتم الإتفاق - بعد التفاوض على السعر طبعاً - على أحضار كرت صعود إلى الباخرة ويبدو أنه منزوع من مستحقه ... لأنه بإسم آخر ..
وطلب مني أن أقوم بدفع المعلوم إلى ضابط الجوازات للمرة الثانية حيث تم إلغاء الختم السابق ...
يعني مآساة لا توصف بصراحة ...
وما خفي أعظم
|
Post: #40
Title: Re: معقوله ماشفتو الحاصل في سواكن
Author: حامد بدري
Date: 09-12-2014, 12:09 PM
Parent: #38
Quote: الأخ حامد بدري
والمتداخلين الكرام
وأخص الذين ما يزال يداعب أخيلتهم أمل بتحسن الأوضاع في السودان والذين ما يزالون يحفظون مصطلحات بالية عن إنسانم السودان النبيل الصادق الما عارف شنو ...
أنا يا دووووب جاي لي أقل من أسبوع ومرقت من بين فكي أسد وتمساح ....
في رحلة العودة من السودان وبعد إنقضاء الإجازة قمت بالإتصال بأحد أقاربي ببورتسودان وهو يعمل |(مخلص ) لتأكيد حجزي على الباخرة (نما)
بعد أن قام بمراجعة مكتب الشركة أكد لي بأن هنالك لخبطة في الحجوزات ولازم يشوف طريقة عشان يشتري تذكرة جديدة ودي المفروض ابلها وأشرب مويتها ...!
قلت ليهو أوكي وشاف التذكرة وإشتراها بقيمة 2000000 بدلاً عن 500000 ......والغريب إنو إشتراها من أحد رجال الأمن في بورتسودان ...
قلت ليهو الدخل ناس الأمن في التذاكر شنو
قال إنهم قاموا بإعتقال طاقم موظفي مكتب (نما ) بحجة أنها لخبطوا ولعبوا في الحجوزات ....
وأخدوا منهم التذاكر وبطاقات الصعود إلى الباخرة ...
ووزعوها بينهم ... الحشاش يملا شبكتو ...
المهم طمأنني بأنه إشترى التذكرة ... وطلب مني الحضور فورا إلى سواكن .. وبالفعل تحركت في صباح الإتنين 1/9/2014 ووصلت سواكن منتصف النهار ممنيا نفسي برحلة سعيدة في نفس اليوم ...
فوجئت بأنه لابد من دفع مبلغ 500 ألف لضابط الجوازات لكي يختم على جوازي بعبارة ( شوهد ) لأتمكن من صعود الباخرة ...
ودفعت صاغرا المبلغ لكنه - أي الضابط بدأ من التسويف إلى أن غربت شمس ذلك اليوم وختم أخيرا على الجواز ... لكن كان الأوان قد فات وأن الباخرة قد أوشكت على الإبحار ...
وتم شحن سيرتي وذكروا لي بأنه لا خيار أمامي إلا الإنتظار غلى يوم الأربعاء ( والمحاولة ) من جديد ...!
وقد كان بالفعل ... عربيتي سافرت جدة وبقيت حتى الاربعاء وبقد قمت بعديد من الإتصالات والواسطات والمرتشين و و وللحصول على كرت صعود للباخرة وخضعت لصفوف وكانوا طوال النها يحولوننا من مكتب لآخر في بورتسودان ومررنا بأسام الشرطة لأن الأمر بيد رجال الأمن ...
وفي الآخر قمنا بالإستعانة بواحد أمنجي وتم الإتفاق على أحضار كرت صعود إلى الباخرة ويبدو أنه منزوع من مستحقه ... لأنه بإسم آخر ..
وطلب مني أن أقوم بدفع المعلوم إلى ضابط الجوازات للمرة الثانية حيث تم إلغاء الختم السابق ...
يعني مآساة لا توصف بصراحة ...
وما خفي أعظم |
لا تعليق
وتسلم اخوي وحمدلالك بالسلامه
|
Post: #41
Title: Re: معقوله ماشفتو الحاصل في سواكن
Author: حامد بدري
Date: 09-12-2014, 02:49 PM
Parent: #40
الريس يساررخ ايو حاجه عندنا اخر صيحه
جسر الملك حمد مزدوج شغالين فوقو ونحنا غالبانا الباخره ولو عملو ليم كبري زي كبري المك نمر الفيو اشارة من تنزل منو داك قددو اضنينا بالاحتفالات الله بسعلكم شفتو ليكم اشاره توقفك في نص كبري
ياريس عملتها ظاهرة حكومتك فاشله وخاسره فشوفو لينا طرقة باخره
واحد يتم الجدعه دي
|
Post: #42
Title: Re: معقوله ماشفتو الحاصل في سواكن
Author: حامد بدري
Date: 09-12-2014, 05:36 PM
Parent: #41
قبل سفري بيوم واحد بتونس مع واحد شغال في دهب بحكي لي عن قصة الباخره الابحرت من سواكن لجده تبع السلام وحصل فيها حريق بعد ستة ساعات ابحار والقبطان طلع الركاب السطوح وجهز المراكب للنساء والاطفال والغريبه ماطلب او اطلق صافرات الانقاذ وطلب المساعده مع انو مرت بالقرب منهم باخرتين واحده مواشي وواحده ركاب والحريق استمر تلاته ساعات وربنا لطف من كارثه محققه وطبعا للتغطيه طلبو القبطان يرجع سواكن ومعروف السبب عشان القبطان راسمالو باكو سجاير وصندوق بارد والركاب كلو راكب خمسمية ريال لو دخلو جده البربط الحبل راكب برادو فرشوتوم حاررره
نرجع ونقول دايما العنايه الالهية مباريانا والحمد لله
|
Post: #43
Title: Re: معقوله ماشفتو الحاصل في سواكن
Author: حامد بدري
Date: 09-13-2014, 04:04 PM
Parent: #42
مشروع جسر الملك فهد الرابط بين تبوك وشرم الشيخ لو عملوهو مع الخط البري الرابط بين مصر والسودان بواخركم دي علا تودوها صيد سمك للصومال وجبوتي
|
Post: #44
Title: Re: معقوله ماشفتو الحاصل في سواكن
Author: بشير أحمد
Date: 09-13-2014, 07:50 PM
Parent: #43
تحياتي مجددا..اخي حامد..
اخدتا جولة في بورتسودان..
صراحة اصبحت مدينة جميلة..
معليش الفيديو فتل البتاع ده..
|
Post: #45
Title: Re: معقوله ماشفتو الحاصل في سواكن
Author: حامد بدري
Date: 09-14-2014, 07:06 AM
Parent: #44
Quote: تحياتي مجددا..اخي حامد..
اخدتا جولة في بورتسودان..
صراحة اصبحت مدينة جميلة. |
صباح الخير بشير
ماعندي اعتراض على بورتسودان كلامي سواكن هي الميناء بتاع الركاب غالبو يعاين ليها الا لو الموضوع عندو علاقه بالسند الشعبي والقبلي وتكون القصه دي مقصوده وفي بورتسودان السمحه دي عندنا ناس بشترو برميلين مويه بي ستين جنيه يومي غير حقت الشراب
|
Post: #46
Title: Re: معقوله ماشفتو الحاصل في سواكن
Author: حامد بدري
Date: 09-14-2014, 05:54 PM
Parent: #45
مازالت ازمة العالقين بسواكن ومعاناتهم مستمره قبل امس الغت نما رحلتها محبه ليوم الجمعه وقامت يوم السبت وشهد الميناء مضاربات ومشاكل تقيله واستمر بيع كرت الصعود من قبل سماسرة الامن ولجنة توزيع الكروت وفي فيديو قصير انتشر في اليوتيوب عن انو ناس اللجنه ظاتوم حراميه
الظاهر الاحتجاج الناعم مابنفع مع الجماعه ديل لانو المظاهرات السلميه بقمعوها بكل عنف والغريبه الاحتجاج المسلح بتعاملو معاو ببرود اعصاب وعندكم احتجاجات الرشايده وقطع طريق كسلا بورتسودان
|
Post: #47
Title: Re: معقوله ماشفتو الحاصل في سواكن
Author: حامد بدري
Date: 09-16-2014, 07:07 AM
Parent: #46
مندوب مجلس الوزراء لسونا الازمه انفرجت بتسيير رحلات جويه بين بورتسودان وجده وباقي حوالي مية الى مائتين مغترب بسواكن سيتم تفويجم مع الحجاج
انتهى كلام المندوب غايتو جنس كضب قبل تلاته يوم البمبان شغال وناسنا للان بسواكن
|
Post: #48
Title: Re: معقوله ماشفتو الحاصل في سواكن
Author: صلاح حمد
Date: 09-16-2014, 09:16 AM
Parent: #47
| Quote: مندوب مجلس الوزراء لسونا الازمه انفرجت بتسيير رحلات جويه بين بورتسودان وجده وباقي حوالي مية الى مائتين مغترب بسواكن سيتم تفويجم مع الحجاج |
كنت في سواكن وعايشت المشكلة وقد كذب مندوب مجلس الوزراء وكذب من قبله معتمد سواكن
الذي أراد الفرار من الجموع الغاضبة والعالقة بجوار ميناء سواكن لكن إحدى النساء أعطته درساً في المسئولية وأداء الواجب فأضطر لمخاطبة الجموع الغاضبة
وقد ذكر بأنه غداً سوف يذهب الى الخرطوم لإيجاد الحلول ولا يعلم بأن المشكلة لها حوالي الشهر ولم يتمكن من الحديث وفــر هارباً،
سودانير لم تسعى لحل المشكلة بل إستثمرتها لصالحها حيث أصبحت قيمة التذكرة من بورتسودان الى جدة إثنين مليون جنيه،
الشكر لشركة نما وجميع العاملين بالباخرة المحبة الذين لم يمنعوا أحداً أستطاع دخول الميناء من الصعود الى الباخرة
حيث كان دخول ميناء سواكن امرا صعبا حتى لو بيدك التذاكر وجواز سفرك وإلا بعد الحصول على موافقة العميد حسب الرسول ولجنته الأمنية
والذين هم كذلك إستثمروا الأزمة لصالحهم وكانت التذاكر تباع بمبلغ مليون ونصف جنيه رغم عدم توفرها بالسوق حيث
إحتكرتها لجنة حسب الرسول الأمنية.
ذكر لي شهود عيان بسواكن بأن هنالك إمرأة رمت بنفسها في البحر تاركة خلفها أطفالها لكن أنقذها المواطنون،
وهنالك العديد من القصص والمآسي يمكن توضيحها لاحقاً,
حل المشكلة بيد النظام لكن النظام هو الذي تسبب في تدمير الناقل الوطني ســودانير والخطوط البحرية السودانية،
يبدو أن أي جهة مسئولة في السودان ســمح لها بأن تمارس فسادها في محيطها - الوالي في ولايته ومسئول الميناء بميناءه وهكذا.
|
Post: #49
Title: Re: معقوله ماشفتو الحاصل في سواكن
Author: حامد بدري
Date: 09-16-2014, 12:50 PM
Parent: #48
Quote: مزمل طارق · جامعه النيلين كليه التجاره
ياخ الواحد لما ينزل سواكن كانك فى كوكب اخر . عمال التحميل ورجال الامن اكتر من المسافرين ودا سبب الفوضه والاستقلال لمسافر باى شكل كان .. قبل سنتين سمعنا الميناء حايتحول لمدينه بورسودان ؟؟ |
يسمع منك ربنا ياشيخه بس برضو ماحيغير من وضع البواخر شئ
|
Post: #50
Title: Re: معقوله ماشفتو الحاصل في سواكن
Author: حامد بدري
Date: 09-16-2014, 12:57 PM
Parent: #48
Quote:
كنت في سواكن وعايشت المشكلة وقد كذب مندوب مجلس الوزراء وكذب من قبله معتمد سواكن
الذي أراد الفرار من الجموع الغاضبة والعالقة بجوار ميناء سواكن لكن إحدى النساء أعطته درساً في المسئولية وأداء الواجب فأضطر لمخاطبة الجموع الغاضبة
وقد ذكر بأنه غداً سوف يذهب الى الخرطوم لإيجاد الحلول ولا يعلم بأن المشكلة لها حوالي الشهر ولم يتمكن من الحديث وفــر هارباً،
سودانير لم تسعى لحل المشكلة بل إستثمرتها لصالحها حيث أصبحت قيمة التذكرة من بورتسودان الى جدة إثنين مليون جنيه،
الشكر لشركة نما وجميع العاملين بالباخرة المحبة الذين لم يمنعوا أحداً أستطاع دخول الميناء من الصعود الى الباخرة
حيث كان دخول ميناء سواكن امرا صعبا حتى لو بيدك التذاكر وجواز سفرك وإلا بعد الحصول على موافقة العميد حسب الرسول ولجنته الأمنية
والذين هم كذلك إستثمروا الأزمة لصالحهم وكانت التذاكر تباع بمبلغ مليون ونصف جنيه رغم عدم توفرها بالسوق حيث
إحتكرتها لجنة حسب الرسول الأمنية.
ذكر لي شهود عيان بسواكن بأن هنالك إمرأة رمت بنفسها في البحر تاركة خلفها أطفالها لكن أنقذها المواطنون،
وهنالك العديد من القصص والمآسي يمكن توضيحها لاحقاً,
حل المشكلة بيد النظام لكن النظام هو الذي تسبب في تدمير الناقل الوطني ســودانير والخطوط البحرية السودانية،
يبدو أن أي جهة مسئولة في السودان ســمح لها بأن تمارس فسادها في محيطها - الوالي في ولايته ومسئول الميناء بميناءه وهكذا.
|
حمدلالك بالسلامه اخوي صلاح
لو رجعتا للصفحة الاولى من البوست بتلقى المآسي كلها ولو عندك معلومات اتفضل وكضب المسعوليين عندنا معروف الواحد من يلقا ليو مكرفون وكمرات يبدا بي حقيقة وهاك ياكضب نشكي امرنا لله اقوى منهم كلهم
|
Post: #51
Title: Re: معقوله ماشفتو الحاصل في سواكن
Author: اسامه العريفي
Date: 09-16-2014, 01:04 PM
Parent: #50
جاي مسخن شديد عليك الله اكل ليك نص بتاع زريبان مع كوب من لبن الصافي وهدي اعصابك شويه
ود العريفي
|
Post: #52
Title: Re: معقوله ماشفتو الحاصل في سواكن
Author: حامد بدري
Date: 09-16-2014, 01:23 PM
Parent: #51
Quote: جاي مسخن شديد عليك الله اكل ليك نص بتاع زريبان مع كوب من لبن الصافي وهدي اعصابك شويه
ود العريفي |
ههههههههههههههههههههههههههههههه اول مانزلت من الباخره جري علي البيك
وعملت بوستي في الفيس معاو الصوره دي والتعليق ده
ال الكلاكله ال ال الكلاكله ال كااااااااااااااااك
|
Post: #53
Title: Re: معقوله ماشفتو الحاصل في سواكن
Author: بدرالدين الطائف
Date: 09-16-2014, 05:45 PM
Parent: #52
السنة الفاتت وأنا راجع من الاجازه فى توقيت مخالف للإجازات تجنباً للزحام والمشاكل السخيفة البتحصل فى سواكن .
إتحركنا على الميناء قبل صلاة الظهر فتحوا لينا صالة المغادرة دخلنا على الصالة وجدناها من دون كهرباء ويومها كانت هناك رحلتين واحده على نما والتانيه دهب .
طبيعى يحصل إزدحام داخل الداخل ومازلت الصاله مقطوع منها التيار الكهربائي واحد من العمال الشقالين فى الصالة بيتكلم مع عسكري, يا جنابو ليه ما تشقلوا المولد , جنابو مارد ليهو ولا عبرو.
سالت العامل ,,عندهم مولد قال ايوه عندهم مولد لكن مادايرين يشقلوهو ليه ماعارف,بالنص كده.
بعد العصر زاد الزحام والناس بدت تجوط وتعمل مشاكل ووقتها الزحام والتكدس فاق حد الوصف .
هرج ومرج وصريخ وعفيص .
إخيرا إبتدا ضباط الجوازت فى إجراءت ختم المغادرة .
بعض الفاسدين والمفسدين إستقلوا عدم صبر وشفقة المسافرين ونحن كشعب سوداني نتميز بهذه الصفات الاستعجال والشفقه حتى فى الطيران وفى الظروف العادية المافيها اى مشاكل ولا داعي للاستعجال .
عاملة نظافة فى الصالة وبعض السمسارة الذين لانعرف لاي جهة يتبعون كانوا بيشيلو جوازات وتذاكر المسافرين ويعملوا ليهم الختم بتاع المغادره بمبلغ لايقل عن 50 جنية وقتها .
المتاكد منو عاملة النظافة دى ممكن تكون مرت على كتيرين منكم وشافوها الزولة دى اكاد أجزم إنها عملت أكتر من 100 جواز من الرشايدة وخلافة من الشفقانين .
وكانت بتدير النشاط ده من خلف كافتيريا صالة المغادره التعيسة ال######انه الكلها كدايس .
أى زول جاي من ناحية سواكن لو حصلت زحمة ينتبة للزول دى حا يشوف العجب.
المصيبة بعد طلوعنا للباخرة إكتشفنا إننا فى الباخره دهب لايتجاوز عدد الراكبين ال 150 نفر وحوالى 15 سيارة .
من الاخر يا بدرى .
إفتعال المشاكل وخلق الازمات يصنعه بعض الطفيلين والمنتفعين .
|
Post: #54
Title: Re: معقوله ماشفتو الحاصل في سواكن
Author: حامد بدري
Date: 09-16-2014, 06:14 PM
Parent: #53
Quote:
السنة الفاتت وأنا راجع من الاجازه فى توقيت مخالف للإجازات تجنباً للزحام والمشاكل السخيفة البتحصل فى سواكن .
إتحركنا على الميناء قبل صلاة الظهر فتحوا لينا صالة المغادرة دخلنا على الصالة وجدناها من دون كهرباء ويومها كانت هناك رحلتين واحده على نما والتانيه دهب .
طبيعى يحصل إزدحام داخل الداخل ومازلت الصاله مقطوع منها التيار الكهربائي واحد من العمال الشقالين فى الصالة بيتكلم مع عسكري, يا جنابو ليه ما تشقلوا المولد , جنابو مارد ليهو ولا عبرو.
سالت العامل ,,عندهم مولد قال ايوه عندهم مولد لكن مادايرين يشقلوهو ليه ماعارف,بالنص كده.
بعد العصر زاد الزحام والناس بدت تجوط وتعمل مشاكل ووقتها الزحام والتكدس فاق حد الوصف .
هرج ومرج وصريخ وعفيص .
إخيرا إبتدا ضباط الجوازت فى إجراءت ختم المغادرة .
بعض الفاسدين والمفسدين إستقلوا عدم صبر وشفقة المسافرين ونحن كشعب سوداني نتميز بهذه الصفات الاستعجال والشفقه حتى فى الطيران وفى الظروف العادية المافيها اى مشاكل ولا داعي للاستعجال .
عاملة نظافة فى الصالة وبعض السمسارة الذين لانعرف لاي جهة يتبعون كانوا بيشيلو جوازات وتذاكر المسافرين ويعملوا ليهم الختم بتاع المغادره بمبلغ لايقل عن 50 جنية وقتها .
المتاكد منو عاملة النظافة دى ممكن تكون مرت على كتيرين منكم وشافوها الزولة دى اكاد أجزم إنها عملت أكتر من 100 جواز من الرشايدة وخلافة من الشفقانين .
وكانت بتدير النشاط ده من خلف كافتيريا صالة المغادره التعيسة ال######انه الكلها كدايس .
أى زول جاي من ناحية سواكن لو حصلت زحمة ينتبة للزول دى حا يشوف العجب.
المصيبة بعد طلوعنا للباخرة إكتشفنا إننا فى الباخره دهب لايتجاوز عدد الراكبين ال 150 نفر وحوالى 15 سيارة .
من الاخر يا بدرى .
إفتعال المشاكل وخلق الازمات يصنعه بعض الطفيلين والمنتفعين . |
غايتو افتعالوم ده بغنيييهم عديل هسع شوف المصرييين يفتعلو ليك حاجه في الباخره يمشوها براحه عشان تشترو الفول والبسكوت والشاي وناسنا يفتعلو يبنو العمارات والشقق المفروشه ومالذ وطاب
واكيد ياصديقي المسؤولية بتقع علينا نحن لو كان خلينا الشفقه كدي ارجع اقرأ بتاعت الضابط المرتشي لو المية عربيه ومغترب قفلو الصف وقالو مابندفع فكرك كان بخلينا المشكله كلها في الشفقه القدت المكنه ربك يعين
تسلم ع المرور دهب دي باخره تركبا ياوهم وانا اقول بتنكررش مالك اليوم كلو كااااااااااااك
|
Post: #55
Title: Re: معقوله ماشفتو الحاصل في سواكن
Author: حامد بدري
Date: 09-20-2014, 04:58 PM
Parent: #54
الى الان حوالي الالف مغترب عالقين بسواكن وبورتسودان ومن ضمنهم اسرة اخي الاكبر لاكثر من اسبوع بحاولو الوصول لميناء جده وفي اعداد كبيره فقدت تاشيراتا وبالتالي امل العودة ضعيف جدا خصوصا في حالة تزامن انتهاء الاقامه مع التاشيره حسب علمي يمكن تمديد التاشيره اذا الاقامه صالحه وساريه المفعول
|
Post: #56
Title: Re: معقوله ماشفتو الحاصل في سواكن
Author: حامد بدري
Date: 09-28-2014, 03:00 PM
Parent: #55
يقولو ليك مافي فساد ومال البواخر ديل الأكلوم منو اكلتو سما
سمعت لي سالفه مامتاكد منها انو في واحده من البواخر بتاعت الركاب حالتها كويسه باعوها في الارجنتين الاشتروها اتخلعو من سعرها
|
|