المركزى وجه أمس بصرف تحويلات المغتربين بالأجنبى

Post: #1
Title: المركزى وجه أمس بصرف تحويلات المغتربين بالأجنبى
Author: نعمات عماد
Date: 09-03-2014, 07:05 AM

السودانى (03\09\2014 )

Post: #2
Title: Re: المركزى وجه أمس بصرف تحويلات المغتربين بالأجنبى
Author: الصادق عز الدين
Date: 09-03-2014, 07:12 AM
Parent: #1

خبر جميل وأتمنى أن يتم تطبيقه كما يفهم من القرار.
أكيد ده ح يخلي عدد مقدر من المغتربين للتحويل بالعملات الأجنبية
وإذا تم تنفيذ القرار كما يفهم منه سوف تزداد المبالغ المحولة عبر البنوك

Post: #3
Title: Re: المركزى وجه أمس بصرف تحويلات المغتربين بالأجنبى
Author: james
Date: 09-03-2014, 07:43 AM
Parent: #1

يجب ان تكون هناك مرحلة تسبق هذه القرارات

وهي في رأي اعادة الثقة بين الحكومة والمغترب، حيث فقدت تماما.

Post: #4
Title: Re: المركزى وجه أمس بصرف تحويلات المغتربين بالأجنبى
Author: الطيب شيقوق
Date: 09-03-2014, 08:20 AM
Parent: #3

طيب ما هي الاليات التي يمكن تطبيقها لمنع غسيل الامول ؟

Post: #5
Title: Re: المركزى وجه أمس بصرف تحويلات المغتربين بالأجنبى
Author: Othman Al-Hasan Babikir
Date: 09-03-2014, 08:28 AM
Parent: #1

الضمان شنو ؟؟؟
الناس ديل الثقة مفقوده فيهم تماماً ...................................................

Post: #6
Title: Re: المركزى وجه أمس بصرف تحويلات المغتربين بالأجنبى
Author: الحاج حمد الحاج
Date: 09-03-2014, 08:49 AM
Parent: #5

07-03-2013
بنك السودان يكشف عن إجراءات تحفيزية لجذب تحويلات المغتربين
إعطاء صاحب الحساب الحق في سحب النقد بالعملة التي يطلبها
[QUOTEوأضاف أن البنك المركزي سمح للبنوك بفتح فروع في كافة الأماكن لتساعد في إنسياب التحويلات وذلك عبر بطاقة الصراف الآلي وبإجراءات مبسطة وترك دفترالشيكات للبنوك وفرض على لبنوك إعطاء صاحب الحساب الحق في سحب النقد بالعملة التي يطلبها

كل فترة البنك المركزي يوجه و يستمر العمل بالتوجيه لفترة قصيرة و يتم ايقافه و بعد فترة يتم التوجيه مرة أخرى و هكذا..عدم الثقة بين المغترب و كل شئ حكومي ما يزال مستمر.

Post: #7
Title: Re: المركزى وجه أمس بصرف تحويلات المغتربين بالأجنبى
Author: wadalzain
Date: 09-03-2014, 09:15 AM
Parent: #6

تحياتى

حسب علمى وعلم كثيرين هذه ليست اول مرة يتقال نفس الكلام ويطلع بندق في بحر زى كلام اخونا الكاسر .... داك برضو قاعد يقول كلام كتير لكن الناس بتدفنو في محلو عارفينو ما منو فايدة

Post: #8
Title: Re: المركزى وجه أمس بصرف تحويلات المغتربين بالأجنبى
Author: عبدالعظيم عثمان
Date: 09-03-2014, 10:33 AM
Parent: #7

الحكومة مزنوقه زنق ###### في طاحونة

بقت زي الشراكة مع النصاب (حيقبل بكل شروطك ) ولكنه يعلم أنه لن يلتزم بأي شرط منها

الحكومة عاوزة نقد أجنبي من المغتربين (دا الهدف الرئيسي)

شتان بين الحكومة الأثيوبيه وبين الحكومة السودانيه

الحكومة الأثيوبيه طرحت سندات لتمويل سد النهضه .. تدافع المغتربين الأثيوبين للشراء (حتي عاملات المنازل)
والسبب أن الثقه متوفره في الحكومة وأنها راشده بالدرجة التي تجعل أن المواطن يدفع دون أن يتشكك في ضمان عودة رأس ماله

وحكومتنا تحويلات المغتربين ما قادرة توفر ليها ضمانات .. حكومة غير راشدة بالقدر الذي يجعلها تدفع المواطنين بأن يحولوا
أموالهم عبر الجهاز المصرفي ...
الحكومة اذا جادة في عليها أن تبدأ في سحب أفرادها من السوق الموازي ومن الصرافات التجاريه
وأن تعيد الثقه في مصارفها وأن تعمل بشفافيه وأن لا تهدر المال العام وأن تحترم القوانين التي تحكم عمل
النظام المصرفي بعيدا عن التسييس والمحسوبيه .. وأن تعيد إصلاح الإقتصاد وأن توقف الهدر المادي
علي الحروب العبثيه التي تواجه بها شعبها في أقاليم السودان ..

وبعدها يمكن أن تعود الثقه للمواطن في حكومته

Post: #9
Title: Re: المركزى وجه أمس بصرف تحويلات المغتربين بالأجنبى
Author: جمال ود القوز
Date: 09-03-2014, 11:02 AM
Parent: #8

الكلام القلناهو قبيل مشى وجاء ..
وياهو ده الالتفاف حصل ..
دي مكنة من الحكومة سااي ..
لتكوش على تحويلات المغتربين ..
وليتها جاده في ذلكـ بل هي مجرد خدعه ..
الحكومة اليومين ديل مزنوقة ومستعده تبصم بالعشرة على اي اتفاق ..
للحصول على عملة صعبة ..
لكن ساعة التنفيذ حتجي تتحجج ..
بانه ليس لديها مايكفي من النقد الاجنبي للوفاء بسداد التحويلات ..
في ذاك الوقت حتكون التحويلات ضربت الشقوق ..
وما اكثر شقوق الحكومة الناشفه الماحتاجه لأن تبتل بشقى المغتربين ..
وما أوسع ذمتها .. ساعة الوفاء ..
لن تفي الحكومة ولا بنك السودان ..
الذي لايملك اي سيطرة على البنوك ..
بعدين ..
لمن تذهب تحويلات المغتربين ؟؟ ..
هي عبارة عن مصاريف ..
لاسر وعوائل لن تستحمل مماحكة ومماطلة الحكومة حين التسليم ..
ولو ليوم واحد ..
ده كلام ليل سيمحوه نهار واقع معلوم للجميع ..
فلتبحث الحكومة عن مصادر تمويل أجنبي لتسيير أمورها..
ولتترك المغتربين في حالهم ..
فقد اذلتهم وورتهم الويل عبر جهاز النهب المسمى بجهاز المغتربين ...
امتصت عرقهم وكدهم وفرضت عليهم من الرسوم ما لم ينزل الله به سلطانا ..
بعدين ..
هل ستوافق مراكز القوى التي تعمل في التحويل خارج النطاق المصرفي ..
والتي هي من منسوبي الحكومة نفسها كما هو معلوم ..
ما أظن ..
ولن تسكت على تمرير هكذا قرار ..
وستخنقه في مهده ..
يبقى دي فنجطه وفرفرة مذبوح ليس الا .. .

Post: #10
Title: Re: المركزى وجه أمس بصرف تحويلات المغتربين بالأجنبى
Author: جعفر محي الدين
Date: 09-03-2014, 11:12 AM
Parent: #9

Quote: الحكومة اذا جادة في عليها أن تبدأ في سحب أفرادها من السوق الموازي ومن الصرافات التجارية
وأن تعيد الثقة في مصارفها وأن تعمل بشفافية وأن لا تهدر المال العام وأن تحترم القوانين التي تحكم عمل
النظام المصرفي بعيدا عن التسييس والمحسوبية .. وأن تعيد إصلاح الإقتصاد وأن توقف الهدر المادي
علي الحروب العبثية التي تواجه بها شعبها في أقاليم السودان ..

ما بتقدر حتى لو كانت جادة

Post: #11
Title: Re: المركزى وجه أمس بصرف تحويلات المغتربين بالأجنبى
Author: شمس الدين التوم
Date: 09-03-2014, 11:19 AM
Parent: #10

البيتلسع من الشوربة ينفخ في الزبادي ...

Post: #12
Title: Re: المركزى وجه أمس بصرف تحويلات المغتربين بالأجنبى
Author: عبدالله الشقليني
Date: 09-03-2014, 11:19 AM
Parent: #10

شكراً أستاذة الفاضلة نعمات ...

وننتظر لأن التجارب السابقة كانت سالبة ، إذ تم فجأة تحويل الرصيد الأجنبي إلى محلي بتسعيرة بنك السودان الرسمية ( غير الواقعية )
وشرب الجميع المقلب . الخطورة في أنه بصراحة الثقة مفقودة ، ولا توجد أصلاً دولة لتكون لها مصداقية في مال أجنبي ،
ونحن نعلم حاجتها للدولار وليس رأفة بالمغتربين !!

*
*

Post: #13
Title: Re: المركزى وجه أمس بصرف تحويلات المغتربين بالأجنبى
Author: أسامة العوض
Date: 09-04-2014, 05:05 AM
Parent: #12

نعمات عماد
والجمع الكريم صباحكم خير
صحيح فترة إنعدام الثقة طويلة وهي ربع قرن لكن بناء الثقة أمر في غاية البساطة وهي وثبة وثابة تقع على عاتق المنسوبين المخلصين الصادقين للمؤتمر الوطني في بلاد المهجر
ولنبدأ بأعضاء المنبر وهي أن يقوموا بعرض صورة من أيصالات ووثائق تحويلاتهم عبر البنوك السودانية بشرط أن يندغم الكيزان - كل الكيزان- في التحويل ولمدة خمسة سنوات متواصلة , عندها تبدأ الثقة في هذه التحويلات في النماء .. هيا أيها الكيزان أثبتوا ولاءكم

Post: #14
Title: Re: المركزى وجه أمس بصرف تحويلات المغتربين بالأجنبى
Author: ولياب
Date: 09-04-2014, 05:21 AM
Parent: #13

قرارات كثيرة صدرت من ذي قبل ولكنها لا تستمر ، أصحاب المزاج في السودان متقلبون .

عملوا بالجواز أبو (5) سنوات وتوقفوا من خشية إملاق .

أوقفوا الضرائب والمساهمات ثم عادوا .

فعلا الثقة مفقودة .

Post: #15
Title: Re: المركزى وجه أمس بصرف تحويلات المغتربين بالأجنبى
Author: جمال ود القوز
Date: 09-04-2014, 05:25 AM
Parent: #13

Quote: صحيح فترة إنعدام الثقة طويلة وهي ربع قرن لكن بناء الثقة أمر في غاية البساطة وهي وثبة وثابة تقع على عاتق المنسوبين المخلصين الصادقين للمؤتمر الوطني في بلاد المهجر
ولنبدأ بأعضاء المنبر وهي أن يقوموا بعرض صورة من أيصالات ووثائق تحويلاتهم عبر البنوك السودانية بشرط أن يندغم الكيزان - كل الكيزان- في التحويل ولمدة خمسة سنوات متواصلة , عندها تبدأ الثقة في هذه التحويلات في النماء .. هيا أيها الكيزان أثبتوا ولاءكم

بالعكس بناء الثقة أصعب ..
ويحتاج لمدى زمني أبعد ..
وربما فاق نظرية رد الفعل ..
عارف يا ود العوض ..
أخير اليقنعوا من هسه سااي ..
لانه الشغله دي محتاجه لمجهود وصبر ووقت طويل ..
قلت لي الكيزان يبدوا بانفسهم .. ( يعني طباخ السم ضواقو )
عليك الله ..
هم غير التجارب فينا فالحين في شنو . ..
انت عارف الخوف يمشّوا الشغلانة زنديه وسمبله سااي ..
ويخربوا كل شي لايلقوا هم لا يخلوا ناس جوه يلقوا مصاريفهم ..
وبكده يكونوا شابهوا ديكـ العده ..
دي سياسات حيكت بليل ..
ولن تفلح لان مراميها تخالف اهدافها المعلنه ..
بعدبن الخمسه سنين ..
دي غناها ود اللمين وشاعرها كان متنعم ومتجدع ..
ويغترف من حب محبوبته ..
لكن البصبر ناس الحكومة شنو على خمس سنين عجاف ..
الخمسة سنين كتيره عليهم ولن يصبروا نصها ..
صدقني ..
دي سياسة مرسومة عشان تؤتي أكلها بعد حين ..
الكيزان ما عندهم خطة طويلة المدي ..
كل خططهم نتشه وما بتفوت أخمص أقدامهم ..
وخطتهم الطويله الوحيده النجحت هي بقاءهم في الحكم ..
والساهم وخطط للكلام ده هسه بره الزون خالص ..
وأعيته الحيله في ابطال سحره الذي نفخ في عُقده ..

Post: #16
Title: Re: المركزى وجه أمس بصرف تحويلات المغتربين بالأجنبى
Author: Hisham Ibrahim
Date: 09-04-2014, 05:58 AM
Parent: #15

هو التحويل يجي من وين ؟؟؟؟

البنوك الخليجية موقفة التحويل عشان الأخوان المسلمين ....

الإتحاد الاوربي مقاطعه
مقاصة اليورو في برلين

امريكا مقاطعه
مقاصة الدولار في أمريكا ....

يجيك كيف التحويل يا وهم الناس ....

عليكم عدم فهم كدا يورم الفشفاش ...

Post: #17
Title: Re: المركزى وجه أمس بصرف تحويلات المغتربين بالأجنبى
Author: Nasruddin Al Basheer
Date: 09-04-2014, 08:13 AM
Parent: #16

عليْ الأيمان لو السفارة السودانية بتهديني عشرة ألف درهم شهرياً عشان أحولها لأهلي في السودان ويصرفوها هناك بالدولار ما أحول عن طريق البنك..
ديل حرامية ما عندهم دين ولا عهد ولا أخلاق..

Post: #18
Title: Re: المركزى وجه أمس بصرف تحويلات المغتربين بالأجنبى
Author: نعمات عماد
Date: 09-04-2014, 07:02 PM
Parent: #1

السلام عليكم
لا يثق فى الحكومة .و لن يفرط أحد فى ماله لتستولى عليه الحكومة و تمول به حملتها الانتخابية .

اسئلة جادة طرحت
الطيب شيقوق
Quote: طيب ما هي الاليات التي يمكن تطبيقها لمنع غسيل الامول ؟

Othman Al-Hasan Babikir
Quote: الضمان شنو ؟؟؟
الناس ديل الثقة مفقوده فيهم تماماً .........

Hisham Ibrahim
Quote: هو التحويل يجي من وين ؟؟؟؟

البنوك الخليجية موقفة التحويل عشان الأخوان المسلمين ....

الإتحاد الاوربي مقاطعه
مقاصة اليورو في برلين

امريكا مقاطعه

من يجيب على هذه الأسئلة ؟
من يبدد هذه الشكوك ؟
james
Quote: يجب ان تكون هناك مرحلة تسبق هذه القرارات

وهي في رأي اعادة الثقة بين الحكومة والمغترب، حيث فقدت تماما.

الحاج حمد الحاج
Quote: 07-03-2013
بنك السودان يكشف عن إجراءات تحفيزية لجذب تحويلات المغتربين

wadalzain
Quote: حسب علمى وعلم كثيرين هذه ليست اول مرة يتقال نفس الكلام ويطلع بندق في بحر

جعفر محي الدين
Quote: ما بتقدر حتى لو كانت جادة

ولياب
Quote:
قرارات كثيرة صدرت من ذي قبل ولكنها لا تستمر ، أصحاب المزاج في السودان متقلبون .

و اقتراحات مهمة
الصادق عز الدين
Quote: أن يتم تطبيقه كما يفهم من القرار.

عبدالعظيم عثمان
Quote: الحكومة اذا جادة في عليها أن تبدأ في سحب أفرادها من السوق الموازي ومن الصرافات التجاريه
وأن تعيد الثقه في مصارفها وأن تعمل بشفافيه وأن لا تهدر المال العام وأن تحترم القوانين التي تحكم عمل
النظام المصرفي بعيدا عن التسييس والمحسوبيه .. وأن تعيد إصلاح الإقتصاد وأن توقف الهدر المادي
علي الحروب العبثيه التي تواجه بها شعبها في أقاليم السودان ..

جمال ود القوز
Quote: فلتبحث الحكومة عن مصادر تمويل أجنبي لتسيير أمورها..
ولتترك المغتربين في حالهم ..
فقد اذلتهم وورتهم الويل عبر جهاز النهب المسمى بجهاز المغتربين ...
امتصت عرقهم وكدهم وفرضت عليهم من الرسوم ما لم ينزل الله به سلطانا ..

أسامة العوض
Quote: ولنبدأ بأعضاء المنبر وهي أن يقوموا بعرض صورة من أيصالات ووثائق تحويلاتهم عبر البنوك السودانية بشرط أن يندغم الكيزان - كل الكيزان- في التحويل ولمدة خمسة سنوات متواصلة , عندها تبدأ الثقة في هذه التحويلات في النماء .. هيا أيها الكيزان أثبتوا ولاءكم

و قناعة تامة بلاجدوى قرار المركزى
شمس الدين التوم
Quote: البيتلسع من الشوربة ينفخ في الزبادي ...

أستاذ عبدالله الشقليني
Quote: الخطورة في أنه بصراحة الثقة مفقودة ، ولا توجد أصلاً دولة لتكون لها مصداقية في مال أجنبي ،
ونحن نعلم حاجتها للدولار وليس رأفة بالمغتربين !!

Nasruddin Al Basheer
Quote: عليْ الأيمان لو السفارة السودانية بتهديني عشرة ألف درهم شهرياً عشان أحولها لأهلي في السودان ويصرفوها هناك بالدولار ما أحول عن طريق البنك..
ديل حرامية ما عندهم دين ولا عهد ولا أخلاق..

شكرا لكم الأساتذة الأجلاء تناولتم الخبر بأريحية و حكمة و بعض طرافة ليتكم أنتم الحكومة و ليت الحكومة لم تكن أبدا .

Post: #19
Title: Re: المركزى وجه أمس بصرف تحويلات المغتربين بالأجنبى
Author: خالد حاكم
Date: 09-05-2014, 00:10 AM
Parent: #18

Quote:

الضمان شنو ؟؟؟
الناس ديل الثقة مفقوده فيهم تماماً ...................................................

غايتو اى مغترب يصدق مثل هذا الكذب يكون جنى على رقبتو وعلى اهلو وبعدين زى ما قال الاخ هشام ابراهيم باى وسيلة الناس حتحول اذا الدنيا كلها مقفلة امامهم ؟

الاخ عثمان الحسن بابكر
ممكن طلب صغير يا اخى , ارجوك لو فى امكانية غير صورة بروفايلك لانو بقت ما بتشبهك .. يا اخى انا لما قريت مداخلتك المقتبس فوق ولمحت الصورة قبل ما اشوف الاسم اتخلعت وعايز اقع من الكرسى .. ان شاء الله تكون فهمتنى .. مع تحياتى

Post: #20
Title: Re: المركزى وجه أمس بصرف تحويلات المغتربين بالأجنبى
Author: نعمات عماد
Date: 09-05-2014, 05:44 PM
Parent: #1

Quote: غايتو اى مغترب يصدق مثل هذا الكذب يكون جنى على رقبتو وعلى اهلو وبعدين زى ما قال الاخ هشام ابراهيم باى وسيلة الناس حتحول اذا الدنيا كلها مقفلة امامهم ؟

شكرا خالد حاكم على المرور و النصيحة .
تحياتى