فالتخرج - - غير مأسوف عليك

من سودانيز اون لاين ان لم تكن معارضه
------------------------------
دخلتك وختت كراعك ان ياقلت يابشير ساي
يضربو السكليب لي سيد بكري
من الامثله(بتجيب لينا العفن ديل من وين يابكري) خ ط مثال

(وهنا لابد لي ان اشيد بالسيد بكري حفظه الله
ورعاه علي مواقفه المشرفه) ماكسير تلج يالمفنجل عينيك

ده طبعا بعدما يشبعوك سب وشتم
من العيار التقيل

يختوك في خانة كوز وارزقي ومنافق ومستنفع

وينما ومحلما تخش تلاقي العالم كلها تحمر ليك

ان لقيتلك صيوان عزا ساي وجيت تعزي وتشيل فاتحه ان
ليهم مراد يقولولك امرق ساي فاتحتك مابندوره


يتبع.......

شيوعي انصاري شعبي اتحادي بعثي جمهوري

مامهم

المهم تعارض

وهم يعلمون او لايعلمون ان اكثر من ثمانين بالمئه
من الشعب السوداني او كمايسميهم ود المليك (ناس قريعتي راحت)

وقد تجد شيخا تجاوز السبعين وعمرو ماعرف طريق لصندوق
اقتراع حتي اليوم

ماعشان هو قريعتي راحت

لكن عشان مافي حزب من هذه الاحزاب الهالكة البائسه
ملت عينو
يعني لاحزب لا زعيم حزب


مصنع الرجال يفرخ في رؤساء وزعماء الامه

والجميله ومستحيله تشيل وتفرخ في المثقفين
المنظراتيه والباحثين عن الشهره والمال و الثروه

يتبع.....

والبروف طلع والبروف نزل والبروف قال
والدكتور كتب والدكتور صرح

وياهو ده حدهم

البلد كلها اتملت دكاتره وبروفات

حتي بتاع الباسطه و عازفي الكمنجات وضباط الايقاع بقو دكاتره

ياحبنا للالقاب البتملا الخشم