Post: #1
Title: غريبة حكاية السودانيين مع السراير (سرر)
Author: ALazhary2
Date: 08-30-2014, 10:30 AM
Parent: #0
.
.
أحد الزملاء من الخليج العربي محب للسودانيين ودائم التواصل معهم .
سألني قبل عدة أيام قائلاً :
كثير من الإخوة السودانيين عزموني في بيوتهم وتشرفت بزيارتهم،وحتى سافرت السودان مع صديق منهم وعندي ملاحظة :
السودانيين يضعون سرر (جمع سرير) في غرف الاستقبال (الصالون) والصالات والحوش والسطح وتقريباً في كل مكان في البيت .
وهذا الشيء يجعل غير السوداني يصدق مايسمعه عن كسل السودانيين .
فما هو السبب؟
هل هي ثقافة نابعة من بساطة السودانيين مثلاً؟
ولا محبة الضيوف وكثرتهم وعادات السودانيين الطيبة في الترحيب بالضيف واستضافته لفترات ؟
حتى أنا لاحظت في الغربة السودانيين يضعون (سرر) في الصالات وأحيانا في الصالون .
هل توجد هذه العادة عند غيرنا من الشعوب؟
تحياتي
.
.
|
Post: #2
Title: Re: غريبة حكاية السودانيين مع السراير (سرر)
Author: ALazhary2
Date: 08-30-2014, 11:13 AM
Parent: #1
.
.
مثال من الشبكة من منتدى سوداني واحد خاتة الصورة دي للصالون حق بيتها وبرضو فيه سرير
.
.
|
Post: #3
Title: Re: غريبة حكاية السودانيين مع السراير (سرر)
Author: اسامه خليفه
Date: 08-30-2014, 11:24 AM
Parent: #2
يا خي كدي اخد ليك انتكاية شويه في السرير الجمبله دا قبل ما يجيبوا الغدا هههههه..
سلام بالازهري 2 والسراير بقت جزء من الفلكور السوداني زي العراقي والسروال الطويل .. وطلعت موضة بتاعت سرارير جميله ممكن ان تكون علي المجلس بجانب طقم الجلوس ولكن لابد من وجدودها ..
الان بعض الاسر يخصوصنا غرفة صغيره بجانب الصالون يضعون عليها السراير لمن يريد ان يتكي ..
شكرا يا ازهري2
|
Post: #8
Title: Re: غريبة حكاية السودانيين مع السراير (سرر)
Author: ALazhary2
Date: 09-01-2014, 04:12 PM
Parent: #3
Quote: يا خي كدي اخد ليك انتكاية شويه في السرير الجمبله دا قبل ما يجيبوا الغدا هههههه..
سلام بالازهري 2 والسراير بقت جزء من الفلكور السوداني زي العراقي والسروال الطويل .. وطلعت موضة بتاعت سرارير جميله ممكن ان تكون علي المجلس بجانب طقم الجلوس ولكن لابد من وجدودها ..
الان بعض الاسر يخصوصنا غرفة صغيره بجانب الصالون يضعون عليها السراير لمن يريد ان يتكي ..
شكرا يا ازهري2 |
عزيزي أسامة
شفت حكاية التكية الكل شوية دي هي الجايبة لينا الكلام زاتو 
أما وضع السرر في كل غرفة من غرف البيت فهي بالضبط أضحت جزءًا من الثقافة السودانية إلا ما ندر .
كويس إنو تخصص غرفة جنب الصالون للضيوف في حال اليسر المادي ،وطبعاً أحسن مية مرة من وضع سرير في الصالون .
تحياتي وتقديري
.
.
|
Post: #4
Title: Re: غريبة حكاية السودانيين مع السراير (سرر)
Author: معاوية المدير
Date: 08-30-2014, 11:26 AM
Parent: #2
بنحب نِجدّع، الزول دا مالو ومالنا.
عوداً حميداً يا الأزهري.
ظهرت بعد نحن مشتتين ؟...
|
Post: #9
Title: Re: غريبة حكاية السودانيين مع السراير (سرر)
Author: ALazhary2
Date: 09-01-2014, 04:21 PM
Parent: #4
Quote: بنحب نِجدّع، الزول دا مالو ومالنا.
عوداً حميداً يا الأزهري.
ظهرت بعد نحن مشتتين ؟. |
الحبيب معاوية تشتت وين مفارقنا ؟
أقعد يازول واحتسب على قولة ولاة الأمر في بلادنا
تعرف يامعاوية قبل كدة في واحد إسمو عز الدين الفحل كتبت ليه مداخلة إنو يرحمنا من بوستات (شوفوني) والبوبار قام شتمني وشتم الوالد والوالدة بكلمات في غاية الفحش والبذاءة .
الزول ده لحدي هسع لسة قادي الناس في المنبر ولا حول ولا قوة إلا بالله ونسأله سبحانه أن يفرغ علينا صبراً .
عشان كدة بكرر وأقول ليك احتسب يامواطن :) وليس يُرجم إلا ماله ثمرُ .
أما المواطن الخليجي فهو محب للسودان وأهله وبس بيستفسر وكدة ياطويل العمر .
تحياتي وتقديري
.
.
|
Post: #5
Title: Re: غريبة حكاية السودانيين مع السراير (سرر)
Author: حاتم إبراهيم
Date: 08-30-2014, 11:29 AM
Parent: #1
للأسف هذا صحيح
أظن والله أعلم لأن السرير يخدم أكثر من غرض
فهو للجلوس والإتكاءة والنوم بعكس الكرسي
لكن تحويل البيت لعنبر باطنية ما حضاري
|
Post: #6
Title: Re: غريبة حكاية السودانيين مع السراير (سرر)
Author: أيمن دياب
Date: 08-30-2014, 12:30 PM
Parent: #5
سلام الأزهري..
نحنا ليس لدينا غرف خاصة بعدد أفراد الأسرة..
ولذلك قد تجد الغرفة فيها ثلاثة من (السرر)..
وممكن الشباب ينوموا في الصالون.. وجماعة في الحوش..
يعني الأسرة الفيها عشرة أفراد بتلقى عندهم 14 سرير أقل حاجة..
باعتبار ممكن حضور ضيوف وكدة..
|
Post: #7
Title: Re: غريبة حكاية السودانيين مع السراير (سرر)
Author: aosman
Date: 08-30-2014, 12:47 PM
Parent: #6
الخليجيين كمان جنهم ياكلوا رز في كل وجباتهم والخرفان السمان..... في حد سألهم؟
|
Post: #13
Title: Re: غريبة حكاية السودانيين مع السراير (سرر)
Author: ALazhary2
Date: 09-01-2014, 04:48 PM
Parent: #7
| Quote: الخليجيين كمان جنهم ياكلوا رز في كل وجباتهم والخرفان السمان..... في حد سألهم؟ |
صاحبنا بيسأل بدافع المودة وحب المعرفة وبس يا aosman
شوف الزول ده يا aosman أكل خروف براه شكله :)
تحياتي وتقديري
.
.
|
Post: #11
Title: Re: غريبة حكاية السودانيين مع السراير (سرر)
Author: ALazhary2
Date: 09-01-2014, 04:30 PM
Parent: #6
Quote: سلام الأزهري..
نحنا ليس لدينا غرف خاصة بعدد أفراد الأسرة..
ولذلك قد تجد الغرفة فيها ثلاثة من (السرر)..
وممكن الشباب ينوموا في الصالون.. وجماعة في الحوش..
يعني الأسرة الفيها عشرة أفراد بتلقى عندهم 14 سرير أقل حاجة..
باعتبار ممكن حضور ضيوف وكدة.. |
ممكن يكون ده من الأسباب الحقيقية والرئيسة يا أيمن . لكن برضو بعرف أسر وضعها المادي ممتاز ولديها غرف بعدد أفراد الأسرة ومع ذلك تجد السرر في الصالة . الحكاية بقت جزء أصيل من ثقافة التأثيث السودانية .
تحياتي وتقديري
.
.
|
Post: #10
Title: Re: غريبة حكاية السودانيين مع السراير (سرر)
Author: ALazhary2
Date: 09-01-2014, 04:26 PM
Parent: #5
Quote: للأسف هذا صحيح
أظن والله أعلم لأن السرير يخدم أكثر من غرض
فهو للجلوس والإتكاءة والنوم بعكس الكرسي
لكن تحويل البيت لعنبر باطنية ما حضاري |
بالضبط كدة ياحاتم ماحضاري أبداً ولا شاف الحضارة .
تحياتي ياعزيزي
.
.
|
Post: #12
Title: Re: غريبة حكاية السودانيين مع السراير (سرر)
Author: usama Babiker
Date: 09-01-2014, 04:39 PM
Parent: #10
الموضوع يا ازهري لانه ناس الخليج بشكل عام مافي حد بينزل مع اخوه او خاله او عمه ... لذلك بتكون السراير مختصرة على اهل البيت ... اما عندنا نحن السودانيين يعني عادي يكون معاك ضيوف ويجلسوا معك عدة ايام من اقاربك اخوانك كده ... لذلك لابد من وجود سراير للنوم والضيافة ...
|
Post: #14
Title: Re: غريبة حكاية السودانيين مع السراير (سرر)
Author: ALazhary2
Date: 09-01-2014, 04:52 PM
Parent: #12
.
.
عزيزي أسامة
في ظل الوضع المادي الخانق وصعوبة تخصيص غرفة للضيوف الظاهر مافي حل غير كدة .
لكن بالمناسبة ناس الخليج بيستضيفوا أهلهم . عندهم غرفة بسموها الملحق بينوموا فيها الضيوف القرايب (الرجال) .
|
Post: #16
Title: Re: غريبة حكاية السودانيين مع السراير (سرر)
Author: عمار عبدالله عبدالرحمن
Date: 09-01-2014, 05:21 PM
Parent: #14
الازهري يا حبيب
عودا حميدا مستطاب
تسوق الخليجي معاك الخرطوم وتدي مشوارين , وتجي تصلب في كرسي في البيت لوحده حيكتشف اهمية السرير
في الصالون ,,,,,,,,,,,,,,,,,,,,,,
|
Post: #17
Title: Re: غريبة حكاية السودانيين مع السراير (سرر)
Author: ALazhary2
Date: 09-01-2014, 05:41 PM
Parent: #16
.
.
الحبيب عمار
كيفك ياباشا مشتاق ليك والله .
شايفك في بوست ناس داعش :)
ياعمار أنت تحاول نقل الشمس عن مستقرها وإفهام أحجار من الصلداتِ .
دعهم ياعزيزي حتى يلاقوا يومهم الذي فيه يصعقون .
الباحث عن الحق سيجده فنحن في عصر المعرفة والاتصالات ، والعلم متاح عند أطراف الأصابع، وآية الله العظمى قوقل دام ظله الشريف قد أتاح الحقيقة للباحثين .
فألق حبلها على غاربها وأسق آخرها بكأس أولها وتذكر قول بن المطهر لما سئل لماذا لا تجيب على بن تيمية فقال لو كان يفهم لأجبته .
أما صاحبنا الخليجي فلا أخاله يصبر على كًبد السودان ووعثاء تلك الأرض .
تحياتي وتقديري
.
.
|
Post: #15
Title: Re: غريبة حكاية السودانيين مع السراير (سرر)
Author: ALazhary2
Date: 09-01-2014, 05:05 PM
Parent: #1
.
.
حتى مراسم الاحتفال بالزواج على سرير !
وحمل الميت لمثواه الاخير برضو على سرير !
وفي الغالب السوداني لو كان في مكان جميل هواه بارد وفيه شجر يقول ليك بس كان لقيت عنقريب تحت الشدرة والهواء البارد ده
هاااالا سآآآبأ
.
.
|
Post: #18
Title: Re: غريبة حكاية السودانيين مع السراير (سرر)
Author: cantona_1
Date: 09-01-2014, 05:50 PM
Parent: #15
الإبن الازهري 2 بعد السلام
كيف احوالك واخبارك واخبار الوالدين والشباب؟
أخبارك منقطعة النظير كما قال حلاق الجامعة.
السراير وليس السرائر – فالسرائر لا يعلمها إلا الله- هي مصدر من مصادر كسل الشعب السوداني الحبيب .. سوداني ما كسلان دا ذاتو ما بكون سوداني كامل الدسم وعنده رقم وطني
عندنا كسلا وكمل نومك وقنِّب وقام من نومو لقى كومو .. ما ياهو الكسل بذاتو؟
نرجو التواصل يا إبني العزيز.
زر قناتي في اليوتيوب من فضلك واشترك فيها
https://www .youtube.com /user/KabbashiSudan
كبـّاشي الصافي
|
Post: #19
Title: Re: غريبة حكاية السودانيين مع السراير (سرر)
Author: ALazhary2
Date: 09-01-2014, 05:57 PM
Parent: #18
.
.
العم العزيز الحبيب كانتونا
لكم خالص الود والتقدير .
دعواتي لكم وللأسرة الكريمة بالصحة والرزق في بلاد صاحبة الجلالة .
| Quote: سوداني ما كسلان دا ذاتو ما بكون سوداني كامل الدسم وعنده رقم وطني |
عصرت علينا شديد ياحبيب 
إن شاء الله أتشرف بزيارة قناتك في اليوتيوب وربنا يجمعنا في ساعة خير .
ملأكم الله عافية ومن تحبون أيها الكريم المفضال .
.
.
|
Post: #20
Title: Re: غريبة حكاية السودانيين مع السراير (سرر)
Author: وضاح عبدالرحمن جابر
Date: 09-01-2014, 07:08 PM
Parent: #15
السألك ممكن يستغرب
لكن ما اظن سوداني يستغرب من الموضوع ده
فى الخليج .. وبدون تعميم مسألة انك تستضيف واحد وينوم عندك دى صعبه شويه
وكتير بنشوف ناس نايمين فى عربياتهم لانهم جو زيارة لى ناس لكن .. ما بنوموا عندهم ..
السرير فى الصالون ارتبط بالضيف ... واكرامه ... وعندنا ضيوف بجوك من مكان بعيد .. بنوموا عندك
فعاداتنا وتقاليدنا بتسمح بى كده .. عكس كتير من سكان الخليج حاليا ...
عادى بتلقى الاسرة السودانية معاها ابو الزوج ولا ابو الزوجه او اخو الزوجه .. فى ضيافتهم فى البيت
فبجهزوا ليهو سرير الضيافة
ومن عاداتنا كذلك النوم فى السرير
ومن عادات كتير من اهل الخليج النوم فى الارض
وعندنا لو الضيف نومته فى الواطه ... بطلع منك وتانى ما بتشوف وشو
فالناس عادات وتقاليد
والبسخر من عادات الشعوب انسان جاهل
مفروض الواحد لو شاف حاجه معينه يستفسر منها لاجل التعلم والمعرفة .. وليس من اجل المسخرة والاستهزاء
فما نشوفه غريب علينا اكيد بعنى الكتير لاصحابه
واكيد بنجهل عنه الكتير
تحياتى
|
Post: #21
Title: Re: غريبة حكاية السودانيين مع السراير (سرر)
Author: ALazhary2
Date: 09-03-2014, 07:47 PM
Parent: #20
Quote:
السألك ممكن يستغرب
لكن ما اظن سوداني يستغرب من الموضوع ده
فى الخليج .. وبدون تعميم مسألة انك تستضيف واحد وينوم عندك دى صعبه شويه
وكتير بنشوف ناس نايمين فى عربياتهم لانهم جو زيارة لى ناس لكن .. ما بنوموا عندهم ..
السرير فى الصالون ارتبط بالضيف ... واكرامه ... وعندنا ضيوف بجوك من مكان بعيد .. بنوموا عندك
فعاداتنا وتقاليدنا بتسمح بى كده .. عكس كتير من سكان الخليج حاليا ...
عادى بتلقى الاسرة السودانية معاها ابو الزوج ولا ابو الزوجه او اخو الزوجه .. فى ضيافتهم فى البيت
فبجهزوا ليهو سرير الضيافة
ومن عاداتنا كذلك النوم فى السرير
ومن عادات كتير من اهل الخليج النوم فى الارض
وعندنا لو الضيف نومته فى الواطه ... بطلع منك وتانى ما بتشوف وشو
فالناس عادات وتقاليد
والبسخر من عادات الشعوب انسان جاهل
مفروض الواحد لو شاف حاجه معينه يستفسر منها لاجل التعلم والمعرفة .. وليس من اجل المسخرة والاستهزاء
فما نشوفه غريب علينا اكيد بعنى الكتير لاصحابه
واكيد بنجهل عنه الكتير |
عزيزي وضاح
أشكركم على وجهة نظركم . وأطمنك صاحبنا استفسر بدافع المعرفة وبس .
تحياتي
.
.
|
Post: #22
Title: Re: غريبة حكاية السودانيين مع السراير (سرر)
Author: يوسف أبو صالح
Date: 09-03-2014, 09:08 PM
Parent: #1
السلام عليكم ورحمة الله
مسألة السرر فى البيت السودانى والديوان هى نتاج كثرة زوار المنزل والظروف ليها دور يعنى فى ناس كتيرة ما بتقدر تشترى اسرة وكراسى عشان كدا بضربوا اتنين فى واحد جلوس ورقاد ،
اما بالنسبة لطارى الخلايجة فعندى صاحبى قطرى قال لى صحى كل ضابط جيش عندكم فى مكتبه فى سرير قلت ليه جبت الكلام دا من وين قال لى من الزملاء السودانيين غايتو حاولت القى لى مراقة قلت ليه بما انو البلد فى حالة حرب احتمال يكونوا شغالين على طول عشان الاستعداد وكدا
عمنا كونتانا الذى فى بلاد اولاد جون
لو جينا للفصحى فسراير ايضا غير صحيحة فالصواب فى الكلمة (سرر)
قال الله تعالى فى شأن اهل الجنة (( ونزعنا ما فى صدورهم من غل اخوانا على سُررٍ متقابلين ))
| Quote: السراير وليس السرائر |
|
Post: #23
Title: Re: غريبة حكاية السودانيين مع السراير (سرر)
Author: محمد جلال عبدالله
Date: 09-04-2014, 03:11 AM
Parent: #22
فكي أزهري قلت لي قفلوا ليكم المستشارية قبلتوا على السراير
باين عليكم حتدخلوا مرحلة السراديب والخلايا (النايمة)
يا رافضي
عليك ليل طويل فارقد.. عليك ليل طويل فارقد
|
|