Post: #1
Title: الزول دا لحُوّح خلاس. والله صحي. معانا هنا...
Author: معاوية المدير
Date: 08-29-2014, 00:45 AM
Parent: #0
زمان يقولوا لينا،
الكربة كان عضتك ما بتفكك
إلا حمار الخلا يهنِق.
الزول دا كان كجمك والله حمار الخلا دا كان
لسانو إدلدل فوق سدرو ما يفكك.
لحوح. والله صحي..
|
Post: #2
Title: Re: الزول دا لحُوّح خلاس. والله صحي. معانا هنا...
Author: معاوية المدير
Date: 08-29-2014, 00:48 AM
Parent: #1
بالضبط زي الباكستانيين والهنود.
كان شبك فيك يحلك الجليل الرحيم.
الباكستانيين والهنود ديل شدة ما لحوحين وخبارين
كان ركبت جم وآحد في المواصلآت وشايلك كيس
كان ما عرف الفي الكيس ما بيرتاح. والله صحي...
|
Post: #3
Title: Re: الزول دا لحُوّح خلاس. والله صحي. معانا هنا...
Author: معاوية المدير
Date: 08-29-2014, 00:49 AM
Parent: #2
زمان وكِت كنا نشرك للسمك في سنارة اسما
شِبكة لِبكة دي بتكنكش في السمكة زي زولنا،
كان كنكش فيك واطآتك أصبحت...
|
Post: #4
Title: Re: الزول دا لحُوّح خلاس. والله صحي. معانا هنا...
Author: تبارك شيخ الدين جبريل
Date: 08-29-2014, 00:57 AM
Parent: #3
سكان جوبا في فترة الحرب الأهلية ... كانوا يسمّون طائرة الآنتينوف:
فتِّشي كلام 
... المهم ....
|
Post: #5
Title: Re: الزول دا لحُوّح خلاس. والله صحي. معانا هنا...
Author: معاوية المدير
Date: 08-29-2014, 01:02 AM
Parent: #4
[] [/u
[ [/url]
|
Post: #6
Title: Re: الزول دا لحُوّح خلاس. والله صحي. معانا هنا...
Author: معاوية المدير
Date: 08-29-2014, 01:04 AM
البيقول لحوح، اليقيف بجاي،
والبيقول ما لحوح، اليقيف بجاي.
عشان نعرف هل هو لحوح أم لا ؟.
غايتو أنا بقول لحوح...
|
Post: #7
Title: Re: الزول دا لحُوّح خلاس. والله صحي. معانا هنا...
Author: تبارك شيخ الدين جبريل
Date: 08-29-2014, 01:12 AM
Parent: #6
شرف لا أدعيه
و ... رر ررر دلب ...
... المهم
|
Post: #8
Title: Re: الزول دا لحُوّح خلاس. والله صحي. معانا هنا...
Author: معاوية المدير
Date: 08-29-2014, 01:14 AM
Parent: #7
سلآمات يا طبارك.
يا طبارك ممكن تصوت معانا لو داير،
البوست مفتوح للتصويت...
|
Post: #9
Title: Re: الزول دا لحُوّح خلاس. والله صحي. معانا هنا...
Author: تبارك شيخ الدين جبريل
Date: 08-29-2014, 01:55 AM
Parent: #8
انا - طبعًا - بنكر خشبة انو انا لحوح ...
الجمل ما بشوف عوجة رقبتو
... المهم ....
|
Post: #10
Title: Re: الزول دا لحُوّح خلاس. والله صحي. معانا هنا...
Author: معاوية المدير
Date: 08-29-2014, 02:05 AM
Parent: #9
Quote:
انا - طبعًا - بنكر خشبة انو انا لحوح ...
الجمل ما بشوف عوجة رقبتو |
يا تبارك إنت ختري. والله صحي.
أسعل الناس الهنا ديل كولهم.
مقولة الجمل صحيحة 100%...
|
Post: #11
Title: Re: الزول دا لحُوّح خلاس. والله صحي. معانا هنا...
Author: تبارك شيخ الدين جبريل
Date: 08-29-2014, 02:15 AM
Parent: #10
Quote: يا تبارك إنت ختري. والله صحي.
أسعل الناس الهنا ديل كولهم.
مقولة الجمل صحيحة 100%... |
عارف والله (وشكرًا على التنبيه اللطيف)
لاكين انا بالي بعيييد ... مسائل التهذيب والمجاملة دي قاعد اجليها عادي ... ما عندي اجتماعيات في البورد ..
نحن قاعدين ننحشر حشر في نفق مظلم ...
وهذا المنبر أداة - على فقرها - لإخراجنا من ذلك النفق المظلم ...
عشان كدا عندي جبهات معينة ما برخي فيها نهائي ...
... المهم ....
|
Post: #12
Title: Re: الزول دا لحُوّح خلاس. والله صحي. معانا هنا...
Author: معاوية المدير
Date: 08-29-2014, 02:43 AM
Parent: #11
إتنين من أهل البُطانة مستعجلين وخابين خبيب شديد جداً شاقين البطانة، ينهبو في
الأرض نهب. في عجلة من امرهم. فجأة شافو شيخ ابسن قاعد تحت ضُل شُدرة.
واحد قال لصاحبو: النغشى شيخ العرب نسلّم عليهو.
التاني مُستعجل جداً، قالوا: الزول دا بمسكنا، ونحن مستعجلين.
صاحبو قال ليهو: أفو، عآد بنفوت شيخ العرب بلآ سلآم كيفِن؟
ردّ عليهو: يا اخي الزول دا لحوّح، وبيمسكنا في الكلآم، ونحن مستعجلين.
ردّ عليو: آزول حرّم مابنفوت شيخ العرب بلآ نطايبو.
قالوا كدي مشو عليهو...
: ســـلآم شيخ العرب.
شيخ العرب: مرحب حبابكم، إنتو منو؟
القال نغشاهو: انا ود فلآن الفِلآني.
شيخ العرب: آآآآ، وإنت؟
المستعجل: انا ود فِلآن الفِلآني.
شيخ العرب: آآآ، دحين إنت واخوانك مالسرقتو جمال ناس فِلآن؟
المستعجل: ابداً يا شيخ العرب، ديّل ما نحن.
شيخ العرب: نآن السرقِن منو؟
المستعجل: ديّل وِلآد أعمّنا.
شيخ العرب: اها، ووِلآد اعمّكن قُدرتُن شنو يسرقوا جُمال الناس؟
المستعجل: والله يا شيخ العرب....
شيخ العرب(مُقاطعاً): الحليفة العليك شنو كمان؟ تسرقو جمال الناس، وتقعدوا
تحلفوا!!!
المستعجل: لكن يا شيخ العرب...
شيخ العرب (مُقاطعاً): لكن شنو كمان؟ السرقة دِي مِي عيّب؟
المستعجل: عيّب يا شيخ العرب. لكن...
شيخ العرب (مُقاطعاً): ماتقول لي لكن، وكت عارفنها عيّب سارقين ليه؟
الجماعة يدورو يتخارجو، وشيخ العرب عاصر عليهُن.
المستعجل: يا شيخ العرب نحن ماشين.
شيخ العرب: تمشو وين؟ كدي في الأوّل وريني ولآد اعمّك ديل سرقو الجمال ليه؟
المستعجل: والله يا شيخ العرب تقول شنو؟ كلوا من إبليس.
شيخ العرب( مُقاطعاً بإستغراب): إبليس!!! والله قال إبليس، قال!!!؟
المستعجل: يا شيخ العرب نحن ماشيّن.
شيخ العرب: ماشين وين؟ كدي في الأوّل وقّع لي حكاية إبليس دي!
المستعجل: يا شيخ العرب نحن مستعجلين.
شيخ العرب: والله قال إبليس قال! إبليس دا مشى لولآد أعمّك في البيت قالهم امشوا
اسرقوا جمال الناس؟
المستعجل: لكنـ....
شيخ العرب (مُقاطعاً): والله حكاية! تسرقوا جُمال الناس، وعُقُب تسووها في إبليس؟!
المستعجل: يا شــ...
شيخ العرب: والله حكاية إبليس دي لكن حكاية! تسوّو سواتكم، وتعلقوها في إبليس
المسكين دا!؟
بعد رجّة ومناتلآ شديدة جداً حتي شيخ العرب اطلق سراحهم.
المستعجل قال لصاحبو: البلآ، شيخ العرب التقوّل إبليس ود اعمّوا!!!!!!!!
|
Post: #13
Title: Re: الزول دا لحُوّح خلاس. والله صحي. معانا هنا...
Author: Osman Musa
Date: 08-29-2014, 01:16 PM
Parent: #12
والله يا معاوية عمك شيخ العرب
طلع هو البلح ألحاحا ويصرو الحاحا زي ما قال شيخنا عادل أمام
|
Post: #14
Title: Re: الزول دا لحُوّح خلاس. والله صحي. معانا هنا...
Author: معاوية المدير
Date: 08-29-2014, 10:15 PM
Parent: #13
Quote:
والله يا معاوية عمك شيخ العرب
طلع هو البلح ألحاحا ويصرو الحاحا زي ما قال شيخنا عادل أمام |
والله يا ود موسى تبارك طلع
اظرط من شيخ العرب...
|
|