طرنقاشة

لغير الجادين

تكس تأكل تجلي تعيد في كلا الحالات الفرصة موجودة
مفترع بتاع زول ملان هموم وعايز اتغطي انوم
سالو مسطول من أحسن الناس ؟؟؟
قال: صالح .. لانه كريم ويسقي كل الناس ماء.
سألوهو: مين صالح ؟
قال : والله ما بعرفو بس دائما اقرأ ... ماء صالح للشرب.

Quote: مفترع بتاع زول ملان هموم وعايز اتغطي انوم

خلاص داير تتهرب من المسؤلية وتعمل فيها عوير وتنوم ؟
اتا اسع مش متغطي ؟ وداير تتعولق وتنوم ؟
اعمل الحركة دي
دخل لسانك بين شلوفتك التحت وسنونك تلاتة مرات واعمل جق جق جق

يا عباس زمان زمن البلي الحلموظ كان اللين مثلث شايفو بقى دايره أها أشق اللين ولا أقيف وسط البلد وأهتف ولا أقول وسط الدايرة يا أجمل ........ ، ولا أعمل ساتر نظام (يدا وما كلو)
يا ركس أنت متهم بالتمرد على الواقع وتبني ثورة فكرية ضد البديهيات سياسية كانت أم إجتماعية صحيح دا واقعنا بجماله وقبحه لكن كمان الإتهام هنا لأنك خرجت عن المألوف وكتبت بطريقة جديدة. بكل ما في البلى الطرنقاش من مرح وضحك وبشاشة وبساطه إلا أنه يخفى خلفه بحوراً من الدموع والألم.
شكراً ركس وتكس راجع وجوز لا يخسر

Quote: دخل لسانك بين شلوفتك التحت وسنونك تلاتة مرات واعمل جق جق جق

تسمع النهرة ومعاها حميرة حاااارة ...يا ولد خلي كلام قلة الأدب (ومرات كلام السفاااهه ) البتعمل فيهو دا

Quote: تسمع النهرة ومعاها حميرة حاااارة ...يا ولد خلي كلام قلة الأدب (ومرات كلام السفاااهه ) البتعمل فيهو دا

بس عليك نور الكلام دا موجه للمذكور اعلاهو المنطر عيونو دا وتلقاهو اسع عملا طلاطاشر مرة وكمان قدام مرايتو السمحة ديك
لكن بتكون ريحتو تصدق
واتا ذاتك يا عمر السلمة بعد كبرك دا تلقاك اسع عملتها
كلكم دايرين تتهربوا من المسؤلية لكن حرم اشيلكم فوق الدبر يا اولاد البقز قايلين العيشة دي ساهلة ساهي

حضر التلميذ من المدرسة منهك وجوعان نظر الي والدته ثم بادرها بسؤال؟؟
ماما الليلة ما عندك غداء و ل شنو ؟
ردت وعيناها تملؤها الدموع ... اخربني يا ولدي البيت ما فيهو التكتحو.
ثم التفت الابن يمين وشمال فلمح جروا صغيرا للجيران بقرب الباب فقال لها.
ماما الناس قالو عادي بتاكل لحم الحمير وقت الله جاب لينا الجرو في بيتنا اضبحي وحمري لينا
قالت له وهي تتعصر من الالم .... نجيب الزيت من وين
طيب يا ماما اعملي لينا مشوي !!
قالت: سجمي نلقي الفحم وين والنار اولعوها بي شنو مع طين المطر القعد ليهو شهرين الواطه ابت تنشف.
طيب اعملي لينا سليقه.
انبوبة الغاز فاضية يا روح امك
ثم التفت الي فرن الكهرباء وكاد أن يصيح باعلي صوته ((وجدتها ... وجدتها)) ماما دخلي لينا الفرن بناكلو بي ملح بس
فلم تتمالك نفسها من الشفقة عليه فقالت:
الكهرباء يا ولدي لينا شهر ما شفناها...
عندها صاح الجرو ... سير سير يا بشير ...هي لله لا للسلطه ولا للجاه

Quote: دخل لسانك بين شلوفتك التحت وسنونك تلاتة مرات واعمل جق جق جق

أوووووووووو حبيبنا الغالي ود البوش شوقنا بحر
بالله عليك مرت عليك سنة زي العلينا دي .. رمضان والعيد ومعاهم المدارس وما تقعدي ليك اسبوعين اكبس عليك عيد الضحية تصدق الايجار في نصهم وبعد كده الجماعه قالو عايزين اغيرو عفش البيت.
ذكرتني نكتت العروس الجات من شهر العسل وقالو ليها امنيتك شنو !!!
قالت ليهم البس سرولي.

Quote: قالت ليهم البس سرولي.

انا الوداني اتونس مع اللطرش شنو ؟
.
.
عاين جاي
قالوا واحد اطرش ومرتو بكتب ليهو
يوم كتبت ليهو
قوم شيل الانبوبة الانبوبة جيب الغاز
طبعا دي من اصعب الحاجات لمن تكمل
كتب ليها
خلاص دقائق بس
مرت ربع ساعة وما قام
جابت ورقة كبيرة وبالخط العريض كتبت ليهو
الغااااااااااااااااااااااااااااااااااز
كتب ليها
يا مرة اوعك ترفعي صوتك علي

Quote: يا عباس زمان زمن البلي الحلموظ كان اللين مثلث شايفو بقى دايره أها أشق اللين ولا أقيف وسط البلد وأهتف ولا أقول وسط الدايرة يا أجمل ........ ، ولا أعمل ساتر نظام (يدا وما كلو) يا ركس أنت متهم بالتمرد على الواقع وتبني ثورة فكرية ضد البديهيات سياسية كانت أم إجتماعية صحيح دا واقعنا بجماله وقبحه لكن كمان الإتهام هنا لأنك خرجت عن المألوف وكتبت بطريقة جديدة. بكل ما في البلى الطرنقاش من مرح وضحك وبشاشة وبساطه إلا أنه يخفى خلفه بحوراً من الدموع والألم. شكراً ركس وتكس راجع وجوز لا يخسر

حبيبنا almulaomar سلام
بارك الله فيك وكتر خيرك في متابعتك للمفترع
الزمان دا خليهو ساكت اتقلب فوق تحت

زمان كنا بنقول للضيف .. مرحب بيك في اي وقت
حسي بقينا نقول... ياخ كان تقول لينا جاييكم
كنا بنقول الجار قبل الدار
حسي.. يا زول الزم بيتك وخليهو في بيتو
كان الناس بتتلاقي يوميا للونسه
حسي ما بلمهم غير فراش الموت والعزاء
كنا بقول الاهل عز
حسي بقو الاهل عقارب

تحياتي وتقديري

Quote: تسمع النهرة ومعاها حميرة حاااارة ...يا ولد خلي كلام قلة الأدب (ومرات كلام السفاااهه ) البتعمل فيهو دا

عمر سلام يا حبيبنا
ياخ ود البوش كلو براءه
مرة حكي لي نكته ما عارف هو متذكر ول ناسي
حدثني عبدالله بن البوش...
واحد من الشباب مشي لي حلاق لقاهو مزحوم قال ليهو دوري بجي متين
الحلاق قال ليهو بعد ساعتين ... الشاب مشي وما رجع
بعد يومين رجع وسال الحلاق نفس السؤال
الحلاق قال ليهو دورك بعد ثلاثة ساعات مشي وما جاء راجع
بعد ثلاثة ايام رجع وسأل نفس السؤال
الحلاق قال ليهو دورك بعد نص ساعة
الشاب طلع منو بي سرعه جاري جري
الحلاق قال لي صاحبو بالله شوف لي المجنون دا بمشي وين
طلع صاحبو ورجع ميت من الضحك
الحلاق قال ليهو ليه بتضحك لقيتو بمشي وين
صاحبو قال ليهو: ود الحــــرام دا بمشي بيتك

اثنين من الكيزان بتاعين السفح واللفح ما خلو ارض ما باعوها ما خلو اغاثه ما اكلوها عملوها شينه لما والي الخرطوم خجل دخلوهم السجن.
لقو جوه السجن واحد ممسوك بي سجارة بنقو معاهم في الغرفة اتفقو إهربو زي ما هربو جماعة الماسورة في سجن ام درمان.
قالو احفرو الحيطه بالدور
الكوز الاول بنخر في الحيطه وبحفر طلع ليهو جان..
شبيك لبيك الجان بين ايديك
قال ليهو بالله ماليزا ... فرررر الكوز طار ماليزيا
الثاني بحفر جاهو الجان.
شبيك لبيك الجان بين ايديك
قال ليهو... عليك الله يا الجان تركيا بسرعه ... دقيقه وصل تركيا
المسطول وممسوك في سيجارة البقو جاهو الدور قعد احفر طلع ليهو الجان.
شبيك لبيك الجان بين ايديك
قال ليهو بالله رجع لي الكيزان الاثنين خلينا نواصل حفرنا نطلع من هنا

واحد من ناس المؤتمر الوطني من كثرة الذنوب وحق الناس واموال الشعب وسفك الدماء بحلم بي الليل احلام مزعجة ومخيفه مرة حلم مات ودخل النار لقي فيها كيم كاردشان وهيفاء وهبي وشاكيرا.
بعد فترة جاهو ملك الموت جد جد راح فيها سألوهو الملائكه عايز تمشي وين وزولنا عامل فيها مفتح ومقددها قال ليهو النار طوالي مشي لقي فيها ناس ابو جهل ومسيلمه سألهم وين ناس كيم كاردشان وهيفاء وهبي وشاكيرا
قالو ليهو ادخل نارك يا زول دي كانت اعلانات

مسطول دقو ليهو ناس الزبالة الباب ....
قالو ليهو عندكم زبالة
مشي لي زوجتو قال ليها عندكم زبالة .... قالت ليهو ايوه
رجع قال ليهم ما عايزين شكرا