آآآآآآآآآآ نِـجـيـمـات ...

الليلة قلنا نبحبت الدفاتر،
ونقلّب المواجع...

الرسول آآآآنِـجـيـمـات
في ضلآم الغربة ضاويات
وفوق بيوت حِلتنا طالآت
اغرن السمحين سلآمي
انا شوقي فوق الحد طمح زآد
شوقي لنيلنا وجروفنا
وكيف تِميراتنا مسويات
شوقي لرملآت فريقنا
لسمرنا وللملمات
التمُر جبّد وسلّ
فوق ارضنا رمى الدِفيفِيق
كُل صبياً مآلي عِبو
وختَّ بصمتو في العراريق
بكرة يبقى أُم راس وعجوة
ويهدي للسمحة الشخاليّب
شوقي لبسماتا تضوي
فوق مدارآت الفريق
شوقي ليها بحورو طآمحة
دي نور جمالها بضوي الطريق
آآآآنِـجـيـمـآت...
اضوي لتربالنا يقرع
يروي لحيضانو يزرع
في ربوع بلدي السلآم
يسقي في وآديكِ خضرة
يا بلدنا يقصر الكلآم
في جروف واطاتُو ينقح
طيفو فوق احلآمي حآم
انا في ليالي الغربة ساهر
طرفي جافاهو المنام
آآآآآنِـجـيـمـآت...
شوقي لحبوبة داقسي
مع نِسيمات الصباح
للرواكيب والكرآرِق
وللغِنيمات في المُراح
للتقابيب والخلآوي
العامرة بأهل الصلآح
شوقي فات حد التساب
شوقي تب ما شوق نَصآح
داير اقعد في تُكُلنا
إتغدى بكِسرة ومُلآح
الرسول آآآ نِـجـيـمـآت...
في سماء قريتنا ضاويات
طُلّن القُمري المعشعِش
في سباليق البيوت
أرمن الضو فوق رمالنا
أشرحن لأهلنا حالنا
نحن اضنانا السُكوت
حظنا العاثر قهرنا
لبلدنا نهاجر نفوّت
بدعو شاحد المولى
يحفظنا ونعود
تِنعدِل ختوتنا تِنحلّ القيود
في ديار الغربة
لا نشقى لا نموّت
آآآنِـجـيـمـآت...
النوصيكن تقولن لأهلنا
يدعو لينا،
دعاهم المقبول يصلنا
يسألوا المولى الكريم
لينا يتحقق أملنا
بكرة نرجع تاني
لمرتع جهلنا
لسواقينا ونخلنا
فوق مشارع الريدة
يا الحبان نزلنا
نودع الآم البُعاد
ونبلل الشوق الكتلنا
آآآنِـجـيـمـآت...
في مجال الغربة دايرات
فوق ديارنا هناك طالآت
كيف أهلنا؟
كيف سواقينا ونخلنا؟
نحن حرّ الشوق كتلنا
آآآنِـجـيـمـآت
آآآنِـجـيـمـآت.

ود المدير...

يا سلاااااااام يا قريبك
قصيدة حنينة و عمرانة بالمحبّة و ريحة البلد
تعرف قولة (اغرن السمحين سلامي) كان كت كتبتها إقرءن كان مسّخت القصيدة مرة واحدة

Quote: يا سلاااااااام يا قريبك قصيدة حنينة و عمرانة بالمحبّة و ريحة البلد تعرف قولة (اغرن السمحين سلامي) كان كت كتبتها إقرءن كان مسّخت القصيدة مرة واحدة

ود البشرى يا صديق.

يا اخي مرحبا بك وبطلتك البهية،
ومشكور علي إعجابك بالقصيدة.
إن شاء الله ربنا يقدرنا علي تقديم ما يرضيكم...

Quote: شوقي لحبوبة داقسي مع نِسيمات الصباح للرواكيب والكرآرِق وللغِنيمات في المُراح للتقابيب والخلآوي العامرة بأهل الصلآح شوقي فات حد التساب شوقي تب ما شوق نَصآح داير اقعد في تُكُلنا إتغدى بكِسرة ومُلآح

لا حولا ولا قوة يا ود المدير


حرااااااام عليك ياخ

جبتها من وين دي الليلة

وفتقت الجرح بعد ما طاب

عليكم الله ياجماعة زول مليان
طيبة وحنان زي جني المدير
ويقول عايز يفوتنا عاد ماكلام
اعوج

مشكور يا هيثم علي رفد البوست بأغنية
الرائع محمد النصري.

دائماً أقول عليهو، النصري وُلد عملاقاً
علي مهد الطنبور.

لك مودتي يا ود الغالي...

Quote: لا حولا ولا قوة يا ود المدير حرااااااام عليك ياخ جبتها من وين دي الليلة وفتقت الجرح بعد ما طاب

يا ود الغالي،
نحن حرّ الشوق كتلنا...

Quote: مشكور يا هيثم علي رفد البوست بأغنية الرائع محمد النصري. دائماً أقول عليهو، النصري وُلد عملاقاً علي مهد الطنبور. لك مودتي يا ود الجعلي...

سلامات وعوافي يا ود المدير

النصري يا ود المدير الكلام عنو

دايرلو بوستات وبوستات

النصري مدرسة براااااو

بعدين انا اسمي هيثم غالي وهو الما غلى شنو عليك الله

وليس الجعلي


تسلم وعليك الله دايماً فتحلنا جراحاتنا القديمة

دي من وقت لاخر


تحياتي

مكرر

Quote: عليكم الله ياجماعة زول مليان طيبة وحنان زي جني المدير ويقول عايز يفوتنا عاد ماكلام اعوج

لقيتكم ما بتتفاتو يا ود القرشي،
فعدلت عن أمري الذي كنت قد
عزمت عليه.

لك كامل مودتي يا رجل...

Quote: سلامات وعوافي يا ود المدير النصري يا ود المدير الكلام عنو دايرلو بوستات وبوستات النصري مدرسة براااااو بعدين انا اسمي هيثم غالي وهو الما غلى شنو عليك الله وليس الجعلي تسلم وعليك الله دايماً فتحلنا جراحاتنا القديمة دي من وقت لاخر تحياتي

ود الغالي يا غالي،
حياك الغمام.
آسف علي الخطأ، ولك المودة.
بالمناسبة لي نسيب إسمه هيثم الجعلي.

حقاً النصري هرم يصعب تخطيه، ويستحق وقفة...

هاك الرآبط دا:
مُـحـاولآت أرجـو أن تـرقـى لِــمُسـتوى الـشِعْـر ...

مودتي...