خلاص قلنا الروب كل شيء غالي نار !###

الحاكم الفاشل هو من يحرك له ساكن ويري اهله امام نظريه في ضيق وعنت بل اصبحو ا جيوش من المتسولين ولا يستطيع حراكا ها نحن أصبحنا تحت خط الفقر خط فقر شنو قاعدين في قبور بس شوية مقبولة لاوضاعنا دي بالنهار ضوبان رهيب وبالليل ناموس ما تقدرب عينك تغمد
ولا قادرين نشتري اي شيء حتي طلب الفول أصبح ثمانية جنيهات شاغلين بوش موية فول ساي ورغيف بيكون حق اول امس ما امس يعني الفول بقي لكبار المواظفين طبعا البوش بزيت الفول الا تكون جيعان عشان ما تحس بمرارة الزيت والبوش وموية الجبنه بقت بقروش تعرفوا هو العضام عند الجزار بقت بالوزن وكيلوالجداد بقي باربعين جنيه طبعا السمك اكل قيادات تفيذية سياسية ولا بنحلم ذاتو نمشي ناكل سمك يا بشه الرحمة بالله خلاص قلنا الروب و قزارة البيبسي نشوف بس في التلفزيون والشاي الا تمشي بيت بكي وكما القهوة خليها ساي تكون عيان اهلك أشتروا ليك بن عشان قبل خرجة الروح تنعنش شوية وما تموت خرمان ما باب الموت الواقعي كدا او اللي فيهو تضامن اسري !
بالمناسبة حسي الخرطوم اصبحت مدنية اشتراكية ممكن تشارك في كل شيء يعني كان عايز تشتري بطيخ وسعر البطيخة الواحدة اربعين جنية ممكن تلقي واحد يدفع العشرين ويقسم معك وهكذا دواليك ما عداالحاجات التي يحرم الشرع الشراكة فيها ايوة !
يا جماعة سمعتو بالدكتور اللي قاعد جنب عيادات كبار الاطباء والجراحين تجي عندك اي شيء متطوع يفحصك بدون قروش لكين علاجو كلوا بس نمشي المطعم الان تاكل كويس ما في مرض وممكن لا مافي عندو مريض يمشي معك المطعم دكتور وخريج شغال بالساهلة اي نمشي المطعم سوا
وكمان لو عايز ليك سابك دا اعالي اجر في سوق العمال الان ممكن تأجر مفتاح انجليزي معه صبي الساعة بعشرين جنيه يشرح كيف تستخدم المفتاح
وعادي في المواصلات ممكن تركب واحد ولا واحدة تفتح معك موضوع ولما تنزل ولا ينزل او انت تعمل فيها شهم يقولوا للكمساري الحساب مع داك يا خي حتي لو واقف منتظر زول او ماشي في الشارع كميات المتسولين فات كل تصور والمواظفين معنا لساعة عشرة في المواصلات ديل ح يشتغلو امتين
اي محاولة انتحار بتنجاح الايام ما عارف ليه طوالي فلان انتحر فلان انتحرت بقت بس السويد في نسب الانتحار يا بشه الله يرضي عليك شوف ليك زول كراعو خدرة يجي يحلنا من الاوضاع الكعبة دي
يا خي والله الكيزان ديل فات بني صهيون في الظلم !!!!
والسلام ختام يا شباب ###