Post: #1
Title: ما هو وجه الاختلاف بين بكري المدينة والبرازيلي روماريو ؟
Author: صبري طه
Date: 08-21-2014, 12:00 PM
Parent: #0
|
Post: #2
Title: Re: ما هو وجه الاختلاف بين بكري المدينة والبرازيلي روماريو ؟
Author: صبري طه
Date: 08-21-2014, 12:02 PM
Parent: #1
البرازيلي روماريو = أفضل من يتعامل مع الكُرة داخل خط 18 وأفضل من يتعامل معها في حالات الانفراد بالمرمى
|
Post: #3
Title: Re: ما هو وجه الاختلاف بين بكري المدينة والبرازيلي روماريو ؟
Author: صبري طه
Date: 08-21-2014, 12:04 PM
Parent: #1
طبعاً بكري المدينة = عكس الكلام الفوق دا يعني = أسوأ من يتعامل مع الكُرة داخل خط 18 وأسوأ من يتعامل معها في حالات الانفراد بالمرمى
وأكون غلطان وما عندي موضوع وجاني على عُشّاق كُرة القدم لو مشيت فتّشت لي يوتيوب خاص ببكري المدينة !!
|
Post: #4
Title: Re: ما هو وجه الاختلاف بين بكري المدينة والبرازيلي روماريو ؟
Author: صبري طه
Date: 08-23-2014, 06:42 AM
رغم صناعته للهدف الأوّل وإحرازه للهدف الثاني في مُباراة أمس الجمعة أمام الزمالك إلاّ أنّه لم يحرمنا من موهبته في سوء التعامل مع الكُرة داخل خط 18
|
Post: #5
Title: Re: ما هو وجه الاختلاف بين بكري المدينة والبرازيلي روماريو ؟
Author: خالد المبارك
Date: 08-23-2014, 07:12 AM
Parent: #4
التحية لك الاخ صبري
هذا كمن يقارن بين الصناعة و التكنلوجيا في السودان و في البرازيل !!
نعم بكري المدينة بالامس رفع من معنوياتنا امام كثير من الخلق و لكن
بكري المدينه نفسه و الكرة في الهلال عموما في حاجة للتدريب رغم انني مريخابي و رغم ان الهلال هو و على مدار العشر سنوات افضل فريق سوداني
اللاعبون في حاجة الى تعلم اساسيات كرة القدم
معقوله لاعب يلعب في دوري ابطال افريقيا يركب من فوق للكورة و تزلقو ؟؟ و هو في منطقة خط 18 الخصم و المذيع يرفع صوته لحرارة المشهد فاذا باللاعب و هو جاري يركب على الكرة فينزلق ،، بالله ده مستوى ؟؟؟
معقولة لاعب يلعب في دوري ابطال افريقيا لا يستطيع استلام الباص و لا تمرير كره سهلة لزميله ؟؟؟
الكورة يتم تثبيتها بالساق و المؤخرة و تضرب في البطن و الركبه و .... غايتو اصلا ما تحس بي سلاسة و منطق في تمرير الكرات و استلامها
مع انو ارضية الملعب مستوية و تحفز على التمريرات البرشلونية الارضية القصيرة الممتعة لكن ..
علي بالطلاق اكون لاعب في فريق زي الهلال و لا المريخ الا اقول لي ميسي و نايمار انتو شنو
لانو المسأله فقط تدريب على الكرة لا اكثر لا عايزة قروش و لا اي حاجة فقط مهارات فردية كيف تستلم و كيف تمرر و كيف تحافظ على كورتك براك في بيتكم ممكن تعملها
لكن الشي البشوفو ده اكاد اجزم ماف لاعب سوداني بيشاهد ساي مشاهدة مباريات البوندسليقا او اللا ليغا لانو لو كان بس بيشاهد كان اتعلم
و
إييييييييييييييييييييييييه يا زمن الصبر المر
الله يطراك بالخير اخونا عثمان
م
|
Post: #6
Title: Re: ما هو وجه الاختلاف بين بكري المدينة والبرازيلي روماريو ؟
Author: أيمن دياب
Date: 08-23-2014, 07:25 AM
Parent: #5
أخي خالد المبارك..
الحمد لله الذي عافانا من متابعة مباريات الهلال منذ فترة طويلة..
لأن المستوى لا يشجع على الانفعال والتوتر و(حردان العشاء)..
عندك زي عبداللطيف بوي.. طوال عمرو في الهلال ما لعب باص صحيح..
كل باصاته تذهب سهلة، وسهلة جداً إلى الخصم..
وكذلك عكسياته.. لم يحدث أن عكس كرة مريحة لمهاجم داخل الخط..
وأي كرة مشتركة مع المهاجم يكون فيها فاول لصالح المهاجم..
يعني ما بعرف يستخلص الكورة من غير ما يرتكب مخالفة..
بوي لا يشبه الهلال.. ومن أجل أمثال بوي تركنا الهلال..
|
Post: #7
Title: Re: ما هو وجه الاختلاف بين بكري المدينة والبرازيلي روماريو ؟
Author: حمزاوي
Date: 08-23-2014, 07:33 AM
Parent: #6
اخوي صبري ود طه
مسكاقمي
وينك يا راجل
مبرووووووك الفوز
الكابتن بكري المدينة هو اللاعب الايجابي الوحيد في الهلال بل في الكرة السودانية في الوقت الراهن
دا من وجهة نظري كمتابع ... مع احترامي الشديد لرأيك
نشوفك
|
Post: #9
Title: Re: ما هو وجه الاختلاف بين بكري المدينة والبرازيلي روماريو ؟
Author: صبري طه
Date: 08-23-2014, 08:42 AM
Parent: #7
مسكاقمي أخي حمزاوي .. وليك وحشة ياخ ...
Quote: الكابتن بكري المدينة هو اللاعب الايجابي الوحيد في الهلال بل في الكرة السودانية في الوقت الراهن
دا من وجهة نظري كمتابع ... مع احترامي الشديد لرأيك |
يا حمزاوي أشك في إنّك لعبت كورة !!
غايتو إلاّ إذا كُنت زي بكري كدا 
هذا مع احترامي لرأيك ...
|
Post: #8
Title: Re: ما هو وجه الاختلاف بين بكري المدينة والبرازيلي روماريو ؟
Author: صبري طه
Date: 08-23-2014, 07:49 AM
Parent: #5
تحياتي أخي خالد المُبارك ...
| Quote: الكورة يتم تثبيتها بالساق و المؤخرة و تضرب في البطن و الركبه و .... غايتو اصلا ما تحس بي سلاسة و منطق في تمرير الكرات و استلامها |
يا خالد عندي ليك نظرية وهي:-
لو عايز تعرف لاعب الكُرة تعلّمها في صغره أو كبره ما عليك إلاّ وأن ترفع له الكُرة عالياً وتطلب منه أن يستلمها (ينزلها) .. وبعدها سيأتيك الخبر اليقين
تمتّع مع زيدان ...
|
Post: #10
Title: Re: ما هو وجه الاختلاف بين بكري المدينة والبرازيلي روماريو ؟
Author: صبري طه
Date: 11-03-2014, 06:59 AM
Parent: #8
مبروك للمريخ ...
|
|