الفيصل بيننا وبينكم صناديق الاقتراع فقط...

نداء الى كافة الأحزاب.. الوقت يمر سريعا.. والانتخابات على الأبواب.جهزوا انفسكم وشمروا عن سواعد الجد.. قوموا صفوفكم واستنفروا قواعدكم.. لا تنشغلوا بسفاسف الامور فتصبحوا من النادمين.. اللهم بلغت اللهم فاشهد

انفضوا غبار الإحباط وازاحة هاجس الخج التي تقمصتكم عبر الفوز الكاسح للمؤتمر الوطني الأخيرة

اي بطبطة من ناحيتكم حا تلقوا نفسكم اب سايد داون

المجاهد ودالباوقة سلام
كلامك ده نصيحة تخدرك

شيخي المسلمي .. خايفين عليهم من غراق الحجرة

يا ود الباوقة: انتو قاعدين تزوروا الانتخابات فعلاً ... عاين الفيديو التحت ده


الاحزاب تخش الانتخابات لشنو طالما انكم بتزوروا الانتخابات؟

يا ايمن

ديل طابور خامس يا اخوي

العبوا غيرها

ثم ما زال هناك متسع من الوقت للحاق بالركب

الدبرسة لن تفيدكم بشيء

بالله في زمتك يا ود الباوقة بعد خمسة و عشرين سنة من حكم الانقاذ ضاق فيها الشعب كل انواع العزاب والدمار والقتل والافقار، في زمتك لو في انتخابات حرة ونزيهة حيصوت ليكم ليه؟؟؟؟؟؟؟؟؟؟؟؟؟؟؟؟؟؟

بالفعل نصيحة طيبة أخي ود الباوقة

هلا هلا ود الباوقة.

شايفك جاي مسخن من الإجازة !

القصة فيها خجة جديدة ولا أيه ؟

كفاكم عبث
الضرب في الجنازة لا يجدي
مرحلة النضال بالتحاور و العراك مع الكيزان و اذنابهم في المنابر فد انتهت ايها المناضلون الشرفاء
دخلنا الان مرحلة اسقاط النظام
من يفتكر منكم ايها الشرفاء ان الحوار او الرد علي عملاء الكيزان و كشفهم في المنبر نضال فليذهب و ينام فالنوم اجدي.
جميع الاعضاء و القراء الان يعرفون من همالكيزان في المنابر و يعرفون ايضا من هم اذنابهم في المنابر وايضا يعرفون مهمتهم
المدفوعة الاجر التي يؤدونها في المنابر
كيف تتحاورون مع من لا يحترم حرمة الموت و يبيح شرف الموتي من الرجال و النساء ؟؟؟؟؟؟
متي تبلغ المعارضة في المنابر سن الرشد؟؟؟؟
متي نخرج من الوهم الذي نعيش فيه ان الحوار لغة تنفع مع مافيا الكيزان و هم لم يحاوروو احد منذ 30/6/1989؟؟؟؟
هل حاور الكيزان الشهداء د. علي فضل ام حاوروا مجدي او التاية او شهداء رمضان ام حاوروا قائمة الشهداء
طويلة ..................
و كل ضحايا بيوت الاشباح ؟؟؟؟
هل حاوروو صفية اسحق في مكتب الامن؟؟
الا هل بلعت اللهم اشهد 2012
http://www.facebook.com/groups/BDFSudanhttp://www.facebook.com/groups/BDFSudan
الجبهة الديموقراطية العريضة (سودان)

Quote: رسالة إلى ادروب... قول ليّ يا ادروب عليك وجع السنين... خجيتو ليه؟؟؟ خليهو يا ادروب عشان ناساً غلآبة وكادحين... خليهو يا ادروب عشان ناساً بتحلم من سنين بوطن صحيح من غير جراح من غير ألم، من غير انين خاجيهو ليه؟؟؟ خليهو يا ادروب عشان شجر الأراك يفرح يعانق ديم عرب وترب هدل ووطن السمآح ينسى الجرآح ينسى الحصل... قول ليّ بس... خاجيهو ليّه؟؟؟ وادوّك كم؟؟؟ مبلغ بِسد رمق الصغار؟ والآ الفتات، من بعد ما نهبوا الديار؟؟؟ خلوها خاوية على عُروشا كما الصريم وضح النهآر لا راعو لطفلاً بيصرخ في الظلآم... لا احترمو شيخنا بعد وقآر... بمدخل الدين... جونا داخلين التتآر... خجوها خج... خج السوآد... خج الرمآد... ما خلو شِي ناس لابتحس، لاتختشي... ما بين مُرآبي ومُرتشي... وسفآك دماء نام مُنتشي من بعد ما لعق الدماء من بعد ما انتهك الحِمى... جوغة ضِبآع، وقطيع سباع متوحشة... اسرآب نسور تغتات على جُثث الصغآر... خجوها خج وضح النهار... قول ليَّ بس... خجيتو ليه؟؟؟ وشِن دار تجيب لي ها الوطن!!! غير المِحن غير التخلف والفتن... غير الشتات غير العذآب... غير الكلآب تنبح تهوهِو ليل نهار شيخها العجوز دقولو طآر ينقُز يهِز... ما راعى في نفسو الوقار ينفخ نفخ!!! زي الورر عامل جعيص... عامل خطر!!! قول ليَّ بس... شِن دار تجيب لى ها الوطن؟؟؟ غير الضياع غير الفِتن؟؟؟ غير ناس بتعترف النفآق... عشرين سنة!!! من الضياع، من العناء من الألم والعكننة من الوجع ومُر الضنى... وبرضك تخُج!!! يا زول اقيّف... خلي الوطن ينجمَّ من رهق السنين... خلي الغلآبة الكادحين يرتاحو من طول الأنين يتنسمو الحُريّة في الزمن الضنين... إنصرفو، لا صفى، لا انتِبآه... يا عُصبة الحُكم اللعيّن... يا ظآلمين... يا غادرين... إلى الجحيّم... إلى الجحيّم... إلى الجحيّم... إلى الجحيّمــــــــ... معاوية المدير...

القضية ليست نزاهة الإنتخابات فقط
القضية الجوهرية هي عدالة الإنتخابات
إنتخابات تقيمها وترعاها جهة جاءت
يوم جاءت بإنقلاب عسكري لا يمكن إعتبارها
إنتخابات حقيقية مهما عملوا لها من ديكور
دائماً الإنتخابات التي تعقب إنظمة إنقلابية
تكون تحت ظل حكومات إنتقالية..
وهذا هو المثال الذي حدث في كل الديمقراطيات الماضية
دعنا من ذلك
شي بسيط يا ود الباوقة لو فعله المؤتمر الوطني
سوف نعتبر الإنتخابات حقيقة ومن المعارضة أطلب
تبنيه كخيار ثاني بديل لخيار الحكومة الإنتقالية وهو: على المؤتمر الوطني فقط تقديم مرشح مدني
وغير عسكري لتتحقق الندية والجدية ولتضمن المعارضة جدية في نية التبادل السلمي...
إذا كان المؤتمر الوطني يعجز عن قيادة الحكومة بشخص مدني يعني ذلك
أن الدولة شمولية أمنية والمؤتمر الوطني غير جاد في التحول الديمقراطي
وفقط الإنتخابات مسرحية هزيلة لا تغير شيئاً

---

Post: #14 Title: Re: الفيصل بيننا وبينكم صناديق الاقتراع فقط... Author: ود الباوقة Date: 08-20-2014, 06:30 AM Parent: #8 الزغلباني دينق يا اخوي سلفاكير دا داير يقعد لا متين في الحكومة دي ؟؟؟؟؟

---

Post: #13 Title: Re: الفيصل بيننا وبينكم صناديق الاقتراع فقط... Author: ود الباوقة Date: 08-20-2014, 06:27 AM Parent: #7 اخي وائل اني مشفق عليهم بحق وحقيقة الانتخابات هي فرصتهم الاخيرة للتداول السلمي للسلطة تشكراتي

---

Post: #15 Title: Re: الفيصل بيننا وبينكم صناديق الاقتراع فقط... Author: فتح العليم محمد أبوالقاسم Date: 08-20-2014, 06:35 AM Parent: #1 قبل الانتخابات علينا أن نتصالح كسودانيين قبل كل شئ وان يتم ذلك بإرادة سودانية . لقد اخفقنا كثيرا في الحكم منذ الاستقلال وحتى الان ، عدة حكومات مشوهة . يجب الدعوة للتصالح ووضع السلاح قبل الانتخابات التى لن تفيدنا كثيراً طالما استمر النزاع . يجب محاسبة المفسدين وكل من اساء لهذا الشعب . امل يا شيخ عمر الدعوة للحوار بدون شروط مسبقة وأن تكون النوايا طيبة لتنفيذ ما يتم الاتفاق عليه حيث لاضمان لاي اتفاق إلا الاردة السودانية الخالصة . دمت بخير وعافية

---

Post: #16 Title: Re: الفيصل بيننا وبينكم صناديق الاقتراع فقط... Author: Alshafea Ibrahim Date: 08-20-2014, 05:13 PM Parent: #15 بالله على السريع كده عملتو شنو في الربع قرن الفات عملتوا شنو في الأربع سنوات الأخيرة عندكم شنو للأربع سنوات الجاية ؟ ومعا لاستكمال النهضة أرى فيما أرى لا داعي لقيام أي انتخابات فأنتم فائزون ، ولا عزاء لأي حوار 7 *7 أو 7 - 7 ليه ما تشيلوا مليارات الانتخابات دي وتمشوا بيها غزة ؟؟ يا ندم كبير الشفيع

---

Post: #17 Title: Re: الفيصل بيننا وبينكم صناديق الاقتراع فقط... Author: الهادي ابوبكر Date: 08-20-2014, 05:24 PM Parent: #16 انتو المصاريف دي في شنو ما تعملوها (لا) أو(نعم) .. كسرة: سوري قال مشى في واحدة من اقتراعات الأسد، واختار لا بدل نعم... طلع صحبوه بيسأله شو سويت. قال اخترت لا، قاله يخرنيتك هلا يجوك المخابرات. قله طيب اروح اعدله نعم قله اي بسرعه قبل لا يسكره. صاحبنا مشى قال للماسك الصندوق خاطرك انا كتبت لا بالخطأ وبدي اصلحها. صحبك قليه، اي عدلنالك ايها بس تاني مرة لا تغلط.

---

Post: #18 Title: Re: الفيصل بيننا وبينكم صناديق الاقتراع فقط... Author: فرح الطاهر ابو روضة Date: 08-20-2014, 05:40 PM Parent: #17 النجيضة حتعملوا القوائم وحدكم ولجان الانتخابات ليكم وحدكم وستعدوا انفسكم وحدكم وبرضه حتصوطوا لانفسكم وحدكم وحتزوروا وحدكم وتفوزوا وحدكم وسينكسم الشعب السوداني وحدكم اطمئن مافي مشاركة في اي بدعة انتخابية

---

Post: #20 Title: Re: الفيصل بيننا وبينكم صناديق الاقتراع فقط... Author: Nasr Date: 08-20-2014, 07:04 PM Parent: #18 قال ود الباوقة Quote: الانتخابات هي فرصتهم الاخيرة للتداول السلمي للسلطة معقول يا ود الباوقة المؤتمر الوطني نازل انتخابات بنية تسليم السلطة لخصومة (سلميا؟؟؟؟؟؟؟؟؟؟؟؟؟) ياخ ما ممكن !!!! لو أنك قلت أننا سننافس المعارضين ومتأكيد من فوزنا لإحترمت إحترامك لعقولنا أنا أنزل انتخابات ضد مرشح الحزب الوطني ومرشح الحزب الوطني هو من يستمل صناديق الإقتراع وهو من يحرسها وهو من يعد الأصوات وبعد ذلك (ولأمانته الفايتة الحدود) سيسقط في الإنتخابات؟؟؟؟؟؟؟؟؟؟؟؟؟؟؟؟؟؟ لماذا تصرفون كل هذه الأموال في فعل لن يكسب أي شرعية لا في نظر العالم لا في نظر الشعب السوداني؟؟؟ (تدهسني جاموسة عمياء لو كنت عارف إجابة علي السؤال دا) لو واثقين من ثقة الشعب فيكم أتفقوا مع القوي السياسية السودانية (أسياد الحق والذين إنقلبتوا عليهم) علي حكومة إنتقالية تشرف علي الانتخابات وبعد داك حتشوف الأعمي شايل المكسر تسجيل وترشيح وتصويت

---

Post: #21 Title: Re: الفيصل بيننا وبينكم صناديق الاقتراع فقط... Author: محمد هاشم ابوزيد Date: 08-21-2014, 06:00 AM Parent: #20 اخونا عمر المشكله قروش مافي لمجابهه منصرفات الحملات الانتخابيه في كل احزاب المعارضه. المبلغ المدفوع من الدوله غير كافي واغلب الظن ان الموتمر الوطني بيستخدم بكاسي الدوله وموظفين الدوله وثلج الدوله وخرفان الدوله وخيم الدوله وكل موراد الدوله في حملته الانتخابيه. مافي فايده في المنظور القريب لذلك انا شخصيا افوض امري لله واطلب من منسوبي الوطني ان يتفقوا فيما بينهم ويطلعوا لينا بي ناس كويسين مع توخي الصدق والامانه اذا وجدت قدر الامكان. المهم السودان.