تذكار عزيز

الشاعر المرحوم مصطفي عبد الرحيم ذلكم الشفيف الرهيف سكنه موزع بين المسالمة وحي العرب مخدة نومه بالمسالمة وباقي يومه في حي العرب :
رغم شعره الوفير

لديه في مكتبة الغناء السوداني 3 اغنيات

بداية بهوج الرياح التي لحنها وأداها صديقه المرحوم احمد الجابري

ههات يا زمن
جيب كل أحزانك
تعال جيب المحن
طول يا أسى
وكتر ينابيع الشجن
جرعني كأس
من لوعة من آلام
ما المحبوب خلاص
خلاني ليك الليلة راح
خلف في قلبي الحسرة
والشوق والجراح

خلي النواح
فاض قلبي شمعة
وحيدة في هوج الرياح
خلاني ليك أنا يا زمن
وخلى الشجن
---------------
الليل يهوّد بي
ويبقى تلت الأخير
يطويني في رحابه الوثير
أنا والظنون
وعذابي
والصمت المثير
---------------
خلاني وحدي جناح كسير
وانا والدموع والشكوى والليل والشجن
رماني ليك راح يا زمن
وخلى الشجن
من بعد ما علمني ريد
فجر عواطفي غنا ونشيد
بدل مراير الوحدة والهم أحلى عيد
علمني أبني حياتي من أول جديد
أشرق في عمري هواه زي أجمل صباح
وكساني بالآمال وشاح
قلبي المتيم بيهو
بي احلامه باح
تاه في رياضو الرائعة في جنة استراح
لكنه وين الليلة راح
واصبحت يا أيام حزين
---------------
باكي العيون محتار
أقول ماليه حنين
إيه غيرو
بدل عواطفو صبح ضنين
إمكن ظنون
إمكن خلاص إن شك في قلبي الأمين
قلبي المحال في يوم يخون
قلبي الملان حنية زاخر بالأمل ومهما حصل
أملي الوحيد لحبه مكتوب في الأزل
لايمكن
أبداً
مستحيل
في يوم أميل
لغيره وأعشق تاني زول
مهما يكون بالود بخيل
لو حتى يجرح قلبي
أنا برضي صابر يا زمن
بكل أجزانك تعال
جيب المحن
---------------

هوج الرياح لحنها الجابري حيث بدأ المقطع الاول هادئا يتسم بالحزن ليرتفع معدل الحزن في المقطع الثاني ويعود هادئاً في المقطع الاخير لعل وعسي!!

مترجماً لوعة واسي واحزان وصبر مصطفي عبد الرحيم

الإلياذة الغنائية الثانية لهذا الشاعر المتفرد هي تذكار عزيز

تذكار عزيز
كلمات مصطفى عبدالرحيم ..
غناء إبراهيم عوض
جرحي الأليم الشايلو تذكار
طول حياتي أسى وهموم
جرحي الدفين العذبك يا قلبي
طول عمرك أنين
داريتو في الأعماق سنين
غنيتو للعشاق حنين
شكوى وشجون
غنيتو أصدق أغنيات
أصبح مجرد ذكريات
وين الصلات وين الشموع
الفي دروبنا منورات
وبقت هموم
أصلو القلوب الهايمة تعبد في الجمال
بتضيع سنينها الحلوة بالريد إبتهال
ولهانة تحلم بالوصال
مسكينة تحلم بالمحال
لي متين بتبني قصور رمال
ما كفاية يا قلبي الجمال
خلاك تذوب شكوى وسهر
ودر شباب عمرك هدر
شال النضارالكان مفرهد ومزدهر
خلا الشقا وخلا اليباب
الكل ثانية بعيشو لحظات من سراب
أحسو في روحي إغتراب
أحسو شوق وشقا وعذاب
نار في الضلوع وجرح أليم


تترجم اسي ووشوق وشقا وعذاب هذا الرهيف الحريف الشفيف والحرفنة مش في الكورة وبس حتي في الشعر هناك حرفنة في تدفق الكلمات المسقية بلحن الشجن وسنعود لذري الغناء السوداني ابراهيم عوض الذي صدح بهذه الاياذة الغنائية السودانية

له الرحمة والمغفرة

تذكار عزيز هي من الاغنيات القلائل ان لم يخني التوثيق التي قام الفنان ابراهيم عوض بتلحينها وقد افلح في ترجمة القصيدة علي شريط اللحن ووفق تماما