Post: #1
Title: الفنانة دي سمحة سماحة وماسكة زمن جد-فيديو
Author: ذواليد سليمان مصطفى
Date: 08-19-2014, 02:43 PM
Parent: #0
عن صدفة شاهدة مقطع الفيديو بعنوان: فضيحة الفنانة تغني وهي سكرانة
|
Post: #2
Title: Re: الفنانة دي سمحة سماحة وماسكة زمن جد-فيديو
Author: Elmosley
Date: 08-19-2014, 04:00 PM
Parent: #1
سقوط مريع ولكنه ليس بغريب
في وطن يموت الناس فيه قتلا وجوعا
|
Post: #3
Title: Re: الفنانة دي سمحة سماحة وماسكة زمن جد-فيديو
Author: ذواليد سليمان مصطفى
Date: 08-19-2014, 04:22 PM
Parent: #1
قالوا احتمال ينفجر قنبلة
سماحة الزول في الظول العرض
شبشبة
|
Post: #4
Title: Re: الفنانة دي سمحة سماحة وماسكة زمن جد-فيديو
Author: Mohamed Yassin Khalifa
Date: 08-19-2014, 06:47 PM
Parent: #3
ذو اليد سلامات
الغناية دي عرفتوا كيف إنها كانت سكرانة؟ ولو كانت سكرانة دي بتعني ليك شنو؟
السكر خشم بيوت... وموش يمكن إنها كانت سُكرى من الطرب والجو الشبابي ده؟
ديل شباب حلوين أعادوا لينا أيام شبابنا والفرحة والبهجة في زمن الغفلة!
دعوهم لفرحهم وبهجتهم وغيهم...
|
Post: #5
Title: Re: الفنانة دي سمحة سماحة وماسكة زمن جد-فيديو
Author: aosman
Date: 08-19-2014, 07:13 PM
Parent: #4
إتااااااااااااااري, أنا الليلة من ما دخلت البورد ده شامي لي ريحة عرقي ,,,,, وأقول الريحة دي جاية من وين؟؟؟؟ إتاري الفنانة سكرانة لط ..... حسبي الله ونعم الوكيل
|
Post: #6
Title: Re: الفنانة دي سمحة سماحة وماسكة زمن جد-فيديو
Author: Mohamed Adam
Date: 08-19-2014, 07:21 PM
Parent: #4
Quote: ديل شباب حلوين أعادوا لينا أيام شبابنا والفرحة والبهجة في زمن الغفلة!
دعوهم لفرحهم وبهجتهم وغيهم... |
بالجد ديل شباب حلوين ، بريئين ومليانين نشوه وطيعاً دا كُله تم بمجازفتهم الخاصه -
- علي حسب إمكانياتهم المتواضعه.- ياريت السلطات المسؤوله تشجعهم وتهيئ ليهم نوادي، سنمات ، ومنتزهات بها مسارح مفتوحه
تهدف ترفيهم وزرع البسمات علي وجوهم ، زيّ ما هي قاعده بتهيئ وبتشجع في بناء المساجد و الجامعات بتاعت الفقه الديني.
مثل هؤلاء الشباب الواحد فيهم بيكون أقرب لله لأنه متسامح ومتصالح مع بيئته ومع نفسه أكتر من الجماعه البهناك.
.
|
Post: #7
Title: رد
Author: محمد عمر الفكي
Date: 08-19-2014, 07:42 PM
Parent: #6
غايتو لا شفت لي عرقي لا شفت سبيرتو لا شفت واحد بطرش ولا شفت واح بيترنح، شفت لي فنانة بتغني بطريقة شاكيرا وجنيفر لوبيز وبريتني سبيرز وغيرهن
انت يا ذو اليد مشتهيلك سكرة؟
|
Post: #8
Title: Re: الفنانة دي سمحة سماحة وماسكة زمن جد-فيديو
Author: Elmosley
Date: 08-19-2014, 10:38 PM
Parent: #1
Quote: سقوط مريع ولكنه ليس بغريب
في وطن يموت الناس فيه قتلا وجوعا |
غناء ساقط غير جدير للشآسف
|
Post: #9
Title: Re: الفنانة دي سمحة سماحة وماسكة زمن جد-فيديو
Author: معاوية المدير
Date: 08-19-2014, 10:48 PM
Parent: #8
| Quote: غناء ساقط غير جدير للشآسف |
ادركو الفن يا موصلي.
تحياتي للجميع...
|
Post: #10
Title: Re: الفنانة دي سمحة سماحة وماسكة زمن جد-فيديو
Author: Mohamed Adam
Date: 08-19-2014, 11:13 PM
Parent: #8
| Quote: غناء ساقط غير جدير |
أستاذنا وحبيبنا الموصلي مع التحيّه والإحترام.
هؤلاء الشباب لو دخلوا عليهم جماعتك الملحنين الكُبار وناس تصحيح المفرده وناس التنظير
بتاعين إجازة الصوت والهوس الكتير دا من المؤكد يقولوا ليك دا فن ساقط ، وفن هابط ولازم
الفنان يكون جادي مايغمض عيونو وما يحرك مؤخرتو ويمسك المايك ويقيف كالعود امام المُشاهد!!
أكيد يا خوي حتخربون عليّهم هذه البهجه وهذه العفويه ..
نظريّات الفن العاجيّه بتاعت الأكاديميات ديكت ، مابتنفع مع فن بريئ كهذا
لأنو دا فن بالجد متمرد وعصي علي واقعنا المُزري كما أنه طالع من رحم الشارع
لينفض غبار الهوس والكبت الديني الذي علق به من زماااااان..
يا الموصلي شجعوهم أو أتركوهم لحالهم..
خلاص الشارع تقدم علي الأكاديميات بسنوات ضوئيه!.
.
.
.
|
Post: #11
Title: Re: الفنانة دي سمحة سماحة وماسكة زمن جد-فيديو
Author: Elmosley
Date: 08-19-2014, 11:37 PM
Parent: #10
Quote: نظريّات الفن العاجيّه بتاعت الأكاديميات ديكت ، مابتنفع مع فن بريئ كهذا
. |
غايتو عشان خاطرك حبيبنا محمد
على الله ينطلقوا بالفن السوداني الى عوالم جديده
|
Post: #12
Title: Re: الفنانة دي سمحة سماحة وماسكة زمن جد-فيديو
Author: Mohamed Adam
Date: 08-20-2014, 00:51 AM
Parent: #11
Quote: غايتو عشان خاطرك حبيبنا محمد
على الله ينطلقوا بالفن السوداني الى عوالم جديده |
يا أستاذنا يوسف..
الظاهره دي لوبقت عشان خاطري وخاطرك - كمجاملات - بيكون موضوعها ساهل ومُمكن نتفق عليّ حسمها:
نكسر البيانوا ، السماعات والمسكناه من الشباب بنوقفه في حدو أو رحنا سلمناه لي ناس الدوريه أو لناس الأمر
بالمعروف والنهي عن المُنكر وجو تربسوه يا غرموه ويا جلدوه كم سوط كدا وفكوه!!
لكن، المشكله أكبر من كدا بكتير.!!
نعم يا يوسف هم منطلقين بالفن السوداني نحو عوالم جديده وذلك رغماً عن إرادتنا!!
كما أن هذه العوالم الجديّده نفسها منطلقه بهم نحو توحيد الحس الفني العالمي المُشترك!
وهذه سنة من سنن حياتنا وأيضاً، تعتبر بمثابة سمه من سمات عصرنا هذا ، ولحسن الحظ ،
الآن هي نطفه تتشكل أمام أعيُننا !! شئنا أم أبينا...
هذا الفن الذي وصفته بالهابط يا الموصلي ليهو روادو داخل السودان وخارجه .. بل هم الغالبيه!!
في النهايه علينا ان نقبله ونحتطنه رغم عنادو ونفوره. عن الموروث والمألوف عندنا!!
كخطوه أولي متسامحه مع الواقع:
لابد أن نقبله كفن أصيل وليس نقبله بإعتبار أنه خيار ونهمشه بحجة هبوطه!!
وماهي معاير هذا الهبوط!!
هذا الفن من المؤكد بالنسبه لمُحبيّه موازي لمقطوعات برعي محمد دفع الله وأغاني وألحان
الأستاذ يوسف الموصلي..إلخ. فهو ليس بهابط علي الأقل في نظرهم وهم هنا التيّار الغالب
كمتذوق وكمتفاعل!.
. والخيار الآخر أن ننبذو ونقلل من شأنو ومن ثم نذهب للفن الغير هابط ولكنه قطعاً
هذا لابمثل هؤلاء الشباب المُتمردين علي حالة التقوقع الفني!
|
Post: #13
Title: Re: الفنانة دي سمحة سماحة وماسكة زمن جد-فيديو
Author: Muhib
Date: 08-20-2014, 01:33 AM
Quote: سقوط مريع ولكنه ليس بغريب
في وطن يموت الناس فيه قتلا وجوعا |
يااااااااا استاذ ..الناس سعيده ومنتشيه ..ياخ تعال انت زاتك ونقز وارقص وجه ضاحك .... .. دا فن للرقص .. مع محبتي لك يا موصلي ولكن والله خانك التعبير ..ديل شباب حلو ومنشي وحر ..
خلييك ليبرالي وشجع الفن من الغير الاكاديميه .. الناس فعلا تموت جوعا وقتلا ولهذا السبب ولاخر بتنفس علي نفسها من خلال هذه الايقاعات الجميله والرقص الراقي ..
كلنا مع حريه التعبير عن طريق الرقص والغناء (الاكاديمي ) والشعبي والغير ..
وطننا يسع كل مواطن .. وكل تعبير ..
لك الحب ولهذا كتبنا لكم ..
|
Post: #14
Title: Re: الفنانة دي سمحة سماحة وماسكة زمن جد-فيديو
Author: نادر الفضلى
Date: 08-20-2014, 02:09 AM
Parent: #13
الغناية دى لو شاربا بتكون شاربا شاى بى لبن ما سكرانة .. شالوها نقزو بيها ونزلت من السرج
للواطة ومواصلة هز ورقيص لا إترنحت لا وقعت
لاحظت أن المجموعة كلهم (اولاد) ، ما فى بنات غير البت البتغنى وترقص وواحد تانية واقفه بعيد
واضح أنها رحلة فى منطقة معزولة والجماعة رابنها وواخدين راحتهم .. دا نوع غنا وبهجة حدها فى
محلها، ليست للمداولة والمشاهدة بفيديو وليس لها علاقة لا بى فن غناء أو فن رقص أو خلافه
كلمة (فنانة) كلمة كبيرة وأكيد هذا ما إستفز الأستاذ الموصلى .. البت دى قد تكون من المعدودات
من فنانات هذا الزمان .. ولكن فى مشهد الربه الخاصة دا الأنسب أن يطلق عليها مغنية !
|
|